金燕島潮州酒樓

今日同屋企人嚟飲茶，品嘗特色潮州菜😋🔸炸普寜豆腐外表好似炸魚片頭，有別於普遍正方形嘅炸豆腐粒。外層酥脆，入面非常嫩滑，配埋特色韮菜鹽水，風味十足。🔸碧綠川椒雞外觀非常搶眼嘅川椒雞，見到都流口水🤤 雞肉好嫩滑，泡油後炒到乾身啱啱好又惹味，必食旁邊嘅脆炸珍珠葉😋🔸蝦醬蒸鮮魷🦑蝦醬味香濃，鮮魷彈牙。🔸金燕島蝦餃皇🦐晶瑩剔透，大大粒蝦餃👍🏻🔸金燕島燒賣皇燒賣脹卜卜好實淨，入面填滿蝦肉、豬肉、冬菇。🔸叉燒蒸腸粉🔸香茜牛肉蒸腸粉🔸鵝肉、鵝肝雙併滷水鵝肉味香濃，鵝肝軟滑。🔸大腸、墨魚雙併墨魚爽口，點少少調製過嘅白醋好好味。大腸滷得入味而彈牙。🔸反沙芋條潮州甜品點可以無反沙芋？新鮮熱烘烘送上枱嘅反沙芋，香甜可口，糖分略厚。🔸清甜桂花糕🔸功夫茶餐前餐後店員都會送上功夫茶，店員好好又主動，賓至如歸嘅感覺下次會再嚟😊…查看更多

朋友想食潮州菜，就喺尖沙咀搵咗呢間金燕島。侍應們都應該喺度做咗好多年，服務好好而且有禮貌，主動又適時地睇吓我哋使唔使加熱水加茶。座位寬敞舒適，夠晒私隱度。滷水雙併(鵝片併大腸)：鵝片肥瘦剛好，鹵水夠晒入味，又唔會好咸。可惜當日無鵝腸，就轉左做大腸。黃金蝦棗：炸得好香口，而且蝦好新鮮彈牙，唔錯！橄欖肉碎炒米：大大碟，炒得好香口，橄欖唔會令到成碟野好咸，食完一碗又一碗😂反沙芋條：用乾冰做左啲煙霧效果，芋頭味幾香，不過略嫌面頭砂糖有點太硬。整體黎講都唔錯，而且在場都有唔少係熟客，個人認為可以再黎食。…查看更多

今晚有食神❤️朋友帶我去咗尖沙咀香港粵海酒店的金燕島潮州酒樓，係米芝蓮推介餐廳💥豬腳凍🐷豬腳肉香嫩，豬皮爽口，口感似啫喱咁滑，仲可以沾魚露或酸辣汁！滷水拼盤有雞蛋、大腸、豆腐同鵝片，夠哂入味👍🏻鵝片鬆化有肉香💯凍烏頭🐟一上枱就知條烏頭好肥美，黃色既魚油出哂嚟👍🏻非常鮮味懷舊灌漿蘿蔔煎得不油不膩，裡面大量的蘿蔔條、花生粒、甜菜脯等，口感一流！鮮海蝦水瓜烙水瓜爽滑多汁，鮮海蝦大大隻好彈牙，煎得軟身，點埋魚露鹹鹹香香😋蠔仔肉碎泡粥好多大大粒的蠔肉，入口爆汁好鮮味🤩反沙番薯條🍠滿滿的脆糖包住甜番薯條，口感外酥脆內軟化！侍應服務殷勤細心，餐前同餐後都有功夫茶🫖感謝朋友帶我嚟享受美食🥰…查看更多

香港食過咁多潮洲菜金燕島都係食過環境最靚味道又OK味道好正宗 好新鮮雖然價位偏高 但環境搭夠而且服務態度好好👍🏻功夫茶溫度夠熱鵝片鮮嫩多汁🦢脂肪同肉比例岩岩好算係香港食過最好味既鵝片潮洲紅燒翅味道濃郁好正宗但翅就少左啲好香 細細碗吾會膩普寧豆腐一定要試呢個茶就最睇到廚師正吾正宗同埋食物新吾新鮮外脆內軟 豆腐超嫩口 皮又薄水瓜烙煎得岩岩好而且吾會太多粉好香口春菜煲食左咁多肥膩野呢款春菜煲清清地就岩曬冬瓜都好甜最後就甜品好味正宗無得彈…查看更多

因疫情，近兩年都無約過家族成員出來一聚，這一次就是家族應節晚飯，一起來到獲米芝蓮推介的「金燕島潮州酒樓」，這是一家老牌主打傳統潮州菜的菜館。而位處尖沙咀，地點十分就腳，很方便大家。餐廳裝潢很有中國風，古樸而帶點雅氣，而且，地方也頗大，很喜歡卡位的彩色花窗。吃潮州菜有個特色，就是一坐下，不論你點甚麼茶，都會先送上功夫茶讓你細嘗，此外，還有餐前前菜「鹹酸菜」，均是頗有特色。先來一道湯品「太極天河素」（$50），刻意做成綠白兩色，非常漂亮好看，入口幼滑香鮮，既有姿勢，又有實際。雙棗是潮州菜的特色食物，「黃金炸雙棗」（$200，可按人頭數增加）就包了蝦棗及蟹棗，兩者各有特色，甘香不膩，鮮蝦味及鮮蟹味都十足，更配上兩款特色蜜糖，很有心思。「梅子明爐烏頭」（$400）是冬季限定推出的特色菜，有點像泰式的明爐烏頭，不過，以酸梅子入饌，還加入了大量配菜，令其變得更豐富:)，而烏頭本身十分鮮甜味美，湯汁也是不容錯過。市面上很多賣魚蛋粉的都標明是潮州魚蛋，因為潮州魚蛋確是爽鮮，這一個「魚蛋煮紹菜」（$180）亦十分有水準，魚蛋、炸魚片也是爽口彈牙，魚味突出，就連紹菜也十分鮮甜。最後，再送上功夫茶，有助消滯解膩，能跟親友一聚，是一種幸福喔。…查看更多

喺朋友嘅推介下，嚟到依間殿堂級嘅潮洲酒樓飲茶😋平日嚟飲茶，酒樓唔會好嘈，座位都幾寬鬆，員工服務友善，係同朋友嚟飲茶談天嘅好地方👍🏻飲食記錄：潮酒嘅飲茶文化當然唔少得功夫茶🍵 功夫茶濃而不澀，飲茶前先飲一杯開胃解渴，飲茶後再飲多杯消消濟，感覺好完滿😋介紹返啲點心小菜先💁🏻‍♀️喺潮洲酒樓飲茶，點可能淨係介紹蝦餃燒賣😌金燕島嘅潮汕點心都好值得一試，亦愈嚟愈少本地酒樓供應。首先有💁🏻‍♀️家鄉糯米卷：糯米卷煙煙韌韌甜甜地，好食唔怕濟🤤另一款特色潮洲點心💁🏻‍♀️潮洲煎大韮菜粿；潮洲蒸粉粿都間唔中喺酒樓見到，但係潮洲煎大韮菜粿我真係第一次試，煎菜棵餡料除咗有韮菜，仲有蝦米碎同豬肉碎，幾香口好味😋另外點咗2款潮洲小菜，唔知係咪午市廚房未ready🤔味道唔算好突出🤔滷水鵝拼鵝腸：滷水鵝肉幾實唔霉，但覺得可以滷耐多少少再入味啲會風味更佳😋唔食內臟無試到鵝腸蠔仔肉碎泡粥：蠔仔有少少腥介紹返茶樓點心先💁🏻‍♀️點心製作得好出色，特別係有蝦嘅點心，因為佢地啲蝦食得出係靚嘅，新鮮爽滑😋金燕島蝦餃皇：蝦餃皮晶盈剔透，厚度適中，咬落又滑又煙韌😋而蝦蝦蝦都好新鮮爽滑🤤🤤🤤鮮蝦腐皮卷：腐皮炸得好酥脆又唔油膩，碗埋爽滑彈牙嘅蝦，好正！金燕島燒賣皇蝦醬蒜鮮魷蜜汁叉燒蒸腸粉山竹牛肉球/ 唔食牛，供圖作參考…查看更多

坐低先各隊三杯功夫茶消消滯又開開胃，套餐跟以往一樣無改喎，那麼一切依舊，改少少試下新野先 ﹗招牌潮州翅，真材實料又大手筆，翅針裝到滿滿的 ﹗老雞上湯鮮甜致極、濃郁香甜無比，不能跟其他酒樓生粉水相題並論 ﹗暫時係唯一一間我唔會落醋撈黎食架乍，絕對要原汁原味，否則就好浪費喇。不過硬係覺得比上次食頭圍 18:30 份量小左非常之多，少左一半呢。滷水鵝片，招牌滷水汁，幾十年陳年滷水香甜芳香，厚薄適中，咸味不嗆而帶鮮，食完又唔會口乾。鵝片質地滿意，有趙口而微彈，雖則有點乾但滑而不鞋，唔錯唔錯。到現時為止食過最滑最多汁既鵝片唔係金燕島，而係大埔潮州冷小炒囉。方魚炒玉蘭，比上次差好多倍呢，失望。鑊氣欠奉，微暖靜蠅蠅送上。整碟水份較多，炒得不夠乾爽。方魚偏咸而且硬屈屈，都無浸透喎，炒既時間及火喉不足，方魚油脂咸香未能釋放，芥蘭還芥蘭、方魚還方魚。芥蘭就非常滿意，鮮嫩爽甜好新鮮，好好食。清蒸海斑，係青斑黎喎，一斤左右最好食。野生海斑肉質特別結實彈牙，魚油豐富，鮮魚味極濃。超水準蒸得剛好，九成九熟而骨帶粉紅半透明，技巧超高，美味極致 ﹗啖啖肉，魚肚膠膠滑滑，魚肉又嫩滑，好味道。潮州炒麵，未食過梗要試試啦 ﹗上次試左勁好味勁香既欖角炒飯，但潮州炒麵有點強差人意咯。炒麵配料有蝦球、冬菇，炒得香口，沒什麼特別的炒麵。麵質有點似伊麵，比伊麵更嚥韌，但最大問題係咸左少少。我不太受得咸，但朋友仔就覺得咸度還可以。杏汁燉官燕，我都唔想不停跟上次比較，但真係質數下滑。我硬係覺得份量少左非常多，而且上次食頭圍既燕窩有焗過好乾身，但點解今次水汪汪呢？因剛才都食得好濃味，而杏汁官燕偏淡口，所以要落大量杏汁撈混，再耐心地慢慢答，食左四五口後，就會食到杏汁啖啖既清香喇。雖然份量少左，幸好都依依好好味 ﹗水晶飽，外層黏黏而嚥韌，豆沙餡清甜不過份，試一隻夠晒，太飽食唔落喇。果盤西瓜併木瓜，開心既時間好快過，又係時候講 bye bye 喇 ﹗食返幾件生果清清味蕾。上次食 18:30 每道菜都好食到拍爛手掌，覺得超值 ﹗不過今晚食第二輪 20:30 真係十分失望，差左好多呢。…查看更多

近年多數在自助餐吃凍蟹腳，上一次吃潮洲凍蟹都不知是多少年前的事，幸得好友宴請，讓我有機會重溫其滋味。金燕島已由星光行搬到寶勒行再遷往現址的粵海酒店內，雖已久仰其大名，但我現在才首次光顧。我們二人獲安排坐卡座，自成一角，既舒適又較安靜。潮州凍蟹：友人一早預訂了凍蟹，但經理說適逢休魚期，所以蟹較細隻，而且要略加收費至六百多元。凍蟹既然是這餐飯的目標和主角，我們還是照叫可也。凍蟹上桌時已切開了多件，我覺得一點也不細隻，給兩個人享用絕對足夠有餘，而且細隻的肉會較嫰滑，更加好吃。這隻蟹的肉富有鮮味，肉質結實有彈性，吃得出是新鮮貨色。以這種極為簡單的方式烹煮，食材必須質優、新鮮才好吃，所以貴一些，也是值得的。滷水鵝肉鵝片鵝掌：友人另一道預訂的菜色是滷水鵝肉鵝片鵝掌併盤，頗為大碟。鵝肉和鵝片相當嫰滑，即使淋有較濃味的滷水汁，鵝肉的鮮甜味也絲毫沒被遮蓋，而且肉香撲鼻。鵝掌皮頗爽口，同樣滷得十分入味又不會過鹹，果然是招牌菜色之一。墊在下面的豆腐吸收了鵝肉和滷水汁的味道，同樣好吃。潮州翅：友人想試試潮州翅是甚麼模樣，所以叫了一碗來吃。結果不出我所料，翅的湯底是濃稠的一種，像一大碗深色芡汁，雖然看到一條條翅，貨真價實，但顯然不是友人喜歡的味道。正如他說，試過便算，始終較喜歡清燉的湯底。蠔仔粥：為了吃些澱粉質，又避免份量太多，我們叫了碗蠔仔粥，誰不知這個碗比一般湯碗大，每人結果也吃了至少兩碗。這個粥味道十分好，蠔仔又多又大隻，最欣賞廚師烹煮的時間拿捏得非常準確，把蠔仔煮得剛剛熟，令其肉身保持鮮嫰，又散發著蠔的味道。上湯莧菜：我想吃點清菜，侍應提議的上湯莧菜聽來不錯，所以便叫了碟。這個菜的高湯充滿肉的鮮味，令清淡的菜更富味道，只是我和友人都略嫌油下得多了點。綠豆爽：友人原本想點壽桃作為甜品，為我慶祝生辰，但最少要叫半打，實在太多。我揀了綠豆爽做甜品，順便清清熱。經理很好客，說請我吃這個糖水，真是高興。這個綠豆爽應該是我吃過最好吃的，綠豆很多，全去了衣，很喜歡糖水只有幾乎不能再少的甜味，還加有些清心丸增加口感，我即使嚷著飽也把它吃完呢！燕窩楊枝甘露：友人喜歡吃芒果，所以我提議他吃燕窩楊枝甘露。這道甜品盛在一個酒杯形的器皿內，上面放有些燕窩，頗為漂亮。芒果汁很濃稠，𥚃面有很多柚子肉和西米，材料十足，但對我來說是甜了點。功夫茶：在進餐前和吃過主菜後，侍應都為我們送上功夫茶。始終是高級餐館，所以提供的茶也比較優質，茶味甘香，不會只是濃或有苦澀味。當晩無論經理或侍應都表現得相當慇勤，態度一流，可是，友人卻覺得他們過度慇勤，令他感到有點不自在，真「攪笑」。（多謝包包man生日咭！）…查看更多