新肥泉海鮮大排檔

營業中

休息中

為了就在附近工作的朋友，所以相約在佐敦食飯。見到呢間大排檔有任飲任食，加上朋友表示想食小炒，所以決定試試呢一間。同朋友選擇了$388可以90分鐘任食小炒、火鍋同麻辣水煮的菜式，也包括了汽水任飲。麻辣水煮白鱔份量大，除了彈牙新鮮的白鱔，還有豐富的配料，例如雲耳、萵筍、不同的菇類、入味的豆卜同芽菜等等，令到口感爽脆。整體味道惹味，有辛香的花椒粒同乾辣椒味道，但易入口。肥泉小炒皇小炒皇用料足，韭菜花上面有不少銀魚仔、魷魚、蝦乾、腰果同菜脯，味道有不同的口感。黑椒薯仔牛柳粒大排檔必叫的鑊氣小菜，牛柳粒軟腍，如果黑椒味再濃一點就更好。薯仔十分出色，做到外脆內軟的效果。椒鹽豬扒啖啖肉的選擇，惹味的調味加上肥瘦適中的豬扒，香口美味。可愛BB鴿BB鴿相對細隻，但肉質不會鞋口，而且乳鴿皮香脆，大排檔食物十分有鑊氣，味道不錯，可以見到廚房即叫即炒。環境比想像中光猛，枱與枱之間都闊落，好適合一大班朋友一齊食飯，可以試到不同的種類的小炒，又放鬆自在地傾計。

最近天氣凍凍地，好啱食熱騰騰嘅炒餸，果日就去咗佐敦官涌市政大廈熟食中心 "新肥泉海鮮大排檔"，食吓高質又特色嘅砂鍋煲同小炒，感受下香港地道風味美食 ~環境方面，寬敞潔淨，多人去都夠位。而店舖出名各款小炒，仲有生猛海鮮、特式小菜、四川水煮、雙冬羊腩煲等，樣樣都咁吸引呢！豉汁蒸白鱔    $168蒸白鱔超新鮮，鮮甜美味，完全無腥沒有泥味。白鱔蒸得剛好熟，豉汁咸度剛好，魚肉鮮嫩，肉質彈牙扎實，味道啱啱好，豉汁用嚟配白飯$10，好惹味。黑椒野菌牛柳粒   $118嚟大排檔其實主要都係想食呢道菜。大大碟相當足料，有滿滿既牛柳粒，牛柳厚肉又大粒，味道非常濃厚，保持到牛肉嫩度，水準十足，雜菇、紫洋蔥、青紅椒炒到好爽口，食起嚟更惹味。肥泉小炒王    $98小炒王係大排檔既鑊氣指標，材料主要用韮菜、鮮蝦、蝦乾、鮮魷、炸銀魚仔、叉燒、腰果等等，都好多種類，食材唔複雜，但好考功夫，呢碟小炒王夠鑊氣，韮菜油亮爽嫩，蝦乾鹹鮮惹味，仲有最鍾意既腰果，脆脆的，令口感更豐富！可愛BB鴿    $52上檯時仲係微熱，油溫炸得啱啱好，鴿皮十分香脆，入口肉好嫩滑，美味可口。食熱騰騰嘅小炒最好配罐冰凍可樂，口感清爽。   

近年去大排檔食飯，唔係妹記就楚撚記，少有呢間街市上嘅大排檔特別出色，環境比其他嘅熟食中心大啲，當日星期四唔算多人關係，兩個人都安排左大枱比我哋。粟米炸斑塊🐟 $118回頭率極高嘅一碟小菜👍🏻👍🏻👍🏻，魚塊新鮮即炸熱辣辣😍，粟米汁嘅份量啱啱好😗，唔會令到炸魚塊淋咗🤓，而且食到最後都唔會變水狀😋。椒鹽軟殼蟹🦀 $138呢度嘅炸物真係必食之一🤤，同樣都係即叫即炸😯，熱辣辣脆卜卜非常邪惡，加上椒鹽炸蒜蓉，好惹味☺️👍🏻！肥泉小炒王🥦 $98比其他大排檔嘅小炒王料多🤩，份量十足😉。韭菜、蝦乾、鮮魷、菜蒲、腰果、鮮蝦、磨菇、蘿蔔，配上一杯冰凍啤酒🍻一流喔！可愛bb鴿🐥 $52@1大排檔少有乳鴿😄，所以叫返隻試下，味道同酒樓差唔多😌！冰鎮小鮑魚🍞 $48@1新鮮鮑魚，白灼後冰鎮凍食，特別爽口😗！新肥泉海鮮大排檔 (佐敦)佐敦寶靈街17號官涌市政大廈2樓熟食中心😋味道: 8/10🤑價錢: 7/10✨環境: 7/10🧹衛生: 7/10👷🏻‍♂️服務: 7/10#hkig#hkiger#hkfood#hkfoodie#foodie#hkgirl#food#hk#hongkong#hongkongfoodie#

今日happy friday! 而朋友係佐敦附近上班，所以決定收工後約佢食餐好野！不過佢話事然後佢帶左我去官涌市政大廈，估唔到原來樓上有熟食街市。一上到黎，地方好大！仲以為會好迫，地方又夠光猛，最緊要係空氣好流通！正！因為其他地方既熟食街市都係好大油煙味本來打算叫支啤酒，但朋友返夜班，所以最後都冇飲到。但都叫左碟送酒一流既炸BB鴿！好香，同埋肉質夠嫩，皮夠脆，咬落去仲有汁小炒王 - 普遍每間大排擋都會有屬於自己店鋪既小炒王，而呢間既小炒王係我食過最好味，原因係料夠多，夠鑊氣，𥚃面有基本材料外，仲有炸魷魚鬚，炸白飯魚仔，菜圃，鮮蝦肉。食落去口感層次豐富而帶點微辣，味道調得剛好，送酒或送飯一流！重頭戲！椒鹽大瀨尿蝦！品種應該係斑馬瀨尿蝦，大隻，厚肉，皮簿。一上台，香噴噴既椒鹽味道，炸得剛剛好，唔會過熟，能輕易咬開，唔怕擔心難處理。厚肉夠彈爽！食得出夠新鮮，而且唔會被椒鹽味蓋過瀨尿蝦本身既鮮味，仲要係啖啖肉兩人埋單平均約160$免加一，比起外面相約價錢但食到出色菜色！抵！另附上餐單