更多
2023-01-02
521 瀏覽
香港好少地方可以食南美菜,估唔到原來長沙灣有一間,於是約咗個朋友一齊去試。餐廳有好多特別嘅前菜,我哋先叫咗個Lengua Eacabeche牛舌做前菜,有蝦餅、蘿蔔、秋葵,牛舌啲汁有少少酸,非常開胃,亦可以點辣醬,份外惹味。牛舌夠彈牙,而且好多塊,由於冇烤過,肉質比平日食到嘅牛舌柔軟。再嚟叫咗芝士番茄沙律,用咗水牛芝士同蕃茄仔,加上黑醋同香草。烤過嘅水牛芝士更加香口,配合蕃茄仔同黑醋,減低油膩感。傳統秘魯檸檬漬魚生,有洋蔥、紅椒、青椒調味,配上粟米,酸酸地辣辣地,魚肉肉質彈牙。澳洲M7和牛扒,配上熱辣辣嘅烤蔬菜。牛扒牛味重,燒到邊位帶少少焦香。Plato Criollo,其實係南美style烤飯,配有味道清新嘅青蕃茄醬撈飯,仲有太陽蛋、牛油果、烤牛肉、烤雞、紅豆、甚至烤蕉做配菜。撈埋一齊食,無論口感定係味道都非常特別,各種配菜分開食都好出色,尤其係燒雞都唔會太乾。最後甜品叫咗粟米芝士蛋糕配日本雪糕新地。芝士蛋糕入面有粟米粒,食落去味道清新有層次,唔會單調得一種甜味。雪糕新地係柚子牛奶雪糕,中和到芝士蛋糕嘅甜膩,質地有啲似雪葩,上面仲灑咗啲脆脆同加咗脆笛酥一齊食,帶出唔同口感。飲品方面,
11 瀏覽
0 讚好
0 留言
餐廳有好多特別嘅前菜,我哋先叫咗個Lengua Eacabeche牛舌做前菜,有蝦餅、蘿蔔、秋葵,牛舌啲汁有少少酸,非常開胃,亦可以點辣醬,份外惹味。牛舌夠彈牙,而且好多塊,由於冇烤過,肉質比平日食到嘅牛舌柔軟。
15 瀏覽
0 讚好
0 留言
再嚟叫咗芝士番茄沙律,用咗水牛芝士同蕃茄仔,加上黑醋同香草。烤過嘅水牛芝士更加香口,配合蕃茄仔同黑醋,減低油膩感。
20 瀏覽
0 讚好
0 留言
傳統秘魯檸檬漬魚生,有洋蔥、紅椒、青椒調味,配上粟米,酸酸地辣辣地,魚肉肉質彈牙。
14 瀏覽
0 讚好
0 留言
澳洲M7和牛扒,配上熱辣辣嘅烤蔬菜。
7 瀏覽
0 讚好
0 留言
牛扒牛味重,燒到邊位帶少少焦香。
6 瀏覽
0 讚好
0 留言
Plato Criollo,其實係南美style烤飯,配有味道清新嘅青蕃茄醬撈飯,仲有太陽蛋、牛油果、烤牛肉、烤雞、紅豆、甚至烤蕉做配菜。
4 瀏覽
0 讚好
0 留言
撈埋一齊食,無論口感定係味道都非常特別,各種配菜分開食都好出色,尤其係燒雞都唔會太乾。
3 瀏覽
0 讚好
0 留言
最後甜品叫咗粟米芝士蛋糕配日本雪糕新地。
3 瀏覽
0 讚好
0 留言
芝士蛋糕入面有粟米粒,食落去味道清新有層次,唔會單調得一種甜味。
4 瀏覽
0 讚好
0 留言
雪糕新地係柚子牛奶雪糕,中和到芝士蛋糕嘅甜膩,質地有啲似雪葩,上面仲灑咗啲脆脆同加咗脆笛酥一齊食,帶出唔同口感。
4 瀏覽
0 讚好
0 留言
飲品方面,我哋叫咗一杯南美檸檬特飲同手搖水果茶,檸檬特飲其實係檸檬梳打,味道甜中帶酸,適合食烤肉嘅時候飲。
2 瀏覽
0 讚好
0 留言
手搖水果茶可以加酒精,我就加咗Rum,水果茶用咗真水果製造,果味好重,仲有塊菠蘿乾裝飾。
張貼