丸十寿司日本食堂 (已結業)

但呢間野可以用不知所謂去形容，第一入到去都無10枱客，有d 仲要已經差唔多食完，order 兩set lunch 壽司，上菜極慢，差唔多半粒鐘先齊。前菜果兜中華海藻已經cheap 到爆，最大鑊就係魚生片，望落去同食入口都係乾爭爭，一啲柔潤感都冇，連爭鮮啲嘢都好過佢，擺明就係切咗好耐，攤咗喺度風乾晒，嗰兩粒帶子連完整一片都冇得比你，係將一片分開四份，跟住俾兩粒你，跟住啲魚生又咁薄得咁溥薄，係兩件勁cheap嘅三文魚就切到成嚿野，不過你俾我幾大嚿都冇用，因為睇到都唔開胃。另外我唔知佢擺部精米機喺度做乜嘢？ 嗰啲壽司飯好似隔夜飯做出嚟咁樣，黐埋一嚿嚿又係乾爭爭，全餐最正常係杯啤酒。做飲食得咁辛苦，希望佢快啲唔使做…查看更多

今晚夜晚出咗旺角行街，順便喺朗豪坊食埋飯。我哋上到去12樓見到有間食日本野嘅丸十壽司日本食堂，就決定試吓！我哋揀左溫泉玉子伴燒澳洲和牛丼，同埋牛肉壽喜燒。跟餐加咗三文魚魚生同埋炸魷魚圈。另外再叫多咗一個煙燻三文魚。三文魚魚生都幾厚身，同埋都算新鮮。但係個炸魷魚圈就乾咗少少。燒澳洲和牛丼嘅牛肉牛味濃，而且燒得啱啱好，唔會太熟。牛肉壽喜燒配白飯，啲蛋加埋落牛肉度好嫩滑。而且壽喜燒嘅湯甜甜地好好味。😋最後個煙燻三文魚都唔錯，煙熏味濃郁！呢餐唯一遜色咗嘅就係個炸魷魚圈，其他食物都幾滿意！…查看更多

兩大一細嚟到呢間係朗豪坊嘅日本餐廳進餐 見到門口有個牌寫住下午茶八折 加上睇咗餐牌一陣發覺啲圖都幾靚就入咗去 入到去，坐咗成5分鐘 都未有人比茶我哋 我主動叫侍應 問請問有冇茶杯？ 佢先攞過嚟 咁我見枱面有魚生飯自選紙 我叫咗五款魚生嘅魚生飯 太太叫咗六款壽司再加一個烏冬 等咗大概5分鐘已經上枱 首先魚生飯份量好少 除咗三文魚我覺得係OK正常水準之外，其他都係非常唔掂有個叫吞拿魚面珠墩 食落口非常之腥 連鎖壽司店都好食過佢多多聲 火炙三文魚仲要係切到超薄 仲要係溶溶爛爛咁樣 吞拿魚蓉食落口都係唔好食 質感奇怪 重點係啲壽司飯 勁酸，勁酸勁酸 真係要講三次 飯醋嘅比例非常之失敗太太嘅六款壽司，佢都話食落d飯都好酸，烏冬都係淡而冇味到埋單嘅時候 先發現原來 壽司烏冬餐同自選魚生飯係下午茶冇八折 嗰一項係-$0 簡直係非常之失望 唔會再有下次嚟食！！！！158+198再加1 $392 食咁既質素真係寧願買地鐵站外帶壽司番屋企食 …查看更多

壽司定食，包咗個迷你烏冬。壽司飯太硬，烏冬湯底太淡，同白烚冇分別。唔值得食，浪費澱粉質位置。安格斯西冷厚燒定食，如果你有過人嘅咬合力，歡迎一試！ 你會發現佢啲筋同埋燒到10成熟咁嘅樣，真係well done咬唔開，成碟嘢得三份一係食得，三份二係抌得。一塊咁cheap嘅牛扒都可以擺上枱，過到良心咩？完全唔值得浪費時間同金錢喺度食！！兩個lunch都可以唔食得嘅！垃圾嚟講佢都算出色！唔好試，試完之後包你食唔落！…查看更多

星期六晚市時段見唔使排隊就諗住試吓，門口有張相有波波壽司以為幾吸引，點知中哂伏，嗰九粒壽司細到係平時正常size壽司嘅一半，食完成個餐只係40%飽，平時我都已經好細食😭🥹…查看更多

幾年前第一次嚟，覺得啲嘢食唔錯人都算多嘅。但今次嚟到唔知係咪人流少咗，叫完嘢又冇嗰樣又冇，搞到我都唔知叫咩好。其實價錢都唔係平，不過係好舒服㗎呢度。嘢食不過不失。…查看更多

見到之先嘅劣評有啲擔心。但見午餐咁平，又唔使排隊，好想 try try. 叫左「（午）慢煮和牛丼伴温泉玉子定食$ 108」。好快食完前菜，都等左幾耐先上個飯。見到碗飯，就覺得值得等。牛肉五成熟，入口即化，牛味濃。有湯、沙律、前菜，成餐好圓滿，份量剛剛好。…查看更多

今次我去左間我覺得好有feel嘅日本店，名叫丸十寿司日本食堂，坐落朗豪坊度。食咗個三文魚沙律🥗，沙律醬做得啱啱好，唔會太膩口，三文魚切得厚厚哋，新鮮得滑，真心滿意！然後我哋叫咗個炸得熱辣辣嘅海鮮火鍋飯，啲海鮮晶瑩剔透，火鍋湯嘅味道香濃，撈埋飯入面，攪兜一攪，呢個火鍋飯真係一流，溫暖晒我個胃。😊仲有，肉質彈牙兼及汁多的燒牛肉片，配上特製醬汁，外皮烤得微焦但肉質又保持嫩滑，味道正點爆燈！最後，再點份嘅芝士蛋糕。呢塊芝士蛋糕真係軟綿綿得黎又唔會太甜，啱咗我嘅口味。總括來講，呢度嘅食物質素同味道都係上乘。餐廳環境同服務質素都一流，分分鐘會再拜訪！推介比大家一試，保證唔會失望嘅！👍👍👍…查看更多

今次嚟到呢間日式餐廳，第一印象係個裝潢好得意🎎，一入到去好似行左入小東京咁，環境好舒服，坐落落感覺真係幾chill㗎。餐牌選擇多到爆炸，決定點了經典的海鮮丼同埋串燒嚟試吓。啱啱上嘅海鮮丼，色彩繽紛，好靚仔，仲送埋碗味噌湯。海鮮新鮮過天，日本米又係得令到爆，一咬落去，魚生嘅鮮甜味即刻四溢🍣，嗰啲粒粒分明嘅飯嘅咀嚼感又係一絕，拌埋食真係無得輸。串燒部分，哥哥啲燒得金黃，令到我都印象深刻。每一串都喺火候控制得刚刚好，帶出食材嘅原味之餘，個焦香味又點綴得啱啱好🍢。喊緊個，喺魚生同飯嘅清新之後，串燒嘅惹味就黎得非常時候，變化豐富。期間服務員仲不時嚟問吓食得開唔開心，好貼心❤️。簡單嚟講，臨走之前已經諗住下次要再嚟試第啲野，值得推薦俾身邊嘅朋友知！…查看更多

📍#丸十寿司日本食堂 (旺角)旺角亞皆老街8號朗豪坊12樓13號舖♡人均消費: $799 @ 2▪️▪️▪️▪️▪️▪️▪️▪️▪️▪️▪️▪️▪️▪️對日本嘢既熱愛程度簡直係想每個禮拜都有一兩日可以食壽司😂 今次到訪既係朗豪坊既丸十寿司日本食堂😝✨#丸十壽司盛合（二人前）丸十盛合有兩件海膽壽司、帶子壽司、吞拿魚壽司等，最recommend海膽!!!!好鮮甜，帶子都好厚肉好鮮～✨#油甘魚壽司用料新鮮，入口無筋✨#炙燒左口魚邊壽司左口魚係我最愛之一，炙燒過既左口魚逼哂啲魚油岀黎，入口好香!!!! ✨#溫泉玉子伴燒澳洲和牛肉丼和牛丼份量十足，牛味幾香，配上溫泉蛋和牛口感更滑😋入口更有層次。✨#牛肉湯烏冬除左壽司，都想食啲暖下胃既嘢～揀左牛肉湯烏冬😋 牛肉好滑口感唔韌，烏冬彈牙，整體都ok!!✨#自家製玉子燒上枱嘅時候仍然保持到熱度，玉子燒好有蛋香～ 口感軟腍😋 熟度剛好。▪️▪️▪️▪️▪️▪️▪️▪️▪️▪️▪️▪️▪️▪️…查看更多

極上牛柳三文治🐮🥪牛柳煎到好香兼且咬落完全無筋，口感軟稔麵包烘過搽左牛油🥯入面搽左少量沙拉醬，不妨一試😗.極上鮪魚丼🐟🍚係我最鐘意嘅拖羅丼😋有中拖羅同埋赤身兩種，有好多片呀！即刻心心眼😍飯嘅份量好大，一定夠晒飽🤭.特上刺身定食（6款）午餐都好多個set選擇😉包埋面豉湯、飲品、漬物，加錢仲有小食添😋加$30就有三件吉列廣島蠔🦪好脆口，蠔肉都幾大😚刺身擺盤好靚呢，有拖羅、金目鯛、油甘魚、牡丹蝦、帶子😍全部都厚切公仔嚟㗎…查看更多

溫泉玉子伴燒澳洲和牛丼呢個我覺得係所有嘢食中最好食，因為牛味的確出色，而且半生熟，食落去唔會太韌，加埋玉子撈飯，好好味蝦味噌櫻花蝦烏冬烏冬咬口唔錯，好彈牙，櫻花蝦份量多，配合濃郁嘅湯底，每一啖湯都有蝦味！仲有三至四隻新鮮蝦！值得一試丸十壽司盛盒各款壽司兩件，最好淨係海膽壽司，豐富嘅海膽一啲都唔會慳料，食落去入口即溶，另一個就係吞拿魚壽司，粉紅色嘅外型已經好吸睛，食落去仲要軟綿綿💕好食雞軟骨雞軟骨落咗特別嘅味粉，食落去好惹味，仲要啱啱新鮮炸起，熱辣辣紅豆年糕湯我覺得好特別，因為第一次食，紅豆湯入面有兩塊三角形好大嘅年糕，室內依然銀銀，呢個糖水好正抹茶雪糕抹茶味比較龍，啱晒我呢啲唔鍾意食甜嘢嘅人，而且雪糕都比較幼滑富士山葡萄味汽水及富士山柚子味汽水其實兩隻都係梳打，葡萄味比較突出，因為有少少次，巨峰提子！柚子味就唔會令人失望…查看更多

餐廳以新鮮優質精米做賣點，係壽司🏮不可缺少重要元素，除了刺身，壽司，丼飯，串燒，仲有特色用米製成漢堡🍱丸十海鮮丼有面豉湯(跟餐)加$18 青森蘋果🍱刺身壽司🍣 迷你丼定食有面豉湯(跟餐)加$ 18 熱情果可爾必斯梳打 倆款都有不同種類刺身，有一定厚度又鮮味，米飯脹卜卜粒粒分明，有米香味🍚🦐海洋の盒串燒有大蝦、 帆立貝、鱔、三文魚、 鯖魚最喜歡燒到好惹味大蝦🦐帆立貝大大粒好鮮甜🦀松葉蟹肉壽司漢堡以日本米烹調製成漢堡非常特别，外層似飯焦感覺，面上有蟹子，裡面滿滿松葉蟹肉，有芝士，沙律菜，口感有層次感😋味道唔錯🦪廣島蠔唐揚炸到金黄香脆🔥熱辣辣非常香口🤤餐廳座位都舒服，地方乾淨，地點方便👍…查看更多

朗豪坊美食推薦😍成日去朗豪坊，竟然唔知12樓有間好高質嘅日本料理 -- 丸十壽司。佢其實唔止壽司食，應有盡有，我哋lunch time去嘅，人唔算多，有套餐可以揀☺️我哋揀咗特上海鮮丼定食、壽司+刺身定食，仲有串燒同炸魷魚，仲有個好特別嘅壽司漢堡。推薦呢款海鮮丼，好豐富，鮮甜嘅海膽、大大隻嘅蝦、好味嘅帶子同厚切三文魚、再加上粒粒三文魚籽、啖啖蟹肉。。。真係好滿足😌而另一份都好足料，有刺身、壽司，再加嗰迷你鮪魚丼，啲魚蓉鋪滿成個碗，每啖都好香口，啱晒鍾意食鮪魚嘅朋友。午市套餐包湯同沙律，仲可以加錢加小食同飲品，我哋就加咗份勁厚切嘅三文魚刺身同勁好味嘅魷魚酥，估唔到佢嘅炸嘢整得咁好食，一定要加。除咗魚生，串燒都係唔錯嘅選擇，我哋就揀咗雞拼盤，入面有齊雞肉、雞翼、雞皮、雞腎，仲有用雞軟骨整成嘅雞肉棒，呢個棒最好味。最後要介紹吓個壽司漢堡，原來好大份，真係好似個漢堡咁，我哋揀咗炸軟殼蟹，真係成隻上，炸到金黃香脆，而上下兩層嘅米飯，都係煎過嚟，口感煙韌香脆，好特別。佢環境好舒服，食物都好唔錯，行開朗豪坊嘅朋友不妨一試呀。…查看更多

約左朋友喺朗豪坊食晏，大家都鐘意魚生壽司，我地幾個就入左丸十寿司日本食堂，歎個靚lunch，吹下水。餐廳掛左好多日式燈籠🏮，營造了一個舒適和諧的用餐環境。我哋點了兩個定食，每款定食到包括味噌湯湯，前菜沙律，配飯。特上刺身定食（6款）＋餐湯 $324賣相好靚，吞拿魚腩，帆立貝，鯛魚，甜蝦，油甘魚等賣相非常精緻，盤子上擺滿了各種新鮮的刺身，包括吞拿魚腩、帆立貝、鯛魚、甜蝦和油甘魚等。每一塊刺身都鮮嫩，吞拿魚腩油脂豐富，入口即化，帆立貝鮮甜，讓人回味無窮。牛肉壽喜燒＋餐湯 $118日本生蛋＋配白飯牛肉壽喜燒的肉質嫩滑，搭配著甜甜嘅壽喜燒汁，每一口都帶來滿滿的滿足感。日本生蛋口感滑嫩，蔬菜豆腐索左個汁，好食又有益👍燒章魚小丸子（3件）$20小丸子都烤得金黃酥脆，上面鋪滿木魚，章魚的鮮美味道在嘴中散開。另外點了自選壽司（10件）配迷你鳥冬 $208三件帆立貝，池魚，松葉蟹，蠑螺，火炙三文魚，油甘魚，火炙左口魚邊，海赤蝦壽司。壽司的米飯鬆軟香甜，配上新鮮的海鮮，每一口都充滿了鮮美的滋味。火炙三文魚的煙燻香氣和松葉蟹的鮮甜口感令人驚艷，而帆立貝的豐潤口感更是令人難忘。青森蘋果汁 $18芒果可爾必斯梳打 $18青森蘋果汁和芒果可爾必斯梳打，清新的口感與水果的甜美結合，為整餐帶來一絲清爽。南瓜蕃薯天婦羅 $78南瓜蕃薯天婦羅散發著金黄的光澤，外層裹著薄脆的麵衣，內部則是軟綿的南瓜和甜甜的蕃薯，好食！黑松露海膽茶碗蒸 $59以新鮮的海膽和香氣四溢的黑松露融合在一起，呈現出豐富的層次感和風味。…查看更多