BKK

🦐冬蔭公冬蔭功有驚喜😍佢係清湯版本既冬蔭公沒有加入椰奶味道好夠酸辣😝夠曬重口味配料都好慷慨，好鍾意佢有好多草菇好好味🍖炭燒和牛串配東北酸辣汁和牛粒燒得外焦內嫩，每塊牛肉粒中間都夾住一塊洋蔥解膩配上東北酸辣汁，青檸🍋‍🟩+魚露🐟+辣椒碎🌶️好惹味🥩泰式和牛炒粿條好夠鑊氣，有和牛、蛋、芥蘭苗整體炒得夠乾身，粿條吸收曬醬汁，口感順滑又有嚼勁，加上辣椒醬更有風味🐟炸原條紅鯛魚配青芒果絲魚肉已經拆好骨，可以成塊食魚塊炸得香脆而且都幾有魚味，夾住青芒果絲一齊食酸酸甜甜幾清新解膩🥭芒果椰汁糯米飯呢個芒果糯米飯絕對係好高質芒果超甜🥰熱辣辣既糯米飯裹滿了椰汁，軟糯得黎保持到creamy既口感唔會乾爭爭超級推薦🍉西瓜沙冰食泰國菜咁重口味，同西瓜沙冰係絕配味道唔會過甜，係西瓜天然既甜味，好解渴🥥椰子沙冰椰子沙冰係班蘭口味都幾特別，鍾意班蘭既話值得一試

PMQ係我同女友既定情地方🥰，我們每隔一兩個月都會行下PMQ回憶一下當初既模樣，今次發現BKK呢間新開泰國餐廳，餐廳面積非常大，一入門口見到一個大鐘，裝潢偏向復古風格，燈既運用帶俾人一種坐係皇宮既高貴感覺。- 馬沙文牛肋肉咖喱馬沙文咖喱帶有淡淡既椰汁香氣，而且唔會話好辣，牛肋肉好入味而且肉質好稔，送飯一流👍🏻- 炭燒雞串沙嗲雞肉非常嫩滑，沙嗲醬既花生味香濃，略嫌炭香味不足。- 香辣炒通菜通菜好爽脆，味道香辣，加左炸蒜令口感更豐富👍🏻- 冬陰功酸辣比例大概7:3，材料幾豐富，兩隻大虎蝦肉質鮮甜。- 芒果熱情果沙冰甜度適中，絕對係新鮮水果味道。- Calamansi Lemonade呢杯餐廳signature mocktail材料有薑、番石榴、百香果等等。味道酸酸甜甜，非常清新。BKK係我近排食過最好味既泰國菜，PMQ終於有一間高質素既餐廳🤣

今日出開中環，去咗好耐冇去嘅元創方，行咗陣上面嘅小店，見到A座地下新開咗一間裝修得幾靚嘅泰國餐廳叫BKK，職員都好有禮貌同好熱情咁歡迎我哋，就走咗入去試吓。佢嘅環境都幾靚，裝修充滿泰國特色，我哋揀咗用泰國tuk tuk做主題嘅卡位，座位仿效tuk tuk嘅後座，見到即刻諗返起個泰國旅行。我哋主菜嗌咗烤和牛串配東北酸辣汁、冬陰功湯、虎蝦金邊粉、蟹肉炒飯、泰式蒜蓉炒芥蘭苗，飲品嗌咗Siam Basilico同Coconut Slushie，甜品嗌咗泰式西米。烤和牛串有四串，和牛燒完嘅肉質都仍然好柔軟，配埋酸酸甜甜嘅酸辣汁一齊食好夾，串燒中間夾住嘅洋蔥亦都燒得好甜。冬陰功湯一份嘅份量夠兩個人食，煮得偏酸同偏辣，飲兩啖成條口腔都會充滿酸辣嘅味蕾，配料有幾隻虎蝦、青檸葉、蘑菇同南薑，都幾重口味。炒金邊粉嘅虎蝦有三大隻，咬落去蝦肉爽口，金邊粉亦都甜甜地，配埋花生碎同紅辣椒碎，可以撈或者唔撈，加埋啲青檸汁落去食好開胃。蟹肉炒飯炒到粒粒分明，食到有蛋絲同一嚿嚿嘅蟹肉，幾足料！炒芥蘭苗唔算好油，芥蘭亦都唔苦，每一啖都係香濃嘅蒜頭味。飲品嚟講幾推介杯Siam Basilico，係一杯帶有泰式羅勒葉、青檸、