煎餅廚房

營業中

休息中

路過呢間煎餅店，店面乾淨企利，仲有得睇住廚師整野食，所以決定試下佢哋既煎餅叫咗北京烤鴨煎餅同埋佢哋自家製既老陳皮山楂水～煎餅份量好大，都好足料，啖啖鴨肉同埋好多青瓜脆脆！我初時以為烤鴨會好油膩，但估唔到係一d油膩感都無，配塔埋青瓜感覺仲有啲fresh，確實有驚喜。至於老陳皮山楂水，都係好足料，一d都唔求其～飲完後覺得自己好養生好健康，推介比想養生既朋友食完個煎餅好滿足，下次會再試下其它款式煎餅同飲品

日日都經過依一間外賣店，次次見到個煎餅都好想食，有一日，我終於遇上我是餓底的時候啦，係個門口諗左好耐都唔知食咩好，結果我就叫左佢地最多人叫既北京烤鴨煎餅，因為舖頭係開放式廚房，見住佢整，有一種期待既感覺，不過我個人建議少醬個 邪惡感會少啲。等左一陣，到手個上真係好熱，個味道係正常好食既，個鴨肉都好香， 唯一美中不足我覺得下次可以少啲醬，真係我又真人唔太中意食落有醬令到食唔到個食物本身個味道，依個做一個下午茶就岩岩好啦。正

黑色門面看上有高級感，開放式廚房也滿整潔👍🏻👍🏻👉🏻北京烤鴨煎餅 $45+$3(薄脆)價錢較同類店鋪略貴，然後奇怪的是薄脆居然要額外加錢🤨 嗯嗯嗯？這本就是煎餅果子其中一個必需食材😶 就像你點檸檬茶 本就應該有檸檬但現在要額外付錢才獲得😑😑 搞不懂～～～不過話說回來～餅皮不錯，有Q度，帶點煎烤的香脆，餡料豐富～鴨肉滿多的，但肉質略乾，然後那個烤鴨醬…..在我認知的烤鴨醬應該屬偏甜的，但這個偏咸…..😣有點不對胃口…..🎈總歸一句：果然沒比較沒傷害，有比較下這店絕不會是我第一選擇🤪🤪

又到食lunch時間，唔係好肚餓，所以想輕食一餐呢度鋪仔細細，只可以外賣自取煎餅選擇唔多，反而飲品比較多點左個北京烤鴨煎餅明顯見到餅皮上有蛋，表面有黑白芝麻餅皮口感QQ，薄得黎唔容易爛配料好多除咗有北京烤鴨之外，仲有青瓜、蔥花同甜醬等等⋯飽肚得黎會唔濟仲叫咗個陳皮山楂茶，飲到底就見到新鮮嘅山楂！平時飲開鐵觀音會覺得脹胃，原來加咗山楂就可以解決呢個問題啦！因為冇得堂食，平時經過呢一度都冇入去幫襯。但係而家需要食外賣🥡，就突然好想試吓。第一次喺香港搵到地方可以輕食北京烤鴨！體驗不錯👍🏻

唔駛去北京都可以食到嘅京式煎餅？我地又黎到紅磡覓食啦！今次試食嘅係「煎餅廚房」。其實每次經過都會被佢嘅鋪名吸引，今次終於要黎試一試佢地嘅北京煎餅🤣。🇨🇳 講到北京美食，大家都諗起北京烤鴨，而呢度最出名嘅亦都係「北京烤鴨煎餅」！煎餅係即叫即整，保證新鮮熱辣到你手上👍🏻。煎餅裡面有烤鴨絲、京蔥絲、青瓜片、甜麵醬。烤鴨絲煮得好稔而且入味，加上青瓜、京蔥嘅爽脆，同埋甜麵醬嘅惹味，味道唔錯😋.另外我地聽左店員建議，加埋薄脆片，果然食落有不一樣嘅口感，加多層次。如果黎到紅磡，不妨試試北京煎餅，黎一個不一樣嘅小食。

其實即係東北雜糧大餅 試左個北京烤鴨煎餅 34蚊 薄脆加3蚊 一開二加多個袋再加1蚊 total$38 店面無位座 只可以take out order左之後可以見到店員即場整食物黎講 首先個餅皮太林 靠個薄脆先叫有d咬口 救番個餅 烤鴨醬太咸 食完好口渴 如果有心既話 建議青瓜直切 散放係餅入面 口感會好過打橫切成一塊塊

之前睇過有關呢間煎餅舖嘅報導，不過一直都係經過但無買。今日又行過，心思思想食北京填鴨，所以揀咗佢哋嘅北京烤鴨煎餅好大個餅，份量一個人食係夠飽嘅。不過個餅皮比我想像中軟，如果可以脆啲就好咬啲，唔係熱辣辣即刻食的話，個皮會更淋裡面除咗有烤鴨同蔥之外，仲有青瓜同蛋，同個醬嘅味道係幾夾，但份量就太少了所以對比之下個價錢係偏貴的。舖位細，基本上都係外賣，但勝在有塊大玻璃窗，可以睇到個餅係點樣整出嚟有機會會試下原味，如果都係無咩特別，就唔會再幫襯了。

今期流行既煎餅 但絕對係可以等人潮退去先試嘅一間鋪頭 因為質素同等既時間係唔成正比…北京烤鴨煎餅 ($34)煎餅份量係幾足既 食唒一個包你飽 因入面既鴨同青瓜片都多~ 但係就冇乜北京烤鴨既感覺 重中之重既甜醬少 鴨又冇乜味；餅皮加左蛋 包完餡料之後已經又濕又冧 而且顯得更加油膩小編係六點左右去買 店員落左單之後話要等兩個鐘！ 要留低電話 有既時候會打電話通知… 點知等左兩個鐘都未收到通知 過到去問佢先會唔見左單 即刻整番俾小編…嗯…首先要等咁耐已經係唔值得 附近又冇乜地方行 兩個鐘真心難捱…而且佢地用呢個方法都容易出錯 好易就會令到客人好似小編咁等多左時間…所以真係想食既好奇寶寶都係等下啦~ 

這家小店剛開幕時非常收歡迎，據說要等兩、三小時。昨天下班經過難得店員說只需等十分鐘，終於有機會一試北京煎餅啦。我只去過北京一次，不知道可謂正宗，但在北京和上海街頭試過的煎餅也令我印象深刻。除了因為便宜（十元以內），新鮮即製的熱薄餅配上薄脆那種口感也很有趣，還有那甜甜辣辣的醬汁...說回正題，今次點了個北京烤鴨薄餅，再加了錢變套餐，配涼粉及豆漿。材料十分充足，咬下去每一口也是鴨肉和青瓜；分量也很夠，我吃了半個餐，其實也很飽（本來只打算飯前吃點小食而已）；店員也貼心提點新鮮熱辣的時候最好吃。不過總覺得與我在北京吃的很不一樣，如果加蛋／油條總共要再加8元，又覺得有點小貴。至於涼粉，似乎有點偏軟身，比較像啫喱，不過我更喜歡這種口感。

黎到黃埔，首當其衝一定要去試下近期城中話題既《煎餅廚房》啦！傳說Hit到落完Order都要等4個鐘頭後收到電話Call先有得食，究竟係咪真係咁好食到定係羊群效應呢？今日就由飲食情侶小先鋒【賴先生同屈小姐】爲你報導！賴先生拖住屈小姐隔住個紅綠燈望住間《煎餅廚房》既時候，發現冇乜人（門前只有3-4名客人等候，而廚師不停煎餅中），心諗：好野！即刻有得食！誰不知，係等一等紅綠燈過馬路既時候，我地已經比另外2位客人捷足先登！埋到去落Order既時候，店員居然係屈小姐面前抄賴生牌，原來店員話要等30分鐘先有得拎，到時會打電話通知我地黎拎！之但係⋯既然生意咁好，佢明明有2個爐，點解淨係開1個黎煎呢？賴生都百思不得其解⋯不過爲左食好西，我地梗係等啦！順便拖住屈小姐係黃埔周圍睇下其他野食先過左30分鐘後⋯賴生收到電話啦！聰明既屈小姐亦早於25分鐘既時候行番去舖頭附近等食啦先黎介紹第一個 ：1）北京烤鴨煎餅：⭐️⭐️⭐️⭐️ (3.5星) 一拎上手個餅大塊得黎勁聚手，已經知入面既材料好多，有：烤鴨絲、青瓜片、京蔥絲同雞蛋！首先不得不稱讚一下北京烤鴨加煎餅呢個組合，省卻左平時大家食北京填鴨要自己不停包既煩惱，更好既

呢間Facebook成日見到嘅煎餅廚房一直都係我嘅foodie list之內，今日早收工順路黎試新嘢店舖空間唔算大但員工好多，略顯擠逼。黎嘅時候唔算多人，等三個就有得食，成間店附近都係甜酸醬料同蒜頭嘅香味。個人非常鍾意北京填鴨，但呢次因為期待過高而大失所望。材料份量充足，烤鴨嘅鴨肉同皮脂都好香醇，但作為北京烤鴨精髓嘅醬汁嚴重不足，導致口感太乾太淡唔夠惹味。蛋香非常吸引，但蛋漿分佈不均，如隔乾淨蛋白味道可能會更夾，技術有待改善。另外青瓜片與卷物不太合適，而且只有兩薄片難減油膩感，建議切成小條狀一撮，而且預先冷凍，避免吸收油分太多，同時增加口感。單買或套餐價錢都太貴，但非常有特色，如果製作方面可以稍加改進就好。下次有機會會試埋其他幾款，特別期待羊肉，希望唔會再次失望！

聽說這間開張不久的京式煎餅專門店人氣高昂，高峰時期更要等候四小時才能到手，是日平日約下午四時來到，眼見門前客人寥寥可數，刻不容緩馬上下單購買，不過仍要等候約四十五分鐘，更可以留下電話提示取餐，其實到附近逛逛實在不算過份煎熬。除了幾款煎餅之外小店更有提供各式小食及飲品。開放式廚房能讓製作過程一覽無遺，先倒粉漿掃平，然後打入雞蛋煎香，再加上其他包羅萬有的配料及醬汁，摺摺疊疊便完成一份京式煎餅。北京烤鴨煎餅 ($34)剛到手的第一印象除了紙袋滲油量多以及煎餅比想像中細小之外別無他物，焗於紙袋中以致餅皮過濕。煎餅內層雞蛋煎得香口，另外夾著一貫片皮鴨固有嘅配料——烤鴨、青瓜、甜麵醬，烤鴨質素不過不失，起碼不會乾韌之餘肉味亦足，個人最愛的是其煙煙韌韌的餅皮。值得排隊與否實在見仁見智，個人認為整體口感與味道配搭得宜，質素不算奇高但足以令人滿意，一試無妨，下次仍會再試其他口味，始終城中能品嚐到京式煎餅的地方仍是屈指可數。