ねずみの王冠 喫茶店

必試玫瑰士多啤梨 Tiramisu🍓二次回訪觀塘工廈隱秘日系小店，還記得幾年前與舊友坐了幾個小時，好鍾意上次的鯛魚腩定食，今次發現多了富士山的精品擺設🗻，仿佛到訪日本🇯🇵，今晚特別試了限定甜品玫瑰士多啤梨 Tiramisu 的確被驚艷到🥺，Homemade 的感覺，水準依然有保證。·◮ 原條蒲燒鰻魚炒飯 $148 「 ⁸ ⁄ ₁ ₀ 🎖️鰻魚好大條肥美，鰻魚汁好惹味，炒飯好有鑊氣. ◮ 溫泉蛋和風沙律雞 $78 「 ⁷ ⁄ ₁ ₀ 溫泉蛋呈流心狀態，一吉爆晒漿，沙律汁好Fresh，🐤雞肉和🌽栗米都好食. ◮ 鹽燒三文魚魚皮 $38 「 ⁷ ⁄ ₁ ₀ 三文魚連皮帶肉薄燒，有鹽燒或汁燒選擇，不會過鹹，超級脆！. ◮ 十勝一口牛 $98 「 ⁸ ⁄ ₁ ₀ 一口size，燒得好香，肥瘦均勻，無寫係和牛但係燒得嫩滑🙊. ◮ 串燒 「 ⁷ ⁄ ₁ ₀ 牛脷串 - 爽口 🎖️和牛串 - 嫩窩 完全唔韌炸豚肉流心蛋 - 好特別，外皮酥脆，內裡真係流心🎖️. ◮ Homemade Rose Strawberry Tiramisu $58 「 ⁹ ⁄ ₁ ₀ 🎖️夜晚已經賣剩一件好彩試到！表面係士多啤梨乾🍓，好香玫瑰味🌹和士多啤梨醬小小偏甜🤏。但不是平時吃Tiramisu口感，是鬆散的芝士蛋糕搭配淡淡咖啡味，不會膩滯口感，好特別十分推薦！…查看更多

觀塘超隱世喫茶店！位於冠力工業大廈15/F無電梯直達該層㗎🥹想去嘅客人要搭到14樓再上一層餐廳空間好空曠 而且位置亦好大✨環境好舒服 適合靜靜地同三五知己一齊chill下傾計(｡•ㅅ•｡)♡！.① 原條蒲燒鰻魚炒飯🍛 ($148)// 想有靚靚擺盤嘅話，可以叫依款！真材實料用咗大大份原條鰻魚，魚肉厚實啖啖肉🤌🏻表面淋上燒汁配炒飯食，整體都幾惹味，而且份量都大份 食到好滿足喔💛~ 不過價錢以觀塘區嚟講算偏貴🙈 //𝐅𝐨𝐨𝐝： 🌕🌕🌕🌕🌘🌑② 極上牛山三文魚籽冷拉麵🍝 ($152)// 冷拉麵配有麻醬，一份會有3-4塊和牛肉，表面仲有三文魚籽。和牛牛味濃郁🤏🏻，口感軟腍而且熟度對小編嚟講啱啱好 (但部份帶紅)。拉麵可以淋麻醬食，但係整體有少少𝐝𝐫𝐲 (๑´ㅁ`)。//𝐅𝐨𝐨𝐝：🌕🌕🌕🌕🌑🌑③ 日式炸醬油年糕🍘 ($48)// 成餐飯嘅𝐌𝐕𝐏 (⸝⸝•̀֊•́⸝⸝)!!! 一串2顆醬油年糕價錢偏貴，不過味道令人好深刻🤩！每份即點即製，外層卜卜脆，表面嘅紫菜脆得嚟都好香口，內裡煙韌帶軟𝐐~外內反差感好大，所以幾驚喜！//𝐅𝐨𝐨𝐝： 🌕🌕🌕🌕🌕🌘④ 炸豚肉流心蛋🍳 ($32)// 賣相好吸引！吉列豚肉包裹住切開對半嘅半流心蛋，完全係難以抗拒嘅賣相💛不過味道普通，整體無咩調味偏寡。//𝐅𝐨𝐨𝐝：🌕🌕🌕🌖🌑🌑⑤ 富士山特飲🗻 ($58)// 漸層超級靚嘅富士山特飲!!!店家仲會加入發光嘅冰(會不斷轉色好靚好啱打卡!) 特飲用咗藍柑橘加檸檬🍋，表面加咗日本北海道3.6牛乳雪糕，成個層次好靚(๑╹◡╹๑)！//𝐅𝐨𝐨𝐝：🌕🌕🌕🌕🌑🌑.🥞ねずみの王冠 喫茶店 (觀塘)觀塘巧明街106號冠力工業大廈15樓1501室…查看更多

觀塘工廈餐廳小店真係琳瑯滿目，要有返啲特色先可以突圍而出，今次食呢間小店係以和風為主題，無論裝備/擺設/餐點都充滿日式氛圍☺️🇯🇵🦀北海道3.7牛乳松葉蟹腳鍋 $156松葉蟹腳份量都幾多，肉質鮮甜，牛乳湯底味道純滑，有奶香但唔會太濃味搶左蟹腳既鮮味，鍋中既蔬菜亦都索晒湯汁，越食越鮮甜☺️🍚原條蒲燒鰻魚炒飯 $148呢個價錢食到原條鰻魚真係算唔錯，肉質厚身，冇骨唔腥，炒飯用蒲燒醬汁同洋蔥碎炒香，粒粒分明，配上椰菜絲一齊食更加清新，完全唔會感覺蒲燒汁甜膩👍🏻🐥燒明太子雞翼 $56新鮮熱辣上枱，雞翼脹卜卜，一咬啲肉汁爆晒出黎，明太子餡料既咸鮮同雞肉一齊食超惹味😋🗻富士山特飲 $58期待左好耐既特飲😍杯中既燈真係非常吸睛😍味道比較清新，心急想食雪糕當然可以食先，不過我覺得可以等雪糕慢慢溶化同藍柑橘氣泡飲品互相融合會更加好飲😆（溫馨小提示：就算心急都唔好一野將雪糕轟落飲品到，會即刻瀉晒🙈富士山都變活火山🌋😂）🍵Matcha Latter $36拉花好靚靚😍係可愛既龍貓💖味道都ok, 抹茶味適中，唔會過苦澀🍵…查看更多

之前喺網上見到呢間非常日式嘅cafe 呢晚嘅思鄉病發作 好掛住日本 就醒起呢間餐廳 即刻嚟呢間cafe食晚餐🥰 呢間餐廳嘅環境主要係木色 俾到人一種好溫馨嘅感覺😗原條蒲燒鰻魚炒飯原條蒲燒鰻魚好厚身☺️ 底下嘅炒飯都非常惹味 餐廳用上珍珠米 再加上用咗日式醬汁 入面嘅炒蛋仲有白蘿蔔粒都令到整個炒飯味道好豐富😎 尤其係鰻魚配埋炒飯一齊食更加可口鹿兒島豬軟骨野菜鍋見到幾乎每一枱都會叫一款鍋物😙 我哋就揀咗有店鋪推介嘅豬軟骨😋 超級推介呢個豬軟骨鍋 汁煮豬軟骨好入味 加熱咗個鍋之後嘅豬軟骨 軟骨部份入口即溶🐷 真係食唔停口呀 呢個鍋底下仲有其他配料 好似豆腐 金菇 冬菇 蘿蔔片同埋粉絲 唔少得嘅當然係仲有啲蔬菜喺下面啦 均衡飲食嘅一餐炸三文魚骨呢個係廚師推介嘅項目 冇諗過呢個價錢會有咁多件酥炸三文魚骨😮 呢個三文魚骨都係比較多肉嘅部份 近骨嘅魚肉油香十足🐟 再配埋隔離有蛋黃醬 減低咗唔少油膩感串燒牛脷串 用咗鹽燒嘅調味令牛脷嘅牛味好充足🐮 而雞軟骨串 依然仲有好多肉汁🤪 Matcha Latte有龍貓嘅公仔拉花真係好可愛呀😻 仲要有好濃郁嘅抹茶味 呢度仲選用咗北海道富良野特選3.7牛乳添🥛Rose Strawberry Yoghurt Smoothie臨近白色情人節 真係好想沉醉喺呢個粉紅色嘅世界 飲返杯粉紅色嘅玫瑰士多啤梨乳酪smoothie就唔錯啦🥰 味道酸酸甜甜 又適合打卡3.6 Milk ice-cream with Rose Strawberry Tiramisu飲完杯smoothie就好想試埋呢度嘅甜品🍨 呢個Tiramisu有得揀要唔要雪糕 我呢啲為食貓梗係想食埋個雪糕啦🍦 個雪糕都係用3.6牛乳製成 配埋特製嘅士多啤梨醬 已經好開心啦 tiramisu部分似乎就唔係用ladyfingers 似食緊蛋糕多啲 但同樣令人好滿足🎂 味道唔係咖啡味嘅tiramisu 而係士多啤梨同玫瑰 都相當特別😛好開心今晚可以同情人甜甜蜜蜜咁係呢度嘆返餐令人滿足嘅晚餐🍰 呢度嘅環境令人好放鬆 真係好期待下次再嚟啊…查看更多

🇭🇰 Hamsta Crown Coffee觀塘隱世日式食堂餐廳位於巧明街 空間感大 日式風格 燈光柔和 有仲有精品可以睇感覺舒服 幾岩朋友黎chill 下🍙明太子蟹肉炒飯(💰$118)份量唔小 明太子蟹肉味適中唔會太鹹 味道行清淡路線 🍙原條蒲燒鰻魚炒飯 (💰$148)⁣
鰻魚炒飯相對之下味道濃醬油味重 炒飯調味不錯 佈滿醬油鰻魚份量都唔細 腍身少細骨 整體不錯
🍘炸豚肉流心蛋(💰$32) 流心效果不錯 炸衣薄脆🐃和牛串 (💰$39) 有4粒牛 油香味十足 👍🏻推薦🍢炸冬菇串(💰$28) 冬菇大件 都juicy🧀炸芝士和牛串(💰$43)加左芝士牛味冇咁出 但依然好邪惡-🍇巨峰葡萄梳打(💰$38)清新唔太甜 有解膩作用…查看更多

Cafe裝潢走和風居家feel, 環境悠閒舒適, 見到好似仲有啲榻榻米枱☺️唯獨係覺得啲櫈矮得滯, 坐得耐會唔舒服🙈店員既服務態度都好友善👍▫️🍴ᴍᴀɪɴ·原條蒲燒鰻魚炒飯 $148﹟鰻魚處理得好岩口味, 汁既份量恰當, 唔會過咸🥰雖然唔係話特別厚身, 但食落都淡淡肉, 重點係唔會有腥味, 唔會好似食橡筋咁, 口感軟綿‼️個飯夠濕潤之餘都粒粒分明, 撈埋鰻魚一齊食好好味🙌🍴ᴍᴀɪɴ· 神戶野菜牛肉鍋 $118﹟牛肉口感就正常發揮, 但勝在牛肉同菜既份量都十足😻撩撩下仲撩到有啲口感彈牙偏粗身透明粉絲🙆🏻‍♀️好豐富既一鍋😛🐙sɴᴀᴄᴋ·七味墨魚咀 $68﹟墨魚咀炸到熱辣辣, 粒粒都好有嚼口, 好好咬🤣💕🍢sɴᴀᴄᴋ·和牛串 $38 + 炸豚肉流心蛋 $32﹟和牛串有4粒到, 食落都唔會鞋口, 油脂分布平均, 都有少少牛香🐮而個流心蛋串賣相相當誘人, 味道亦都幾不錯👍外層脆口, 唔會厚粉, 隻蛋口感濃稠, keep到少少流心效果😋🥤ᴅʀɪɴᴋ· 富士山特飲 $52﹟係一杯識發光嘅富士山🤣味道係波子汽水加少少檸檬味🍋最頂層就有一球牛乳味雪糕🍨飲落都幾refreshing 既感覺, 唔會話甜膩💕…查看更多

晏晝行行吓街, 友人問我同 P san 一唔一齊食晚飯, 結果就一行四人, 由友人車咗嚟觀塘搵食, 搵到喱間日式小店。雖然位處工廠大廈, 但係門口俾人一種舒服嘅感覺。 入到店家, 店員問我哋有無 book 位, 因為無 book 位, 所以要等店員安排入座。 入到去啲枱櫈比平時去嘅餐廳矮, 仲有日式榻榻米同矮枱坐, 有種令人好放鬆嘅感覺。 我睇完 menu 之後, 決定點原條蒲燒鰻魚炒飯。 鰻魚真係好大條, 但唔熱亦唔暖, 所以食落質地比較硬, 亦無咩鰻魚味同唔肥美, 炒飯好似用咗蒸魚豉油加熟油一齊炒嘅味道咁, 食到一半就已經有少少膩唔想繼續食, 飯粒亦唔多似係真正日本米咁短短肥肥脹卜卜同有飯味, 飯嘅份量都唔算多, 但店家都會貼心咁配埋少許生椰菜絲同兩件醃蘿蔔, 可以俾人解吓膩。     我哋除咗各自點咗一個主菜之外, 仲點咗個七味墨魚咀。 喱個墨魚咀外皮炸得鬆脆, 而且七味粉平均散佈喺每粒墨魚咀度, 好惹味, 喱個係成餐飯我會比較推薦嘅菜式。 P san 點咗喱個神戶野菜牛肉鍋加一個雜炊, 我哋點完, 店員拎咗個爐上枱, 再等咗一陣就放埋個鍋上個爐上面同點火, 我同 P san 等啲湯滾咗先開始烚。 牛肉份量多, 而且有好濃牛味, 不過食落似係我哋平時打邊爐嗰啲肥牛, 下面有粗粉絲、 菜、豆腐同鮮冬菇, 啲湯飲落好清甜而且有菜味, 應該係用味醂煮嘅, 喱個都不錯食哦, 可以放埋個飯落去成為一個雜炊。最後, 飲品方面, 因為我唔飲汽水, 所以我點咗喱間店多人推薦嘅富士山特飲嚟打吓卡, 之後就俾咗 P san 飲, 而我就點咗個焦糖鮮牛奶朱古力。 喱個富士山特飲, 下面係梳打水加冰, 店家放咗一粒有燈嘅塑膠冰粒喺梳打水入面閃吓閃吓, 上面係雲呢拿雪糕, 外貌做到同富士山相似, 當雪糕融咗喺梳打水之後, 更會做出富士山有不同層次雪景嘅狀況, 等我哋無得去日本都可以欣賞到富士山解下旅行癮。跟住喱個係另一個我會推薦嘅飲品, 用鮮牛奶沖泡, 而且滿有香濃朱古力味, 又唔會苦, 奶味同朱古力味都飲得出, 好 balance, 上面有一層好輕嘅 cream, 再有少許焦糖吱咗喺層 cream 上面, 令朱古力更香滑。總括, 喱間餐廳似 cafe 俾人傾計同 hea 多過一間餐廳, 店家有一種日式小店嘅感覺, 坐得舒服好 relax, 飲品比較吸引亦吸睛, 不過我哋星期日 7:00pm, 有 1.5 小時限時, 若大班朋友就最好 book 位。…查看更多

如果要找間Cafe悠閒地喝著咖啡和吃點輕量晚餐地渡過一個晚上，【Hamsta Crown CAFE】絕對是我慢活的首選。原因無他，就是尤其喜愛這邊比較日式的環境，像這天預留了一個晚上好好慢活，放慢生活節奏，我還是提出了想要到觀塘工廈的想法，特意地跟著Google Map去了數間瞧瞧，但還是覺得不太合心意。結果還是選了之前到過的【Hamsta Crown CAFE】。巧明街106 號15 樓，搭LIFT去到14樓再行落一層樓梯先搵到喔。門口見到綠色毛毛牆便是了。一入門口右手面有有個小攤檔入面有著少量日式貨品、精品售賣，行完再入座都可以呢。【Hamsta Crown CAFE】店內就有種溫馨的和式感覺，以簡潔的裝潢為主，主要的白色、綠色的牆身配上原木色的餐椅和餐桌更令整間Cafe的格調提升了一個層次還有些可愛的小擺設。有別於一般只接受現金付款的小店Cafe，讓我很喜歡的一點是這裡還有榻榻米喔。餐牌都印刷得特別精美，選擇亦不少。👉🏻左口魚芥末忌廉沙律 $72平時已經好鍾意食左口魚裙邊壽司，見到呢個真係好Surprise，因為估唔到Cafe都有左口魚食呢，真心好開心呀！所以係必點ITEM之一。左口魚是我最喜愛的日本食物，端上來的時候，香噴噴的芥末忌廉味撲鼻而來，左口魚食落口感較為細膩，炙燒後入口即溶，甘甜魚油滲出，味道一流。芥末忌廉充滿獨特日式風味，味道濃郁且帶微辣，刺激醒胃。👉🏻牛脷串 $35兩個都好喜歡牛脷串呀，第一時間點了厚切牛舌，仲一人一串，味道濃厚，非常厚身添！厚切牛舌的口感很軟嫩又帶一點點脆的口感，好有咬口, 但完全不硬和乾, 身，加了海鹽,更能帶出牛舌的味道👉🏻汁燒八爪魚丸 $58章魚燒是港人大愛的掃街美食。呢度既八爪魚丸外脆內軟，麵糰口感好好，裡面是彈牙多汁的章魚粒和蔬菜，不過老實說八爪魚的量偏小呢。但配上燒汁、粉量蛋黃醬和木魚碎，夠惹味。小巧精緻，顏色搶眼，影相都幾吸引。👉🏻七味墨魚咀 $68下七味粉成癮，墨魚咀也下了，果然七味粉真係非常好調味呀！！！！整體味道香香辣辣，墨魚咀又脆卜卜，如果係送酒嘅話真一流呀！👉🏻原條蒲燒鰻魚炒飯 $148原條炭火燒鰻魚飯，鰻魚超級大條呀，賣相很震撼。望落鰻魚厚肉肥美好似啖啖肉咁，好正！鰻魚果真厚肉肥美，外皮焦脆香口，肉質嫩滑，細骨就不算多，被炙烤得剛剛好，魚油膩感豐富，炒飯底用日式醬油炒香，炒飯炒得不算乾身，而係較濕潤多汁，但味道濃郁可口，都可搭救，上面鋪左飽滿既蒲燒鰻魚，真係記得影完相先好食喔！如果你是追求方便快捷的速食，【Hamsta Crown CAFE】或許不是一個好選擇，因為店內是一個寧靜慢活得空間，而且正所謂慢工出細貨，要品嚐到高水準的美食實在需要付出等候的時間，因此不要出餐的速度抱有太高的期望，這亦正好是個享受慢活的好機會。…查看更多

撘𨋢至最高樓層，再行一層樓梯，先黎到呢間隱蔽嘅日式cafe。室內佈置唔錯，問題係餐枱餐櫈都好矮，坐得耐會腳痺，伸直腳又會踢到對面個人。 因為座位逼夾，又同隔離枱距離好近，私隱度低，所以我哋快快脆食完就埋單走人了。1\原條蒲燒鰻魚炒飯鰻魚頗大條，亦好肥美。炒飯味道都好濃郁，有陣陣鰻魚醬汁味。若果炒飯同鰻魚一齊食，會少少蓋過鰻魚嘅鮮味。伴菜係沙律菜配日式芝麻醬同醃蘿蔔。沙律菜幾新鮮，可以幫忙清除口腔內濃濃嘅醬汁味，唔錯。:)2\日式廣島炸蠔廣島蠔唔算好大隻，外層炸得香脆，配上日本醬汁同檸檬汁，味道酸甜唔錯，值得一試。3\鹿兒島豬軟骨野菜鍋豬軟骨好淋、好惹味。 份量較light，同朋友當小食share比較好。*相片取自影片，解像度較低。總括而言，食物味道唔錯，份量輕盈。可惜因爲CP值較低，而且坐得唔舒服，所以回頭度低。…查看更多

很喜歡去觀塘的工廠大廈尋找餐廳，因為每心都有驚喜而且品質也不錯喔😗也有不少隱世cafe從門口看好像綠野仙蹤咁，一進入我好似打開了隨意門🚪去了東京咁~~裡面裝修好日系，係收銀處旁邊仲有賣日本護膚品和化妝品，真係可以當自己去左日本咁～🔹日式他他醬吉列魷魚 ($68)魷魚好新鮮呀！又唔會覺得好油，外皮炸得好香脆，咬落去脆卜卜而魷魚都軟稔，他他醬好ᴍᴀᴛᴄʜ~~🔹神户野菜牛肉鍋 ($118)估唔到牛肉既份量有咁多，一打開個蓋就看到牛肉了💕脂肪分佈好平均底下含冬菇、透明麵、蔬菜和豆腐等。有隻蛋蛋可以倒落去...🔹左口魚邊裙芥末忌廉沙律 ($72)⁣⁣⁣⁣左口魚愛好者不可放過喔～左口魚加沙律菜食過未呢？我就未試過，好好奇🤓左口魚滑滑的又溶係口，沙律菜就好爽口，有芥末係入面，所以會辣辣地...🔹原條蒲燒鰻魚炒飯 ($148)⁣咁長既鰻魚仲有飯的份量也有很多，$148呢個價錢合理也...2個女生sʜᴀʀᴇ食也很飽飽喔🤰🏽炒飯的味道剛剛好，有啲蛋絲係入面🥚鰻魚很長都幾肥美，燒得好香，鰻魚汁唔會太鹹，細骨唔算有好多呢度嘅飲品有好多款，有成幾頁👍🏽幸好選擇困難沒有發作，一看就已經選擇了想飲的飲品💛🔹富士山特飲 $52黎到既時候..我瘋狂了起來，不停咁講好靚呀....真係好似富士山的造型呀.....😻可能係因為小胖子🐷去過東京但都未遊覽過富士山河口湖🗻 所以對富士山有一種特別的鐘情上面係3.6牛乳雪糕🍨放左好耐都唔會話溶得好快👍🏽藍色的是藍柑橘檸檬特飲，但唔係好似得出😂😂不過這富士山🗻加曬分😂而且入面有粒閃下閃下的發光體，會程現深藍、湛藍、粉藍、紅的效果，太美了😘…查看更多

上樓餐廳雖然唔似得大商場咁五光十色，但上樓相對租平，用較平價錢食到好嘢的機會相對較大。今晚呢間又係一個好例子。原條蒲燒鰻魚炒飯鰻魚厚肉肥美，外皮焦脆香口，肉質嫩滑，細骨不算多，被炙烤得油香四溢，淋上鹹香帶甜的醬汁，想唔好食都難。七味墨魚咀味道香香辣辣，墨魚咀又脆卜卜，送酒一流。神戶野菜牛肉鍋甜湯底，菜同牛肉都好入味。牛舌串 & 雞軟骨串牛舌厚切串燒，爽口彈牙，簡單配上海鹽黑椒調味，無得輸。雞軟骨表面夠乾身，非常有咬口，但依然保留一點點柔軟。…查看更多

在觀塘工廈中，尋覓到一所與朋友輕鬆一下的咖啡廳，在平凡的週二吃頓豐盛晚餐，聊聊天。咖啡廳的設計風格充滿文青氣息，全以木牆為主，加上櫻花樹苗壁裝飾，四周佈滿和風擺設及布簾。餐桌是有質感的木枱，配上梳化櫈或木櫈，在一角落中，有一桌很特別，是榻榻米，可供5-6人使用。店員很有禮、友善的帶位，平日晚上餐廳也爆場，這趟找對地方了。看到每枱也點了鍋物，瓶子當然不例外。大阪麵豉豚肉豆腐鍋小小的鍋，很有內餡。鍋面鋪滿半肥瘦的豚肉片，冬菇𠝹了花紋，很有心思，底層是粉絲與蔬菜，有肉有菜。鍋子是一直熱著，很有打邊爐的感覺，很滿足。原條蒲燒鰻魚炒飯沒看錯，真是原條鰻魚。鰻魚肉質肥美，再淋上醬汁，炒飯粒粒分明飽滿，全吸收了鰻魚的精華。看圖已被串燒深深吸引。來一串汁燒牛舌、雞翼串。雞翼以黑椒調味，燒至金黃，香氣四溢。牛舌是一口大小，很容易從竹籤中取出，略有嚼勁。縱使是晚上，也無阻瓶子喫啡的心。Mint Mokaccino，就是薄荷朱古力咖啡。咖啡味不太濃，散發淡淡薄荷朱古力味道，奶泡打得漂亮，拉出富藝術性的拉花。…查看更多

觀塘係我經常搵食既地方，今次一大班朋友去，諗住揀間環境舒適既地方坐下食下野。 可能因為我地太大班人又有啲嘈，女侍應一開始就對我地黑面，態度都幾差，不過我不嬲對服務無太大要求，最緊要食物。 由於本人係魷魚愛好者，基本上總知係魷魚我都會覺得好食。呢個都炸得幾好，係份量細啲。 呢個芝士年糕既size 超級的骰，目測直徑得4，5cm，似糯米滋既大細。憑良心講佢係好食，皮夠脆同入面腍腍地，但性價比太低，成$24一粒，絕對唔值。 我既評價係... 要食牛肉鍋不如去食吉野家，一樣size，吉野家仲要有烏冬，呢度只可以加飯（$15）。啲肉就比較「鞋」，粉絲彈牙，唔錯。但整體唔係幾抵食。 舊鰻魚煮到好腍，外皮微微燒到香脆，好食。但個飯黎到係凍既，我個人期望每碟食物上枱都係熱既，至少唔好係凍。呢度扣左唔小分。 呢個飯就熱返啲喇，個飯都幾乾身，但唔會話好好食。 呢個應該係全晚最好食既一碟，汁濃肉香，舊肉煮到好腍但又唔靭，好食但得勁小，十幾舊一口肉收成百蚊。 總括黎講，大食既朋友要諗清楚，叫一樣野就一定唔夠食。但公平小小講，佢係有二人餐提供，每人二百蚊度，但我地太多人無叫，可能二人餐會抵食啲喇。呢間坐低傾下計既話係唔錯既選擇，但我唔會因為食物推薦呢間。…查看更多

一直都好想去呢間日式 Cafe 食嘢 😉 見到裝修和式，地方闊落，而食物好似幾精緻咁。前排終於有機會試到。嘢食就唔算話驚為天人，款式亦唔算話非常之多，但應試嘅都試到，飯、串燒、前菜、小食同甜品一應俱全，有啲似 family-friendly 啲嘅居酒屋 😆 呢個環境十足十電視睇到日本樓上店嘅裝修格局，夜晚嚟同朋友談心都幾適合前菜小食左口魚邊裙芥末忌廉沙律 ❤️ ($72)⁣⁣⁣⁣評分：7.5/10.⁣⁣⁣⁣呢個沙律採用嘅配料幾有新鮮感 😋 hirame fish, 左口魚平日真係冇見過用嚟做沙律料理 🤔 莫非呢個係日式烹調方法 (?) 但又的確係幾夾喎同啲爽口嘅沙律菜。左口魚🐟滑溜彈牙，膠質似乎幾多 🤓 食落同其他刺身都相似但魚嘅味道冇其他食用魚咁搶鏡，變相令佢好適合用做陪襯⁣串燒Menu 其實有一頁全部都係串燒，我哋試咗好幾款之後推薦以下三款俾大家 💁⁣⁣⁣⁣⁣蛋黃醬燒松葉蟹棒串 ❤️ ($36)⁣評分：8/10.⁣最推薦嘅一定係蟹棒 👍蟹肉鮮味，而且有彈性，但同時亦都軟熟，同魚肉仿製嘅蟹柳當然好唔同。蟹棒嘅 Size 亦都幾大支 🦀 加上上面咁多嘅美奶滋醬好難唔好食 😂 呢個感覺唔太熱氣 😙 但面頭嘅醬落得都幾重手吓⁣牛脷串 ❤️ ($37)⁣評分：8/10.⁣原味嘅牛脷唔晒多調味，唔會搞到好鹹或者牛肉本身嘅味道俾燒汁蓋過 😗 燒牛脷嘅火候控制得好好，所以出爐嘅牛脷非常之爽口彈牙，冇筋冇渣⁣⁣免治雞肉串 ❤️ ($36)⁣評分：7.5/10.⁣雞肉串見得多，呢種免治雞棒比較少見，雞肉打碎後再搓成條狀囉去燒，食落口感似雞肉丸，有少少嚼勁，如果配埋有蛋汁點就更好喇飯類原條蒲燒鰻魚炒飯 ❤️ ($148)⁣評分：7.8/10.⁣呢個飯係我嚟之前已極決定一定會點嘅菜式。皆因口碑不俗 😆 覺得無論鰻魚定炒飯都帶著濃濃嘅日式住家菜風味。鰻魚就唔算好肥大，但勝在燒得恰到好處，細骨唔明顯，炒飯味道可好 😌 唔會太花巧太鹹，送已經醃好嘅蒲燒鰻魚啱啱好。不過性價比就比其他餐廳嘅鰻魚飯略高咗啲飲品甜品富士山特飲 ❤️ ($52)⁣評分：7/10.⁣呢個富士山特飲系幾有諗頭嘅，我已經好耐冇見過發光冰系餐廳出現。系藍色嘅梳化入面發光令到杯野望落好夢幻!! 😄 拉到最後就可以見多飲品變色時嘅真身喇炭燒榛子 Affogato ❤️ ($48)⁣評分：7/10.⁣Affogato 嘅義大利文意即「沉沒」嘅意思，望住雪糕🍦系咖啡入面晃動崩塌，系幾治癒嘅 🤗 佢哋嘅雪糕系用 3.6 牛乳特製，牛奶味超濃，而咖啡就用特濃 black coffee，務求做到冰火交融之餘，甜苦相遇嘅對比。唯一我諗就係雪糕始終係溶得比較快⁣其他食物j…查看更多

星期日又係放鬆心情嘅好時候，今日我地去左觀塘一間日式Cafe食好野！整間Cafe都充滿簡約嘅日本氣味，榻榻米嘅座位、木製嘅餐具、簡單嘅Menu設計，令人彷彿真係去左日本🇯🇵一樣！用餐區旁邊仲有一個小小嘅購物區，提供左唔同日本精品、護理日用品等等，客人如果睇岩都可以買番屋企架！😍雞翼串($32/串)- 燒得皮脆肉嫩，加左椒鹽香料，份外香口！😋和牛串($39/串)- 火候控制得岩岩好，牛肉表面燒到微微焦香，但仲保持肉汁，肉質食落軟身，且重牛味！👍🏻汁燒牛脷串👅($37/串) - 牛脷厚身，同樣燒到岩岩好，爽口彈牙，加上微甜嘅燒汁，好惹味！非常推薦～ 🤤🤤🤤大蔥串($18/串) - 蔥味十分香，帶有微微嘅蔬菜鮮甜，剛好中和番之前串燒嘅油膩感！🤗鰻魚原條上，肉身肥厚，油脂豐富，口感軟淋而且甘香；炒飯加入左鰻魚汁一齊炒，增加左唔少日式蒲燒風味！麵豉湯底比較清淡，但配埋多種蔬菜🥬，味道愈煮愈鮮甜；🐖豚肉味突出，肉質鮮嫩。非常精緻嘅特飲，以🗻富士山為藍圖：藍色山嘅部份係加入左藍金橘嘅梳打水，山頂雪白嘅部份係🥛北海道3.6牛乳雪糕。味道微甜而帶點清香，感覺非常清新；3.6牛乳雪糕好重奶味，非常綿滑！😍特飲加左會變色嘅燈光效果，令呢杯特飲變得好夢幻，打卡必點！📸👍🏻🍫朱古力味道香濃，入口甘甜，加左3.6牛乳令口感更滑順濃郁！令人回味～ 😋Cafe整體俾人一種家一樣嘅溫馨舒服感覺，而且食物味道唔錯。係三五知己👭👬或者💑情侶拍拖嘅好去處！…查看更多