喜來稀肉 (登龍街)

營業中

休息中

至從晚市停左已經好耐無出去食飯啦！而家延長左晚市當然去食好耐無食過的韓燒，餐廳的衛生就不錯，防護措施也是跟足的。食韓燒不少得的係有很多小菜，包括有泡菜、沙律、生菜、蘿蔔等等。而且仲 有芝士和泡菜爐邊蛋！這個爐邊蛋和小菜都是無限refill的。因爲我朋友不吃牛，所以我地今次叫了五花肉！五花肉的肥瘦分佈平均，厚度也是剛剛好，大概5-6分鐘就能燒到外脆内嫩。餐廳都預備了3款的醬汁可以點。而我自己就最喜歡點鹽吃，因爲這個五花肉是沒有醃製過，所以點上鹽吃更能突出豬肉的鮮味，再配上一口韓國珍珠米飯令人感到非常幸福。配上燒酒更像韓劇一樣。除了可以配飯外，也可以用生菜包上烤肉，泡菜和蒜垃圾等一齊食，整體口感非常豐富，而且爽甜的生菜可以減低食燒肉的罪惡感！感覺上也更健康。

友人話韓燒食開「喜來稀肉」好食，疫情下停晚市堂食前最後一餐就獻俾佢😂。食完中規中矩，出面咁多選擇，搵唔到回頭嘅理由👉🏻👈🏻。任refill前菜正啊！酸瓜、辣沙律、泡菜，泡菜好辣🥵但係甜甜地好好食😂😂。另外就有無限生菜，俾你包肉食😚解下膩又可以懶健康。燒盤好夠熱，肉類如果放正中間好易燶。旁邊又係任fill芝士蛋、泡菜蛋，味道正常，唔太出芝士泡菜味，自己加啲前菜泡菜汁上去仲正😂。😅如果張枱啊，餐牌可以唔好咁油咁痴立立會更好，呢個一坐底已經感受到，覺得衛生一般。護心肉($158)••••••油脂唔，肉質爽口得嚟嫩，唔柴有咬口。五花肉($123)••••••紋路幾靚半肥半瘦，入口啖啖油脂香🤤燒完縮水後略嫌薄切左啲。牛肋骨肉($138)••••••真係唔好燒咁耐！一分鐘多夠哂，肉質較為結實，好易韌，牛味唔濃，一般般。

放工決定同男朋友食韓燒，黎左呢到，發覺疫症底下都幾多人喎！見啲職員全部都有戴口罩同手套👍🏾散叫左menu 有手指公👍🏾嘅喜來稀肉，賣相出到黎唔錯😊仲有五花肉同豬頸肉😁都超好味，推介五花肉，有少少肥先正👍🏾蛋汁、生菜、蒜頭、泡菜全部都係侁加唔嬲嘅，店員自動加生菜加得好快手，讚👍🏾生菜包蒜頭包燒肉點醬真係食唔停口，大滿足食燒肉梗係要飲啤酒，韓劇例牌動作😄Max draft beer, 好味😋打完篇文都好想再食過🤪

去旅行的時候，總會覺得其他地方的餐廳，對於客戶的重視，遠超於香港餐廳。 香港人喜歡把外國的食物引進香港，卻很多時只引進了食物本身，而忽略了背後的服務質素及態度。這裏大部分員工都是韓國人，雖然廣東話不流利但還是盡量介紹，而且每個細節，他們以肢體語言，表達出來，已覺貼心。以豬油取代液體油起爐，是不錯的想法。細心的講解兩種，煎蛋的不同，一種是原味 一種是加有辣味的。牛肉新鮮而且擺設很漂亮，像花一樣，視覺上已經刺激了味蕾。五花肉，雖然沒有韓國當地吃過的那麼好，但是還是盡量貼近原本的味道，烹飪的方法也講解得很清晰，甚至會為你作示範。最貼心的是燒烤板，換的時間十分頻密，以確保不會吃下食物早前留下來的焦炭，這是很多香港食店從來不管但又重要的微小動作。