NON KITCHEN

這間西餐廳位於觀塘的精棉工業大廈，鄰近牛頭角站，主打性價比高的精緻西式料理。店內環境寬敞舒適，裝潢以型格的黑白色工業風為主，柔和的光線配搭沙發餐椅，氣氛浪漫有情調。晚市時段設有一人或二人或四人套餐，亦可單點主食再升級套餐。星期一至五的午市時段設有不同優惠；消費每滿$200送$10現金卷；生日正日可享八折及升級生日甜品。餐包香脆又鬆軟的意式香草包，還有鬆脆的Grissini，蘸上幼滑細膩的松露牛油，有陣陣飄香。套餐+$98凱撒沙律，新鮮翠綠的羅馬生菜撒滿了巴馬臣芝士，還伴上凱撒沙律醬，有一條條香脆的煙肉粒增添油香，以及麵包糠添口感。是日餐湯是日為椰菜花忌廉湯幼滑細膩，健康又有營養。亞拉斯加蟹肉牛油果塔先一層滑膩的牛油果粒，再來一層香甜多汁的蟹肉，最後一層由蕃茄及紫洋蔥組成的莎莎，層次分明，清新又輕怡。韓式醬燒豬肋骨 - $178三根超大條的豬肋骨有著肥美飽滿的豬肉，輕易切開骨肉分離，肉質嫩滑多汁，又有惹味的韓式BBQ醬汁；金黃酥脆的薯條毫不油膩，還有意大利黑醋沙律平衡肉膩感。香煎加拿大比目魚柳 - $168大大塊雪白緊緻的比目魚柳，魚肉細膩嫩滑，魚味鮮香甘甜，香煎魚皮酥脆帶鹹香，伴以綿密細膩的松露薯蓉帶陣陣飄香，又有焗翠玉瓜及黃瓜，還有爽脆的迷你露筍。Tiramisu傳統意式提拉米蘇，撒滿香濃的朱古力粉，mascarpone芝士幼滑細膩富奶香，濕潤的手指餅吸飽咖啡酒，或可轉Profiterol。凍檸檬茶柔潤香醇的紅茶，有清爽的檸檬味，可自行添加糖水。…查看更多

都有一段時間冇喺公司附近食晚餐😛趁今晚有時間搵咗間之前食過覺得唔錯嘅餐廳😁今次仲撞啱八週年，follow 社交平台套餐就有88折🤑🤑點餐後餐包就送到，麵包勁高質，又香又鬆軟，🧈牛油係黑松露牛油，配麵包好香🤤❷人餐 ($❹❾❽)沙律：🧀凱撒沙律🥗廚師沙律套餐沙律都好有質素😗有兩款沙律可以揀🥗今日嘅廚師沙律係薯仔沙律，新鮮又惹味😋凱撒沙律加咗大量嘅芝士粉🧀芝士控表示勁好食🤤🫕是日餐湯：今晚嘅餐湯係蕃茄湯🍅蕃茄味濃郁又唔會過酸👍🏻主菜：🥩炭燒澳洲肉眼扒 (+$98) 🍕京式烤鴨薄餅主食可以揀一個肉一個pasta🍝肉眼扒12oz好大塊好厚身🤩肉質軟熟，雖然肉味唔算好濃，但就充滿炭火香😋配埋黑松露薯蓉，好正🤭Pizza就放滿鴨胸，可配搭烤鴨醬，甜甜地都幾好食😆甜品：🍰Tiramisu🍨意大利雪糕泡芙Tiramisu忌廉幼滑，蛋糕濃濃咖啡香☕️泡芙都幾特別，包住朱古力味雪糕🍦冰冰凍食落好滋味😋追加小食：🐚香蒜薯蓉焗田螺 (+$68)另外，套餐可以優惠價加小食😙熊熊火焰嘅鐵板勁浮誇🤭燒過後蒜味勁香🤤田螺都好多粒，好抵食😆佢嘅薯蓉同配肉眼扒嘅薯蓉竟有唔同😲肉眼扒係黑松露薯蓉，而佢係充滿蒜粒嘅薯蓉😋所以食晒都唔會膩😝…查看更多

住開附近這間餐廳回訪多次，欣賞其廚師用心烹煮，對味道的追求和堅持，美食都有水準。而環境闊落寧靜，有充足私人空間，二人世界或是多人聚餐都好合適。二人套餐 $658餐湯：甘荀薑湯 +$0湯味清甜口感滑，飲落暖身。餐湯：龍蝦湯 +$38龍蝦湯咸鮮到極，少許龍蝦肉點綴，立體感增加不少。餐包餐包軟熟，餅條脆身，配上黑松露牛油甚為完美。凱撒沙律羅馬生菜新鮮爽脆，配搭芝士粉、煙肉碎和麵包糠，豐富了口感味道，簡單好食。香蒜薯蓉焗田螺 +$38火焰田螺連帶rosemary也燒著了，何其壯觀。螺肉鮮甜軟身，少少酒香，薯蓉幼滑，蒜香洋蔥味，份量都多，會飽肚點食主菜呢。西班牙海鮮飯 +$58飯色金黃粒粒分明，南瓜蕃茄底汁夠味，配料十足，有帶子、海蜆和青口，仲有辣肉腸粒多到呢，整體唔錯。燒美國BBQ豬肋骨豬肋骨有六條骨，厚肉超大份，用刀仔鋸到手軟，豬肋骨都係新鮮貨色，BBQ汁美味開胃，有香脆薯條和沙律菜，肚子相當滿足。意大利雪糕泡芙泡芙包住朱古力雪糕，甜點結尾係幾滿足的。飲品晚上不飲咖啡奶茶，沒有朱古力情況下，選擇了熱檸水凍檸水，味道正常發揮啦~…查看更多

餐廳位置較隱蔽，位於牛頭角站附近嘅工廈內，樓梯上一層就到，出品唔錯，值得介紹。法式白酒煮蜆 (需惠顧2人餐 及 follow ig) +$1首先要介紹呢款，店員主動推介嘅，白酒味好香！份量唔少㗎，只係加$1，真係好抵！Set for 2 $598 有沙律丶餐湯丶意粉/Pizza丶主菜丶甜品丶餐飲凱撒沙律西蘭花忌廉湯西蘭花味濃，飲過其他餐廳有草青味，但呢度出品幾好味，特別鍾意軟熟嘅餐前包，少少辣椒粒，配有黑松露牛油菠菜芝士意大利餛飩配黑松露忌廉汁特濃忌廉汁，每粒意大利餛飩約一口大小，每啖都有厚厚芝士餡炭燒美國安格斯西冷牛扒未切開就聞到炭燒味好香，五成熟啱啱好，肉質夠juicy，連側面嘅牛脂都充滿油香，推介！意大利雪糕泡芙厚厚忌廉包住入面嘅係雪糕泡芙，仲有鮮果粒伴碟餐飲…查看更多

終於放寬口罩令！😷呢個時候最好就係約多啲朋友食飯今日去左探牛頭角返工嘅朋友班我地去左工廈食西餐🍽️.💫Set For 2 ($598).🌟凱撒沙律沙律清新開胃🥗仲落左芝士粉同麵包粒 .🌟是日餐湯今日嘅餐湯係西蘭花湯🥦有菜嘅顆粒 飲落有質感又creamy配埋麵包更加滋味🍞.🌟煙三文魚薄餅薄餅份量都幾多 每人有三塊🍕餅底係薄底 所以食落香脆而且仲落咗好多火箭菜 🥬 一啲都唔油膩.🌟炭燒美國安格斯西冷牛扒西冷牛扒煎得好靚 有一個個格仔仲有微微嘅炭燒味🥩肉質軟腍又有牛肉味配菜有薯蓉同埋烤蔬菜 非常滿足😋.🌟意大利雪糕泡芺最後當然要有甜品！雪糕泡芺同平時嘅忌廉泡芺唔同🍨感覺更加實在 唔會好似食空氣咁.餐廳面積好大 餐枱之間有適當嘅位置連洗手間都好乾淨😳👍🏻啱晒同朋友一齊聚會…查看更多

如果要在牛頭角搵間好食的西餐，我想必然會係依間。餐廳地方好闊落，環境寧靜燈光柔和，有感浪漫。美食高質美味，樣樣都好滿意，好用心製作。今次叫了二人餐$598，感覺俾散叫經濟。是日餐湯：南瓜忌廉湯味道香甜啖啖濃郁，口感香滑好飲。龍蝦湯 +38龍蝦味湯底質感濃稠，充滿鮮味咸香，加錢都值的。餐包餐包鬆軟，餅條脆脆，配埋黑松露牛油，鹹香美味。凱撒沙律羅馬生菜新鮮爽脆，有開胃美味凱撒醬汁和芝士粉、麵包糠和煙肉碎，整體滿意。煙三文魚薄餅薄餅餅底好脆好薄，勁多煙三文魚和火箭菜，配上蜜糖芥末醬非常美味，食完一件又一件。炭燒美國安格斯西冷牛扒牛扒十安士厚身大件，網燒表面好香，七成熟肉質軟嫩剛剛好，唔會有血水，加少少黑椒粉和鹽作調味，保留厚原始味道，牛味十足好味。意大利雪糕泡芙泡芙包住雪糕，少甜好味，食完好滿足。流心乳酪芝士蛋糕 +$48芝士蛋糕切開流心爆漿的，蛋糕面似班戟，牛古力餅底，整體唔錯。餐飲凍奶茶，味道正正常常。Orea 牛古力，特飲半價，牛古力味道濃好飲。…查看更多

今日朋友帶咗我去牛頭角地鐵站附近食西餐，原來呢間Non Kitchen已經開咗六年，餐廳環境好舒適，枱同枱之間有足夠距離，又無限用餐時間，可以放心同朋友飲下酒、靜靜地傾計，如果想慶祝生日都係唔錯嘅選擇！今次我哋揀嘅Set For 2（$598）已經包咗沙律、湯、一款意粉或者pizza、一款主菜、甜品同飲品。Caesar salad 呢款凱撒沙律有新鮮沙律菜、蕃茄、煙肉、麵包粒，上面舖滿芝士粉，份量適中。餐包有兩款，要一讚non kitchen嘅黑松露牛油，非常香！Daily soup係西蘭花湯，上面有可愛嘅奶油拉花，入口清新。Pepperoni Pizza薄批底烘到好脆口，除咗Pepperoni同芝士，pizza表面仲加左火箭菜，口味更豐富又健康！Char-grilled U.S. Angus Striploin Steak（10oz）炭燒美國安格斯西冷牛扒，今次叫咗5成熟，牛扒表面煎到有超靚格仔紋，非常焦香，入口鹹香味幾重，肉質軟嫩，配菜就有燒蘆筍、蕃茄同薯仔。Profiterol 意大利雪糕泡芙，朱古力雪糕入面包住粒冰凍泡芙，甜而不膩，加上仲有水果伴碟係完美嘅飯後甜品！另外，店員們都超有效率同專業，雖然客人都幾多，但都會留意住我哋食完每個course嘅時間再上菜，感覺好流暢！…查看更多

呢間西餐廳喺牛頭角站行過去，位置都幾隱蔽，要行上一層，入到去環境好舒適～有高級餐廳feel，梳化位好舒服👍🏻枱櫈之間距離足夠有私隱度～Dinner Set 幾抵食，人均$300，適逢六周年仲可以加$6食白酒忌廉汁煮青口🤩白酒忌廉汁煮青口- 青口超大隻，好口肉好飽滿，吸收左白酒忌廉汁好juicy😍- 白酒忌廉汁好creamy，充滿白酒香同青口嘅鮮味，真係想加碟意粉撈埋嚟食😝🥕甘筍忌廉湯- 熱辣辣好暖胃，味道清甜清新☺️- 甘筍同忌廉嘅平衡非常好，creamy得來食得出甘筍嘅絲絲口感🥗凱撒沙律- 沙律菜新鮮爽脆，好清新開胃- 加咗芝士粉，脆面包粒粒，令口感更豐富🥖餐包配黑松露牛油🧈- 餐包好鬆軟，仲有粒粒果仁，口感豐富- 脆麵包條可以作為餐前小食- 配黑松露牛油好香滑🥩炭燒美國安格斯牛扒- 牛扒夠哂厚身，外皮燒到好焦香- 肉質鮮嫩，熟成度啱啱好，好Juice好多肉汁🤩- 牛味好香濃出眾，配上紅酒汁非常夾- 配菜的焗薯同蔬菜都焗得好香🍕煙三文魚薄餅- 份量好大，開咗6件大大塊- Pizza上面有好多煙三文魚同火箭菜- 批底薄身幾香脆- 沙律醬有啲多，蓋過咗煙三文魚嘅味道，建議沙律醬可以少啲，加多少少芝士或芝士粉🍨意大利雪糕泡芙- 朱古力雪糕幾香甜香滑- 泡芙口感唔夠香脆，水果都雪到硬左- 感覺係整好咗嘅甜品成個放咗入冰櫃再攞出嚟…查看更多

觀塘商廈出名多隱世美食店，放工想搵食一啲都唔難，就好似呢間Non Kitchen，早幾年前開始不時會舉辦任食牛扒同埋Brunch，蕃薯妹都曾經去試過食任食牛扒🤤 質素的確唔錯。 呢度地方非常寬敞舒適，簡潔樸素嘅裝修風格帶有少許懷舊感。人多嘅話需要Book大房間甚至包場開Party都非常適合👍🏻人少少幾個人去食飯吹水飲杯酒🍸氣氛都唔錯～🌟最近佢哋做緊Promotion👉🏻星期一至四小食59折，凡惠顧晚市套餐可享59折加配任何小食🥰 (2人配1份/4人配2份)今次同朋友試吓佢個Set Dinner for 2，$598有齊沙律、Soup、Pasta/Pizza、Main & Dessert。另外仲叫咗兩個小食🙈頭盤：餐包同凱撒沙律首先上檯，烘得外層香脆嘅熱辣辣提子包，配上軟滑嘅松露牛油醬，簡單好味😋凱撒沙律🥗每人一碟，沙律菜夠新鮮爽脆。是日餐湯係椰菜花忌廉湯，個湯打得幾滑👍🏻香煎鵝肝 $88跟餐可以+$88加某幾款指定小食，其中一樣就係香煎鵝肝🤩 擺盤精緻，未食已經覺得好吸引；厚切鵝肝煎得啱啱好，外脆內軟口感一流👍🏻 配上黑醋、蘋果蓉、同士多啤梨無花果一齊食，好味😋蒜香牛油雞翼 $88未折扣價$88，勁重蒜蓉牛油味😋單邊雞翼食得方便，炸得香脆入面仲保留肉汁唔會太乾太老，都係好好味😋菠菜芝士意大利餛飩配黑松露忌廉汁極吸引嘅配搭，菠菜芝士餡嘅意大利餛飩，咬落去口感有少少似薯蓉餡；個黑松露忌廉汁香濃又creamy，成個配搭起上嚟芝士味反而唔算好突出，唔會覺得好漏，唔錯👍🏻西京燒銀鱈魚⭐️是日推薦就係佢🤩🫰🏻極厚肉嘅銀鱈魚，西京燒醃醬味道咸甜啱啱好，內質細緻嫩滑，油脂豐富🥰 下面嘅薯蓉都好幼滑好味😋甜品-意大利雪糕泡芙外層包住鮮忌廉，內層係朱古力雪糕泡芙，唔會好甜，加埋少少新鮮水果粒，為呢一頓完美嘅晚餐劃上完美句號🙆🏻‍♀️…查看更多

晚市2人餐💰598包Caesar Salad🥗 + Daily Soup🥣 + Main🥩 + Pasta🍝/Pizza🍕 + Drink☕️ + Dessert🍰好豐富，平日夜晚都有啲人氣！仲有4人餐同將主菜變一人餐！🍽Starter ✨是日餐湯 -甘荀湯🥣💫評分: 8/10📝湯creamy又唔會好heavy🥰，有包點湯perfect😋，餐包每人有兩款，方型嗰款好軟身，微熱，仲有麵包條，加埋黑松露牛油好邪惡，仲可以加💰38飲龍蝦湯🦞／野菌忌廉湯✨凱撒沙律🥗💫評分: 8.5/10📝每人都有一兜凱撒沙律🥗，沙律菜啖啖都食到幾多沙律醬🤣，仲有呢款沙律必有嘅芝士粉、麵包粒、同煙肉粒，好少唔喺散叫跟餐嘅沙律會喺凱撒沙律好hoisum🫶🏻🍽Main✨炭燒美國安格斯牛排 💫評分: 7.6/10📝叫左5成熟，牛排🥩有好明顯嘅炭燒網紋坑紋，肉味濃，食落有陣陣炭燒香！🍽Pizza/pasta✨意大利辣肉腸薄餅💫評分: 7.4/10📝薄餅幾煙韌，有幾多辣肉腸帶啲咸香同火箭菜減膩，少少拉絲感嘅芝士🍽Dessert✨意大利雪糕泡芙💫評分: 7.8/10📝泡芙入面包住咗朱古力雪糕，出面再有cream包住，有啲似食凍餅嘅口感，上增淋咗啲朱古力碎，側面仲有啲生果，配埋杯齋啡☕️❣️ℕ𝕠𝕟 𝕂𝕚𝕥𝕔𝕙𝕖𝕟📍觀塘鴻圖道12精棉工業大廈1樓(牛頭角🚇B6出口行4分鐘就到)💫評分: 7.6/10💬二人餐幾抵食超豐富，可以加💰食其他Dessert ，二個人坐卡位都幾有privacy，小店都幾有情調，同埋set嘅variety都幾多，啱哂lazy嘅我直接叫兩人餐唔想唸🤣🫶🏻，lunch仲有semi buffet都好吸引🥰！❣️再訪？🅈🄴🅂#nonkitchen #香港美食 #觀塘美食 #觀塘 #西餐 #西菜 #牛頭角 #牛頭角美食 #牛扒 #必食 #推介 #followforfollow #foodieblog #instadaily #foodporn #hkfoodblog #discoverhk #tagsforlike #foodiehk #牛 #美食 #西式 #小店 #支持小店 #高質 #龍蝦湯 #semibuffet #半自助餐…查看更多

之前食過lunch , 覺得味道不錯，今次決定吃正式的晚餐😋下單隔幾分鐘就有沙律前菜，上菜速度算快因為朋友說牛扒一定要吃，所以就選了二人餐包牛扒，這個餐比較抵吃$598🥖前菜餐包餐湯首先讚一讚西蘭花忌廉餐湯，熱辣辣連碟，西蘭花加香草搞蓉，比較稠身及西蘭花味重；餐包香草味十分出，最驚喜就是伴芝士醬加香草忌廉很香口，兩人已把芝士醬吃得一點不留🥗凱撒沙律蔬菜新鮮，正常水準🥩炭燒西冷牛扒西冷牛扒大大塊炭燒味香濃，有明顯的炭燒紋，西冷牛扒就是牛背脊相近腿步肌肉的肉，脂肪不算多，但相對肉質不會太稔，這個肉質還好，比較鬆軟；今次點了七成熟，因為朋友怕血淋淋，7成熟不錯也可以保留肉汁，不會太乾太靭，炭燒時加了粗粒鹽，就算不加調味料也不會單調🍕辣肉腸薄餅餅底薄脆，芝士呈拉絲狀態，配有蔬菜及辣肉腸⭐️Tiramisu（加$38）面上有新鮮藍莓及士多啤梨，海綿蛋糕部份吸入了大量rum酒，淡忌廉芝士滑溜🍨意大利雪糕泡芙香濃榛子醬包著雪糕泡芙…查看更多

工廈也可食好西，鄰近牛頭角港鐵站不遠。餐廳地方闊落，環境寧靜燈光柔和，有感浪漫。美食高積美味，樣樣都滿意。二人套餐 $598凱撒沙律羅馬生菜切得大小合適而且新鮮爽脆，淋了凱撒醬汁開胃美味，仲有芝士粉、麵包糠和煙肉碎，增加口感美味，雖然看似簡單但就一點也不馬虎，用心做好的要俾個讚。餐包餐包鬆軟，餅條脆脆，配埋黑松露牛油，鹹香美味。餐湯栗米湯味道清甜，多了爽口的栗米碎，飲落唔會好寡。煙三文魚薄餅薄餅餅底脆薄，好多煙三文魚和火箭菜，淋左蜜糖芥末醬美味，仲有層芝士，做得幾好食值得一試。炭燒美國安格斯西冷牛扒十安士牛扒網燒坑紋賣相吸引，燒至七成熟有肉汁肉質剛好，少許黑椒和鹽作調味，已經好味。意大利雪糕泡芙泡芙包住雪糕，少甜好味，食完好滿足。飲品熱檸茶和凍奶茶，正正常常。…查看更多

上年有幸趕在禁晚市前來鋸扒，數月來對這裡的炭燒牛念念不忘！晚市一開，急不及待再來一客大餐五千呎地方以懷舊為主題，環境寬敞舒適，可以暫時放下煩囂點了一份$598的二人套餐先送上兩款各具特色的餐前麵包，配黑松露牛油，外脆內軟凱撒沙律新鮮有份量加$38轉了龍蝦湯！湯底質感濃稠，充滿鮮味野菌忌廉湯口感及比例恰到好處，濃厚滑溜，菌香撲鼻意大利傳統卡邦尼意大利粉香濃幼滑主角炭燒美國安格斯西冷牛扒呈炭燒格仔紋，香氣十足！炭燒把肉汁緊緊鎖住甜品意大利雪糕泡芙外面是脆口的泡芙，𥚃面是又凍又滑的意大利雪糕，享受就是這麼簡單加$38何轉作朱古力心太軟！在朱古力蛋糕上一刀，暖呼呼的朱古力從中心一瀉而出，對於甜品控來說，絕對是無懈可擊套餐包咖啡或茶！為圓滿的一晚畫上句號…查看更多

工廠林立的觀唐，怎會想到有一間好食坐得舒服又高質素的西餐廳 Non kitchen, 今次叫了凱撒沙律🥗，南瓜湯，黑松露野菌意式燴飯，炭燒美國特給牛肉眼扒，蘋果撻。指定動作😏,第一出場是餐湯和餐包，南瓜湯香濃滑口，重南瓜味，美中不足是太細碗，唔夠喉添😋😋.凱撒沙律的菜都幾新鮮，有清新的感覺，沙律以生菜為主再配以脆卜卜既麵包粒🍞 而最重要既沙律醬就係自家製既🤞🏻 酸酸甜甜好開胃😋。牛扒真係超有水準,我今次就揀咗七成熟，無諗過咁好食，完全不膩既口感,肉嫩而多汁,一陣炭燒嘅風味，好食過好多有名的餐廳👍👍這個黑松露野菌意式燴飯的特點就是有一點外軟內韌的感覺，很Creamy的，值得一吃再吃😋😋最後吃這個蘋果撻，批底用酥皮,蘋果片切得薄如紙堆疊再焗香,食到酸甜口感之餘有有酥皮既脆口感仲有雪糕既冰凍甜味。餐廳整體令人舒適，員工服務態度良好，食物質素高，除咗享受食物，餐廳環境都係高質享受。…查看更多

對觀塘的餐廳愈來愈有信心，至少最近都沒有在觀塘踩到雷。餐廳環境很大，沒有一扇窗，昏黃的燈光更有氣氛。餐牌的選擇很多，不過最好划算一定是點套餐，點了$548二人套餐。⭐️是日餐湯是日湯是番茄湯，入口濃濃番茄味，配搭麵包條和麵包，有足夠誠意。⭐️凱撒沙律一人一碟凱撒沙律，沙律是最好的前菜。⭐️白酒煮蜆$1這碟煮蜆最抵食，粒粒蜆，入口鮮甜，份量不少，只要$1，實在便宜。⭐️炭燒安格斯西冷牛扒點了四成熟的西冷牛扒，不過我覺得可以再生一些。表面有烤網紋，入口肉味突出。⭐️黑松露野菌義式燴飯義大利飯加入洋蔥、野菌，米飯入口有嚼勁，不錯。⭐️精選甜品最後是義大利凍餅，其實是雪糕，加上水果乾粒，吃起來很冰爽。最後還有餐飲。▫️套餐性價值很高，這個價錢享受了豐富的一頓飯，值得。…查看更多