拾味山西刀削麵館

營業中

休息中

窩夫喜歡煙韌的口感，所以愛吃刀削麵，但平日不多機會吃到。某天一個人在灣仔覓食，在灣仔道發現「拾味山西刀削麵館」，便決定入去吃晚飯。刀削麵自由配有三大類，另外還有窩夫第一次見的冷刀削麵，以及配四川擔擔醬的熱拌刀削麵等，食物選擇比預期多。點餐系統頗完善，可以因應個人口味提出不同的要求，不喜歡刀削麵的朋友亦可免費轉拉麵、米線或年糕。一定要吃飯的「飯桶」則可選上海菜飯。點刀削麵可享飲品優惠，加6元便有一杯原價10元的豆漿，豆漿不會太甜。窩夫點了C類的刀削麵，麵和餸是分開上的，先送來蒜泥牛𦟌，一上桌便傳來蒜香，牛𦟌是較有咬口的那種口感，味道不錯。刀削麵來了，超大碗呢！窩夫加了雪菜(10元)，雪菜爽脆，令整碗麵的口感和味道更有層次。刀削麵厚薄均勻，十分滑身，咬下去煙煙韌韌。因為份量足又飽肚，窩夫下次再吃要扣底呢。

今晚揾宵夜，見到拾味山西刀削麵館，好似幾多人好評，就一於試試佢。👀👀餐牌都唔少配搭選擇的，都有D眼花撩亂：😂我揀左刀削麵自由配，要左竹笙&紫菜素食湯底，外賣拎走。😙下單十分鐘後我就去到餐廳，外賣已經準備好啦，可以拎走。🏃🏻‍♂️餐廳環境唔大，我9點8個字到，都仲有堂食， 睇嚟佢哋生意唔錯。番到去打開個外賣，麵同湯係分開嘅，刀削麵就無味，湯好鹹，可能咁樣先就番個無味刀削麵，至於湯入面既紫菜都算多，竹笙都有五、六件。比較特別嘅係佢每一條刀削麵都係唔同樣既，我估唔係機整既，唔係係咪呢🤔🤔 今晚食完呢個宵夜好飽，唯一唔好既係我覺得呢個湯好咸，我食果時仲加左好多水落個湯度整番淡佢。😂

呢間位於灣仔既山西刀削麵店，聽聞話星期六好多人嚟排隊食，所以有日我特登嚟試！我就大食少少，叫多左餸，叫左一餸一小食🤣！口水手撕雞主要有麻辣味道，又香又麻，條脷真有點痹，食落都幾惹味😋！菜肉雲舌都幾大隻又足料，菜同豬肉比例適中，唔會話只食到菜👍🏻！刀削麵因為係手工製作，所以粗幼不一，賣相唔靚，但食落真好滑，有少少煙韌。份量睇落好少，但因為每條麵都比較厚身，所以食完都有點飽😂！湯底比較清，我個人覺得濃味D會更好，但可接受！呢間麵店雖然唔太起眼，但食物質素都唔錯，而且呢間舖係極度深黃，係附近既不妨去試下啦！

呢排天氣有點熱，食咩都冇胃口。反而想食麵多啲，呢間手切刀削麵想食好耐，平日都見有唔少人幫襯，就搵咗朋友一齊食～——————————🔸蒜泥牛展刀削麵 $52牛展本身有滷水汁煮過，每塊都切得很薄，配上蒜泥一齊食，簡直香味四溢，食完都有點不好意思🤭刀削麵份量很多，師傅在廚房即場削麵，食落特別彈牙，煙韌有咬囗，所以浸耐咗都唔會變到諗哂☺🔹熱拌東坡肉刀削麵 $54除咗湯麵，想試埋拌麵。呢個刀削麵本身有四川擔擔醬，醬汁比想像中辣，加上甜甜嘅滷水汁，每條刀削麵都掛滿汁，啱晒重口味嘅朋友☺東坡肉用滷水汁煮過，所以食落一啲都唔乾身，又唔會太油膩👍🏼🔸越式春卷 (6條) $40 春卷一食就知啱啱炸起，酥脆的外皮沾上泰式辣醬，甜甜鹹鹹，滋味無比☺🔹上海淨水餃🥟 (10隻) $42黎到麵館，冇理由唔食水餃🥟呢度嘅水餃一食就知係人手包，餃皮不算薄，但入面的豬肉和椰菜，食落好健康☺

早幾日同事話上網睇到依間小店幾好，就提議搭電車去食，於是就中午個陣早小小離開公司，咁就一齊搭去試下。十二點左右黎到都已經有唔少人，入黎坐左一陣已經坐無虛席，仲有唔少人係出面等位。 講反野食，雖然依度出名係刀削面，仲要係現場見到有師傅即場削，但係如果唔想食面既話，都可以揀菜飯既。 而且佢地既款式都好多，刀削面可以配唔同既餸，只要落單個陣同店員講編號就得。 第一次黎梗係要食刀削面啦，咁我就再加口水肥牛，飲薑母茶，合共就58蚊。 刀削面睇落以為份量少，但食落好飽肚，食左好耐先食完，而且味道很好，有咬口，又夠煙韌。口水肥牛都好好味，有小小辣，但辣得黎又好香。選擇咁多，值得再黎試其他餸。