雲家小鍋米線 (328廣場)

營業中

休息中

平時經過「雲家小鍋米線」都好多人排隊，咁岩今日收早特登行去睇吓，好好彩地避過繁忙時間，可以立即入座。豬頸肉小鍋米線 $46，我簡左酸辣少辣。配料有芽菜、酸菜、韮菜、蔥、芫茜。酸辣湯既味道濃郁，米線和配料嘅份量很多。豬頸肉真心好食，好多好香，同埋切得厚薄度岩岩好。本身媽媽想食豬扒小鍋米線，但今日已經賣晒啦，唯有下次再試啦。牛腩小鍋米線 $43+豬大腸 $10。因為媽媽唔食辣，職員話酸辣湯可以唔要辣的。牛腩炆得好淋，牛腩和豬大腸炆得入味。口水雞 $42，啖啖肉，好味道。肥瘦適中，不會大辣。蒜泥白肉 $39，鍾意食蒜即你一定要叫，爆爆爛多蒜，五花腩肉夠入味，食完都覺得個口好臭🤣🤣米線配飲品，特飲+$10。叫左一杯柑桔蜜和咸檸七。好耐冇飲過咸檸七，真係好正😋

荃灣飲完靚啡，行一陣落大雨就走左去食米線，見好受歡迎咁🤪人客絡繹不絕，成枱都係外賣訂單。餐牌有米線、酸辣粉、薯粉，配餸好多選擇，有比較少見嘅墨魚頭、金錢肚、魚肉春卷，小食方面都好吸引。秘製豬頸肉($42)••••••超好食超好食！認真係好好味！煎得脆香口先啦😚，特別在感覺用過蒜汁醃製，厚薄啱啱好，肉質爽滑彈牙，油脂又正🤤點埋泰式辣醬，好味！口水雞($40)••••••好抵食好大份，雞肉唔柴，面頭啲麻辣辛料好重麻香好惹味😋。小鍋米線($27)••••••腩肉(+$9)豬扒(+$13)金錢肚(+$13)魚肉春卷(+$8)牛腩(+$13)非常讚係米線唔會過淋☺️嗌左幾款餸，食肉獸啊😂腩肉大推！滷過好入味，又軟腍，帶點微辣。豬扒呢就好香咖哩味，舖頭對肉類處理幾好，無論雞肉豬肉都唔會鞋口👍🏻。鍾意食魚肉春卷個腐皮皮，魚肉幾有咬口，仲有啲粟米粒同葱粒係入邊添。

雲南米線一直係自己嘅favor, 今日出左黎荃灣近沙咀道做嘢，lunch time準備食飯就比我發現到呢間米線小店，見到都幾多人幫襯架，門口仲排晒隊等外賣，所以一於入黎試下我就揀左最鐘意既小鍋米線，非常足料湯底本身已經有芽菜，酸菜，韭菜，蔥，芫茜，仲有豬肉碎，辣度都係可以自由選擇既，我就揀左小辣，本身對於我唔係太食得辣既人黎講就覺得岩岩好，而餸菜方面我揀左腩肉，雲吞，肥牛。。不得不提個腩肉真係好正，肥瘦均勻而且整得好入味除左米線之外，呢到竟然仲有串燒食，我當然要試下啦，我就揀左雞軟骨同埋蒜心，估唔到幾有驚喜wo, 同專業既串燒店出品有得fight, 而且價錢仲幾抵食最後我仲叫左碟口水雞，一睇到雞上面既醬料已經覺得好惹味，而家雞肉好滑。啖啖肉，都幾值得推介

平時去荃灣都好少行呢頭，今日行到嚟寶石樓呢邊見到好多新開嘅餐廳，經過呢間米線店好似幾吸引咪試下囉！望一望餐牌，見到有各種各樣嘅雲南米線，包括有小窩米線，紅薯粉，涼拌米線，熱拌米線，酸辣粉等等。鍾意食米線嘅我就叫咗麻辣米線，仲有好多配菜可以自由選擇！➡️ 豬大腸豬紅豬皮酸辣小窩米線 ($52) + 肥牛紅腸麻辣小鍋米線 ($47)米線嘅份量真係好多，多到啲餸都浮晒出嚟，兩個餸都已經覆蓋晒成個碗。呢個酸辣同麻辣湯底唔會淡茂茂，而且辣辣地非常開胃，真係好有正宗雲南米線嘅風味，湯嘅配料包括左肉碎，芽菜同芫荽等等，好足料！➡️ 炸雞中翼 ($28)雞翼幾大隻，炸到啱啱好，非常入味，食落口感好脆！➡️ 口水雞 ($40)辣汁唔會太辣，做到超入味，雞肉仲好滑嫩！➡️ 炸春卷 ($22)皮薄嗰隻春卷，加上少少醋，好夾！雲家小鍋米線地址📍: 荃灣沙咀道328號328廣場地下G01舖.............................. 味道😋: ⭐️⭐️⭐️⭐️環境👀: ⭐️⭐️⭐️⭐️服務👨🏻‍🍳: ⭐️⭐️⭐️⭐️抵食💰: ⭐️⭐️⭐️⭐️⭐️

雲家小鍋米線荃灣沙咀道328號328廣場地下G01舖自己一向都唔係好鐘意食飯，所以正餐通常都鐘意食粉麵多，其中雲南米線係我既最愛，今日經開荃灣黎試左呢間<雲家>,餐廳地點好就腳，係沙咀道附近，正正就係荃灣區既心臟地帶，食飽搭車走都非常方便一見到餐牌就知道呢到食既雲南米線好正宗，選擇好多分別有最普遍既小鍋米線， 涼拌米線，熱拌米線， 仲有紅薯粉同埋重慶酸辣粉，緊有一款岩你食，而我當然係揀傳統既小鍋米線啦，始終覺得係最好味架呢到既米線份量好夠大大碗，而且一D都唔孤寒餸菜好多，睇見個腩肉同肥牛差唔多鋪滿晒成個碗就知啦，哈哈雲南米線最緊要就係個湯底， 我勁鍾意呢度嘅酸辣湯底，酸酸辣辣非常開胃， 而且非常之濃郁，辣度都可以自己選擇，另外仲配埋芽菜，酸菜，韭菜，芫茜仲有蔥，店員好細心，仲問埋我地有無邊d配料唔鐘意，落單既時候講埋，好細心最後不得不提既就係餐廳既小食，種類多之餘質素都好高，可惜我地等兩個人，試唔晒咁多款，下次有機會一定會再黎 涼拌墨魚頭~~~呢個係老闆娘極力推薦，原來真係好正，好香嘅蒜蓉味，魷魚爽口彈牙，口感一流，而且係涼伴而家夏天食就最岩啦口水雞~~~ 醬料好入味，

突然好想食米線，記得呢度有間小鍋米線，但一直都未有機會試，所以即刻過嚟嚐一嚐😋店舖細細，係防疫措施下，只能坐4-5枱客，入坐前必須量體溫，坐底一陣都見好多街坊黎買外賣。其間聽下人地點咩餸，幫下我呢個有選擇困難的我😆😆我自己選小鍋米線配牛腩+魚肉春卷 小小辣朋友選酸辣粉配豬軟骨+魚腐+滷水蛋 小小辣我地再點了口水雞+涼拌墨魚頭做小食一人一支豆漿做解辣備用小鍋米線好大碗，味道暫時係我食過的頭幾名👍🏻👍🏻👍🏻，餸亦都好多，牛腩食極都有😋，魚肉春卷好好味👍🏻酸辣粉原來仲好食呀🤤唔識形容，總之下次我係必食酸辣粉🤤🤤豬軟骨係骨肉相連的，唔係其他店只有肉無軟骨，魚腐正常，滷水蛋純粹想食，但都唔錯口水雞的辣油係另上，同我平時食開有D唔同，都ok，不過如果辣油再多D會更好涼拌墨魚頭 ～ 好有驚喜，有大量蒜泥，墨魚好爽口彈牙，難怪係店舖之選👍🏻👍🏻👍🏻

男朋友今日太粗心激左我幾次哦😠😠 本來打算食串串香 都唔知道今日紅日係星期一都唔開🤷‍♀️搞到我冇得食酸辣粉😠😠 就係附近又咁好彩見到呢間雲家小窩米線有酸辣粉喎！😍😍 就快快拉我入去試吓啦🤓要咗個重慶酸辣粉 又OK喎😝😝 個紅薯粉煮得好煙un！！😍😍 （串串香有陣時都會失手） 芫荽都好香！不過我都係鍾意食酸啲😋😋 下次試吓叫多酸先😋 同埋佢紅薯粉都幾多下 兩個人share做下午茶都OK😛小食口水雞就爭啲 可能少啲人叫😂未解凍得切😂😂 食嘅時候仲有少少碎冰係中心🤦🏻‍♂️🤦🏻‍♂️ 不過雞肉都嫩嘅 同埋佢都真係幾辣下😂 好啦💁‍♀️見過重慶酸辣粉都幾好食😝😝 我心情都好番啲啦☺️