Fish & Chick (新海旁街)

營業中

休息中

平日午飯時段來訪，十二點半獨自一人毋須等位。點了午餐，前菜煙三文魚沙律、主菜英式炸魚薯條、飲品熱檸檬茶（$88加一）。煙三文魚沙律實物份量比相片要大，少許蜜糖刁草醬汁淋面，煙三文魚有一點雪味，整體擺盤普通。幸好招牌菜真的出色。這種炸法是切切實實的英式，炸皮卻又比在英國當地吃的那些要得香脆。（尤記得在英國吃過很煙韌的炸皮，怕了）份量又是很足夠，女士未必能完成，男士都會夠飽。魚柳沒有加錢選本地新鮮的魚類，少少少許乾，但整體好吃不會過膩過鹹。隔鄰點菜時問侍應，點什麼魚最不腥，侍應說點sea bass（鱸魚）吧。大家可作參考炸魚薯條上菜時都是新鮮熱烘烘的，完全不油，薯條是外脆內軟的那種。餐茶點了檸檬茶，為藍色星期一的午餐劃上滿足的句點。最後，想善意一提：用餐時遇到一對老夫婦入座，他們點菜時也有問到不同問題，頗有禮貌的，可是侍應（說不定是合夥人）態度比較不耐煩，語氣亦頗倔，是可改善的地方。

Fish&Chick $88 lunch set連海景 Chill~計劃路線: 堅尼地城站B岀口->Fish&Chick->%ARABICA咖啡店看海打卡->西環碼頭影相扮文青+睇日落喱度lunch set係包前菜(湯or沙律)，主菜(半隻雞orFish&chips)，飲品。好掋食！傳統英式炸魚配薯條炸粉好薄而且係即叫即製 熱辣辣食好正！薯條都係即炸 配佢白色個醬係正嘅烤雞半隻配薯蓉雞都係即烤 唔會太乾身 肉嫩有汁有雞味 唔趕時間可以慢慢砌隻雞説好的對正個海加杯可樂正呀！(店內係罐裝可樂倒落杯信心保證)*因為烤雞需時，如果趕時間，可以打電話preorder

自從堅尼地城地鐵站開通左之後，去西環都方便左好多，但身為吃貨既我，竟然咁方便既西環都無去過，真係講唔過去🤐。結果今次趁收工順路，就去西環覓食。😎黎到堅尼地城，向海邊方向行去，沿途矮舊既樓宇、清靜既路面、海浪聲、外藉遊客，都令我覺得係旅途中，心情都格外輕鬆😌。我地揀左一間向海既西餐廳，雖然地方唔好坐，但環境裝修得唔錯😏；呢度主打烤雞同炸魚；同朋友商量後，決定點個二人套餐 $298，兩款主菜都食得到😋；頭盤一 – 煙三文魚沙律配蜜糖刁草汁成碟沙律充滿油光，食落都幾重油膩感，但好彩醋夠酸，分量夠多，先可以降低油膩感，加上煙三文魚無平時食開既咁鹹，先食得哂個沙律咋頭盤二 – 滋味海鮮籃 (+$30)包括兩條炸魚條、兩隻炸蝦、兩粒似吞拿魚既魚球、應該有一條既炸魷魚，再配上一個蒜味忌廉醬，但我覺得個醬唔好食，無鹹味、無酸味、油膩感重，本身食炸野已經油，配埋個醬就更加油，所以唔點好過點😑除左魷魚之外，其他三款都炸得比較重手，較硬身，味道亦無咩特別🙄；反而炸魷魚係全場最有驚喜，一黎炸粉超薄，二黎魷魚好軟身，完全唔韌!! 我見呢個海鮮籃原價係$130定$140，以呢個分量同質素，好似貴左D🤔主菜 – 傳

放工時間，地鐵故障，九龍綫多人到不得知了，返屋企嘅時間亦都長了。約左我HONEY去食晚飯，由於唔知我幾點會返到，於是佢搵左個地方邊嘆啤酒邊等住我，佢揀左FISH & CHICK 邊嘆啤酒，邊望海景。到我黎到都8點，順便食埋個晚飯，我哋叫咗個二人套餐。 二人套餐都有幾款選擇架，我地揀左煙三文魚沙律配蜜糖刁草汁、是日餐湯、傳統英式炸魚配薯條、烤雞半隻配甜粟米、同埋凍檸茶。煙三文魚沙律配蜜糖刁草汁：菜新鮮嫩口，配上煙三文魚同酸尾尾嘅醬汁，清新開胃。是日餐湯：是日餐湯係粟米湯，此粟米湯並非一般我哋飲嘅罐頭粟米湯。粟米嘅甜味配上忌廉嘅滑溜，加埋有少少粟米嘅渣宰，有口感又唔覺得膩。傳統英式炸魚配薯條：有趣在於個炸魚表層好脆，內裡魚肉好腍，口感外脆內軟，不錯。喜愛食鬼佬薯條既我只感到脆口。燒春雞配粟米：半隻燒春雞，雞肉好滑，用香草醃製過，肉質滑而不"鞋"，雞皮唔係乾爭爭果隻。粟米既牛油味好重，十分甜。凍檸茶：唔係我哋飲開茶餐廳既凍檸茶，係鬼佬紅茶加左類似蜜糖的糖槳，好好飲。