老厝邊

營業中

休息中

今日比較早食，避開左上班族lunch時間起司肉鬆蛋餅旅行時去台灣早餐店都會叫下，長期無伏😏😏香濃既起司和鹹香既肉鬆，再配上鋪頭既醬料，簡單好味道，而且夠熱辣辣😋 大腸麵線個人比較鍾意既台灣小吃之一，用細細既麵線煮，裡面放左滷過既豬大腸、蒜末、香菜同醋，算比較重口但好入味，亦很地道👍🏻👍🏻👍🏻 塔香鹹酥雞 塔香鹹酥雞唔單止有金黃酥脆的冇骨雞肉，仲有炸左既九層塔，雞件本身應該醃過先炸，所以非常惹味🤤🤤而且鋪頭比既份量都多，性價比極高🤟🏻🤟🏻 香炸魷魚外酥內嫩，口感彈牙，非常欣賞魷魚出面層粉唔多，食完冇咁多罪惡感😊😊anyway, 而家好多茶樓都未必整到咁好食👍🏻👍🏻 經典珍珠奶茶&珍珠鐵觀音奶茶兩款茶味都好出，成日飲珍奶最驚茶味唔夠，始終我地都飲港式奶茶大😌😌珍珠都好有彈性和嚼勁，係我鍾意既口感 ☺️☺️ （最怕淋得黎唔q彈的珍珠🥶🥶）

小兒興趣班落堂後，喺附近搵食，見到呢間餐廳都多好評，於是就入內一試。餐廳有兩層，但樓下未坐滿，樓上唔開放。餐廳唔大，放咗好多枱櫈，枱與枱之間嘅距離好窄。餐單上好多嘢都想試，於是點咗：滷肉飯（ 大， $42）： 啲飯好削， 滷肉汁好鹹，寧願佢俾少啲汁，因為啲汁多到每粒飯都有，想溝淡啲都唔得。 滷肉就正正常常，不過不失，有肥有瘦。塔香鹹酥雞 （$39）：熱辣辣上枱，雞肉好juicy，但真係好鹹。半筋半肉麵（$76）：因為我要照顧咗小兒先開始食，食時已經放咗一段時間，所以啲麵沉腍哂，唔確定本身麵質如何。但其中一塊牛𦟌好韌，唔好食。起司肉鬆蛋餅（$40）：之前食開嘅蛋餅都較圓，今次呢間係煎到扁身嘅蛋餅，幾有趣。蛋餅皮煎得好香脆，餡料好多肉鬆，芝士都食到，但唔突出。不過，整體嚟講係好食嘅。綿密芋頭鮮奶（$30）：失策，飲品上枱後才記起忘了要求走甜，結果，老公話超級甜，感覺飲糖水咁。但，入面係真係有香芋嘅。總括而言，只有蛋餅值得食。

😋又到荃灣搵食😌係門口見到入面又多人食，都想食下滷肉飯同鹽酥雞，裝修好似又靚，就入去同老公食咗個晚餐😌好食👍🏼🍜滷肉飯叫咗小，滷肉汁夠，所以食到底唔會無汁送飯😂味道唔太咸，啱好，滷肉又好淋，好食，合格😌回頭率🈵🈵🈵🈵🍜招牌牛三寶麵超好食🤤煮到啲牛筋牛腩牛肚超淋超入味，連個湯底都好入味，所以每一啖湯一啖麵再咬一啖肉，超滿足，誠意推介👍🏼回頭率🈵🈵🈵🈵🈵💯🍜塔香鹹酥雞炸到好脆，夠味，味道有台灣風味！香炸魷魚一樣👍🏼呢個係我想入去食嘅原因之一🤣回頭率🈵🈵🈵🈵🍜芝士肉鬆蛋餅好食，肉鬆夠多，芝士流心，好正🤤回頭率🈵🈵🈵🈵🧋青蛙撞奶完全出於好奇心，咩係青蛙撞奶呢😂，叫完飲咗一啖就知原來係冬瓜做嘅奶茶😁好特別！！經典珍珠奶茶真係好經典👌🏼回頭率🈵🈵🈵🈵🚻店內有廁所🪑目測坐位有50人🚇荃灣西鐵站步行8分鐘就到======================滷肉飯 小$34招牌牛三寶麵$83塔香鹹酥雞$39香炸魷魚$36芝士肉鬆蛋餅$40青蛙撞奶$27經典珍珠奶茶$25

今次黎開荃灣，又想食台灣野，上網搵到呢間就黎左試下，由荃灣站行過去都行左大概10分鐘，係一間小店🤩 我哋大概兩點幾到，餐廳入面都坐滿曬人，我哋都等左有20分鐘🥹🥹1️⃣味道✨花雕醉雞呢道菜好香酒味，而且啲雞都唔老，配埋杞子成道菜就好養生🫣✨起司肉鬆蛋餅我哋一致覺得呢樣係最好食❗️身為起司同肉鬆控，真係覺得好perfect match! 而且佢嘅肉鬆唔會硬綁綁，非常推薦！✨肉鬆皮蛋豆腐呢道菜都好好食😋唔好睇皮蛋配豆腐好普通咁，配埋肉鬆先係精粹，而且個醬好正！✨塔香鹹酥雞一黎到嘅時候熱辣辣，但係炸皮太厚✨經典滷味拼盤呢個拼盤有齊豬耳、豬大腸、豆乾、海帶同滷蛋，份量好足，食完好飽🤤✨飲品珍珠鐵觀音奶茶：茶底有鐵觀音味，但係珍琳略硬愛玉芒果綠茶：呢杯係三杯入面最好飲嘅🤤叫左少甜覺得甜度就啱啱好，有好香芒果味，連埋愛玉好好飲椰果蜂蜜檸檬：叫左少甜都好甜🥹 2️⃣服務服務態度良好，就算我地坐耐左都唔會趕我地走3️⃣環境餐廳佈置精美舒適，牆上有唔同相，而且唔算迫🤩

平時都成日返工食台灣野好多時候D 味道都麻麻d 炸雞唔係太咸就唔脆今次我叫左2種炸雞一個係塔香鹹酥雞另一個係甜酸炸雞食得出2隻炸雞係同一舊醃肉佢同其他台灣餐廳一樣 唔會因為唔同味道 用唔同方法醃雞肉但同其他台灣餐廳唔同係佢唔會是旦淋d 醬上去而係會幫你撈好 呢點食得出佢有用心做而且炸雞肉好滑 一咬落去見到仲有油出炸得岩岩好又脆但為一我覺得唔好就係個酸甜雞太甜食完食其他野都無味蛋餅個味就一般 肉鬆加芝士咁嘅味 無特別不過要快食 凍左d 芝士痴埋就無咁正面線我食左一匙羹 評價唔到

//< 老厝邊 >呢間台灣菜係荃灣同大角咀都有😆小編平日晚市去都滿座～————————————- 起司肉鬆蛋餅 $38 -唔知係咪放左陣所以無拉絲效果🥲 蛋皮煙韌，餡料份量正常～ 小編非常喜愛所配既汁！少少鹹甜，好夾🤤🤤————————————- 滷肉乾拌麵 $40 -滷肉肥瘦參半，幾好食😆拌麵無咩特別，淋少少但係唔會太糊！主要睇大家想食飯定麵🤣————————————- 眷村牛肉麵 $60 -麵質Q彈，湯底濃郁得黎唔會過鹹～ 仲要加左酸菜，好正宗！牛肉厚切唔韌，再淋多少少會更好🤪整體不錯👍🏻————————————- 塔香鹹酥雞 $38 -雖然比較細粒但係唔乾唔油膩😀，調味適中，不會過鹹，正常發揮～————————————- 古早味冬瓜茶 $18 -小編唔鍾意飲冬瓜茶所以無試😛朋友話正常！————————————- 蜂蜜檸檬愛玉 $24 -小編叫左少甜少冰🧊都唔會好酸！有愛玉有咬口，酸酸甜甜超級開胃！🥰 喜歡喜歡💕————————————評分：7.3/10地址：荃灣大壩街25號地舖營業時間：11:30-22:00

之前係大角咀總店食過 印象記得都係唔錯既一間食店🤔新分店開到黎食肆臨立既荃灣 一於去試吓佢質素仲保唔保得住😌下晝三點黎到 人山人海爆晒場 不過唔算等咗好耐就有位✌🏼食店分咗兩層 帶有少少古舊風格 環境唔算十分闊落➷食物選擇有好多 基本上台式麵食小食呢啲都應有盡有🍜經典啲既台式飲品佢都有包辦埋 款式大路 選擇眾多😂➷🔸眷村紅燒牛肉麵湯底未算係好濃郁 不過夠香 有淡淡既牛肉味😋麵都偏向爽身 唔會腍晒 口感黎講都岩岩好👍🏼牛肉係非常之厚切 又大塊🤭個種五香都幾入味肉質可以再腍少少就會再好啲😌➷🔸薯餅起司蛋餅蛋餅係出色既 見佢有薯餅蛋餅 覺得好新穎 忍唔住就試吓😂煎得好靚 餅皮唔會過厚 內餡包得夠扎實 唔會散收收👍🏼味道上都唔需要刻意再調味 因為本身薯餅既味道已經好突出再加上厚厚既芝士 基本上就已經好perfect🤤➷🔸塔香鹹酥雞🔸炸甜不辣小食份量都幾多 炸雞既鹹香味幾出 而且夠晒香脆雞肉唔會乾身🍗入面既肉汁都保留到 配上塔香味絕配😌最近真係好鍾意食甜不辣 因為佢既煙韌口感😋基本上味道各方面都無特別問題👍🏼➷🔸珍珠鐵觀音奶茶🔸超級檸檬紅茶飲品方面都唔太差😌茶味唔太重 珍珠有咬口甜度可以控制 所

放工經過老厝邊見到冇人等位, 於是同老公衝入去食晚飯, 見到入面嘅裝潢同播住台灣歌, 感覺就如去咗台灣食店咁! 不經不覺已經2 年冇飛了, 真係好懷念可以隨時飛嘅日子。店員安排咗中間嘅座位俾我哋, 本來都仲有D 位可以揀, 但係唔夠10 分鐘食店已經FULL 晒! (好彩早咗嚟咋)我哋填咗點餐紙之後, 食物好快就到啦! 滷肉餅(小) - 上次叫咗個大, 嘩! 太多啦! 今次叫咗個細, 剛好! 肉係用半肥瘦, 凍愛玉芒果綠茶 - 可以揀甜度同要幾多冰。我哋叫咗微糖少冰。愛玉好Q, 唔太甜, 好飲。燙青菜 - 加咗魯肉汁, 燙得淋, 不錯。塔香鹹酥雞 - 炸到好香脆, 唔油, 不過鹹咗D。起司肉鬆蛋餅 - 好好味! 仲有拉絲! 肉鬆都幾多, 而且蛋餅面煎得香脆, 正!

收工約左朋友過左黎荃灣大壩街食野搵左間老厝邊食台灣野平時見都唔少人排隊今晚就可以直入另外見佢仲有間總站係大角咀餐廳仲有上層類似閣樓咁我地坐個位冷氣就好勁餐牌其中全頁都係飲品都揀左好耐先諗到飲乜另外麵類都好多款仲有便當可以揀先黎既係鹹酥雞一黎到有少少嚇親份量比起其他台灣餐廳多好多兩杯都係三寶奶茶因為選擇困難所以揀左樣有三樣野既入面有紅豆珍珠同涼粉份量十足不過真係會甜到漏建議少甜芋泥蛋餅有個招牌符號食落去真係超重芋味呢個唔錯幾好食朋友點既滷肉便當有蛋兩份配菜同一份涼菜呢度食物都真係幾大份下麵就揀左三寶麵全部都可以揀湯麵同拌麵我就當然係揀乾既三寶有牛腱牛筋同牛肚一樣都好大份舖到成個碗滿晒而麵條都幾煙韌台式餐廳好多都唔洗加一呢間都係埋單269呢度服務唔錯有置物籃可以放袋食物都足料大份價錢都OK可以再戰

這晚放工後想吃台灣菜，知道在荃灣開了這間台灣菜便來一試。晚上大概七點多來到，不需等位，即時可以上樓上雅座。店內是滿座的，人來人往，主菜點了一份大滷肉飯滷肉飯鋪滿飯面，味道可以，但略嫌汁太多令飯有點林。再點了炸雞扒便當；一上枱，分量非常多，性價比高。炸雞香口美味很大塊。小食店了塔香鹹酥雞及香酥排骨我哋只有兩個人，每樣都想試，最後點了這兩款小吃。份量都很多，最後都是吃不完要打包呢！但是每分炸物性價比都很高，即叫即炸，很香脆內有肉汁。最後點了這麼多東西都是是貳佰圓多一點，性價比很高！

之前食過大角咀分店，都覺得幾抵食，見到佢開咗新店係荃灣，即刻想試吓同大角咀有冇咩分別，第一感覺就係大好多，好坐好多，仲要分左上下層，我7點幾去到下層岩岩好坐滿哂，就安排左我上上層坐，上層就細啲，但舒服啲。大概8點就全場爆滿要等位。第二就係發現冇左$28最平既麵，睇番先知原來大角咀都加左價，最平既細大腸麵線+$2變$30，不過只係部份加咗價，都仲係好抵食！我地食到飽叫到成枱都係每人$100到！-🤍大腸麵線 大$38🤍超濃芋泥蛋餅 $38🤍滷肉飯 大$38🤍塔香鹹酥雞 $38🤍香炸魷魚 $35🤍蜂蜜茉莉綠茶 $21-🤍 大腸麵線⭐⭐⭐⭐大腸有8件左右，比之前食過既份量縮小左，味道就差不多，湯底稠度、調味剛好，係正宗既大腸麵線，麵線份量正常。-🤍 超濃芋泥蛋餅⭐⭐⭐⭐同大角咀食過既感覺一樣。賣相都係爆芋泥爆芝士🥰。不過依間味道再偏淡啲，蛋餅有咸香味，但芋泥偏淡，所以反而濃味既係變左芝士，芝士多到拉絲拉唔斷😂😂不過對唔係芝士控既人黎講都幾膩幾飽。-🤍 塔香鹹酥雞［滿星］⭐⭐⭐⭐⭐‼️外層炸得好香脆，炸粉唔會過厚，食落每粒都好juicy，會爆汁，調味都剛好，唔會過鹹過淡，正！-環境：8/10服務：

平日食LUNCH  見到呢間新開嘅台式食店日日勁多人排，LUNCH 實在冇咁多時間等, 見今晚早咗收工, 行過見到有位, 即刻拉埋老公入去食。💙食店主色係TIFFANY BLUE, 但係配上舊式裝潢, 仔細睇下個門牌都好台FEEL。入到去坐低, 原來仲有上層嘅, 樓梯扶手位同上面靠邊位都用咗舊花嚟裝飾, 感覺統一。食店有晒最傳統嘅台式食物, 好似牛肉麵、滷肉飯、酥炸雞排、台式香腸、甜不辣等.....另外仲有比較特別嘅蛋餅, 蛋餅有勁多選擇, 雖然好想試芋泥蛋餅, 但係老公唔太鍾意食芋頭, 所以都係揀返個香蒽牛肉起司蛋餅先。我哋仲叫咗滷肉飯、滷肉乾拌麵 (好鍾意食滷肉 )、塔香鹹酥雞、燙青菜。因為勁肚餓, 所以叫咗勁多嘢食 塔香鹹酥雞 - 呢個超好食! 雞炸到勁脆但唔油, 而家表面係淡淡嘅鹹香味, 咬落去雞肉仲好JUICY! 食唔停口! 食完雞, 連九層塔都食埋! 超正! 滷肉飯 (大) - 個飯超大碗, 面頭係滿滿嘅滷肉, 仲有醃蘿蔔同滷蛋! 滷肉用咗半肥瘦嘅肉, 唔會好膩, 亦唔會好鹹! 而且滷肉勁多, 好夠送飯! 滷肉乾拌麵 - 因為真係好鍾意食滷肉, 所以叫埋滷肉乾拌麵。台式嘅乾

之前經過已經好想試，但礙於成日都好多人排隊，所以一路冇入去食，今日見冇咩人排隊就即刻衝左入去😂因為好耐都冇食過台灣野❤️入面裝修幾有台灣風味，仲有少少舊式香港茶記嘅感覺！我哋叫咗：秘製麻辣牛三寶麵首先湯底濃郁，又好香麻辣味，正！配菜有牛筋、牛腱同牛肚，三樣嘢都好「林」易入口！😋麵條煙韌彈牙，成碗面都好好食！值得推介！滷肉飯（細）佢嘅滷肉唔同一般台式餐廳用絞碎豬肉，而係用豬腩肉切粒，所以食落口感唔鞋口，仲食到啲豬肉油香，好味！❤️塔香鹹酥雞薄薄嘅脆皮加上雞肉嘅肉汁，增加口感層次！另外香濃嘅塔香味留喺口腔入邊久久不散，令人食過返尋味🥰薯餅起司蛋餅呢個比較普通，因為我哋好鍾意食薯餅嘅關係所以諗住叫黎試吓，其實都幾好食，薯餅襯芝士係冇得輸，不過唔太特別。黑芝麻鮮奶其實佢啲黑芝麻都幾香，如果多啲就更好飲！👍🏻