A.T.A.S

叫咗個二人Set - $418辣椒蟹醬配饅頭炸饅頭外脆內軟辣椒蟹醬份量都幾多而且幾惹味不過好似有啲稀就咁沾會沾唔到要搵匙羹幫一幫手放上個饅頭度囉喏同朋友都唔知呢個係咩嚟好似幾新奇咁所以就決定試一試原來佢係一個沙律入面有唔同嘅配料有啲水果，又有啲脆脆同埋炸豆卜嗰調味就酸酸甜甜咁好開胃麥皮老虎蝦 - +$30老虎蝦好大隻肉質結實鮮甜蝦頭都有好多好香嘅蝦膏平時溝水溝奶嘅麥皮就食得多就咁乾食唔知大家又有冇食過？原來都幾好食少少甜甜地咬落又脆脆地好似食緊啲好健康嘅薯片咁咖啡骨呢個有驚喜呢個骨嘅咖啡味好出苦中帶甜鍾意飲咖啡嘅人應該會幾鍾意呢個味個Ribs都好滑而且啲肉唔會黐骨食起上嚟都唔算麻煩叁岜通菜通菜唔會好老個調味都幾好少少辣咁幾惹味斑斕奶茶 - $33斑斕味唔係好出奶茶飲落又有啲淡味-美祿爆炸 - $58美祿波波又勁多粒好有童年回憶個味都幾濃…查看更多

餐廳：A.T.A.S地點：銅鑼灣邊寧頓街菜式：星加坡菜餐牌：平日午市有午餐，主食8選1，包熱咖啡、茶、或汽水。可以加錢要小食，價錢$88，價錢唔貴。入口係地下，要行樓梯上一樓。入面裝修非常光猛，以綠色同白色為主，好新淨簡潔，感覺舒服。肉骨茶肉骨茶原來係原盅上，入面有兩條豬骨，兩舊豬肉同三件白蘿蔔。個湯胡椒味適中，好飲，唔會太辣，都唔會油膩。配大大碗白飯，仲有兩大段香脆油條。沙爹米粉 加$10沙爹米粉大大碟，用特色靚碟上，幼身白色米粉伴有超爽口蝦仁兩隻，爽脆魷魚多件，少量肉片，仲有通菜同吸汁豆卜，材料豐富。加上大量沙爹醬同花生碎，個醬好惹味，仲有好多粒粒黃豆粒，配滑溜米粉好正！呢個主菜好食。囉喏 加$38囉喏係油條，豆卜，青蘋果，梨，菠蘿粒，加上特色醬汁同花生碎加白芝麻粒，味道甜甜地，口感夾集香脆同爽脆，好有特色。咖梛吐司 加$38咖梛吐司一客有兩片麵包，分成四件入口size，係脆口朱古力味toast包住豐富牛油同咖梛醬，甜絲絲，好味道。斑斕薏米水 $28斑斕薏米水色水呈淺綠色，叫左少甜，味道剛好，下底好多薏米，加添咬口。玫瑰青檸水 $28玫瑰青檸水色水就呈紅色，入面有青檸，叫左少甜，味道都夠甜，甜中帶青檸香。今餐既菜式平時少食，都係幾特別既一餐。…查看更多

朋友bookmark嘅餐廳 話想試下新加坡菜一行三人叫咗個2人set再加個麵同咖央多士 2人set: HKD388-辣椒螃蟹醬配饅頭 （🔆大推）-囉喏 （🔆大推）-參岜魔鬼魚 （無魚味但特別）-咖啡骨 （重咖啡味 舊骨唔細但都有肉）-馬來風光 （意外地辣嘅炒通菜） 另加：-月光河粉 HKD118 （打卡100分唔惹味炒河）-咖椰爆醬HKD68 （極級甜多士）-斑蘭奶茶 HKD30 （冇斑蘭味嘅奶茶） 🔆辣椒螃蟹醬配饅頭 辣椒螃蟹醬分量勁多 原本擔心會唔會太辣 點知完全唔辣 好好味 想叫個飯撈嚟食🤣 饅頭就正常炸饅頭 記得趁熱食 🔆囉喏 好特別嘅小食 個汁甜中帶鹹 鹹中帶酸 配埋水果好夾 值得一試！ 好少會食到👍🏻 🔆參岜魔鬼魚好少會食魔鬼魚 啲肉係一條條 冇咩魚味 但配參岜醬就幾好味 食完唔會覺得好特別 好快已經唔記得係咩味🤣 🔆咖啡骨見食評多人推薦就試下 咖啡味好出 有驚喜 但就唔係其他人講到咁少骨同多肉 都幾大舊骨同埋肉質可以再淋啲 好多肉都黐住啲骨 食完淨係覺得咖啡味重 冇乜特別 🔆馬來風光冇諗過最辣係依道菜🤣 我唔係好食到辣 食咗少少就停咗手 普通炒通菜 叫二人set嘅可以試下 但覺得唔需要單叫 🔆月光河粉打卡100分 但食完0印象嘅炒河🤣 作為炒河忠實fans 好少會食完炒河但無感想 記唔起個醬汁係咩味🤣海鮮配料都足料 蛋黃做唔到昇華嘅效果 純打卡 總結就係唔惹味嘅炒河 🔆咖椰爆醬打卡100分系列 層次分明 食到晒牛油、花生醬、朱古力醬同咖央嘅味 加埋一齊係極級甜 個味覺好神奇🤣 成個感覺就係「甜甜甜」但又食得出所有味 不過太似食緊流心嘅糖 一次就夠 建議多啲人先好叫 一人一舊啱啱好 如果下次試會想叫返普通嗰款 🔆斑蘭奶茶大失望 同朋友一人一杯 但大家都唔係好飲到斑蘭味 單純係一杯淡淡地嘅奶茶 個奶味仲要係奶粉個種 會expect足料少少 🔆總結值得一試嘅新加坡餐廳 打卡度十足 呢個價錢嚟講份量都好足料 環境都乾淨 但去洗手間個環境就略差 要上一層環境有啲陰森🤣 食物方面就得兩至三道菜係推薦 其他菜式味道略嫌不足 睇賣相會以為好惹味 但味道同期望有好大落差 黎一次就夠 到而家都唔明點解個炒河可以無咩味 但又唔係難食🤣…查看更多

近排有朋友介紹銅鑼灣新加坡菜✨A.T.A.S✨原來人氣十足🏆食過都舉起手指公推薦👍🏼由地道新加坡廚師主理👨🏻‍🍳有齊新加坡名物🍽️試到正宗「娘惹」風味🇸🇬醬料調味特色香濃惹味🔥今次到店為晚市時段🌝7點已經座無虛席😳今次同大家介紹下窮煮婦✨A.T.A.S✨既試後感🙋🏻‍♀️⋯人氣新加坡菜🇸🇬正宗星馬娘惹風味✨A.T.A.S✨一齊睇下窮煮婦食左咩💁🏻‍♀🔸囉喏 Rojak $78香港罕有新加坡蔬菜沙律🥗蝦醬濃厚🦐拌入青蘋果和菠蘿的清甜爽脆🍏味道複雜多層次，但甜酸解膩💦🔸沙爹串燒 Satay Skewers $68東南亞美食必備✅肉嫩醬濃💓花生醬香味爆滿🧡🔸辣椒蟹 Chilli Crab $568肉蟹大隻抵食🦀辣味不算嗆辣，有甜味平衡👍🏼炸饅頭沾滿辣蟹醬食用😳超完美惹味🔥🔸媽蜜雞 Marmite Chicken $108炸雞外層裹滿媽蜜醬💛甜甜口感好似韓式炸雞🐥🔸叄岜魔鬼魚 Sambal Stingray $148初試魔鬼魚聽落超霸氣🔥大啖魚肉絲絲口感🥰無骨大啖肉‼️🔸咖椰爆醬 Kaya Overload $683️⃣層厚多士🥪外層灑滿美祿粉🤎夾心有咖椰醬。花生醬。朱古力醬‼️🔸玫瑰露恐龍 Bandung Dinosaur $48🔸斑蘭薏米水 Pandan Barley $28…查看更多

新加坡菜同時有粵菜特式 兩者crossover又幾奇妙✨創出特別嘅風味 幾適合香港人口味🇭🇰.📌辣椒螃蟹 $568秘製醬汁香濃稠杰 原本擔心會好辣食唔到 但佢大概係bb辣 辣得嚟又甜甜地🌶️螃蟹肉質軟嫩 索晒啲醬汁 入味juicy 蟹鉗都算大隻 都幾滿足🦀試過有啲餐廳嘅蟹肉會老得滯好實 但呢到好嫩🥰餐廳仲好貼心事先敲碎左個殼 等客人更易進食👍🏻.📌炸饅頭(4粒) $38饅頭微甜 似油炸鬼咁有陣油炸香味 點辣椒螃蟹個醬一齊食 甜甜辣辣幾好食😋.📌麥片老虎蝦 $188有四隻超大嘅新鮮老虎蝦 蝦肉爽口彈牙🦐鋪滿晒炒過嘅牛油脆麥片 應該有加糖一齊炒 甜甜地 味道幾特別 估唔到蝦同麥片都可以撞出別有一番風味🧈🌾.📌鹹蛋骨(4件) $128一字排炸到勁香脆 蛋黃醬勁香 加埋啲香葉炒到起晒沙 好惹味 好出色 推薦🐷🥚🧡.📌叄岜小炒皇 $148超級無敵多海鮮 仲要好新鮮添🤩啲蝦成粒乒乓波咁大隻 老虎蝦乾都好大條🦐魷魚鎅左花 好嫩口🦑蠔都好大隻🦪配料仲有脆花生, 江魚仔, 蜆肉, 魚蛋片 用料非常豐富‼️韭菜就老咗啲🌱味道帶少少辣 似馬拉盞🇹🇭.📌囉喏 $78醬汁酸酸甜甜 加埋花生碎同芝麻 好香口 水果同脆脆炸物撈左汁 又幾好食喎 夠開胃🤤新鮮青蘋果香甜爽脆🍏菠蘿甜得嚟帶微酸 同醬汁好夾🍍沙葛水份好多 淡淡清甜 油炸鬼炸到脆卜卜 但太多醬 膩左啲 豆卜都炸到好脆 零水份口感都好正😚.📌美祿爆炸 $58新加坡好hit嘅飲品😍冰美祿上面撒上大量美祿粉, 美祿脆波波, 美祿oreo 難怪叫美祿爆炸 充滿濃厚嘅美祿甜味🤎.📌斑斕薏米水 $28有淡淡斑斕葉味 但唔算好濃郁 反而薏米味會出啲 薏米份量超多 成半杯 唔甜 味道好純天然🤍💚…查看更多

係香港嘅新加坡菜唔算好多.最近成日見到好多人推薦呢間係銅鑼灣嘅A.T.A.S,見到佢地有新menu!新加坡菜式好多款,有齊晒新加坡名物囉喏以前去親新加坡必食之一估唔到係香港食到係咁熱嘅天氣食好適合囉喏以蔬果。豆卜。油炸鬼做配料再配搭特製囉喏醬同花生碎味道酸酸甜甜得黎又帶少小蝦醬味黑胡椒螃蟹原隻大蟹上碟黑胡椒好入味餐廳好細心咁幫整碎d殼方便咬開食用炸開蟹鉗啖啖肉蟹肉鮮甜肉質好彈牙麥片老虎蝦最愛嘅新加坡菜式之一平時最怕麻煩食蝦要拆蝦殼但正正麥片蝦特色就係可以連殼食將蝦殼都炸得脆卜卜將蝦殼連蝦肉一齊食外脆內爽彈嘅口感充滿層次味道甜甜地好惹味福建炒蝦麵 炒蝦麵用左2種麵炒起米粉同油麵令口感更有層次中間加入雞蛋令炒麵更香除左蝦外仲有蜆仔,炸魚片令炒麵味道更鮮炸饅頭炸到金黃色嘅炸饅頭應該無人抗拒得住炸饅頭炸得香脆而且質感好鬆軟炸饅頭旁邊配上一碟煉奶除左配媡奶我自己就將炸饅頭沾黑胡椒蟹嘅醬汁食甜食或鹹食一樣咁正美綠大爆炸美綠超濃厚!上層充滿美綠粒粒好滿足班蘭薏米水薏米水消腫又消暑味道帶一陣米香配上班蘭令果道更清香三色雜果冰超巨型雜果冰！底下加入涼粉。紅豆。粉條上層係玫瑰花露同椰糖冰玫瑰花露玫瑰味好突出另一邊椰糖甜得黎又唔會好膩夏天食完成個人爽晒…查看更多

A.T.A.S (銅鑼灣)📍銅鑼灣邊寧頓街9-11號登龍閣地下C2號舖呢間星加坡過江龍食過好幾次，但次次都冇乜影相所以今次先第一次post😛 🤍ATAS 意思係 “ A Taste Above Shiok”, 即係好「爽」 嘅意思，佢哋係主打娘惹地道菜式，有好幾款好大機會出邊都可能未必有得食！我哋揀咗兩碗麵，兩杯飲品同埋一個小食 😇👩‍🍳 辣椒板麵 $88板麵質地同刀削麵幾相似，比較厚身同煙韌！主要調味係由香菇魚仔黑醬油配溫泉蛋嘅乾撈麵。香菇味比較濃，黑醬油亦都幾惹味！麵嘅份量比較多，如果想叫埋小食嘅話，就要預返個肚啦😛👩‍🍳 炸魚片米粉 $98奶白色嘅魚湯帶有微微薑味，清清地我都飲咗好多😜 炸魚片唔係一般傳統港式魚片，而係炸魚柳！另外有白菜伴碟，分量充足！湯底係粉麵嘅靈魂，湯底好成碗麵都好👍🏻👍🏻👩‍🍳 囉喏 $58Rojak 當地意思係「大雜燴」，由多種蔬果、炸物、同埋醬料混合而成嘅一種沙律！配料包括有蘋果、菠蘿、青瓜、沙葛、油炸鬼同埋炸豆卜，淋上酸甜微辣嘅醬汁，成個組合充滿着清新香脆口感，口味偏甜，味道好獨特！🥤美祿爆炸 $58必叫飲品之一！creamy 濃郁嘅美祿上有cereal同美祿夾心餅，誠意十足，值得一試！🥤玫瑰露恐龍 $48玫瑰味香濃嘅美祿，味道同佢個名一樣甜美🫶…查看更多

ATAS本身喺Singlish入面係高級嘅意思，但餐廳就將佢重新定義為A Taste of Shiok(Shiok喺Singlish解作好味)，而實際上A.T.A.S亦係走貼地路線，賣嘅係星國熟食中心常見嘅粉麵、小食同野飲，全部都係幾十蚊有交易。餐廳同一般cafe差唔多，環境乾淨企理，但成個用餐體驗反而有啲似去左星國嘅熟食中心，自己搵左位之後，去counter落單同俾錢，等叫籌就出去counter取餐，食完就自己將餐具放返喺指定嘅餐具收集處。餐具、紙巾同飲用水都可以喺哩個自助區自取。星國嘅粉麵有分好多種，如果唔知點揀好，睇counter哩張圖就一清二楚。Michael Jackson($28) - 一睇倒個名覺得咁搞笑，原來係仙草豆漿，因為黑白顏色而得名。入面有好多滑嘟嘟嘅仙草，唔會太甜都幾好飲。Milo Explosion($58) - 美祿喺星國係好普遍嘅飲品，哩度當然都有，面頭放滿美祿粉同朱古力脆波，超濃美祿味，正呀！囉喏($78) - 哩個係星馬好常見嘅沙律，佢用左青蘋果、青瓜、沙葛、炸豆卜、油炸鬼同花生碎，上面再淋左甜甜酸酸嘅囉喏醬，好開胃同爽脆，我每次去星國旅行都一定會食嘅。叻沙($98) - 叻沙上面鋪滿晒蝦、魚蛋、豆卜同蛋，麵底有三款揀，我地揀左米粉。叻沙湯底好濃椰香味，辣度只有小辣程度，辣得過癮但又唔會太辛苦，米粉幾彈滑。肉脞麵($88) - 肉脞麵喺星國同樣好普遍，不過喺香港就唔太多星馬餐廳有。佢係一個乾撈麵，入面有肉脞、魚蛋、豬膶、豬油渣同冬菇，湯就另上。今次我地就揀左粗麵，辣醬係邊上，可以按個人喜好撈勻食，唔會太乾味道都唔錯。總結，食物款式都好地道，就好似去左星國嘅熟食中心食飯一樣，不過係有冷氣嘅，唔怕食到身水身汗。…查看更多

❀ A.T.A.S #銅鑼灣 ❀❗️新開正宗新加坡粉麵❗️——————————————————最近喺銅鑼灣開咗間新加坡餐廳，主打特色新加坡粉麵小食，由新加坡人主理✨餐廳裝修簡約，有文青cafe感覺。以自助形式落單，有啲似food court咁，勝在唔使加一。.✷𝑀𝑒𝓃𝓊✷☞ 辣椒板麵 $88 (3.9/5)板麵係一種闊扁面，口感煙韌少少🤏。配菜包括有豬肉丸、冬菇、菜心、生熟蛋，炸江魚仔，以及最特別嘅參巴醬辣椒🌶️ 可以自選辣度。撈勻之後夠晒香口惹味，都唔錯。.☞ 麵粉粿 $78 (3.7/5)麵粉粿我就真係第一次見😮原來係圓形一塊塊，口感都係微微煙靭，不過就有少少發脹嘅感覺。不過湯底主要為死鹹味，再配上炸乾魚仔，所以更加鹹😶。另外亦有豬肉碎、冬菇和菜心。相比之下我推薦辣椒板麵，香口啲。.☞ 印度咖喱薄餅 $48 (3.8/5)呢個同印度紅咖喱差唔多，咖喱香料味都幾強烈。最欣賞係塊薄餅，比一般嘅更加香脆👍🏻！☞ 囉喏 $78 (4/5)聽個名完全唔知係咩，點知有驚喜🥰主要材料包括爽口嘅青蘋果、青瓜、沙葛，以及炸到脆身嘅渣豆、油條，配上甜甜地嘅囉喏醬同埋芝麻，非常清新開胃，推薦！☞ 咖椰爆漿 $68 (3.9/5)相信好多人都係為咗呢一份甜品而嚟。多士上灑滿滿滿嘅美祿粉，内餡有咖央醬、兩塊牛油、花生醬、煉奶、Nutella，呢個組合一定冇得輸😹！不過就真係好甜，一個人食一細嚿都夠晒。.☞ 黑白 $28 (3.9/5)豆漿內加入涼粉，簡單得來又幾好飲喎。.☞ 班蘭奶茶 $28 (3.9/5)茶香正常，慢慢會再品嚐到斑斕嘅香氣。.☞ 茶祿 $28 (3.8/5)就係美祿加上奶茶嘅味道，比一般美祿無咁膩。——————————————————✨整體味道: 3.8/5 ✨環境裝修: 4/5✨服務態度: 3.8/5✨性價比: 4.2/5✨再訪興趣: 3.5/5 .💞整體來講香港比較少主打新加坡菜式嘅餐廳，呢度都有唔少正宗粉麵選擇，整體質素唔算好高質，但價錢合理、性價比高，係平日飯堂嘅好選擇。…查看更多

係銅鑼灣發現咗呢間樓上新加坡菜 餐廳裝修簡潔 空間感幾大😆 以自助形式落order 食物預備好後再出去拎☺️今次我哋就試左麵粉粿乾同肉脞麵 麵粉粿乾係一塊塊嘅麵粉粿撈上醬汁 配搭上豬肉 滷冬菇 炸江魚仔 菜心 炸蒜等食材😍 食落非常惹味 特別鍾意滷冬菇 好入味👍🏻 肉脞麵都係撈麵 上面有炸雲吞 白魚蛋 豬潤 滷冬菇 豬肉等 都幾有特色架👅另外我哋仲揀左一個小食叫囉喏 食材有青瓜 豆卜 油炸鬼 沙葛 青蘋果 花生碎😋 撈上囉喏醬 味道偏甜 口感清爽豐富好特別👍🏻飲品方面我哋就揀咗斑蘭奶茶同埋啡祿😆 斑蘭奶茶揀咗少甜 會淡少少 所以可以唔使嗌少甜都得 不過斑蘭味幾香🤤 啡祿就係咖啡加美祿 幾香濃好味🌟…查看更多