瀛鍋

營業中

休息中

天氣凍，一心諗住嚟食火鍋，點知唔止火鍋好食，刺身更令我驚喜。餐廳裝修新淨，樓上有房，人數多少都cater到，樓下仲設有兒童區可以玩煮飯仔等，啱晒想二人世界嘅父母。 ✦ 卜卜蜆鍋卜卜蜆大大隻、份量多，完全冇沙，鮮甜肥美。湯底另有粉絲、蘿蔔、粟米等配料，好香甜。 ✦ 手打四寶丸有鮮蝦丸、鮮墨魚丸、牛丸同豬肉丸。每款兩粒，蝦丸、墨魚丸鮮嫩，牛丸、豬肉腸味道濃郁，粒粒爽滑彈牙。 ✦ 西班牙黑毛豬肉片紋理清晰、油花分佈均勻，肉味香濃，口感嫩滑。✦ 水餃王半個拳頭咁大隻，好足料，皮薄餡靚。真係有隻鮮蝦喺入面，加埋木耳、肉碎等，口感豐富，好飽滿。 ✦ 石蚌魚刺身第一次食，今晚VIP。石蚌魚新鮮起肉上，上枱時魚頭仲會郁。師傅刀工一流，刺身呈半透明色，味道鮮甜、齒頰留香，口感爽脆嫩滑。配搭柚子酸汁食，更加提昇鮮美。 ✦ 三文魚刺身紋理清晰，片片肥美肉厚，略帶油脂香。 另外仲嗌住大大杯洛神花，酸酸甜甜，可以食更多。好有心機嘅餐廳，值得再嚟。

瀛鍋系一間港式火鍋店 有本地手切牛 手打丸 豬羊雞 海鮮 河鮮等等 仲有不同既小食 應有盡有👏🏼位置系宋皇台站附近 另外佢地都有提供代客泊車服務🚙 🫕二人餐 $688呢個餐都幾多野食 有小食 肉類 丸類 蔬菜籃 🔸️鮮味卜卜蜆鍋 啲蜆超級大隻 成隻手掌咁 食落清甜 洗得都算乾淨 份量都多入面仲有粟米 白蘿蔔 粉絲 蜆啲精華滲曬系湯底入面 加埋有啲辣椒粒 好好飲🔸️芥末八爪魚刺身八爪魚 幾爽口 面頭沾左啲芥末 夠曬醒胃🔸️椒鹽三文魚骨楠新鮮炸好 脆卜卜 部位用上三文魚楠 好肥美😋🔸️火鍋必食組合有手切本地肥牛 牛爽白肉 黑豚肉片 蒙古羊卷四款 肥牛油脂雖然睇落吾太多 但肉味好濃 質地嫩滑👍🏻🔸️五寶丸有金沙魚蛋 台式貢丸 芥末貢丸 芝士波波 蟹籽包魚蛋入面有鹹蛋黃醬 好特別芥末貢丸幾彈牙 🔸️田園蔬菜籃有蕃茄 粟米 皇帝菜 生菜 冬菇全部食材都新鮮 放埋蕃茄 粟米落去一齊淆湯 湯底更滋味🔸️響鈴打邊爐必食🤩🧉椰青 $48好大個 非常冰凍 打邊爐飲最爽💭餐廳環境光猛企理 坐位寛落 幾舒適 套餐份量足 卜卜蜆湯底好鮮甜

呢日同個好耐無見嘅朋友嚟打邊爐,呢度新淨又闊落~樓上仲有啲包廂俾一大班朋友去添👯👯‍♀️~職員介紹我哋食呢個海鮮肥牛套餐🍽~有海鮮拼盤,有肥牛又有有機菜,我哋仲外加咗個丸添🍢~之前喺澳門食過卜卜蜆回味無窮,今次難得遇到當然要點😋~雖然只係好簡單有啲蜆,粉絲,辣椒,蒜頭🧄,但夾埋就好鮮味~啲蜆夠大粒,數量又多,食落鮮甜而且好乾淨無沙~個海鮮盛盒有好多不同配料,有蠔有扇貝🦪~佢嘅蝦上檯時仲會郁🦐,非常新鮮!呢個手切霜降肥牛係我同朋友仔都勁喜愛嘅🐮!油香豐富,所以肉質都好軟嫩,而且牛味好香~雖然呢個係細份,但份量都幾夠~個餐仲跟埋有機田園雙蔬🥬,有機嘅特別靚又特別甜~今日有菜心同埋菠菜,兩款都好嫩好好食~我哋食咗三款丸,分別係豬肉丸,牛筋牛肉丸同埋芥末貢丸🍢~我個人最鍾意芥末哥款,有芥末香但唔會太辣,好刺激味蕾👅~其餘兩款丸都好彈牙好食~呢間店都幾舒服好坐,同埋一班朋友嚟吹水打邊爐就一流👍~