香港永年車仔麵茶冰廳

營業中

休息中

不經不覺， 結左婚三年，只想跟張生好好地享受一下一餐普通的既餐💕。 今次張生帶我去試一個慢煮鐵板套餐。好似都好唔錯🤩（5⭐️最高）慢煮鐵板2人套餐 （整體5⭐️）餐湯🥣周打蜆肉魚湯淡淡的蜆肉配上薯仔及忌廉湯， 好滋味🤩港式牛尾羅宋湯飲落有少少辣辣地， 牛味濃， 而且有蕃茄香， 份量足料又滋味， 正😝小食🍤芝士肉醬焗薯皮利用肉醬焗薯仔，使薯仔吸引了肉汁， 加上芝士， 好野味呀😘😘砵酒燴牛尾香濃牛尾煮得好入味， 又炆得好林， 好味之選南乳雞翼炸既火喉岩岩好，食落有少少南乳香味😍而且脆卜卜💕
主食🔪🍽️1️⃣美國安格斯封門柳跟意粉選了5成熟的封門柳， 咬落肉質細滑而不老。加上洋蔥汁， 一流👍🏻🧡
2️⃣美國頂級西冷扒跟白飯相比起， 西冷肉質較為成熟， 但會比起上黎較容易吸收到洋蔥汁的鮮甜味🤩特飲抹茶紅豆冰🤩好特別的， 紅豆香不會過於搶了茶味。 當食到紅豆時， 會感受到有淡淡的甘香茶味💕綠茶紅豆冰綠茶紅豆🫘一向都有試， 但作為飲品， 都係第一次🧡

很久沒來過沙田，一輪shopping血拼過後，發現永年在沙田新城市廣場開了一間懷舊茶冰廳，晚飯的時間蠻多人排隊的，於是試一下。本想點招牌迷你盆菜的，但當日已售罄，唯有轉投中式小菜二人套餐。包括：𓈍 招牌花膠雞煲𓈍 蒜子火腩大鱔煲𓈍 蘋果雪梨燉豬展𓈍 腐乳通菜𓈍 韭菜豬紅𓈍 南乳雞翼𓈍 樽仔奶茶𓈍 紅豆冰蒜子火腩大鱔煲是惹味送飯首選！個人必點推介！招牌花膠雞煲也非常足料，花膠多又軟稔，芡汁入味，也是不錯吃的。來到永年車仔麵，怎樣也得點一個韭菜豬紅吧，保持一貫高水準。南乳雞翼很香口，三隻可不夠吃呢。飲品方面，當然點招牌樽仔奶茶和紅豆冰，港式港味！最驚喜的是蘋果雪梨燉豬展，看照片就知道燉湯很清很滋潤。這二人餐那麼豐富，埋單都不用$400，的確是抵食之選。

呢間新店都開左有一般時間，今日特登走左黎食！午市時間都幾多人，要預時間排下隊～店舖有本土復刻風格，坐得都好舒適🥰🍜永年大碗麵 ($88)大碗車仔麵超足料！完全係二人份量黎～入面有豬腸、豬皮、魷魚、雞翼等，全部都好入味！湯底揀左清湯辣汁bb辣，食落都幾辣，但好過癮🌶🍳厚切叉燒滑蛋飯 ($82)試左車仔麵，就緊係要揀翻個港式飯黎食啦～滑蛋口感嫩滑，加上蔥油味更香🤤叉燒厚切，口感軟腍，港式味濃郁～🥬腐乳通菜 ($26)平時出街食菜好貴，呢個份量同價錢黎講真係好抵！通菜口感爽脆，配上腐乳嘅鹹香，滿足感十足～🍗南乳雞翼 ($28)雞翼炸完後面皮香脆，但食落一啲都唔乾！南乳味道較濃，小食叫一份都真係一流🙌🏻

今日番半日工，約左媽媽係沙田食野。大家都唔太想食飯，我就帶媽媽試下永年車仔麵😆呢間永年都開左一段時間，但都係未有機會試。我第一次年永年係元朗-元祖店！知道沙田開左時已經好開心，不過今次都終於試下啦❤️平時經過都見到永年設計懷舊風，感覺都好特別！門口出面仲可以買包，d 包睇落都好大舊。我同媽媽下午時間去，不多人，好快入座👍🏻食麵都有幾款組合，以往都係食自選，見到女神麵都想試下😂食完會唔會變女神，haha🤣媽媽就揀左永年大碗麵，感覺咩都有得食。因為都比較肚餓，所以叫埋左個南乳雞翼試埋😆呢度上菜速度好快，一陣都就有了👍🏻女神麵，勁大碗😂我揀左清湯配辣汁，最鐘意呢度既辣汁，因為夠晒辣😝特登close up 下塊花膠 勁大塊😂怪不知叫女神麵，食完花膠會靚d! 我自己仲加左我的最愛-豬紅，而咋外餸入面既豆片卷，索晒汁好yum👍🏻媽媽既大碗麵都係好大碗，而餸真係好足料，對得住佢既價錢！我媽都勁震驚😂原來係咁大多料。南乳雞翼都係正常水準👍🏻炸得好香😁野飲都係叫凍檸茶☺️媽媽就是熱飲。以佢咁大碗咁多份量，呢個價錢都是接受！我都會再黎幫襯🥰

回想起對上一次食永年就係當永年重係元朗既一間車仔麵檔，今時今日已經係港九新界都有分店，中上茶餐廳級數。今日途經沙田見唔多人就入去食個晏，眾所周知永件出名既係車仔麵，不過今日就想試下佢地既焗豬扒飯，另外叫左兩個小食蝦多士同埋南乳雞翼。依家既永年已經係一坐低就用自己既手提電話數QR CODE落單，餐牌上寫焗豬要等15分鐘以上，所以叫左兩個小食去充實呢個等焗豬既時間，首先上枱既係蝦多士，蝦多士脆口不過略嫌蝦味道唔夠。之後上既係南乳雞翼，3隻既份量剛剛好，南乳味剛好而且雞翼香脆，搶番唔少分數。最後等左15分鐘既焗豬終於上場，香濃既蕃茄醬汁、炒飯底、厚身既豬扒，永年全部具備，重加埋隻太陽蛋係飯上面，果然不負係餐牌上必食所望。最後叫埋佢地既樽仔奶茶真係令呢個午餐畫上完美句號。樽仔凍奶茶係將原樽奶茶直接放入雪櫃，上枱時味道唔會因為有冰而整淡左奶茶既味道，而且甜度剛好。永年既餐牌變得多元化，下次再試佢地既招牌菜式！