盈館

港幣$38食到呢碟灼海蝦‼️ 琴晚同班friend去旺角盈館，所有菜色大大碟，唔怪得平日去都好旺場，真係有驚喜👍🏻🦐 白灼海蝦一坐低見到menu呢個價$38，即刻柯打返碟！海蝦肉質爽彈，蝦頭都幾多膏，咩汁都唔點已經鮮到震，抵食到懷疑人生，我仲留起咗2隻返去俾貓貓🤣🐦 北京片皮鴨鴨皮脆卜卜，用熱辣辣嘅薄餅包住青瓜絲同甜麵醬，一口一件勁滿足🤤😁 遠年陳皮一字骨陳皮香氣滲透入肉，酸甜汁掛滿肋骨，咬落鬆化得嚟又帶啲嚼勁，我自己就幾滿意嘞👍🏻🧊 冰鎮咕嚕肉外層糖衣脆脆地，裡面豬肉保持微溫，酸甜冰凍三重口感好過癮❣️🥬 啫啫唐生菜蝦乾同蒜粒爆香嘅鑊氣撲面而來，菜葉索盡精華又keep住爽脆👏🏻…Read More

夜晚放工同屋企人去食飯，屋企人想食片皮鴨，於是上網睇下邊間片皮鴨抵食，見有人推介依間酒樓，於是就去試下！火焰鹽燒雞店員會點火燒住隻雞，效果好打卡，不愧係依間店嘅名菜。雞肉充滿鹽燒香味，肉嫩多汁，咬落去鮮美十足。北京片皮鴨鴨皮超香酥脆，皮下脂肪少但都充滿油香味。餅皮柔軟熱辣辣，再包上青瓜同葱絲，口感層次豐富，令人回味。香芒貴妃蝦球一上桌就已經聞到好香芒果味，蝦球大大粒，質感鬆脆肉質彈牙，配上香芒醬汁味道香甜清新，好啱夏天食用。每粒蝦球下都有一塊脆炸饅頭，食落味道甜甜地，唔會好油膩。蔥葱焗桶蠔蠔仔份量相當多，蠔肉鮮嫩又大大隻，每一啖都充滿香葱味，焗到微微焦脆既外皮為菜或增加香脆感，口感層次豐富。…Read More

約了屋企人食飯見呢間網上食評幾好，而且又有我想食嘅冰鎮咕嚕肉同片皮鴨，所以決定試吓呢間。首先上到去見到個場地唔算好大，枱同枱之間都算逼夾，同屋企人都要分開行先至可以坐低。跟住見到餐牌價錢都頗貴，選擇亦唔多，就叫咗四樣嘢食同白飯，味道尚算可以，不過服務生好似唔夠人叫咗幾次先有人回應。到最後結帳食咗成千蚊，返到屋企上網睇發覺原來餐牌價錢同平時唔同咗，每樣都貴咗50至$100，今餐飯起碼貴咗$300，感覺非常唔良好，唔會再有下一次！每樣食物比平時收費貴…Read More

👧🏻😋👅🍽✨必食抵食片皮鴨😍-盈館 🇭🇰 旺角彌敦道593-601號創興廣場7樓 🇭🇰-🍵創興位置方便, 店面唔大但都有包廂, 環境舒服唔會太嘈雜🍵出餐快手店員醒目~-🦆🫓🥒北京片皮鴨 一食 $188💯店員用架餐車推成隻鴨出黎, 先上蔥, 青瓜同醬料, 之後就會即席表演片皮鴨; 雖然我地坐得唔近, 但都好明顯見到隻鴨岩岩燒起出晒煙咁💯鴨肉軟腍鴨皮酥脆; 份量好多$188算超優惠, 我已經每塊皮包兩舊鴨但最後都仲剩返好多肉點醬就咁食勁正-🍮杞子桂花糕 3件 $28✨食完個大大份片皮鴨已經好飽🤣 但都要填下個甜品胃; 杞子桂花糕唔會太甜好清香, 食完濃味野食呢個清清至岩喇-🥜小食 $15 💯唔知係咪每日都同款, 今晚係花生勁驚喜; 最驚去D酒樓俾D放左幾日幾夜既淋滋滋花生, 但呢個係完美, 好鹹香好脆!!!😍-…Read More

平時我同朋友都喺創興中心做gym，創興中心入面有好多餐廳，其中中菜代表有盈館。今日我同幾位朋友做完gym決定落去盈館食個晚飯。盈館係一間傳統酒樓，裝潢同我想像中差唔多。大圓枱、地氈同魚缸係傳統酒樓必備元素🤩- 北京片皮鴨配料有蔥白絲、青瓜、甜醬。師傅切出嚟嘅片皮鴨既肉幾厚，而且切得唔係太工整。雖然刀工麻麻，不過份量好多，而且只係$168，所以其實好抵食👍🏻- 冰鎮咕嚕肉咕嚕肉被一堆冰塊包住，食落外皮冰凍同少少脆口，入面肉質鬆軟，不過略嫌太過濕潤，無咗外冷內熱嘅口感🤔- 香芒脆蝦球職員建議連埋生菜一齊食，但我地以為只係裝飾所以無食到🤣。蝦球酥脆，配上少少芒果肉同沙律醬，味道甜而不膩。- 甜麵醬黑豚肉炒花生芽我認為最有驚喜既一道菜式，估唔到花生芽如此甘脆爽嫩，口感同一般芽菜截然不同。黑豚肉炒得香口，配上甜麵醬更香濃惹味。- 黑白爽身慢煎龍躉扒因為慢煎關係，龍躉扒係壓軸出場🥳。龍躉扒幾鮮甜，而且煎得幾香口，旁邊有爽口既黑木耳。以上菜式平均$150，份量好大，味道以甜麵醬黑豚肉炒花生芽同香芒脆蝦球最出色👍🏻…Read More

行開旺角, 經過創興廣場差唔多每一層都食過.今日一於試一試7樓呢間盈館粵菜.門口酒樓入面枱同枱夠距離, 坐得都好舒適.今晚叫左2份野食, 北京片皮鴨+上湯龍蝦伊麵.員工會推隻鴨出黎枱前面, 即場片肉, 配餅皮, 甜醬, 青瓜條, 京蔥.上湯龍蝦伊麵就加左$40轉加芝士, 但味道一般, 龍蝦肉又唔係好多.員工推隻北京片皮鴨出黎, 會問你駛唔駛影下相先.北京片皮鴨龍蝦伊麵一般總結黎講呢間酒家環境舒適, 員工服務都可以, 係旺角市中心,普通飯局可以一試.…Read More

沉寂咗兩星期，今個禮拜又出動去食好西。今日就去咗旺角創興廣場7樓“盈館“食中菜。 先拔頭籌就係一個“哈哈生炒骨“$118。 上碟打食件波羅 開開位胃先， 點知原來係哈密瓜。 呢個時候先至恍然大悟原來“哈哈生炒骨“所指嘅係哈密瓜， 但原來呢個配搭都幾新鮮。 排骨嘅酸甜度剛剛好而且份量十足， 好似食極都有咁。 第二度菜就係本人非常喜歡嘅 “欖菜肉鬆炒四季豆“$88。攞嚟送飯食，簡直一流 。四季豆炒得 好爽口， 出街食到嘅好容易會太鹹。但係呢個嘅咸道就啱啱好， 拿捏得準確 。 之後最後一道亦都係重點嘅就係“北京片皮鴨“$138。 等咗大概20分鐘 ， 服務員原隻燒鴨攞出嚟， 喺正你面前片肉 ，保證新鮮 。片皮鴨皮肉比例分佈均勻 ，充滿曬油香 ，包裹住啲皮可以中和返油膩感， 138蚊嚟講質素真係十分不錯。…Read More