Nara Thai Cuisine (港威商場)

營業中

休息中

餐廳裝修以粉紅色為主題，於聖誕期間，店內還擺放了一顆粉紅色的聖誕樹，打卡一流。餐廳設有海景座位，很適合打卡。燒雞扒配青木瓜沙律(HK$128)燒雞扒外皮香脆，雞肉嫩滑入味，青木瓜酸酸甜甜，非常開胃。冬蔭煙肉忌廉意粉(HK$148)好喜歡這個fusion菜式，意粉好creamy，味道香濃而帶點微辣，非常滋味。泰式炒金邊粉(HK$148)金黃色的蛋網包著金邊粉，賣相吸引，味道也非常吸引。印度薄餅(HK$40)薄餅大大片。蝶豆花茶(HK$45)顏色好夢幻，口感清新。

這間人氣泰國餐廳被評為泰國最佳食府 除保留了正宗傳統泰式料理 也變化成嶄新精緻的西式fusion泰菜都好吸引👍🏻食物質素有保證價錢又合理🥰這次預先預約了坐在窗邊位置可以好好欣賞維港日落🌄一坐下就送上小食蝦片脆卜卜✨黃咖喱大蝦 Tiger Prawns Yellow Curry $198大蝦新鮮炸過蝦殼都好脆🦀泰式黃咖哩可以要小辣好貼心👍🏻咖哩味道香濃惹味帶微辣 質地好濃稠🥘另外加配了印度薄餅$40🫓單吃也很夠味 蘸上咖哩醬更是一流🤤✨泰式小食拼盤Nara Signature Appetizer Platter $208小食拼盤有五款小食：黃薑豬肉沙嗲串燒//燒豬頸肉//春卷//黑椒單骨雞翼//泰式豬肉丸拼盤豐富勝在每樣小吃都可以試試 而且味道都不錯 比較喜歡串燒燒得帶焦香🔥豬肉丸比較重香茅的味道帶點辣味幾特別🧆還配有香濃的花生沙嗲醬同泰式甜辣醬👍🏻✨黑芝麻雪糕窩夫 配 Cocoparadise 椰子諾拉木炭芝麻脆脆 Black Sesame Ice Cream Waffle $118之前食過令我很驚喜的甜品今次再叫了😍黑芝麻雪糕跟外脆內煙韌的窩夫 再配上黑芝麻奶油帶點鹹味 味道不會甜膩

黎過食Nara Thai幾次，餐廳係泰國過江龍，坐近窗邊可以對個靚海景，如果白光時間黎影相就更正!😍 餐廳分咗兩邊，一邊粉色做主調係Lady Nara，仲有幾張藤椅同其他打卡位，岩晒同班朋友黎食野!先黎小食蝦片都幾香脆，蝦味重，食唔停口~👍🏻👍🏻🔸燒豬頸肉配青木瓜沙律 $148 豬頸肉燒到幾香口，肉質嫩同幾彈牙，配青木瓜沙律，一齊點埋酸辣醬汁幾開胃~🔹黃咖喱軟殼蟹 $228 軟殼蟹份量好多同幾大隻，入面仲有蟹肉蟹膏，好香口！黃咖喱唔會好辣，蛋黃混入咖喱汁好香!🔸印度薄餅 $40 特別點咗印度薄餅，可以點埋黃咖喱黎食，薄餅咬落幾煙韌，外層脆身👍🏻🔹泰式炒金邊粉 $148 金邊粉用蛋包住，份量多，唔會太濕或太乾，有蕃茄嘅香甜味，配埋大大隻蝦同爽口芽菜、花生碎粒等，口感幾有層次!👍🏻📍Nara Thai Cuisine - 地址：尖沙咀廣東道3-27號海港城港威商場3樓3303號舖

［尖沙咀］海港城”泰”有feel 因為好想去泰國旅行，但未有時間住🥲，所以去食住泰菜，止住心癢先啦😆。好耐之前我食過沙田分店，野食都唔錯，幾好食😳，所以今晚試下尖沙咀分店，係海港城，港威個邊，好易搵👍🏻。餐廳係採用粉色系主題😍，又有藤系的裝飾及家俬，感覺好chill and relax 。而且有一排枱對海景，地方好闊落，見到有8-10人的大枱，啱晒多人的gathering，重點，有空間感，可以傾到計。👏🏿☁️ 小食-蝦餅$15泰式香脆的蝦餅，係非常好的餐前小食😍，份量都多嫁。一黎已經食唔停口🤭。☁️ 泰式椰子雞湯 $128 (少辣)Lee 個湯🤩，色香味俱全，可辣可不辣，任君選擇。既有南薑，香茅和檸檬葉的香，同時有椰奶的甜，濃郁開胃同時，層次非常豐富。雞肉肉質彈牙和嫩滑，又唔肥，真係食唔停口😍。仲有爐仔，keep 住加熱，可以飲到熱辣辣的湯。☁️ 黃咖哩珍寶蟹肉配蒜蓉包 $328 (每日限量供應)香氣撲鼻，濃郁的咖哩，配上清甜的蟹肉，再舖上香脆的蒜蓉包，每一啖都超級大滿足🥰。咖哩同蟹肉份量都多，而且唔辣，鮮味十足。☁️ 印度薄餅 $40有啲驚喜😍，放左陣，個面都仲脆脆地，幾煙靭，幾香口，配咖哩

好耐之前食過一次覺得唔錯，環境都闊落，又坐得舒服。今次有book位仲有海景睇🥰入到去一坐低已經有蝦餅小食 ($15)，炸得好香，脆得黎帶少少胡椒味😋不過次次都眼闊肚窄，所以今次唔敢叫咁多，諗住唔夠食先再叫，轉左用QR code落單好方便！可能早食，上菜速度都好快🤭▪️香脆蝦餅 ($68)怕食唔晒只係叫左三件，蝦餅一如以往地炸得好酥脆，彈牙又好食，完全唔油膩！必食推介👍🏼▪️紅咖哩牛肋肉 ($188) + 印度薄餅 ($40)牛肋肉既肉質超腍，肉味濃郁，好入味，而且每件都相當有份量！微辣既紅咖哩配上薄餅係絕配，令人食到停唔到，如果可能多兩塊就好😂▪️泰式椰子雞湯 ($128)店員會將個小火爐放喺湯下面興住，滾起既奶白色湯超香濃，又可以keep住飲到熱湯。重點係啲雞肉好嫩滑，而且份量勁多😍最後好彩無叫到甜品，兩個女仔食都有啲多，食物高質得黎份量超足🤩有得望住海景嘆泰菜真係超好feel☺️

之前已經來食過印象深刻泰菜出色 今次週末特意避開繁忙時間過來 下午茶時段來到都大排長龍 果然系人氣餐廳🔥一定要打來book位先啊📞餐廳環境舒適裝修別緻🌊可以望住維港景感覺好chill～餐牌有nara thai傳統泰菜同lady nara泰國西式fusion菜可以選擇 好多款式都好吸引好想試😍✨芒果軟殼蟹米紙卷每件都大大件好足料😍面頭仲放左半隻軟殼蟹🦀米紙皮比平常吃到的厚身帶煙韌 芒果的酸甜味令味道更有層次🥭配埋泰式醬汁好清新開胃✨紅咖喱牛肋肉牛肋肉肉質軟腍重肉味🐮紅咖哩香料味香濃加入椰汁增加香味🥥辣味輕微好惹味 加配了一份印度薄餅沾咖哩一絕🤤有兩大塊烤得微暖酥脆✨泰式奶茶朱古力布朗尼賣相好吸精😙味道都好出色 冰凍的雲呢拿雪糕配上暖烘烘的布朗尼好正 仲有泰式奶茶淋醬好夾🍨布朗尼巧克力味好濃郁不會過於甜膩🍫入面更加了果仁粒 旁邊有好多金寶酥餅碎增加口感😍✨蝦片小食一坐底職員就會送上🦐重蝦味帶有胡椒味 炸得酥脆毫不油膩👍🏻📍Nara Thai Cuisine (港威商場) (尖沙咀)尖沙咀廣東道3-27號海港城港威商場3樓3303號舖

又係要抓緊用海港城coupon的尾巴今次朋友話想食泰國菜，所以我哋就嚟到呢間餐廳我哋多數會問咗coupon點樣先至決定點樣叫嘢食今次呢間餐廳好似只可以用coupon係二人餐所以我哋就叫咗喇首先有一個餐湯之後就左咖喱牛肉同埋斑蘭雞同埋食咖喱，點可以唔叫薄餅？個牛肉買好 幾腍朋友話幾好食因為我唔食牛肉嘅關係，我就主要食咗個斑蘭雞 個雞我覺得有種香料味我唔係好食得慣另外佢個醬係甜加埋都有啲奇怪最好食就係呢個意粉泰國餐廳居然係西餐最好食最後唔少得嘅就係甜品！值得一讚嘅係呢個二人餐既份量對於兩位都比較細食嘅女士而言係非常多我哋食唔晒要外賣拎返屋企飲品方面，我叫咗杯椰汁冰可能因為飲咗杯椰汁冰，所以食到勁滯

之前見朋友影相打卡覺得好靚 呢晚約埋妹妹嚟食🤭原來呢到兩間相連嘅舖都係食泰式嘢 同一個門口入 但右邊嗰間會比較pink啲少女啲 左邊就有海景view 最後我哋揀咗左邊呢間Nara Thai☺️坐係海邊位 靚相超靚 但好快天黑就影唔到出面lu🫓蝦餅 💰15一坐低店員就送上一份蝦餅同兩杯水 蝦餅好脆好香口 不過埋單先知係額外收費 如果一開始有講埋會好啲 不過加錢都值得食嘅🙌🏻🥗大蝦柚子沙律 💰138可以選擇辣度 叫咗小辣 微微辣可接受 如果食到辣嘅不妨叫辣啲 應該更惹味 🦐大大隻蝦 肉質爽口彈口 柚子肉大大塊 唔會苦唔會酸 味道清新😋🥙芒果軟殼蟹米紙卷 💰138六件米紙卷 size都唔細 要咬三四啖先食得晒芒果夠甜 香菜提味 另外仲有酸甜醬汁 配搭爽口美味🫶🏻🍖紅咖哩牛肋肉 💰188🥠印度薄餅 💰40咖哩本身冇跟飯/薄餅 所以另外再單點咗薄餅 紅咖哩食得多都有啲辣 不過唔會好嗆鼻 牛肋肉好入味 一啲都唔靭 薄餅兩大塊 同平時啲薄餅有啲唔同 呢個係偏硬同脆 但味道唔錯🧋海鹽焦糖泰式奶茶 💰50冇想像中嘅泰式奶茶咁甜 面層係咸咸哋嘅海鹽奶蓋 焦糖味唔太突出 攪勻之後飲甜中帶點咸 幾好飲🤤🔔另設加

琴晚去咗 ❥⧽Nara Thai Cuisine ❥⧽ 食晚飯, 餐廳以木色為主, 座位係藤椅配咕臣, 甚有泰國氣氛, 我地坐窗邊位所以可以望到海景, 感覺好舒適。𓊈黃咖哩大蝦 $𝟙𝟞𝟠𓊉賣相好精緻, 大蝦炸到外皮脆卜卜, 不過肉質仍然保持鮮嫩, 黃咖哩比較濃稠, 味道香濃但唔會辣, 用嚟蘸點任何嘢食都好味! 最估唔到係放喺面層好似無處理過嘅洋蔥, 竟然一d 都唔辣仲好清甜, 好食!𓊈菠蘿肉鬆海鮮炒飯 $𝟙𝟚𝟠𓊉以菠蘿做擺盤真係好吸引, 面層仲有2隻大蝦, 啖啖肉又彈牙! 炒飯有淡淡嘅咖哩香味, 配料有魷魚, 帶子粒, 雞肉, 提子乾同菠蘿。而腰果因為有輕輕炒過, 所以更加香口。𓊈燒豬頸肉配青木瓜沙律 $𝟙𝟚𝟠𓊉豬頸肉燒得剛剛好所以好 juicy, 份量亦幾多, 食得好滿足, 側邊嘅青木瓜沙律好清新, 可以解一解豬頸肉嘅油膩感。𓊈印度薄餅 $𝟛𝟝𓊉薄餅同咖哩真係好朋友嚟, 一定要一齊食, 薄餅好軟熟, 唔會太油膩。✧✧ 一坐低就有一碟蝦片放喺枱面, 但係因為太好食, 掛住食而唔記得影相🫣。成餐飯嘅感覺都好好, 環境舒適, 落完單好快就有嘢食, 店員亦好好禮貌, 值得去食呀。

尖沙咀商場有間靚靚餐廳食泰菜，啲座位影相打卡唔錯，食物也好看。餐廳闊落，枱與枱之間距離遠，坐得舒服。芒果軟殼蟹米紙卷 $118有隻軟殼蟹，而米紙卷入面也有軟殼蟹肉。米紙係比校厚身，裡面塞得滿滿，食落好有實在感。而個重點係有超超超級多莞茜，莞茜迷一定要叫黎食！燒豬頸肉配青木瓜沙律 $128豬頸肉燒得幾香，食落好重豬味，豬頸肉沾埋個醬汁黎食會令個味道更上一層樓。青木瓜沙律清爽，同豬頸肉一齊食好夾。黃咖哩魚柳 $118我最鍾意呢個黃咖哩，佢帶有椰奶香，唔辣，岩晒我口味。裡面有魚柳同薯仔，份量多，魚肉滑。可以叫埋個印度薄餅沾咖哩汁食或者配白飯撈黎食，正！印度薄餅 $352大塊，係超級超級大，係飽肚之選。玫瑰泰奶茶 $48奶茶上有玫瑰花瓣，成杯都充滿玫瑰香，但又唔會蓋過奶茶味，飲左呢個發現原來玫瑰＋奶茶既味道會係好好味。P. S. 每枱都會有一兜泰國蝦片$15，當零食食，食下食下好快就成兜食晒！

餐廳裝潢有唔少打卡位，而且坐窗邊可以望到維港景，感覺唔錯，幾適合撐枱腳。一坐低就有職員放低一大碗蝦片，大大塊，脆卜卜，好食到停唔到口，未落完單就已經食晒。① 花膠海鮮冬蔭功 $228好足料！花膠，蝦，魚塊，青口，魷魚，元貝全部大大件！魚多滑身，蝦亦爽口，至於冬蔭功湯味道唔會好辣，反而有少少海鮮的鮮甜味。② 馬莎文咖喱牛腱 $118③ 印度薄餅 $35落單前掙扎左陣擔心牛腱會唔夠腍，結果無令人失望，牛腱夠腍兼有骨膠原的口感，超好食！睇圖以為得四塊，但其實有成七塊！過江龍的正宗馬莎文咖喱味道濃郁，甜味多過辛辣味，加埋配料鷹嘴豆同薯仔，撈飯一流！不過我地叫左薄餅，多層酥皮的感覺，口感唔會覺得硬，點咖喱好惹味。④椰香奶皇流心湯丸 $68甜品試左呢款熱食，椰奶味重，仲有好多椰肉條，芋頭粒，彩色丸子以及奶皇流心湯丸，材料非常多。彩色丸子望落好似三色豆，但咬口煙韌Q彈，椰條爽口，芋頭腍身，口感豐富，味道甜入心。.不過我覺得食泰菜我鍾意一班人開心share，因為可以食多幾款，見到餐牌上有唔少fusion菜，冬蔭意大利飯，泰式奶茶Tiramisu等等都想試呢！

🕖時段-星期四夜晚之前星期六日行過有好多人等 今次同朋友係尖沙咀食飯見唔多人決左一試! (入到去原來入面幾full 反而少人坐近門口) _▫️泰式炒金邊粉 $128賣相靚靚有格仔蛋包粉 調味偏酸(可能我滴得太多青檸汁😂) 可以撈返啲糖中和返 金邊粉好彈牙 幾多蝦好似食極都有咁🦐 _▫️青咖喱雞 $138青咖喱對我來講偏辣但辣得幾過癮(p.s.我只係食到十小辣🤣飲住凍飲勉強ok!) 係幾香口 雞肉都好滑😋_▫️印度薄餅 $35食咖哩必備😝一碟有三大塊 我地2個人食覺得份量頗多 如果3-4人食應該好d 唔會食到太飽_▫️椰香奶黃流心湯丸 $68平時食泰國野好似都無呢個甜品 見佢幾特別 又係餐廳推介就叫左來試下 湯丸唔算好流心 糖水伴有彩色珍珠 椰絲 同一啲類似黃色脆米 有泰國feel 🇹🇭 _▫️餐前小食 $15每枱一入座都會上碟蝦餅(影相時已食左幾塊😂) 注意每4人會收返$15 _🍽環境餐廳有兩個風格既裝修 近門口用木同藤配搭比較夏日 而入面有海景就感覺高級啲 餐廳仲有打卡位比食客景相📸

今日嚟海港城食呢間人氣fusion泰式西餐廳，餐廳分咗兩個區域：少女粉紅風格嘅Lady Nara & 東南亞風味既Nara Thai, 一間餐廳，兩種風格享受😎我哋今日就係坐咗泰式區域嘅座位，枱櫈都好寬闊，而且枱與枱之間有間隔牆分隔，私隱度充足，有少少包廂嘅感覺。藤椅配上吊扇充滿東南亞風味，加上望到海景，令人有置身泰國旅行嘅感覺小食：炸蝦片口感香脆不油膩，可以喺等待餐點嘅途中過下口癮。我哋點咗個二人套餐。🍅鮮茄冬蔭忌廉湯蕃茄味好濃，濃稠度適中，飲落會食到冬陰功嘅酸辣味，辣味有後勁，會越食越辣🌶，熱辣辣好暖胃🥰班蘭香葉包雞（6件)拆開班蘭香葉就會見到烤到金黃色嘅雞件，斑斕香葉嘅香味俾雞件吸收，配上特製濃郁嘅醬汁好惹味，香葉鎖住雞肉嘅肉汁，令雞肉質感保持嫩滑😝冬蔭煙肉忌廉意粉忌廉意粉醬汁好濃厚，配上鹹香嘅煙肉，creamy蛋黃同芝士碎，感覺似卡邦尼意粉，冬陰功味欠奉，芝士醬汁太濃，食唔出冬陰功嘅酸辣。馬莎文咖喱牛腱 上碟好香咖喱味，馬莎文咖哩係其中一款泰式咖喱，與別不同之處在於帶有淡淡的棕櫚焦糖味及花生堅果風味，味道較甜完全唔辣，帶有茴香同薑味；質感呈奶油狀，配上香脆花生碎另有一番風味；

冇寫食評一段時間，最近一位相識20多年嘅朋友下星期要移民英國，於是約出嚟臨別一聚，咁重要嘅時刻，當然要記錄底啦！疫情之前，我哋一放假就會成日飛去泰國嘆世界，今次一於揀返間每次遊泰🇹🇭必會去幫襯嘅名牌泰國餐廳NARA THAI懷緬一下啦！餐廳位於海港城港威商場3樓，呢度最正嘅係長長嘅走廊，每張枱都面向海邊，我哋6:00入座坐低，餐廳以為每張枱準備咗一籃泰式蝦片，用餐前可以同朋友一邊傾下偈食下小食，一邊欣賞海旁黃昏日落嘅醉人美景，完全係五星級餐廳嘅享受！😎泰式蝦餅相當脆口！日落後，我哋開始開飯啦！先來一個大蝦柚子沙律，啲蝦又大隻，又彈牙，配大大粒柚子，既Flash又健康！泰式椰子大蜆煲，蜆肉鮮甜肥美，配襯椰子清湯，非常鮮甜，湯底仲有一條條嘅椰子肉架！黃咖喱軟殼蟹，d軟殼蟹勁大隻又多蟹肉！食咖喱點少得配埋印度薄餅呢！椰子雞湯，因為唔太辣，所以更突顯椰子雞嘅鮮味!黃薑豬肉沙嗲串，識食記得點沙嗲醬汁呀！夏天消暑必備：鮮菠蘿薑汁沙冰同椰子沙冰正因為餐廳d枱夠大張，叫咗咁多食物都可以放得落，證明咗餐廳環境幾咁寬敞呢！

蝦片($15)，係餐前小食，蝦片加入左黑椒帶少少微辣，味道唔錯，而且好脆口，食唔停口食完一片又一片。香脆蝦餅($58)，共三件，這價錢合理，蝦餅係一整個圓形，有別於坊間切開半圓形，口感方面蝦餅外層炸得酥脆，蝦肉新鮮彈牙，醬汁係店家自家調製味道帶甜。花膠海鮮冬蔭功($228)，這菜式無論食材或配料都用料好足，配料方面用左泰國多種香料去熬製，聞落已經好香，辣辣地好香口，而且有個爐不斷煮keep住溫度，食材方面有花膠、大蝦、青口、魚塊、魷魚、帶子，大大片花膠充滿骨膠原好爽口，吸埋冬蔭功既味道更惹味。黃咖喱軟殼蟹($198)，鐘意食軟殼蟹既好處就係可以成隻連殼食，配咖喱永遠都係絕配，好入味，這咖喱汁係店鋪用左乾咖喱調製，唔辣的怕辣既人都唔使驚。印度薄餅($35)，有咖喱汁當然唔少得配埋薄餅，伴汁一齊食先夠正，一定要趁熱食口感先至會軟熟，涼左就慢慢會變硬。