同撈同煲 (堅拿道西)

營業中

休息中

好朋友生日話想打邊爐，於是book定檯同佢去近期好興復古懷舊風嘅地方打邊爐慶生~裝修擺設懷舊有心思，整晚都播著經典懷舊金曲，氣氛好好。我地次次都必叫沙嗲鍋，今次都唔例外~ 老港沙嗲鍋好大一鍋，厚而濃郁，滿滿嘅花生碎之餘仲有細細芋頭粒係面，正。難得有日本飛驒牛，就order左細份試試，飛驒牛上盤嘅時候仲有少少煙增強仙氣感！店員問我地試唔試生食，我地比較保守，都係prefer熟dd，係沙嗲湯上涮幾下，真係入口即融好嫩滑，係高級嘅享受唷~桂花蚌同五香肉丁墨魚丸都係當晚比較出色嘅食材。桂花蚌份量唔多但鮮甜爽口，第一次食有五香肉丁做餡料嘅墨魚丸，感覺好特別。田園拼盤有西洋菜、油蜜菜、娃娃菜、生菜、粟米、番茄、好足料！鴛鴦滑(黑松露墨魚滑+蟹籽蝦滑)爽口都唔錯。芝士豆腐磚就一般，口感介乎較腍嘅魚旦於同較硬嘅豆腐之間，味道ok但我麻麻地個口感。腐竹控朋友order左鮮腐竹，份量超多，滿足佢嘅慾望。仲有即炸響鈴超鬆脆，沾附上嘅醬汁即食都好ok~ 記住動作要快，等多陣就冇咁脆㗎啦~臨近尾聲當然一貫傳統整返個出前一丁，掛曬汁兼吸曬食材嘅精華，大滿足~飲品方面，order左杞子園肉菊花茶同山楂紫背天葵，樽裝

今天傍晚要到銅鑼灣登龍街OFFICE攞少量精油現貨，所以又經過鵝頸橋，只不過今次不打小人了。冠景樓，我個人叫火鍋大廈。今天要試一間以懷舊裝飾作主題的火鍋店。入到店內，便見那些上世紀70，80年代的動漫牆壁，忍者小靈精，17號大跌人；再加一些傳統食店餐具，雞碗，白底藍色圖案的瓷碗等等。總之，店家似乎想令食客有沉溺到幾十年前食店紛圍之中。因為趕時間要食完晚飯回家繼續工作,所以要採用速食火鍋食店的概念:牛豬雞必食拼小食。1)花雕醉人美人鍋2)安格斯牛肉3)梅花黑豚肉4)即炸響鈴5)懷舊蝦多士講下個美人鍋，嘩，個湯底真是不得了。我和同行友人，幾乎未食任何食材前和湯中雞件，便已不停飲藥材味+雞味濃厚的湯底。我和友人邊飲邊說:我們好似去咗藥膳雞湯館咁。鍾情於濃郁湯味的火鍋友應選這個。此店的安格斯牛肉肉質都不錯，紅肉和白色脂肪比例合理。放入熱湯中約一分半鐘便能鬆化入口。至於黑豚肉，就應該不過不失。因為火鍋湯中早已充滿了之前的雞件肉味和其後的安格斯牛肉味。浸熟了的黑豚肉充滿了其它味道，所以難以作公平的評述，唯有下次再光顧再先放黑豚肉品嚐作評分。小食響鈴和蝦多士，由於是即叫即做，熱辣辣，當然口感和味道都

呢間係朋友想試好耐！而我都好耐冇打邊爐了，所以就決定豪一豪佢😂雖然我哋有book，但嚟嘅時候仲有好多位，成間餐廳嘅裝修行懷舊風，服務態度都唔錯～有推介唔同菜式，又有定期過嚟關心下我哋有乜需要👍🏻湯底選擇方面完全考起我，因為有好多款😹款款都好吸引，亦有唔同款式嘅邊爐料，醬料方面就正常發揮，包含咗$15嘅醬料費，但個人覺得唔使蘸醬都已經夠味🤣=====================🐔冬甫美人鍋（雞湯）$198呢度嘅員工推薦我哋試吓呢個湯底🤔話好多人叫，而且仲有半隻雞好抵食，嚟到佢會先撈起隻雞斬件🐓俾我哋飲返碗湯之後先加水，個湯真係幾出色，好似人哋啲老火湯🤤好濃郁，冇味精嘅死咸，湯底讚一個👍🏻不過雞就唔夠嫩滑，煮到老咗少少🤏🏻🦐懷舊蝦多士 $68第一次食蝦多士～多士炸得好脆，中間隻蝦幾爽口，食落口感幾得意，連醬食都唔錯😋🥠即炸響鈴 $58呢個價錢係有少少貴，不過響鈴幾大舊🧐而且感覺亦新鮮，冇油膱味！🦑黑松露墨魚滑 $98呢個推薦大家食！淡淡黑松露香，食落仲有墨魚粒，QQ彈彈，好爽口🤤🐖梅花黑豚肉 $108呢個豚肉屬於厚切，個人比較鍾意薄切😂佢豬味都幾重，味道就不過不失啦，特別嘅係佢配埋青瓜

朋友喺網上見到一間裝修得好有懷舊風嘅火鍋店，叫埋我去感受一吓～ 💈先講環境～係樓上舖嚟嘅～樓梯選用紙皮石pattern嘅牆身貼紙，門口用咗classical嘅當舖霓虹光管招牌，一路行去火鍋店就好似行入咗時光隧道咁，走進七、八十年代嘅感覺～公雞碗碟、茶壺水杯，橙色卡位雅座、紙皮石地面、舊式掛牆鐘，豬仔錢罌、舊式理髮店嘅紅白藍旋轉燈筒同埋舊式風筒、暖水壺、收音機、電話、信箱…… 仲有藍精靈、黃金戰士、忍者小靈精、（大鐵人17、星仔走天涯，利申：未出世🤪）嘅打卡位添～～～ 未食嘢淨係睇個環境已經好興奮、超開心！🥳再講吓服務～店員會用夾將碗、碟、茶杯浸入滾水清潔一次，食具乾淨企理我有選擇障礙😝，望住湯底唔知揀邊個好，問吓每個湯底有咩特色，店員都不厭其煩地細心解釋👍🏻佢介紹海鮮套餐俾我哋，又提議調配一下組合，令份量更適合我哋兩個人食問唔同嘅牛肉組合有咩分別，佢又主動入廚房問吓師傅今日係用牛嘅邊個部位 👍🏻👍🏻入正題：食物結果湯底揀咗”冬甫美人鍋” ，同埋叫咗3款火鍋配料🔸冬甫美人鍋（雞湯）個鍋擺盤好有心思，店員放上枱俾我哋影相之後，就夾起隻雞去斬件雞下面有一大塊冬瓜，店員用鉸剪將冬瓜剪開方便食用

難我阿爸約食飯仲要就我地港島返工既人相約CWB...當然唔會托手爭唔到喇~!東甫美人鍋就係冬瓜花膠瑤柱雞湯...好足料!半隻雞...一份冬瓜...少量花膠...桃膠...瑤柱...蟲草花...紅棗...煲滾後立即試下個湯....點知有少少失望...唔夠味...陀地手切牛(大)...顏色鮮艷...肉味都唔錯~海鮮拼盤有海蝦...帶子...鮑魚...蟶子...斑頭腩...全部都好新鮮!!!其他火鍋料都唔錯...最驚喜應該係去到甜品果part...首先黎個遮仔啫喱杯...好多年冇見過喇~好懷舊!!跟住黎左碟聲稱係糖不甩既野黎...有2條錦鯉年糕同一碗花生芝麻糖碎...第一眼睇到...個心就充滿問號...乜料...上碟咁既野黎...店員俾我地影晒相之後...就清乾淨個鍋入面既料淨返D湯...之後就放2條錦鯉年糕入去...大火煮至稔身就上碟剪成一粒粒..掩滿花生芝麻糖碎...講真...一個咸既火鍋湯底拎黎浸軟D年糕..冇理由唔入到D味嫁...出奇地...完全冇影響到糖不甩既味道~仲要香軟甜甜咁...最緊要係2款甜品都係送...唔洗錢!!!總括黎講...值得再去既~

今日同男朋友約咗食喱間係銅鑼灣新開既邊爐，之前開喺九龍城嘅時候已經想試，今次終於喺銅鑼灣新店試到。我哋大約6:30左右去到，可能因為新開嘅關係，唔算好多人。見到餐牌都有好多海鮮set 不過男朋友唔想食海鮮所以就冇嗌到。店員推薦我地叫冬甫美人鍋，好大一煲，非常足料🤤🤤🤤日本飛驒牛 特級手切牛肉兩款都好好食，日本飛驒牛入口即溶既感覺，配埋特調嘅醬料👍🏻👍🏻👍🏻特級手切牛肉好重牛味🤤🤤🤤澳洲和牛牛丸 好爽牙彈口，牛味重羊肉片 正正常常，不過不失。shake shake手工炸魚皮 我覺得好特別有6款味可以揀，我揀咗蜜糖味。個味道好夾，個魚皮炸得好香脆。牛黃喉 本人非常中意食牛黃喉，但香港好少有係爽口既牛黃喉 好多都會變到勁淋🥺🥺🥺喱間係少有既爽口黃喉 我好中意！！！即炸響鈴 超級推薦！！！佢地係即叫即炸，上到嚟仲係超脆超鬆化！配佢個醬料都好好食😋杞子圓肉菊花 好飲 佢哋自己整的 我飲咗2枝啫喱幾得意 青檸味解下濟🤣糖不甩個賣相幾得意，但點知係擺落我地打完邊爐個煲度煮，覺得有少少核突🤣🤣🤣不過好彩加埋花生芝麻個啲就唔覺餐廳整體食物質素都幾好，服務都覺得好好，下次會試埋佢啲海鮮🤤🤤🤤