鬼金棒

營業中

休息中

之前自己一個食過呢間日式拉麵覺得CP值都幾高 今次就帶老婆黎試下呢間分店就有bar枱 同table之前試過坐bar枱 睇住師傅整都幾有日本風味今次就番老婆 所以就坐左table坐低之後店員就會俾個籃你放隨行物品 之後就掃qr code 手機落單枱面仲有隻類似胡椒粉既畀你調味咁我就叫咗個 特製麻辣味噌拉麵上一次叫小辣小麻 我覺得都唔係好夠喇所以今次試吓高辣中麻 個碗係紅色的湯底唔會話辣到食唔到 係屬慢慢辣落去果隻我覺得第一次黎要試下呢款因為唔同既配料都有齊 叉燒有兩舊每舊既肥同瘦都層次分明 絕對係好味之餘仲夠哂飽咁我另外叫多碗 芫荽辣麻味噌拉麵呢款本身冇配味玉 所以我另外加多隻日本味玉要講既係 佢既拉麵比一般既粗多少少 咁就仲掛湯啦佢嘅蛋黃係呈橙紅色 同市面比較貴果隻日本蛋係一樣另外再添加一份炒芽菜 加落啲麻辣湯底到好正最後 食辣嘢梗係要加返罐可樂la

每隔一排，辣癮又發作，最令我回味莫過於鬼金棒果種又麻又辣，拉麵黎講，呢間既回頭率可以話係其高！再一次踏入我既嗜辣旅程，因為呢排冇咩點食辣，味蕾可以話好活躍！好似去左日本既地獄谷咁，周圍都擺滿鬼怪面具、擺設等，非常有特色。味玉辣麻味噌拉麵，4種辣度同麻度自由選擇，我呢碗係小辣中麻，紅卜卜既湯底真係望見都覺得辣！湯底濃郁帶淡淡油脂感，而且好夠熱，令拉麵KEEP住熱辣辣，小辣對於我黎講已經好夠辣，而麻度則未算太出，但整體食上去都非常惹味，配合得好好！拉麵麵質彈牙又掛汁，令辣度提升幾個層次！叉燒肥瘦分明，慢火炆煮之下令口感非常軟腍，而且味道濃郁～味玉可以話係精華中既精華，濃郁蛋香加上香甜既溏心，流心效果勁靚，令完即刻覺得好滿足！辣麻味噌沾麵，同樣係中麻小辣，另外加左芫茜，麵體係冷麵，而且麵質粗，伴入湯底後更容易掛汁，每啖都感受到湯底既多層次味道，沾麵湯底，味噌更濃郁，辣麻中略帶少少咸香。而且湯底冇咁熱，反而令味噌味更出，辣麻亦恰到好處，芫茜則非常新鮮，中和左湯底本身果種油膩感。覺得好食另外叫多左碗玉米荀，少少微焦感，食落又爽又甜，當前菜／小食都好過癮！食辣野緊係要配番枝解辣神器爽一爽，你話係米

呢間東京人氣過江龍辣麻拉麵店 真係無限次回訪♾️高質又抵食 食極唔嫌呀🥰.📌辣麻味噌沾麵 $100一直以為呢度淨係得拉麵 原來仲有沾麵🤩因為唔食得辣 所以嗌咗無辣無麻🙈個湯底勁濃厚 齋食入面啲配菜會好重口味偏鹹 但沾埋個麵就啱啱好 超惹味🤤用咗三種粗幼不一嘅麵 沾麵比湯麵嘅口感更煙韌彈牙 仲好掛湯❣️最正一定係特製厚切叉燒 見到都流晒口水😍一層肥一層瘦 用咗香料慢火燜煮過夜 入口即溶 口感嫩滑 肉味濃郁 甜甜鹹鹹 肥美又甘香🍖一啖咬晒 係戀愛嘅感覺💘配菜有豆芽菜, 玉米旬, 洋蔥, 蔥花 成碗麵份量十足 食完超飽飽🥰味玉(+$15)個橙紅色蛋黃好流心 溏心感覺帶少少漿口 醬油味唔算太濃 更加突出蛋香味🥚.📌莞荽辣麻味噌拉麵 $110呢碗嗌左小辣中麻🌶拉麵口感同樣煙韌 仲好掛湯 每啖都辣麻香十足🍜莞荽山真係好壯觀 同個湯底出奇地夾💚除左莞荽 都一樣有叉燒, 豆芽菜同玉米旬😆另外叫左份增量叉燒(+$35) 厚度比一般叉燒大一倍 超滿足 細細舊真係唔夠喉 一定要加一份呀 食過番尋味🐷.📌增量豆芽菜 $30 一上枱嚇親 佢係用拉麵碗嚟裝 超大份勁抵食🤑呢到嘅配菜全部即叫即炒 真係見到有火 鑊氣十足

我一直都有聽過「鬼金棒」嘅大名，呢日中午專登同同事早啲行過去金馬倫道試吓，皆因平日一點鐘經過佢長期都有人排隊😳。餐廳裝修型格，其中吧枱廚房嗰邊火光紅紅🔥，師傅唔係喺入面拉呀拉，而係炒呀炒，莫非呢個係鬼金棒特色？🌶拉麵有八款口味，不過其實分別唔太大，主要係啲配料有所唔同🍜。湯底得一款，但辣度同麻度可選，分別由無、小、中、高至鬼增。增量叉燒X2辣麻味噌拉麵($135)，增量叉燒係呢碗拉麵嘅主角，叫得增量果然係唔同啲！🐷增量叉燒長約十厘米，而且接近成吋厚，誇張到一個點，唔好忘記仲要有兩嚿！肉質帶點咬口，但肥瘦適中，油份都夠。拉麵嘅其他配料仲包括豆芽菜、玉米筍同韭菜蔥。芫荽辣麻味噌拉麵($110)，另一碗係芫荽口味💚，估唔到芫荽同湯底幾夾喎，無臭青味得嚟仲好香。🌶兩碗拉麵同樣揀咗小辣，辣度老小咸宜；麻度就分別試咗小麻同中麻，兩者確係有啲分別，但對比起四川米線嗰種麻辣就顯得有點小兒科，同期望中有少許落差。我哋額外加咗一隻味玉🥚($15)，蛋嘅流心效果強勁，我輕輕用筷子篤穿，紅紅嘅蛋汁如泉湧出來。拉麵麵條得一款，軟硬粗幼一律無得揀，哈哈😆。呢度嘅麵偏粗身，口感幾彈牙兼掛湯。總括嚟講，呢日終於食咗久

可樂 $15食辣野點少得野飲 不過呢度得汽水唔啱飲 所以淨係叫咗可樂俾男朋友就算了🥤 呢度可樂個包裝同平時唔同 不過味道麵係一樣 最重要係夠凍 用黎解辣一流🤣 評分: 10/10🌟 莞荽辣麻味噌拉麵 $110 味玉+$15本身驚太辣就揀咗小辣小麻 食落大概係譚仔既十小辣左右～ 因為面頭既莞荽會沖淡咗個辣味 鐘意食辣既朋友可以叫辣啲😚 而莞荽既份量超多 食到落底都仲有同埋同個湯底既味道好夾 叉燒又夠淋 鐘意食莞荽既一定要試 推介🤩評分: 8.5/10🌟 增量叉燒x2辣麻味噌拉麵 $135 味玉+$15男朋友揀咗小辣中麻同走玉米荀 呢碗個辣味相對強啲 後勁帶麻既味 個人更加鐘意呢個湯底！麵既硬度適中 配埋超級巨量同厚既叉燒就再滋味啲 增量叉燒食落好似更加淋身😋 額外加既味玉一切開啲蛋汁已經流出黎 好符合流心既要求 整體黎講都唔錯 值得一試🤤 而且餐廳既裝修都幾特別 門口仲有個棒可以影相添😆評分: 9/10🌟 ———————————————————————鬼金棒 (尖沙咀)尖沙咀金馬倫道20號地舖

• 鬼 金 棒 •🐿日本東京過江龍 辣麻拉麵專門店 以日本鬼怪做主題店舖會播一啲太鼓鼓聲音樂 好有日本氣氛👺一見到可以自選辣度同麻度 就諗起error遊既快吞轟最特別係可以分別加 💰$15 升級做鬼增辣同鬼增麻淨係聽個名就知會好辣 用咗卡羅萊納死神辣椒 怕怕-🍜增量叉燒辣麻味噌拉麵 💰$115同朋友不約而同揀咗同一款 因為想試下增量叉燒!!增量叉燒比起一般拉麵店薄薄既叉燒肉唔同呢款叉燒超級厚肉 表皮燒到啲油脂必哂出黎因為肉質好淋 所以大部份肉都係入口即融 小部份會鞋-🍜拉麵黎講 湯底始終都係最重要因為我怕太辣 所以辣度同麻度都揀咗無✨即使無麻辣味 仲有濃濃既味噌湯 鹹香味十足 超重口味朋友嗌咗中辣小麻 佢話第一啖會覺得有啲辣🌶但一邊食一邊飲湯就越食越惹味 最後佢碗湯得番半碗相信食得辣既朋友仔都一定會鐘意!!另外拉麵麵條較粗 口感硬硬地ψ(｀∇´)ψ-🥚味玉 💰$15本身想食溏心蛋 可惜當日無哂 所以試咗味玉!雖然無溏心蛋流心既口感 但就更重蛋黃味-今次既體驗唔錯 可以坐係吧枱前面睇住師傅炒芽菜炒到時不時見到有火 超有鑊氣 食得好有氣氛另外 餐廳好貼心會有即棄圍裙 咁就唔怕彈到湯啦-📍

行街每次經過都會被佢門面鬼金棒道裝飾吸引注意，今次終於約到同朋友仔黎食下😉呢到係用QR CODE手機落單，介面簡潔易用，我同朋友分別叫左增量叉燒X2辣麻味噌麵($135)、玉米筍辣麻味噌麵($100)、追加味玉($15)*2、可樂($15)、雪碧($15)裡面有普通坐位同埋BAR枱位，BAR枱位仲可以睇師傅煮添😄呢到D裝飾都充滿住日本鬼怪，就埋D碗都有呢D圖案玉米筍辣麻味噌麵：呢到嘅拉麵主打味噌湯底，而且佢麻同辣嘅程度可以分開選擇，由無至高，甚至極為嗜麻辣嘅朋友仔仲可以加錢揀鬼增(+$15)程度，保證食得過癮🥵今次我就揀左小麻小辣湯底，湯底濃郁，少少辣辣地啱晒我😁玉米筍份量夠多，爽脆清新，仲有件叉燒仔可以食😋增量叉燒X2辣麻味噌麵：大食嘅朋友當然點增量叉燒先夠滿足，胃口細D嘅朋友仔真係唔好亂點😜😝呢到嘅叉燒非常之厚身兼大件，而且肥瘦位置分佈得好靚，咬落去唔會鞋口，食落口夠晒軟腍，啖啖肉非常滿足😍拉麵軟硬度恰當，配合埋小麻小辣嘅味噌湯黎食好惹味🤩味玉：溏心蛋半熟程度啱啱好，咬開入面嘅黃蛋味濃郁無比，真係必定要追加黎食🤤可樂、雪碧：食辣野一定唔少得飲汽水，雪得夠凍，解辣一流😎大合照🤩呢到免

.📍鬼金棒📍 #饅頭去尖沙咀 #饅頭食日本菜------------------------------增量叉燒辣麻味噌拉麵 ($115)加味玉 (+$15)呢度嘅湯底非常之正，濃郁但唔會過份地重口味💯，鹹中帶辣同麻刺激味蕾，小編嗌咗中辣但都唔算嗆喉，亦有大量清新嘅芽菜蔥粒平衡返😆，整體極有層次。至於佢哋嘅拉麵係粗身少少，掛汁能力同湯頭配合，食完又唔會話好油好口渴，如果麵質再爽彈少少會更好。呢碗拉麵有一塊堪比東坡肉嘅肥美叉燒🤤，軟腍入味兼保持到彈性，唔會黐牙，脂香十足🐷；另外仲有一條新鮮粟米荀；小編亦推薦大家加多份味玉🥚，溏心蛋軟彈入味，蛋黃流心程度恰好，值得一試。------------------------------整體評分：8.6/10小編回頭率：7.5/10

鬼金棒係一間日本開過黎嘅過江龍拉麵店，主打麻辣味噌湯底，麻度同辣度各有四級選擇，最啱嗜辣一族。上次小試牛刀試左小辣小麻同中辣無麻，小辣冇乜辣味，反而中辣就好惹味，有排都去唔倒日本旅行，心思思黎想挑戰下佢嘅鬼增辣，所以又再黎。食辣點可以少得汽水，先每人點一罐汽水，雪得夠冰凍，正！拉麵有八款選擇，最大分別係叉燒同不同配菜嘅份量，除左拉麵，佢地仲有肉飯。芫荽辣麻味噌拉麵＋味玉＋玉米筍+高辣+中麻($140)鬼金棒嘅拉麵睇個碗就知係咩辣度，無辣/小辣/中辣都係用白色碗，而我哩個紅色碗就係高辣。之前提到鬼金棒有八款唔同拉麵，全部都有叉燒、芽菜同一條粟米仔，但就只有哩碗芫荽辣麻味噌拉麵先有芫荽。因為哩款拉麵本身冇味玉，所以我就另外追加左，仲加埋粟米仔。佢地嘅粟米仔係炒過，會睇倒少少燶燶地，都幾夠鑊氣。拉麵冇軟硬度揀，不過哩度嘅拉麵比一般拉麵店粗身，所以唔會太腍，亦唔怕浸得耐會變腍。另外值得一提佢地嘅麵量都幾多，就算唔加麵都已經可以食到飽。湯底我揀左高辣中麻，鬼金棒嘅麻係山椒嘅麻，所以麻度唔及四川花椒嘅麻，就算揀左中麻都唔係太食倒麻味。而高辣就真係幾辣，因為拉麵同湯都好熱，加上上面好多配料，熱氣焗住

喺”鬼金棒”銅鑼灣分店已經聽聞辣辣拉麵好味道。今日去尖沙咀買東西，見到係金馬倫道開了分店，梗係去再試一試。餐廳地方都算大, 裝修充滿日本特色。店員很細心的講解普通辣及麻辣分的等級 (零辣也可以), 如果試過覺得唔夠辣, 可以加辣, 我擔心會很辣, 所以只叫了少辣, 打算唔夠才加。我問店員, 普通拉麵叉燒有多大, 她解釋有50g, 如果’增量叉燒麻辣味噌拉麵’有100g, 一場來到, 當然要食大舊D增量啦, 我還加了隻”味玉”即係雞蛋，哈哈哈…………😂😂拉麵送到, 立刻品嚐吓, 辣度正合我口味, 食得辣的朋友, 可以試吓高辣。流心雞蛋好大隻, 拉麵煮得軟硬適中, 叉燒很大舊又肥美, 用醬油煮味道有少少甜, 不會煮到干身好硬,下次來要加再叉燒先, 實在太好味了。😍食辣當然要配支凍飲, 我點了信州白提子梳打, 很香提子味, 同拉麵為完美配搭。😋😋