通達食店

營業中

休息中

每次經過油麻地A出口，必定會聞到一陣特別的香味，口水直飆。今日經過都一樣，人不自覺地向右轉😂招牌咖裡魚蛋獨特在佢自己秘製的辣醬，未試過有重複味道的店鋪，只此一間忍唔住叫了一份魚蛋➕一碗三溝碗仔翅，作為tea的份量絕對夠魚蛋的味道完全冇變，食落由心辣到上口腔但很爽。由小學到宜家，每次食都引起快樂的回憶。三溝碗仔翅用料💯，魚肉超多，夾埋爽脆的生菜和鹹淡適中的仿翅，啖啖都很滿足總括而言，一間好食的小食店可以屹立不倒，一定係有佢獨特的味道，永遠不會失望的小店

生菜魚肉，繼碗仔翅後又一敗北之作 ﹗無誠意的生菜魚肉！唔熱，微暖就上枱，唔熱點會好食。魚肉方形一粒粒，好明顯係預先蒸熟切再粒，無魚味無鮮味又偏咸，口感硬實無生氣，死屍一樣！湯底只有雞湯同生菜味道，完全唔想飲。魚肉要新鮮魚漿剔出黎長條眼形，大滾即烚，表面凹凹凸凸，口感同味道先會一絕，先會好味道，湯要用返烚魚肉既湯先會有鮮味 ﹗咖哩魚蛋，永恆不變美味辣魚蛋 ﹗香濃辣咖哩，香甜蠔汁味道，色香味美，正呀 ﹗

咖哩魚蛋，路過硬係受唔住魔鬼辣魚蛋既誘惑！拮返兩串先，美味美味！熱騰騰夠香夠辣又夠彈，我忍忍忍，唔可以食太多。碗仔翅，太耐無食唔記得左唔好食架 ﹗成廿蚊碗仔翅淨係得豉油味，又稀又咸又少料！中伏！No good ﹗多謝 HKD34 蚊，魚蛋 Good，但碗仔翅唔值囉 ﹗

咖哩魚蛋，太好味！咖哩味香濃，辛辣帶甜，魚蛋結實魚味濃，唔會有腥味。路過都要拮下先甘心！每次都食兩串，因為仲要留肚試其他野麻。豬紅蘿蔔雞中翼幼麵多咖哩汁，好味好味！咖哩車仔麵多汁，麵質又夠硬夠嚥韌，好正呀！豬紅有點腥味啊，質感有點韌。滷水雞中翼太咸，而且浸到乾左少少。蘿蔔一般，唔夠甜，好采無渣啫。

男朋友愛吃通達的咖哩魚蛋, 經常繞路返屋企, 都是為了這裡的魚蛋真的有很多人光顧這裡, 大部份都是在吃魚蛋男朋友還盛讚通達的油渣麵, 他有時收工會買一個油渣麵當晚餐星期日睡到日上三竿, 還不知吃早餐或是午餐好的時候 男朋友就提議來一餐通達, 好讓我知道有多麼好味男朋友點了油渣麵, 而我郤從來沒有吃過油渣麵的我就點了車仔麵, 韮菜豆卜米粉, 配咖喱汁這個星期日, 我並沒有試真油渣麵的味道只能說, 很有份量, 很足料的一個油渣麵過了兩個星期, 男朋友依舊點了油渣麵, 我決定一試畢竟是香港地道美食吧!一碗上海麵加上大量火腿絲, 冬菇絲, 辣菜甫, 蔥, 油渣等等油渣和辣菜甫十分爽口, 而且好香口味道不錯, 但湯底有點鹹, 吃到底時, 特別鹹韮菜被切開一半, 韮菜頭有點難咬吧!豆卜沒有什麼味道, 大概是因為豆卜是分開白烚吧咖喱汁才是真正精華所在, 又香辣又惹味整個車仔麵都因為咖喱汁生色不少!!!腸粉蒸得剛好, 不像我公司樓下的店蒸到腸粉變形, 有時更會蒸爛!這裡的腸粉因為蒸得剛好, 所以會比較彈牙煙韌送上枱時, 已經落好了豉油, 麻醬, 甜醬和芝麻, 辣醬就要自己落了!麻醬好香, 而且不會太漿