古今二 (觀塘工業中心)

觀塘工廈咁多美食，今次就同朋友去咗一間主打卷物嘅日式餐廳～龍捲風沙律💰$76頭盤先來一客沙律，為炎炎夏日降一降溫，面層嘅蟹柳絲堆搭成一座小山丘，造成龍捲風嘅形狀，創意十足！與底下嘅中華沙律、生菜、蟹籽攪拌一齊食，口感豐富，開胃清新午夜牛郎💰$95饀料有忌廉芝士、三文魚、牛油果，外層炸至金黃色，脆卜卜，好似食緊飯焦，每一口都發出卡滋卡滋嘅酥脆聲，最後加上頂層嘅明太子醬作為點綴火山💰$128熊熊烈火何其壯觀🔥朋友們都即刻攞出手機不停打卡！面層放滿海量明太子蟹籽沙律，店家絕不吝嗇！卷物係牛油果蟹柳絲，牛油果軟腍，與卷物醬汁不謀而合！日式冷麵💰$92配料有叉燒、蕃茄、青瓜絲、鳴門卷、蛋絲，冷麵採用咗拉麵作為麵底，麵質煙煙煙韌韌，好啱我胃口，夏天食冷麵，夠晒清爽…查看更多

同朋友都係住喺觀塘附近 所以就約咗收工去觀塘食嘢 呢間卷物想食好耐因為睇相好吸引🤣叫咗個龍捲風沙律 $76 份量超大 最鍾意係佢有好多蟹柳同埋蟹籽 同埋夠多沙律醬 可以撈得晒生菜同埋沙律菜 然後每食一啖都食到蟹籽同埋蟹柳 佢個中華沙律汁酸酸甜甜好開胃🫶🏻另外仲放咗啲燒汁 味道撈埋又夾wor！午夜牛郎 $95 佢係將牛油果忌廉芝士同埋熟三文魚做餡 外皮用炸麵包糠包住 外脆內軟食兩件就好飽肚🤣 整體來講三文魚芝士同埋牛油果好夾 完全冇違和感～ 飯嘅口感就係比較軟綿 好特別☺️ 綠野仙蹤$ 98 個人比較鍾意呢個嘅fresh 上面係一層芒果同飛魚子 中間一層牛油果醬 入邊係八爪魚蘋果蟹柳 成個感覺好清新 唔肥膩 感覺可以食多幾舊！ 豚肉泡菜鍋 $138 好足料 豚肉鋪晒喺面 味道偏辣 （比一般辣所以唔食得辣 可以叫小辣） 辣味似食緊韓國部隊鍋 成個底都係我鍾意食嘅娃娃菜 超級入味 🥳👍🏻 燒茄子 🍆茄子燒得非常軟綿 配上日式燒汁 唔會好似平時燒烤店烤太燶🤣 …查看更多

今日收得早，6點就落到觀塘食日本野 - 古今二，餐廳位於官塘工業中心第四期一樓餐廳門口放滿咗左餐牌：可能今日早到，唔駛點等位，唔算係好多人，但係我哋食下食下，周圍嘅座位呢都坐滿左人啦坐低之後店員就幫我哋斟了熱茶，枱面放咗兩本餐牌：翻開餐牌，見到餐牌裏面有好多嘢食，有前菜、沙律啦有燒物啦當然仲有唔少特色卷物可供選擇我們點了5樣野先上的有柚想蝦仔沙律，餐廳玩食字，有意思。沙律size好大，清新清爽，入邊有牛油果、蘋果、生菜、車厘茄仔、生蝦、蟹子。材料係好豐富，都好好食。富士山是蟹柳絲堆砌出的日本富士山火山，入面有燒鰻魚壽司飯團，除左視覺上的享受，味道都唔錯。午夜牛郎都係一個好出色嘅卷物，有香脆的外層，卷物入面有熟左嘅三文魚、仲有牛油果，上面點了忌廉芝士，好特別。埼玉網燒牛舌就好厚身，好爽口，呢碟牛舌，佢地處理得好出色，五片牛舌太好味唔太夠就真😂😂日式炒烏冬，上面鋪滿了木魚絲，上既時候木魚絲郁下郁下，好有動感。餐廳仲有好多卷物好想試，下次再約一班朋友試下😄😄…查看更多

講開日式卷物🇯🇵，當然不得不提近年分店越開越多嘅「古今二」🏮將食材演變到出神入化，推出各式各樣創意卷物，不論視覺味覺都帶來一番衝擊✊🏻.🍣金龍卷💰$98混合黑白芝麻嘅壽司米包裹著炸蝦🍤&忌廉芝士🧀，再鋪上三文魚🐟刺身，加點點沙律醬🥢入口首先係三文魚刺身嘅魚油香👅再來就係炸蝦嘅香脆，加上芝士奶香creamy😚口感層次豐富，味道亦相當夾，絕對令你一口接一口停唔到😆.🍣午夜牛郎💰$95原諒🐻嘅膚淺，真係純粹因為個名而叫😂甚至連食材係咩都冇仔細睇，所以開頭以為牛係指牛肉😅但原來係將牛油果🥑、忌廉芝士、已煎熟三文魚🐟卷上，再將整條飯卷油炸🔥香脆可口嘅外層，內裡柔軟食材，口感豐富😍煎熟後嘅三文魚魚味更突出，加埋芝士鹹香好好味😋.🍴龍捲風沙律🥗💰$76堆到成座山咁高嘅沙律，色彩繽紛見到已經好開胃😍喺沙律菜上放滿大量蟹柳絲、蟹籽、中華沙律，再淋上特製醬汁😙沙律菜新鮮爽脆，蟹籽喺口腔中爆開嘅感覺超過癮🤣整道菜式令人非常清爽開胃😉.🍴煎豆腐💰$58將豆腐香煎後再淋上燒汁，做到到付愛情脆卜卜，內裏超軟滑😆豆腐本身比較淡味，加埋甜甜地嘅燒汁調味就啱啱好😌.🍴櫻花蝦茄子燒🍆💰$68茄子燒好後再放上超多櫻花蝦&燒汁🔥茄子口感軟腍，帶極濃櫻花蝦🦐鹹香味，醬汁亦非常入味😚.食完絕對會令你想回頭嘅餐廳😆今次人少少所以叫唔到好多菜式，仲有勁多卷物想試🤪好適合同朋友一大班人聚會，然後每樣都可以試啲😎…查看更多

晚市無得堂食，總要食下comfort food😋😋😋古今二一向出名食卷物，外賣仲有9折添！👍🏻今晚食左3種卷物，味道各有不同，但同樣地好味，食材新鮮！1. 煙花(辣味三文魚、辣味吞拿魚、脆片) 味道好夾。2. 忘不了您(芒果、炸牛肉、芝士) 飯團係炸過既，好香脆。😋3. 午夜牛郎(牛油果、芝士、三文魚) 仲有wasabi 醬，口感刺激。雜錦天婦羅: 有蝦、蕃薯、秋葵，炸皮不厚粉😋😋柚想蝦你沙律：好大碗、有好多料：柚子、蘋果、中華沙律、蝦、生果、沙律菜etc.，好開胃😋總結: 外賣都一樣好味，可以encore!😋…查看更多

難得政府放寬堂食政策..終於可以在下班後有充裕的時間.和朋友來到這間位於觀塘工業區的古典日系特色卷物餐廳共聚一堂詳談心事..餐廳內有多幅手繪的壁畫.店內都滿是日式古典的裝飾和擺設.讓大家在視覺和味覺上都充滿古典的夢幻▪️龍捲風沙律🌪$68👍🏻由最底層的一片片鮮甜生菜🥬&沙律菜.中層的一絲絲綠野田園的中華沙律&蟹柳絲.面層一粒粒的蟹子& 脆脆粟米片.堆積而成並以龍捲風🌪️的形狀作為設計..色彩斑斕的讓雙眼在工作中的疲累煥然一新.. 並在沙律上以沙拉醬&燒汁作調味.口感更俱豐富多樣🤩▪️火山🌋$88👍🏻以手掌🖐🏻般的長度和四隻手指🤚🏼的闊度形成的巨型火山🌋卷物. 霸氣十足😤以鮮艷蟹子堆作為火山口..芝士醬&燒汁醬作為熾熱的熔岩..並以海量蟹柳絲和白飯作為營養豐富的礦物火山泥🌋精美的設計不知不覺地吸引了我的食慾🤩起初還不知道該從何開始.但原來細心的店舖一早已經把它一開八切好.等待放入嘴裏..🗣一大口進食.才發現原來白飯的中央還加了牛油果🥑帶子🥠青瓜🥒.. 清新又香甜.輕爽又無負擔😍▪️午夜牛郎🎎$85午夜牛郎的名字此時此刻還讓人念念不忘.. 以牛油果🥑芝士🧀三文魚🐟作為卷物的內餡料. 外面再炸了一層博博的麵包糠.脆卜卜香脆可口的.外脆內熱的口感🤤配上冷冰冰的醬汁.冰火交融口感豐富..▪️茄子燒🍆$35 本來是一條普普通通白雪雪軟綿綿的茄子🍆放上濃厚的燒汁醬和櫻花蝦作調味..令本來像海綿的它.變得柔滑軟綿的.略帶一絲煙熏味和櫻花蝦的香味..令人陶醉▪️黑豚荔枝卷串燒🐷$38以薄簿的黑豚肉片把香甜的荔枝粒捲起來.🍢並放在火爐上一拼燃燒着..把荔枝的香甜&黑豚肉中的油分和香氣逼出來.互相交叉融合著.吃上來味道鮮甜爽口..可惜的是黑豚肉笑得有點過火..令到他有點老身🙇🏼‍♀️▪️秘製蒜香牛油燒帆立貝🥠$48超大隻的珍寶帆立貝.吃落淡淡香蒜和牛油味..可惜的是都是有點老..沒有了本來的鮮味和柔嫩的口感🙇🏼‍♀️…查看更多

放工嚟到觀塘工業中心食日本嘢，好彩我哋早嚟，如果遲多少少就要等位啦。呢度嘅餐牌上面都有好多唔同選擇，前菜我哋叫咗日本南瓜溫室沙律，南瓜甜甜哋，好好味，仲有蟹子、生菜同車厘茄！之後再叫咗卷物，餐牌上卷物嘅名全部都好特別，好有特色呢~我哋仲揀咗午夜牛郎同煙花。煙花其實喺辣味三文魚、辣味吞拿魚同埋脆片，喺我最鍾意嘅辣味三文魚呀！！而另一款就喺午夜牛郎就有牛油果、芝士同埋三文魚，卷物出邊脆卜卜，加埋芝士同三文魚，一次過有哂唔同嘅口感。…查看更多

近排心情都好差，約埋家姐出嚟食日本嘢散下心，呢間古今二喺APM附近嘅工廈，上層樓梯就到，好易搵。呢間係一間新派日本菜，無論一家大細定拍拖都一樣啱食！#日本溫室南瓜沙律 $50前菜嗌咗南瓜沙律，好清甜！好似一大球雪糕一樣，Topping仲有少少蟹籽，加埋中間嘅洋蔥，唔會太搶味，反而食落口感再豐富啲。#煙花 $95三款手卷當中，豬太郎就最鐘意呢款啦！有辣味三文魚，辣味吞拿魚同脆片，少少辣、唔會太嗆口加埋醬汁蟹籽等配料，好開胃呀！#相撲力士 $88有少少似彩虹卷，幾款刺身加埋芝士蟹柳，口感好豐富，鐘意食芝士嘅就一定要試下！#午夜牛郎 $85聽到個夠名都忍唔住望咗一陣，食落有啲似炸壽司，但又唔係成舊都硬晒㗎，中間有creamy嘅牛油果同芝士，仲有三文魚𠻹！成個組合都好吸引。#自家製香菇雞肉丸串燒 $30好大粒肉丸！平時麻麻哋食菇嘅豬太郎，家姐見到又想試下。估唔到同雞肉一齊整成肉丸之後又幾好味！表面燒過睇落有啲乾，不過食落就唔會啦，如果鐘意濕潤啲都可以落少少沙律醬㗎。…查看更多

未試過黎觀塘工廈覓食, 機緣巧合下決定黎食下日本野!本來以為日本菜唔係拉麵就係"生勾勾"的刺身呀壽司呀咁, 但呢度D野食真係有驚喜架!夜晚去到都係7點半, 但都已經好多人, 好彩剛好有張枱埋單我地先可以咁快坐低;等位果幾分鐘我地已經睇晒D雜誌/廣告咁, 越睇越吸引~ 坐低就第一時間"熟讀"Menu!每張枱都有張好長既menu紙俾你寫, 好似飲茶揀點心咁, 但係係無圖片架, 所以大家憑空想像下, 或者偷睇隔離左右食D乜啦 最後4人叫左7樣野, 再加多支2L Asahi~日式炒烏冬: 賣相同味道都似大阪燒, 無令我失望, 好味~明太子雞翼: 不過不失, 明太子鑲左係迷你雞全翼入面, 但一份得兩件, 可以留力試其他野鹽燒鯖魚: 好好味!!! 外脆內軟, 魚皮燒到香脆, 魚肉好嫩, 一啖食落D又脆又香又多汁, 要趁熱食, 好想黎多碟! (一掃而空唔記得影相...賣相同平時差不多)吞拿魚卷: 友人堅持想食, 所以叫左份黎餵佢xD  D吞拿魚幾大粒, 都唔錯~火山: 望落有D無從入手...但下面都係卷物, 所以都好易分到. 入面有帶子\蟹柳\同三文魚(?), 同蟹子沙律撈埋一齊放上飯卷度, 少少香辣, 一大口塞晒入口真係好滿足好好味! 午夜牛郎(牛油果/芝士/三文魚):  材料放中間既飯卷, 然後成條落鑊炸一炸, 切件再配上燒汁芝士醬, 熱辣辣都唔錯, 但因為飯卷炸過所以食既時候講唔到野 (太心急成件黎) SUSHI PIZZA: 揀左蝦蝦但無晒, 咁就試最穩陣既三文魚啦! 口感幾得意: 軟既三文魚, 脆既脆脆(廢話?), 硬硬地既炸飯PIZZA底, 爆開既蟹子沙律...  同午夜牛郎味道差不多, 都係炸飯, 所以可以2選1~…查看更多

不知道大家有沒有吃過吳彥祖開的Monster Sushi，出品的是新派壽司，初開業的時候風勢可說是一時無兩，一來是當年相當少見的新派壽司店，二來肯定是跟吳彥祖的名氣有關，自己在瘋潮過後去試了一下，雖然味道上和傳統壽司相差甚遠，但確實饒有趣味。知道觀塘有一間同樣是做新派壽司的鋪頭，地方那麼近我當然要試一下啦。雖然食評上還是一間全新的店鋪，但其實是由尖沙咀的鋪頭搬到觀塘的，也由舊鋪名古今改為古今二。由於新開張，也有不少彩球未拆走。櫃檯的位置很多可愛的招財貓，有一說法招財貓左手招財右手招福，所以這裡才會兩款也有吧？可能還是新蒸頭，仍擺有大紅大金的盆栽。再往裡面走一下，椅子故意用不同款式的，這對於有強迫症的我是場災難。（笑）師傅會在客人面前做壽司感覺也令人安心點，還可以留意到刺身的新鮮度。事不宜遲立即看一下餐牌，卷物的名字都很特別，不愧為新派壽司。不過另一方面卻令人很頭痕，到底應該選哪一款好？就算材料相近但賣相可以相差甚遠呢，幾經辛苦才決定好點甚麼款式。這個金龍卷是芝士、炸煆、三文魚的組合，長條形的外貌實在有點像人型蜈蚣…失禮了，不過這種彎月形的壽司做起來是要多花點時間的。這卷物的三文魚切得頗厚，但由於芝士味較濃， 加上醬汁不少，就蓋過了三文魚的油香。中間的炸蝦則炸得相當脆口，且肉身實淨不會霉，不錯。富士山有牛油果、蟹柳、鰻魚、脆片，爬過富士山的我實在看不出這東西和富士山有甚麼關係，不過藝術既野，我識條鐵咩？蟹柳一絲絲吃起來就像吃蟹柳沙律，不過少了沙律醬，吃起來清淡得多。鰻魚佔的比例，所以不會像鰻魚壽司般吃得其甘美。脆片帶點辣度但不強，雖然這個壽司比較輕盈，意外地與脆片的配搭沒有格格不入的感覺。午夜牛郎用上了牛油果、芝士、蝦，說到牛郎可能會想起織女，但既然是午夜出現的，應該是陪酒男郎才對（笑）。這牛郎切得不太平均，要吃多些就先手者勝。外層的一層炸漿跟吉列豬排是同出一轍，所以相當香口，變成外脆內軟的口感，加上鹹香的芝士，有點像曾吃過的芝士吉列豬扒，味道討喜。不過叫作牛郎何解沒有牛的？搖滾樂的材料為芝士、炸蝦、牛油果和鰻魚，又是完全無法理解為何與搖滾樂有關連，音樂既野…算了。鰻魚沒有加上過多的照燒汁，並在上面灑了些芝麻，雖然鰻魚不算肥美，有著芝麻香感覺不壞。炸軟殼蟹屬於個人熱點菜式，這裡的軟殼蟹老實說有點貴，份量太少了。質素則不過不失，炸漿沒有很脆，可以說是外不脆但內軟，也許是軟殼蟹出水導致軟掉，也可能是因為放了一會再吃的緣故。軟殼蟹上面澆了一些燒汁，感覺並不配搭，反而簡單灑些鹽巴就夠了。軟殼蟹還是在放題店裡吃得更開心。如果傳統壽司吃的是魚生的新鮮度和選材，那新派壽司應是吃創意和賣相，沒有誰比誰高尚，不用刻意去比較，吃得開心就好了。…查看更多

放題吃多了,偶爾還是想吃一些其他類型的日本餐廳,最起碼不需要吃那麼多量產型東西嘛這家置身於工廈之中的古今之前就聽過其大名,不過一直沒機會試,直至最近, 舊同事(對, 又是舊同事XD)約我去觀塘吃飯,我才特別提議不如去試試這間餐廳這家置身工廈中的餐廳給人的感覺非常突兀,在暗沈的地方中突然有個光猛無比的地方放滿花牌,走廊盡頭還有幾板貨聽聞只剛剛開業幾天,但已有不少人懂得來了這裡不同配搭的卷物是你到什麼放題都找不到的東西!鬆軟的三文魚加上炸蝦的爽脆,中間以飯分隔開,吃起來就好像把2極的東西同時放進口中,一冷一熱, 非常有趣~三文魚跟吞拿魚是港人必吃的2種刺身,放在一起有互補不足之感,吞拿魚補充了鮮魚香,三文魚則提供脂肪酸,加上少量辣辣的玉米片碎,口感非常豐富!熟帶子跟牛油果提供了豐富的奶香感,而青瓜則降低它的滯膩度,也稱得上很不錯口感十分獨特,像獻汁般的極濃湯底很能追上潮流,不過能不能接受中式湯底就因人而異了...而且完全不辣, 令人有點意外豆腐很是嫰滑,但麵質令人失望,因為實在太稔,而且梘水味重,明顯地沒有過冷河...天婦羅並非用天婦羅粉,而是吉列粉, 很奇怪...但蝦很新鮮, 挽回了不少分數臨尾又再多叫一碟卷物午夜牛郎芝士X牛油果X炸蝦+炸飯, 非常喜歡它的芝士味, 不過這配搭吃不夠2件就滯了~這裡的卷物實在很正,希望他們會把同樣時間花在改進拉麵上~…查看更多