NUTTEA (葵涌廣場)

營業中

休息中

呢排見好耐冇去葵廣掃街順便去望下有咩舖頭未試過 揾下好野食先今日試左呢間人氣好高既NUTTEA 成日都聽朋友講佢地既奶蓋好正 今次就同朋友試試佢啦～今次叫左二杯佢地舖頭既推薦飲品分別係 伯爵朱古力堅果奶蓋茶 同埋 鮮橙茉莉綠茶伯爵朱古力堅果奶蓋茶 冇特別嗌小甜小冰甜度岩岩好 唔好太甜 伯爵茶茶味非常之香就算配搭埋奶蓋 都唔會蓋左伯爵茶既茶香味一路飲 一路都會飲到伯爵茶既香味奶蓋部分的確出色 朱古力味非常香濃奶蓋口感好creamy 亦唔會過分油膩有別於坊間既芝士奶蓋 堅果奶蓋少左一份油膩感飲落輕盈好多 飲完罪惡感都冇咁勁啊🤣另外一杯鮮橙茉莉綠茶 特別嗌左無糖本身有擔心過無糖版本會唔會好難飲 但呢杯絕對唔會 仲出奇地好飲解渴因為佢落左新鮮橙汁 有天然既果糖配搭埋一齊所以唔會完全冇甜味 反而係好天然既生果清甜味飲到淡淡既茉莉茶香之餘 仲有清香既橙味無額外落糖 無負擔 仲夠哂清新解膩🥛伯爵朱古力堅果奶蓋茶 $48🍹鮮橙茉莉綠茶 $38📍NUTTEA（葵芳店）葵涌廣場1樓潮流廊1期B舖

🤎💚🖤開心果奶蓋有驚喜🌰前排去咗葵廣掃街，食嘢食到有啲口乾乾 就搵下附近有咩啱飲！行到依度，發現咗間老朋友🤣之前喺其他分店都有飲過佢哋嘅堅果奶蓋，今次見到有新品 作為開心果控嘅Hatty緊係唔會走寶啦！🤩💚美式咖啡開心果奶蓋💚 $47美式咖啡等候時間會耐啲，不過依杯美式咖啡香濃又有咖啡豆香☕️係值得等待嘅！雖然咖啡係佔大比例，但係開心果奶蓋始終係主角！😍開心果奶蓋好厚實，用小木鏟食嘅時候，會有一種好似食緊慕絲蛋糕嘅感覺🍰，開心果嘅味道好濃郁，亦都會有啲堅果自身嘅香甜味！😆將開心果奶蓋同埋美式咖啡撈勻一齊飲會有一種堅果香同埋少少甜嘅感覺，入口好順滑，唔會有咖啡嘅苦澀，整體好match！😚🤎伯爵朱古力堅果奶蓋茶🤎 $48呢個奶蓋會比開心果奶蓋甜啲，朱古力味道非常濃郁，🍫整體嘅感覺有一種茶加朱古力慕絲蛋糕嘅感覺！🍩用小木鏟 鏟嘅時候，感覺比開心果奶蓋更加厚實！🌰伯爵茶嘅味道好香，同依個朱古力堅果奶蓋都好夾！🥰依間茶飲店嘅堅果奶永遠都咁高質，今次嘅開心果奶蓋都好有驚喜😛如果唔知飲邊個便當好，可以揀開心果奶蓋呀！BTW記得save post，方便向店員查詢有關奶蓋飲啦❣️📍Nuttea📍葵芳葵富路7

台式飲品、手打檸檬茶周街都係堅果奶就真係比較少有🥜而且估唔到款式亦可以五花八門▶️ 伯爵朱古力堅果奶蓋茶 ($48)呢款係金獎推介，每日限售100杯朱古力味出過伯爵茶味，味道比較「小朋友」，可能因為唔苦澀🍫(雖然寫話係100%純朱古力製)連奶蓋都係朱古力味，略嫌唔夠芝士鹹香揀咗正常甜度，雖然用上堅果奶冇一般牛奶咁甜，但少甜應該會好飲啲😗堅果奶好處係適合乳糖不耐症人士飲，同時健康啲天然啲不過一杯價錢都唔平，個人覺得唔係太值

葵涌廣場搭電梯上一樓喺門口就見到。星期六晏晝都唔算多人，等一陣就有得拎。我哋嗌咗伯爵朱古力堅果奶蓋茶、焙茶堅果奶蓋茶依度嘅堅果奶蓋係依間店嘅賣點，一定要試!!周圍亦都有啲燈飾、擺設可以打卡另外，佢哋有唔少應援嘅物品，見有Fans嚟打卡塊版有講佢哋做Nuttea堅果茶嘅流程⭐️伯爵朱古力堅果奶蓋茶 $48好滑嘅朱古力奶蓋、好creamy。叫咗微糖少冰，伯爵茶味好香👍🏻，佢嘅茶味同奶味夠平衡。唔會好甜，一飲落去有好香堅果嘅香氣同埋口感，非常推薦。⭐️ 焙茶堅果奶蓋茶 $42比起伯爵朱古力堅果，焙茶堅果比較light。焙茶香味好出😎，配搭上面cream好好飲。口感非常順滑，個cream有少少鹹香，在有少少堅果嘅口感，好特別。📍NUTTEA (葵涌廣場) 葵芳葵富路7-11號葵涌廣場1樓潮流廊B號舖Shop B, Trendy Lane, 1/F, Kwai Chung Plaza, 7-11 Kwai Foo Road, Kwai Fong

好耐都冇去葵廣，都唔知原來開咗nuttea😂 買咗兩杯嘢飲，一杯喺每日限定100杯嘅伯爵朱古力堅果奶蓋茶，另一杯係青提啵啵茶。伯爵朱古力堅果奶蓋茶d奶蓋勁重伯爵茶味，仲要灑咗啲可可粉喺上面，超正! 依杯飲落一d都唔膩，奶蓋好Creamy，口感濃郁順滑! 而且喺大概入邊仲有好多粒粒堅果，口感又再豐富咗，飲得出真係真材實料! 有得揀甜度同冰量，我就帶咗少甜少冰。青提啵啵茶，同樣都有奶蓋喺上面，店員仲好細心咁提我哋要用粗飲管，因為底入邊有青提子果肉，成杯口感好好，真係食到粒粒青提子果肉😍 呢杯甜到就固定，飲落唔會話好甜。開頭好擔心果茶同奶蓋呢個配搭會唔會唔係好夾，飲完簡直覺得好正，大概好好食之餘，配果茶又幾fresh約幾清新，真心推介俾大家!

葵廣超多嘢飲，但呢間真係唔係個個都取代到🥹🫶🏻因為佢嘅堅果奶蓋係極少見！對素食人士、乳糖不耐症都好友好🫶🏻又可以飲奶蓋又唔怕肚痾啦！🌟伯爵朱古力堅果奶蓋茶 $48呢杯每日限定100杯！睇嚟係必嗌喇🤪茶底係伯爵茶，加上朱古力奶蓋真係好特別！超中意就咁食奶蓋，好似大啖食緊蛋糕啲朱古力cream嘅幸福🥹🥹🥹撈勻之後茶味嘅清香中和咗奶蓋嘅邪惡，別有一番風味❤️🌟青提堅果奶蓋茶 $45呢個奶蓋係原味堅果奶蓋，超厚嘅奶蓋可以比你用匙羹潷嚟食🥹完全係奶蓋控夢寐以求嘅事！店員再加咗少少嘅堅果粒喺上邊增加口感！奶蓋堅果味好濃郁，比普通奶蓋挺身～茶底揀咗無糖少冰，同出邊唔同嘅係即使用生果做茶底，都唔會係浸過糖水嘅生果🥹見到店員係即時攞包青提出嚟整，走甜後飲落有青提子皮嘅澀味，再加青提微微嘅甜味，仲有新鮮果肉！

對上一次嚟葵廣已經係幾年前，趁長假期去行下，行完街搵嘢飲，竟然見到我最愛嘅Nuttea！當日係黃昏時間，成間舖近乎逼滿客人，部分產品已賣哂，煩惱緊揀咩飲時，問咗幾次問題，呢度嘅兩位店長都好好，好有耐性咁續一回應，又有禮貌👍🏻伯爵朱古力堅果奶蓋茶 $48推介俾朋友飲嘅皇牌產品，一如既往少冰丶微糖，朋友第一次飲，都讚不絕口，我都忍唔住食咗佢幾啖堅果奶蓋，百吃不厭！香蕉燕麥堅果奶 $40而我自己揀無糖，香蕉本身已有甜度，堅果奶夠濃，好味又健康之選！

之前飲過其他分店 覺得呢間嘅堅果奶蓋好特別 所以經過見到佢 又想飲返杯😺 堅果奶蓋用五種堅果製成 感覺比芝士奶蓋嗰啲冇咁Heavy 飲完都冇罪惡感🥰伯爵朱古力堅果奶蓋茶鍾意飲伯爵茶嘅朋友一定會好鍾意呢杯 因為成杯都係充滿伯爵茶同埋朱古力嘅味道😙 朱古力味幾濃郁 再配埋頂頭有朱古力味嘅堅果奶蓋 好rich 呢個每日限量100杯㗎咋焙香堅果奶蓋烏龍茶我就比較鍾意茶呢杯 因為個人好鍾意飲烏龍茶😝 烏龍茶茶底配堅果奶蓋真係好夾 可以打開個蓋用木製羹𢳂嚟飲🧋 或者撈埋飲都係好好飲嘅葵廣嘅茶飲店 我就幾推介呢間啦😉 因為佢嘅堅果奶蓋真係幾有特色 鍾意奶蓋嘅朋友一定要嚟試吓

行行吓葵廣有啲口渴諗住買杯嘢飲，諗起之前有朋友話呢間啲奶蓋好好味，咁就一於嚟試吓！呢間有好多唔同堅果奶蓋同茶嘅組合🥤🧋伯爵朱古力堅果奶蓋茶 $48 🍫見到呢杯長期top3 🥇仲要係每日限定100杯 好似好吸引咁，所以嗌黎試吓！😋呢間啲奶蓋真係好唔同，奶蓋係朱古力味食落仲有啲榛子味，同朱古力好夾。飲落非常結同creamy，用飲筒都要用啲力先可以飲到。但係食落又唔黏，好滑。奶蓋上面仲撒咗可可粉，濃郁朱古力味🍫。🍵茶底係純伯爵茶，散發着淡淡清香。飲完真係好飽😋大滿足

終於可以黎葵廣掃街，Nuttea最近出左新季限定，即刻去買黎飲！飲完未夠喉，即刻Encore買多杯係車慢慢飲！♥️蘋果脆脆楓糖堅果奶蓋茶飲品既上層係蘋果肉、脆脆片、堅果；中間則是奶蓋；底層則是茶底；茶底香濃，冰凍的茶底與奶蓋混合，營造出清新的口感及味道！再加上蘋果、脆脆、堅果都是有咬口的鹹物、配上甜甜的奶蓋茶，中和了整杯飲品的味道，感覺一流！♥️伯爵朱古力堅果奶蓋茶飲品散發出香香濃郁的伯爵朱古力，朱古力味道挺突出及香甜；奶蓋茶超中細膩滑溜、茶底很清新，飲品混合起來入口舒服、香甜而開胃；朱古力配上堅果奶蓋口感挺有飽吐感！店家設計不少飲品，我還會回來再Encore！

一向對果仁奶無特別好感嘅我 第一次飲NUTTEA嘅時候簡直覺得佢打開咗我通往果仁奶世界嘅大門😂好驚艷 全植物嘅味道同口感都可以咁rich🥹睇返資料 NUTTEA嘅堅果奶係經過冷壓研磨萃取嘅堅果漿 再加以乳化而成🤓奶蓋嘅質感好thick 入口好香nuts味得嚟又無一粒粒nuts嘅口感 好啱我口味！朱古力味都好出 嗒落覺得有少少似nutella 而且味道甜甜鹹鹹 完全唔輸平時飲開嘅芝士奶蓋🥰搭配清香嘅伯爵茶底 整體香氣同味道都好豐富！．甜度方面 因為奶蓋本身有甜味 個人覺得微糖少冰啱啱好🤓

💜伯爵朱古力堅果奶蓋茶 $47 半甜上次偷飲妹妹買既堅果奶有d驚喜✨ 果然一分錢一分貨, 係我飲過最好既奶蓋🤤習慣先單試奶蓋，朱古力味香濃唔膩，唔似有d 奶蓋係太甜/咸/溝唔埋，佢似高級既cream 夠厚實唔會溶✨伯爵茶又香又唔會過濃，溝埋飲仲好夾～有朱古力既甜同茶味，一試難忘😚 好似高級甜品咁，因為好飽又滿足🤣✨

又去葵廣進行「掃街」大行動，食飽飽就口渴了。經過1樓潮流廊，遠處就見到有一間店排長龍，好奇既我走去睇睇，原來係Nuttea 。見到餐牌既圖片太吸引啦，我決定要幫襯🤣本人超級中意奶蓋飲品，味道多，淨奶蓋飲品都有10幾款。粉紅莓好堅果奶蓋茶 ＄45甜度可以自行決定，我簡左半糖。店舖用上新鮮的士多啤梨與綠茶打成水果茶，每一口都充滿住士多啤梨味，口感帶些少綿滑，奶蓋帶有少咸味，整體奶蓋配士多啤梨綠茶，味道很夾 ，唔會太甜伯爵朱古力堅果奶蓋茶 $47甜度可以自行決定，我簡左半糖。一層厚厚綿滑濃郁既朱古力味奶蓋鋪係伯爵茶上面。飲前 可以先品品嚐一下奶蓋既味道，不會太甜。奶蓋多到就漏😂😂真係好邪惡好正。睇黎老闆好中意mirror，貼滿mirror既相。

今日第一次黎到葵廣嘅Nuttea，就係電梯附近所以都好易揾！店面裝修都好有心思，收銀隔離都有位可以堂食同打卡😆 我同朋友下晝去都唔洗排隊，落完單等左幾分鐘就有得飲了～😛今次同朋友一齊飲，分別叫左香芋堅果奶加黑糖凍（$39+4），同埋伯爵朱古力堅果奶蓋茶（$47）。香芋堅果奶培黑糖凍💜香芋堅果奶好有驚喜😍香芋同堅果奶原來好夾～ 口感好滑！連平時唔中意芋頭嘅朋友都覺得好味☺️ 黑糖凍好爽口～同平時食開嘅珍珠口感唔同，好特別！值得一試！微糖嘅堅果奶味道都啱啱好，唔會因為少左甜味就好單調，飲落都覺得健康啲伯爵朱古力堅果奶蓋茶🍫奶蓋好香可可味🤎店員仲會係奶蓋上面加多啲可可粉，食落去口感多左啲層次感！奶蓋好厚飲到底都仲可以食到奶蓋，因為係堅果奶就算食咁多奶蓋罪惡感都冇咁大🤣伯爵茶好香，即使微糖個茶底都唔會好苦，仲可以解奶蓋嘅膩！😋店員仲好細心係個杯蓋到加多張膠紙～ 所以如果拎走飲都唔怕會倒瀉個奶蓋😌仲要一讚佢地嘅飲管係紙飲管，雖然係紙飲管但都唔會好快就淋哂用唔到！連食奶蓋嘅匙羹都係木造～可以用減少左用膠嘅餐具👍🏻飲手搖可以飲到咁健康真係好邪惡好想再飲🤣下次再試下其他味！

喺葵廣行街行到口渴想飲番杯野，經過NUTTEA見到佢地裝修好靚（被吸引左埋去🤭）作為一個熱愛堅果嘅人真係要試下佢地既堅果奶😍伯爵朱古力堅果奶蓋茶 $47朱古力堅果奶蓋有別於平時奶茶店嘅奶蓋，堅果奶蓋質地較為厚實，而且充滿榛果既香味，Nutella既味道突然衝入我嘅腦海🙈雖然叫咗正常甜度，但清香嘅伯爵茶底加埋堅果奶蓋一齊飲唔會覺得太甜🤤香芋堅果奶 $39 (半糖)雖然成日見到我吃吃喝喝，但其實我都幾怕肥，出去買嘢飲通常都會走糖或者半糖，我有諗過叫咗半糖之後會唔會無味🤔結果係唔會！一飲落口第一下，堅果味極濃，芋泥打成蓉再再打入堅果奶，幼滑香濃，有驚喜。真係唔係講笑，我飲晒杯堅果奶之後冇食到lunch，實在太有飽足感啦😮‍💨當然唔係鼓勵大家淨係飲一杯飲品當一餐正餐，但如果有健康有營養嘅飲品，真係可以慳唔少時間🤭相比起平時嘅台式飲品，NUTTEA嘅價錢的確比較高，但我自己覺得物超所值，味道好再加上堅果營養價值高，飲完都唔會有罪惡感🥰