丸十寿司日本食堂

營業中

休息中

旺角朗豪坊嘅「丸十寿司日本食堂」自己成日都會經過，而且好多時喺門口都有好多人等緊位。難得今晚想早啲食飯，而且見6點鬆啲又唔駛等位，所以終於可以一試！🍣燒雞泡魚乾 $68🐡份量唔算多但可接受，呢款燒雞泡魚乾係偏軟身，唔係燒到好乾身較煙韌嗰種。味道一樣夠甜夠好味！鮪魚盛合 $168包含4款鮪魚壽司，有食得出嘅新鮮！鮪魚嘅口感都各有不同！特別係本身鍾意食鮪魚嘅話，呢款盛合可以滿足一下你喺日本時食嘅感覺！丸十彩虹卷 $78🍣壽司顏色同賣相都好吸引！特別鍾意壽司入面嘅牛油果，味道同魚生好夾。香蔥鮪魚蓉海膽丼 $198飯上面嘅鮪魚蓉好足料，唔會搞到食到最尾得返啲飯！海膽亦非常鮮甜～兩樣加埋，大大啖大大啖咁食，好滿足！最後補返，嚟埋個丼果刻先發覺自己今次叫得太多鮪魚！完全俾鮪魚矇閉咗我對眼～好彩個friend都鍾意食鮪魚～😂

每次來到旺角這個人來人往的地方,除了街頭小吃,其實也有很多特色餐廳可以品嚐一下,這次我們來到丸十日本食堂,裝潢很有品味,一室和風，而它們獨之處是用「精米」製作米飯打響旗號,以確保壽司和丼飯的質素,吃起上來的確很煙韌.溫泉玉子燒牛肉飯我是一個牛肉愛好者,而這個牛肉飯真的有驚喜到我無論是溫泉蛋,還是燒牛肉,都真的很好吃 吃下第一片牛肉,我就知道我會一個人能吃完這碗飯,外層炙烤得焦脆,但絕不OVERCOOK,還帶上紅紅的肉色,吃得出鬆軟香甜，配上蛋汁和甜醬油,簡直完美到一個頂點松葉蟹肉壽司漢堡 聽說來這點必點的是這款漢堡,我覺得米飯對我黎說有一點點硬,餡是很飽滿的, 蟹肉也很好吃,整個外觀都很吸引,不過我個人就覺我比較適合拍照,整體味道還好。丸十彩虹卷,這個很IG-ABLE,而且味道也很不錯,可能我是飯桶吧,加上我真的很喜歡吃這裡的米飯哈哈!廣島蠔唐揚這個一來就很熱呼呼的,第一口吃的時候必須要很小心,咬下去的每一口都爆汁,很香的蠔味,不算很油,值得一試海洋之盒(串燒)串燒等了很久才來啊,所以想要點這個的話,就提前一點點下單會比較好,還有一個敗筆是串燒冷得太快了,這個就不過不失,可試可不試。

聽聞朗豪坊又新開咗一間中價壽司店🍣原來位置剛好喺 monster sushi 原址！一場嚟到，就一於入去試下新店！上到去，人龍都唔短幸好排咗25分鐘左右，就入得！哩度最大賣點：就係「精米」！餐廳門口，仲放置咗一大部日本進口 的精米機餐廳內樓底非常高，配合木系日式設計，環境相當寬敞舒適～有格調⭐️雜錦壽司盛合 （$108）店以「精米」為主打，白米即日打磨，果然有啲唔同～比平時食到的更有米香！北海道帶子非常鮮甜，甜蝦肥美新鮮！仲有平時較少食到嘅魴鮄魚及伊佐木，最為特別～魚味濃郁！⭐️燒豚肉飯 （$98）豚肉燒得幾香，但可惜入口味道比想像中淡，未夠入味～以這價位，性價比相對低一啲！⭐️丸十彩虹卷（$78）哩個卷物唔單止外觀吸引，味道同樣有驚喜！可以一次過試哂3種魚！推介！⭐️抹茶米奶 （$48）用日本米煮成嘅米奶，加上抹茶嘅微甘，味道比平時嘅抹茶lattle更具層次。口感係較為稠身，上面仲灑上精米米糠，清香中帶點米香，yummy！值得一試（不過味道略甜，宜叫少甜）唯一需改善係出餐速度比較慢！當中仲有漏單希望只係新開張嘅問題，日後店主會改善！