燒魂

營業中

休息中

燒魂🔥🥩今日lunch都無食就係為左食夜晚嗰餐燒肉刺身放題 尖沙咀金馬倫中心嘅燒魂有得任食燒肉+刺身壽司晚上六點入座 可以食足120分鐘都係$308+1 真係平靚正呀 🍣 壽司刺身類開爐前一定係衝一輪刺身壽司先啦三文魚吞拿魚都好新鮮 甜蝦大大隻啜啜下都食左好多隻壽司方面 佢個忌廉芝士鰻魚壽司好正燒汁淋上面 塊鰻魚都幾大塊推介個厚燒玉子壽司 好香甜🍤 揚物牛乳松葉蟹薯餅 口感好creamy炸蝦天婦羅卜卜脆 呢個必食啦🔥燒肉類到今晚主角啦 牛肉除左有黑毛和牛之外牛肉調味都幾特別 西柚汁和牛 食落酸酸甜甜 另外個鮮蕃茄和牛 個醬汁同牛肉好夾🐷豚肉用上唔同醬汁醃製 BBQ醬非常惹味🐓仲有生薑味單骨雞翼 連孜然雞中翼都有熟食款式都幾多隔離枱叫左個爆蒜炒通菜忍唔住都叫左個 味道比較濃味超濃蒜香味 又幾好食

今日收工同朋友來尖沙咀食日式燒肉放題，全部都係卡位梳化位，坐得好舒服😌食物種類繁多：有刺身，壽司🍣，一品料理，炸物，沙律🥗…；燒肉方面有多款牛肉，豬肉，雞肉刺身：我點咗三文魚，甜蝦，八爪魚，希靈魚，吞拿魚…大部份刺身都係厚切，鮮甜肥美壽司🍣：一口一件，細細件唔會太飽，炙燒三文魚腩肥美，魚油香重；鰻魚好香，有少少細骨；壽司飯好軟熟，暖暖的燒牛肉：顏色鮮嫩，油脂分布平均，切得夠薄好快熟，肉質軟熟，牛味都幾香燒豚肉：豬肉好搶火 🔥, 較容易焦，店員教我哋放喺側邊燒冇咁容易焦，泡菜豬肉有少少辣更惹味燒雞肉：加咗孜然粉同黑椒嘅雞翼好香好惹味，特登海邊容易啲熟炸物：溫度夠熱夠香脆但粉漿比較厚實沙律🥗：沙律菜同青瓜都幾新鮮爽脆菠蘿炒飯：珍珠米粒粒分明，加咗菠蘿酸酸甜甜好開胃

行行吓街突然好想食榴槤波波，又想食燒肉，又想食刺身，所以決定去食放題。呢間放題，好多年前喺旺角食過，咁啱見到尖沙咀有，就上去碰碰運氣睇吓有冇位。放題緊係要刺身先啦，馬刀背爽甜👍👍👍 推介！肉鬆蟹子沙律，幾得意，但我鍾意走肉鬆多d🙈🙈🙈榴槤波波！！！ 放題必食！！！ 要每人食6粒先滿足😂燒肉來了🎉🎉🎉牛舌 爽口 又有油香加d 鹽燒已經好好食豬五花腩燒到小小金黃色，正🤤用生菜包住食就感覺冇咁油甜品幾飽都要食番個movenpick😌呢度服務幾好，侍應收碟快手，落單上菜都好快，食得輕鬆

朋友約我食燒肉肉,但我地唔記得左今日星期五,好多間都冇位,最後終於比我book到哩間,夠鐘入場啦,人山人海,入座都快,立即落單,店員親切咁先送上飲品,點知野食都好快黎到,刺身類,有甜蝦,八爪魚,希靈魚,鮑片,馬刀貝,赤身同三文魚,整體都好ok,夠新鮮.雞類,有孜然雞翼,柚子蜜薑雞翼,辛辣黑椒雞腿肉,香矛雞翼同埋生薑雞翼.菠蘿炒飯XDD燒雞中壺漬牛粒,我都係覺得薄切易食dXD各式牛肉ROUND 1生啤炸物類,炸漿唔太厚,OK豬大腸,豬粒粒同腩片再黎ROUND 2 牛肉,係好食既,薄切易燒,有汁既款式更好味.蜆,大腸,粥,炸臭臭榴槤球(好臭呀)粟米,蔬菜們(牛油冬菇,芝士翠肉瓜,菠蘿,洋蔥)2個鐘係唔夠我食既,但係以放題黎講,仲要有良知,哩個水準同店員服務,完全係100%會再返黎食,真係太好啦.

見到呢間$278+1，食2個鐘，有得燒肉，又有刺身壽司熱食，都幾抵，所以一試！但原來只附送2罐非酒精類飲品，亦都無冷盤、雪糕、甜品區。牛肉，薄片果d，尤其係有柚子味果d，味道不錯！熱食方面炸榴連同三文魚湯、薑燒豚肉都唔錯！三文魚湯我仲飲左2碗添！🤣🤣🤣三文魚刺身切既方法好似有點奇怪，會食到有筋，但鮑片同甜蝦唔錯。炸物都唔錯！d雞同豬好搶火，燒得有點失敗😅😅😅侍應亦都幾helpful！總結：性價比ok!

幾年前食過一次燒魂一, 覺得味道唔錯, 所以朋友生日又想食燒肉就決定再黎呢度門面幾靚, 悉心佈置左個層架, 地方都寬趟,由於唔想食太夜既緣故, 我地BOOK左早段6點-8點既時段, 呢段時間冇乜人裡面大部份都係卡位, 坐得都OK舒服, 環境好安靜, (變左我地幾個好似好嘈咁)一黎度就緊係點D食得既野先啦, 首先就要食刺身我地3個人食, 大部份款式都係落6件左右, 除返開每人2件, 唔太過份姐加上人又唔係多, 點解都會漏單有D款冇比我地??呢盤刺身入面有三文魚, 吞拿魚, 甜蝦, 北極貝, 鮑片同埋玉子三文魚同吞拿魚都切得好細件, 感覺唔多新鮮, 完全食唔到魚既鮮味北極貝更加係淡既, 冇乜味, 玉子同鮑片好正常, 最好食係個甜蝦對佢既刺身好失望, 都唔想再點黎食除左刺身仲有壽司叫, 由於竹得叫帆立貝刺身, 就唯有叫壽司啦但呢個帆立貝都係冇乜味, 完全冇帆立貝既鮮甜味見到有碗仔翅就心思思想試下啦, 加埋平時係出面好少有既牛骨湯, 都一次過叫埋個碗仔翅好稀, 偏咸, 裡面既料有冬菇, 金菇, 肉絲, 不試也罷個牛骨湯咸到飲唔到, 最後叫佢收走呢間餐廳仲有其他熟食既, 但味道都係好一般, 唔多

尖東逛街看到有和牛燒肉放題，就跟友人試試。門面很日式，光線充足。我們吃第二輪，8:15pm，每位$288加一。門口擺設很有特色。由於很餓，甫坐下馬上點了熟食。火炙左口魚邊壽司 - 左口魚邊入口即溶，非常甜美。帶子壽司 - 肥美多肉，配上少許芥末更顯鮮甜。吞拿魚海膽 - 海膽鮮甜，沒有腥味，加上吞拿魚蓉一起吃更有咬感。身為蠔王必點焗蠔。不過沒有想像中肥美，醬汁味道尚可。難得燒肉放題有刺身提供，就點了愛吃的三文魚、甜蝦、北寄貝、鮑片、希靈魚、吞拿魚及玉子燒。每樣擺設都很精美，味道亦不俗且新鮮，作為燒肉店來說，刺身及格。首先登場的燒系列有豆腐、甜薯及獅子狗。甜薯超級好吃，甜甜的紫薯，一小口，最適合女生們。反而獅子狗和豆腐有點乾，要配醬油吃才好點。主角登場！餐廳很貼心，把每個牛的部位都詳細列明，讓食客知道自己點的及吃的是牛的哪一個位置。最愛黑毛霜降和牛，堪稱鎮店之寶。牛味濃不在話下，重要的是薄薄一片超易入口。牛里肌不是每家燒肉店都有，亦是此店獨家，是必食之選。一口和牛在燒的時候要花點心思，因為較厚身，不過一點都不難咬開，一吃就知是上等牛。我的第二最愛便是海鮮。愛蠔之人要留意，燒蠔時每邊燒三分鐘

見到網上好多人推介燒魂，行開尖沙咀又見到大大個燒魂招牌，就黎試下。餐廳非常易搵，但上到黎未到6點開鋪所以要等一陣。入到去環境幾舒服，位置闊落，唔逼。坐低當然即刻睇有咩食，選擇都唔少，除左主打既燒物，仲有好多熟食同刺身壽司可以揀。之後見到加多38蚊就有一盤蒸海鮮，就try try啦。見到餐牌寫既海鮮都幾多，有d期待。之後唔洗五分鐘，就上左一個大鐵盒，真系超，級，大！侍應好搞笑甘講解海鮮要蒸幾耐，之後就禁左個計時器（個侍應有d似坤哥）嗶嗶嗶！計時器響啦！一打開，哇！！好多海鮮！！成陣鮮味撲鼻而來，流曬口水。我同fd得兩個人，應該淨系食兜海鮮都夠飽。而且海鮮種類繁多，魷魚貝蠔蝦，乜都有，唔會得一兩款食到厭。計時器一響，（偽）坤哥就走過黎幫d海鮮拆殼（其實佢都幾辛苦，每一台都要拆甘多海鮮）系拆既過程中，佢一發現有唔新鮮既海鮮，就即刻dump左佢，重新去廚房拎d新既黎蒸（佢解釋因為海鮮全部未開殼，所以唔未必知道邊一隻唔新鮮，但有唔新鮮一定會換）如果嫌清蒸太淡，仲有三種醬汁可以點，有辣有唔辣，任君選擇。我最中意左邊既辣醬，點大蝦肉食一流，肉質彈牙而且啖啖肉，點辣醬食就有泰國風味。同時都order左

總有些時候特別想吃放題，大吃大喝一番；但又總有些時候特別想吃韓燒，盡嚐啖啖肉的滋味，但其實未必需要作出取捨，雖然並非韓燒，但反而是更加高質的日式燒肉，另外更可以滿足放題欲。桌上有三款醬汁配以燒肉調味。先來一些一般日式放題會有的食物，當然少不了木，雖然款式不算十分繁多，但是基本上都應有盡有，個人最推薦肥美的劍魚腩刺身。炸物方面有在一段放題中較為少見的京都紅豆丸子，另外我們亦點了松葉蟹棒天婦羅及新宿洋風脆薯角，不過脆薯角與餐牌圖片略有出入，如果可以多添圖中醬汁的話會更好。京都紅豆丸子與酒樓的擂沙煎堆如出一轍，小小一顆以芝麻裹著的煙韌丸子包著紅豆餡料。火炙壽司方面我們試了鹽燒三文魚壽司、黑椒蒜香和牛壽司及汁燒帶子壽司三款，當中以黑椒蒜香和牛壽司味道最佳。創作壽司亦有七款之多，從左起分別為兩件水蜜桃花之戀、一件海膽三色花及兩件極上壽司。水蜜桃花之戀以水蜜桃粒代替傳統的蟹子，味道更加清新；海膽三色花則是以三文魚及吞拿魚片包住壽司飯及海膽；而極上壽司更是用上了海膽、蔥吞拿魚腩及黑松露三種矜貴材料。卷物體積較其他壽司大，點了前方的肉鬆菠蘿鰻魚卷及後方的韓牛卷，韓牛卷牛肉份量十足，味道帶辣。燒肉部份固

其實去之前已經知得一罐野飲，但諗住佢水都有比人呱?或者再叫野飲唔會好貴。但sorry佢一滴水都冇同埋所有野都要加錢仲要係海洋公園價錢。18蚊一罐野飲，5蚊一杯冰，30蚊換個網，依個價我可以去其他地方食差唔多質素嘅燒肉放題仲要有埋野飲。同埋啲汁好怪，有一個係普通燒肉汁但點極都冇味所以我寧願點豉油，然後其餘果兩個汁係泰色汁，九唔搭八，我都冇用過。食物：都有好多種類，燒嘅有牛，豬，雞，海鮮同菜。其餘都係放題會見到嘅野，雪條做做馬要like佢地個page又要share又留言先有得食。壽司，小食同熟食我地叫得唔多，但我地叫左雞軟骨，炒雜菜，凍豆腐；壽司叫左燒和牛，黑松露帶子，有海膽果個唔知咩。雞軟骨同豆腐冇咩特別；炒雜菜好食同好香，有好多木魚係面頭；以上3款壽司都好食，壽司啲飯唔大舊，唔會係塞飽你果啲。刺身：三文魚：都ok，唔可以話好好食但夠厚；甜蝦：有我隻中指咁粗，好鮮甜燒：肉類我地淨係食左牛同豬(有雞肉)牛：牛肉粒好靚，但要燒得啱啱好先好食；牛舌唔係厚切，但都好食好重牛肉味；薄果啲牛肉(唔記得咩名)睇就靚但有筋，同埋因為未解雪所以燒左之後啲肉汁比啲雪水沖淡左啲。豬：薄果隻豬肉(又唔記得叫咩s

尖東忌廉哥士多最後一天營業，作為小粉絲的我依依不捨地去朝個聖。內心百感交集，忌廉哥幾年來帶給我的正能量，牠肥胖的身影，和對食物(罐罐)的執著，那份親切感…令我更感憂傷不捨。嘆一句：彩雲易散琉璃脆，世界好物不堅牢。唉～跟忌廉哥來個合照作揮別之後，我內心強烈的空虛感需要得到填補和慰藉。這時正好收到了傳單。空虛就讓燒肉來填補吧？二話不說，想食就食！就讓我跑上這樓梯，消耗一下卡路里…(自我安慰)門口有等待區，8:15時段開始了，所以大家都已進場(那還等甚麼呢?) 裡面環境不算太大, 裝修富設計感，坐位也相當寬闊舒適不少卡位可看到尖東金馬倫道夜景，目測有很多是同事間、朋友間的敘會為主說來慚愧，小妹其實未食完網燒，每次都是韓式平面的燒烤，所以對這個爐面欣賞了好幾秒…點菜紙分好了大小，整齊地放在盒子中，任叫的。店員告知菜單中「北海道香草牛油帆立貝」是日換成生蠔。是這樣子，兩面連殼的。把生蠔；深海大蝦；韓風龍脷柳放上去燒。店員事先溫馨提示，生蠔要每邊燒3分鐘左右，然後過程中可能飛彈殼，如果燒完開不了可叫店員幫忙。放上去燒時的確發出「劈歷啪啦」的聲音，然後會有碎屑飛而出。隔離檯好幾次被飛屑嚇得「咿哇鬼叫

天氣再度轉涼，除了BBQ和打邊爐，最適合莫過於去食燒肉了。平日晚上，放工和老公到位於尖沙咀的"燒魂一"，為的是食燒肉放題。門口放了很多不同的酒和酒杯作陳設。食店分兩個時段收費，因為平時較遲放工，所以選擇了後者。雖然分了時段，儘管我們8點到達，店員都安排我們內進。香港人慣了夜吃晚飯，8點半後食客陸續進場，差不多滿座！建議先訂位呢！地方寬敞，坐得舒服。店員先講解收費，費用包了一罐飲品，吃燒肉只得一罐飲品，難免有點不夠喉吧！不過另外再order就盛惠$18罐，很昂貴呢！都是慳住飲吧！除了可樂和雪碧，還可選擇薑茶，最適合女生們或不喜歡喝汽水的食客！到選擇食物了，打開盒子共有13張紙的選擇之多，很誇張呢！種類除牛豬雞的燒肉，還有壽司，刺身，天婦羅，海鮮，煮物，沙律等，種類很多選擇亦需要點時間。我們通常都是眼闊肚窄，所以將想吃的先點了一份，好味的才再encore, 以免做大嘥鬼！醬料有三款: 左面醬油，中間泰式和右面的有點似韓式辣醬，但味道有點怪怪的。先來刺身三文魚新鮮，而且厚切不錯，反而吞拿魚就一般，肉質有點鬆散。不過剛巧店員開爐，火"屎"飛到刺身上，但又不想浪費食物，沒有提出更換，唯有掃走才吃