Four X Four

營業中

休息中

之前已經bookmark咗呢間大圍文青小店㗎啦😗 呢晚終於有機會嚟呢間cafe chill吓啦🤩特濃牛肝菌黑松露扁意粉配雞樅菌黑松露汁幾吸引 又好香🤩 配埋兩款菇真係非常濃菇味 扁意粉非常掛汁 每一啖都好有菇味 今次係我第一次食雞樅菌 好似手指尾咁長咁粗 口感都幾特別 外層有少少韌🍄味噌鹹蛋黃蟹膏扁意粉配蟹肉黃金蟹籽呢碟有驚喜 意粉上面鋪咗滿滿嘅蟹肉 仲有金黃嘅蟹籽🦀 蟹味非常濃郁 加上有蛋黃嘅鹹味 帶出意粉嘅另一個層次🍝 另外幾欣賞呢度嘅鹹蛋黃醬 即使真材實料 但係都唔會太鹹是日餐湯及沙律晚市套餐可以加配粟米濃湯同煙三文魚柚子醋沙律 栗米湯夠晒濃稠 真係好推介🌽 沙律嘅煙三文魚都好大塊 柚子汁配沙律菜幾fresh 而且份量好多 成碗好實咁裝到滿晒🥗海鹽鮮奶咖啡呢杯口味幾獨特 有少少海鹽嘅鹹味 仲有咖啡嘅奶香☕️ 鹹鹹地幾有新鮮感Dirty呢杯先苦後奶嘅感覺好好 層次分明 影相都好靚呀🫢整體呢餐晚飯都幾好味 兩款意粉都各有特色😎 特別推介佢嘅粟米濃湯 個名真係冇改錯 真係好濃郁🙈

大圍很少涉足，今晚回家路上經過呢一帶顯徑。村屋平房與對面高樓大廈有好大對比！呢一帶村屋地鋪都以小店為主，坐係門口位置向外望都幾寫意。晚上顯徑大多係行色匆匆放工市民趕回家，今晚平日搵左間裝修簡約木系裝修嘅Cafe餐廳食晚飯就回家。秘製香草蕃茄忌廉意大利飯配慢煮豬柳梅叉燒溫泉蛋揉合日式慢煮叉燒加上溫泉蛋嘅意大利飯，好creamy，易入口，醬汁比例與米飯剛剛好，不硬不軟。慢煮叉燒中和左意大利飯口感，非常特別。撒上色彩斑斕嘅食用花，提升食物質素。味噌鹹蛋黃蟹膏扁意粉配蟹肉黃金蟹籽一個好創新嘅調味配搭，味噌與蟹膏有美味嘅化學作用，提昇扁意粉嘅味覺層次，配上大量蟹肉及脆脆黃金蟹籽，一試愛上！+$40 配是日餐湯：粟米忌廉湯，香濃幼滑，明顯係自家製。沙律菜保持新鮮，仲有幾片櫻桃蘿蔔，立即升級😂沙律汁有別於即食醬汁，是店家親自調製，帶少少蜜糖味，誠意十足！配上一杯薑汁咖啡及紫芋鮮奶，為回家路途上帶著絲絲暖意～