小島料理

呢間小店已經係第2次食, 2次都係要排隊, 今次早過7點到就排2張枱, 之後就條隊就越排越長等位期間已經揀好食乜, 坐低就直接落單, 之後就食住前菜等, 當日係醋漬本菇同海帶湯沖繩豬肉塔可飯 - 塔可即係Taco墨西哥夾餅, 將夾係玉米餅嘅餡料蓋飯, 有茄汁同BBQ汁炒過嘅豬肉碎, 伴生菜、蕃茄、洋蔥、乳酪非常惹味, 好快就食哂 慢煮牛板腱牛丼 - 原本係想叫肉眼但冇貨轉咗做牛板腱, 比肉眼少咗啲油香同軟腍, 圖中係並盛份量, 想再多D牛就可能要再升級北海道牛乳蛋卷 - 正常牛乳蛋卷味, 唔會太甜芝士撻 - 餅底麵粉味好重, 整體OK, 不得不提D餐具好靚小店坐位得14個位而且坐得比較親密, 店員除咗要處理樓面同店外人龍, 仲有絡繹不絕嘅外賣單, 有少少混亂…查看更多

想試好耐喇， 上次嚟到無開， 今次終於有得食喇。 嚟到係晚市比較早嘅時間 都已經有幾枱喺門口等緊位，不過佢返枱都好快（下文再講呢樣野），好快就有得入去。 小島料理 係一間日式小店，座位唔多，坐低都幾迫。 食物選擇主要係賣佢地幾款招牌丼，我就揀左慢煮牛丼， 本身想揀肉眼但係當日無，變左做比較近牛肩部位嘅牛板腱代替，呢兩種牛肉其實本身係價格上係有幾明顯嘅分別，所以當下嘅感覺都有少少怪，不過唔緊要一場嚟到試試佢。 上菜唔算等好耐，個丼個樣係幾靚仔，急不及待要開動喇～ 味道方面其實係做得幾好，肉雖然係薄切但係份量都幾好，將飯撈埋牛、生蛋同乳駱一齊食係爽嘅，加埋以佢呢個價錢，唔怪得小島咁受歡迎。 我叫左嘅係「並盛」即係你當佢係中 size 啦，如果加大變做「大盛」加$20左右肉量會再多 30%，感覺上「食肉獸」揀大盛應該無誤。另外叫埋個「沖繩豬肉塔可飯」，有豬肉碎、蕃茄、洋蔥、乳駱，同佢個名一樣喇，係好明顯嘅 taco 風味，望落去個樣有少少似鹵肉飯，都幾好食。試埋佢嘅甜品，揀左芝士撻同北海道牛乳蛋卷，兩個都唔錯嘅，中規中矩，牛乳蛋卷就偏甜啲但係OK嘅。頭先講過，佢返枱都幾快，其中一個原因係幾位年輕店員行軍速度都幾急，由等位到安排入座到落單上菜都幾急促，再加埋佢地都幾多外賣單，變成一嚟錯漏都幾多，二嚟坐喺度食飯都會有一種「不如嘭嘭聲食完走啦」嘅感覺。 不過，回頭率高嘅，如果經過附近唔太多人排都會想再食，希望下次食到大盛肉眼。…查看更多