譽麵坊

營業中

休息中

土瓜灣平民小店譽麵坊☺️呢間鋪頭已經屹立多年😝最出名係南乳炸雞球🔥🐔每碟都份量十足，一碟都已經可以食到勁飽🤤最重要係價錢勁親民，附近唔少街坊都成日嚟幫襯😚📍南乳雞球撈麵 （$42）先介紹佢嘅招牌菜南乳雞球撈麵，雞球炸得非常酥脆，每舊都大大件🥩，入面啲雞肉仲keep到有肉汁， 肉質嫩滑，加上佢嘅味道非常濃郁嘅南乳醬，真係超級好食🤤麵就好有咬口，乾身得嚟煙韌彈牙🍜📍香脆雞翼撈粗（$42）佢嘅雞翼都炸得超脆，但又係可以做到外脆內嫩，而且邊到仲有42蚊大大份麵之餘仲有4隻雞翼咁多😍雞翼🍗仲要唔係細隻，真係好夠份量。唯一美中不足就係雞翼肉唔算好夠味，但如果有叫南乳雞球，配埋南乳醬咁食就完美了🤤最正係你叫撈麵佢仲會送埋是日靚湯，清清地得嚟又好有味，食完炸雞球飲啖湯可以去油膩感☺️📍南乳炸雞球（$37）因為南乳炸雞球太好食，忍唔住額外就咁叫左炸雞球小食，一樣大大份，食埋就真係飽到濟🤣🤣🤣

講起土瓜灣美食，好多人都可能會諗起依間譽麵坊，佢哋嘅南乳雞球出晒名㗎！ 今次就帶大家去試吓，估唔到平日晚上七點幾八點，都差唔多成間舖頭滿座，一睇就知有幾出名啦！.南乳雞球撈麵 HKD42嚟譽麵坊就必點南乳雞球，雞球熱辣辣，炸得好脆口，入面都唔會好乾柴，依個價錢真係性價比極高。但👩🏻本身以為雞球係用南乳醬醃製完先拎去炸，原來南乳醬係另上，客人可以自己選擇要唔要蘸醬。同想像中有少少🤏岀入，但就無損佢嘅美味！.椒鹽肉排米線 HKD42另外就叫咗份椒鹽肉排米線，米線湯底就一般般，無咩特別，主要都係想試下個椒鹽肉排，同樣都係熱辣辣送上。不過椒鹽份量略少，仲係臨上菜先灑上去，並唔係每一嚿都食到椒鹽味，所以比起南乳雞球就較為遜色啦!

💭呢排黎多左土瓜灣呢邊食飯，好多朋友都話呢間餐廳係附近學校既學生lunch必食既餐廳黎！入到餐廳見到個餐牌，哇！價錢真係算好抵～average 40 蚊度就有一個粉麵🍜🍜🍜見到呢間餐廳野食既份量都大大份，難怪咁多學生黎呢度食lunch 啦💕🌸南乳雞球撈粗 HKD40 🌟 🌟 🌟 🌟 🌟40蚊既麵本身以為得幾粒雞粒啦，上到檯係一堆炸雞球係個撈麵上面！仲配埋個好香南乳味既汁一齊💖炸雞球熱辣辣， 咬到雞皮位脆卜卜！連埋個南乳汁一齊食真係好邪惡😈撈麵底夠味同夠大份！40蚊食到我捧住個肚出餐廳！推薦！

🇭🇰譽麵坊·南乳雞球撈麵 l 自制墨魚丸米線$38之後難得嚟到土瓜灣梗係要試下呢間好出名嘅南乳雞球🐤佢啲雞球真係超大舊 而且啲雞肉都好滑 配埋個汁幾惹味 不過我自己就覺得佢個撈麵味道比較單一 唔算話好有驚喜🤔🤔反而佢個墨魚丸米線相當唔錯 佢個紫菜湯係超香 而且佢啲墨魚丸墨魚味好濃 好彈牙🦑米線口感都唔錯 好值得試下😎🤤🤤·📍土瓜灣新山道6號地舖·#rbyeat #rby好去處#rby港式 #rby土瓜灣

因為工作關係要黎土瓜灣，就先上網搵定附近有咩好食小店呢🤔終於搵到呢距離工作地方最近的麵店上菜已姐比個賣相吸引左，真係抵食夾大份，朋友就食米線米線同雞球分開上，見到碟雞球真係好大碟朋友話個湯米線味道剛好，我食個撈麵就覺得落埋少少南乳汁撈黎食，好食d,不過食完真係好口渴，短時間內肉左1000ml飲料🙈，證明味精較多。

嚟到土瓜灣有好多舖頭都有賣南乳豬手或者南乳嘅粉麵，唔通土瓜灣嘅南乳係特別出名？🤣今次試吓呢間裝修普普通通嘅隱世小店喇，入座嘅時候係下午4點幾左右，可能係下午茶時間啦所以冇乜人。叫咗一個南乳豬手撈麵，同埋南乳雞球撈麵。仲叫咗支$7嘅細樽豆漿。個南乳豬手整得好入味，唔會咬開裏面就冇哂味，質地方面係偏煙韌，如果鍾意食好淋身嗰啲可能就唔係好鍾意，不過咬落去都唔硬嘅，所以鍾意食豬手嘅都可以試吓。個南乳雞同佢會另外有一點南乳汁俾你點，個雞球應該係生炸嘅，炸得非常脆連個皮都冇肥油，真係好好食，不過南乳醬唔好點太多因為有啲咸🤣佢單餸就$38一碗，兩餸就$44。麵底方面可以揀湯米線或者揀撈麵，撈麵有撈粗麵同幼麵 。佢另外仲會有一碗湯仔俾你飲，我個人認為碗湯有少少鹹，所以我另外加$7叫咗一支豆漿，佢枝豆漿應該係自家製，有好豆味，又唔會太甜。最後中叫多左個南乳炸雞球撈麵外賣😋😋😋

來到土瓜灣上課，看看時間是晚上6點30分，有時間便找找馳名的麵店。入到來地方小小，但有很多人吃東西，坐下便立即叫他們的招牌菜，南乳雞球，我選擇撈麵。不到5分鐘便送到，賣相尚可，試試他們的雞球，好老土都要講，正雞有雞味，外脆內有少許肉汁味，但不至於滑，配合少少的蠔油，效果更入味。撈麵可以，爽口但不是彈牙，軟身麵配上熱湯水更快淋，所以不能放得太久。味道不錯馳名的麵店果然名不虛傳