Anjappar Chettinad Indian Restaurant

營業中

休息中

2020年開始無得去旅行，就去下不同餐廳食地道菜！當自己離開咗香港！餐廳地方好寬闊！又好有特色！⚪️⚪️⚪️⚪️⚪️⚪️⚪️⚪️⚪️⚪️⚪️南印度同北印度嘅菜式，到底有咩分別？其實平常我哋食開的，都係北印度嘅菜式，以香味為主，辣度無咁重，會多啲加奶製品去煮～～～～用麵類、圓餅作為主食！而南印度就係口味重！辣啲！會用米作為主食！⚪️⚪️⚪️⚪️⚪️⚪️⚪️⚪️⚪️⚪️⚪️⚪️ 印度式炸雞（$60）必叫！好好食！因為雞肉非常滑！！食到停唔口！加上都唔似係炸！唔係好熱氣！⚪️ 芒果🥭印度奶昔（$40）食辣野後飲最啱！不過每木台都有支大水，比大家解辣用！⚪️薄荷烤雞（$130）無炸雞咁滑，但係薄荷味幾特別！！！⚪️ 特式油酥（$65）打卡必備！！！好似小學上美勞堂，要買一大卷畫紙咁～～食落重好脆！！！有好多醬汁比你點～～～有薄荷汁、乳酪汁、咖喱汁 etc. 樣樣都要試一次，你先知邊種係最夾！⚪️ 蒜蓉烤餅（$40）超重蒜蓉味！！！！點埋其他醬更好食～～～～～⚪️ Mutton Meal ($40)羊肉～～～唔騷好好食～同醬汁好夾～～～⚪️ 雞肉馬沙拉（$110）食咗佢個炸雞真係返唔到轉頭！！不過這個都很濃味的！⚪️Anjappar Chettinad

響香港食印度菜唔一定要去重慶大廈既，附近寶勒巷都有好幾間印度餐廳，我就隨意去左呢間外國連鎖的印度餐廳，見到有印度人幫襯，應該都算正宗（？）Anjappar Mutton Meal 羊肉套餐 $130上餐時見到賣相好豐盛，中間有米飯，薄餅以及脆薄餅，兩款薄餅都好食，印度米是一粒粒鬆散的，好似發泡膠粒（誤）旁邊有八盤不同醬汁，雖然我唔係好講得出每款的分別，但有辣有唔辣，有不同蔬菜配料，任君選擇，感覺幾良好。主菜羊肉雖然唔係好多件，但夠腍，加上少少羊羶味，正！仲有兩盤是甜品，黃色的有少少似糯米飯，白色的是酸奶。Chicken65 印度式炸雞 $60 65代表用上65種印度香料醃製雞肉，炸雞咬開熱辣辣，加少少洋蔥絲，蘿蔔絲，以及微酸醬汁感覺無咁熱氣。Mushroom Tikka 蘑菇串燒 $120呢個唔係咁抵食，炸雞雙倍價錢，亦差唔多等同個咖哩羊肉套餐，但只係一盤鐵板蘑菇！顔色味道上其實同Chicken 65相似，不過口感比較爽口，而綠色醬汁有少少似酸奶的感覺。另外呢盤蘑菇有少少燶，扣分。Mango Lassi 芒果印度奶昔 $40 係非常濃厚的芒果味乳酪奶昔，較為杰身，聽侍應建議叫左少甜都覺

大胃唔係好睇大台，想睇煎pan就去印度餐廳睇印度煎pan而且仲食得落肚𠻹，何必再撈電視汁送飯呢？煎pan上有紅噹噹嘅肉，今次唔係雞肉而係魚肉，嫩口非常，實在令大胃好驚喜第二碟啲肉差唔多樣，其實係雞肉嚟嘅，外脆內嫩點埋佢提供嘅薄荷汁，吊味又降火特色乾有啲似肉燥，係羊肉炒洋蔥，撈咗啲印式醃料，食落又幾夠風味，係打開印度之旅嘅opening嚟個十星伴月，十種唔同嘅醬料，用嚟配飯/脆餅/roti真係有啲選擇困難症嘅人都會猶豫發作，但隻隻醬都各有各滋味雞肉馬沙拉味道溫和，唔似一般印度咖喱咁，辣到講不出聲點吓蒜茸naan，好過送飯食㗎要注意嘅係，印度嘢飲好甜係正常嘅，當你成聲都咁辣咁濃，呢杯甜絲絲嘅芒果lassi絕對救胃一命

想食印度嘢，冇熟人帶路唔係好敢入重慶大廈搵食？如果係入門級，去寶勒巷就有間國際連鎖印度餐廳，口味比較易接受呢間嘅炒飯好特別，真係用竹由頭煮到落尾，絕對唔係炒完先放入碌竹到，風味十足，米飯好入味，羊肉又唔羶印式炸雞通常見到係紅卜卜，應該係用咗特別嘅醃料，食落脆口又夠嫩而綠色嘅鐵板雞就係薄荷醃出嚟嘅，上面蔬菜精緻，份量足夠，令到啲雞好有蕃茄香嚟食印度嘢，naan係不可或缺，今次食芝士naan，口感軟熟，仲有拉絲𠻹而佢嘅最佳拍檔—馬沙拉，加咗牛油熬製，醬汁同肉都非常香濃嫩滑嚟到甜品，Dosa係一大碌嘅脆餅，用佢嚟打卡要小心輕放，因為佢真係好脆至於嘢飲，lassi一定走唔甩，解辣靠晒佢㗎喇呢度環境光猛，播住印度pop，感覺放心又放鬆

是日同朋友係尖沙咀搵印度嘢食，之前都有食過呢一間嘅印度菜，覺得佢嗰啲煎餅唔錯，所以今次又再食多一次。間鋪頭都幾闊落，上到去已經覺得好有印度風情。侍應生俾咗兩本Menu我哋，價錢對比其他印度餐來講其實應該係偏貴少少。我哋呢就揀咗一個印度式炸雞、雞肉咖喱套餐、薯仔煎餅同埋雞肉印度餡餅。呢個印度式炸雞好好味，外脆內多汁，又帶少少辣味，佢會配埋一個類似番茄嘅醬俾你點，咁就可以中和到啲辣味。呢個雞肉咖喱套餐一上到台就覺得非常之豐富😍😍😍，因為佢一大碗飯加上上面有塊烤餅同埋脆餅，再配唔同香料嘅汁醬，仲有炸椰菜花（紅色個兜）。個咖喱好好食，非常之惹味，雞肉又唔鞋，都有四五舊。不過唔食得辣嘅人千祈要小心，因為佢都幾辣。朋友一路食一路一路飲水，但又不停話好食。烤餅本身冇咩味，所以就可以點唔同嘅香料撈埋食，點咖哩又得，不過小心點得太多好辣。而佢嘅水唔係免費嘅，係樽裝水，一支要$15。呢個印度雞肉餡餅都十分之好食，佢有啲似用蛋煎嘅酥餅，個餅有咬口，入邊係釀咗咖喱雞肉， 啲咖喱同樣係好惹味，不過都真係幾辣，又係一路嗌好食一路要飲水。隔離嗰個係咖喱醬， 食唔到辣千其唔好點咁多，因為包保噴火。🥵鍾意食餅嘅我再要嗌

從來都未試過食印度菜今次同朋友兩個人一齊去到呢間國際連鎖嘅印度餐試下地點黎講都幾方便，係寶勒行度好快就搵到餐廳喺2樓，一推開門第一個感覺覺得餐廳好光猛而枱面亦都好闊落，好適合圍餐店員安排左座位俾我哋之後，即刻工拎埋菜單俾我哋睇其實第一次睇個menu 都有少少疑惑，但好彩Menu上面係圖文並茂，大概知道食物嘅種類今次都叫左好幾樣食物印度式炸雞🍗呢個炸雞都幾驚喜，雞肉幾嫩滑之餘仲有帶少少辣味，加埋個辣汁一齊食仲好野味另外枱面上會有支樽裝水，係要另外收費的如果唔想俾錢就可以問店員拎普通水餐廳好有心機特登放左塊葉係個碟度相信應該係同食咖哩嘅傳統方法係有關係而呢杯芒果印度奶昔口感好rich, 乳酪嘅比例好高而亦都冇死甜味，飲到芒果嘅香甜而今晚嘅主菜就得特式芝士薄餅同辣特色芝士特式芝士薄餅熱辣辣之餘仲好香口，配埋辣特色芝士嘅醬汁就更加好味辣特色芝士入面有大量嘅水牛芝士呢個數係適合素食者食嘅呢個甜品係炸嘅，而入面係大量嘅糖水口感好特別，好似炸蛋糕咁而呢個就最有驚喜餅中間有薯仔蓉夾住，超香口仲有少少辣辣地，非常好吃😋

好耐冇食印度菜，突然想食。香港雖然都有不少印度菜館，但一般都是家庭式比較小型，今次試下Anjappar Chettinad這間全球有多間連鎖店的印度菜館試下。＊＊＊＊＊＊＊＊＊＊＊＊＊Anjappar店面非常寬敞，是少有可容納過百食客的印度菜館，而且店內亦有別於一般印度菜館以厚重的窗簾和桌布裝飾，裝潢偏向光猛和簡單，比較像西餐廳。食客主要為印度人，除了散客外，原來餐廳還有接待印度旅行團。每張桌上都有瓶裝水和以玻璃瓶盛載的開水，瓶裝水是要收費的，開水則不用。胡椒餅是免費的，很薄很脆，帶點胡椒香味。餐牌選擇都幾豐富，有小吃、烤餅、咖哩、香飯、飲料和甜品。碟子上都放上一塊葉子。芒果印度奶昔($35/杯)芒果奶昔夠杰身，很香芒果味，味道偏甜。印度式炸雞($75)這個印式炸雞份量雖然不算特別多，不過又幾香口惹味，雞件已去骨，雞肉幾滑，加點檸檬汁已經很好味！咖哩魚($80)Anjappar主打北印度咖啡，平起香港平時食到的南印度咖啡辣度較溫和，更適合港人，不過我們卻是嗜辣之途，所以特意問侍應那一款咖啡比較辣，她就推薦了這款咖哩魚給我們。這個咖哩魚不像平常的咖哩般杰身，起初入口還只是小辣，不過後勁卻

我朋友話想食印度菜揀左間係尖沙咀既去食 個度要上二樓既 有𨋢搭 地方都好大下 服務員會安排我地坐邊 我地首先叫左個印度香飯share食 都知印度風應該會辣辣地 但點知係好辣 唔食得辣既可能食唔到 不過係幾特別既 味道有d似糯米飯之後仲叫左個印度炸雞 因為我地都好鐘意食炸雞哈哈 有少許辣味 有d似食緊雞肉串 不過大舊版 肉質軟軟的 個人覺得印度菜一定要食既係烤餅 所以叫左牛油同芝士烤餅 我個人比較鐘意食芝士烤餅 因為唔會太濃同太流但仍然有芝士味 而牛油味就比較油 個烤餅係唔錯既 煙煙銀銀佢另外有比兩個醬 我估係隨你點哈哈 我有時會用烤餅點黎食 左邊黃色既應該係咖喱味 右邊就唔知了個度座位幾舒服 好大好寬落 要用英文同服務員溝通 不過食物選擇好多 呢度只係其中三頁有我叫既野食