泰簡單

營業中

休息中

尋晚同朋友慶祝生日，訂左8點半叫左個泰霸道，係完隻蟹拆肉，再加咖哩煮的，唔洗自己慢慢拆真係好正，啲蟹肉一梳梳，連埋咖哩汁一齊食好香好好味，不過個醬汁幾厚身，好易飽肚另外叫左個細既冬陰功，好足香料，味道啱啱好，不過細size兩個人都係分到一碗左右最後叫左6串串燒，有雞牛豬，味道唔錯，熱辣辣上菜，要襯熱食

一直都好好奇點解泰簡單咁多人,,而且咁多人話好食..8點幾一上到樓...有5個人等緊..好彩有張2人台..唔洗等 ^^叫左個菠蘿炒飯..豬雞串燒..西梅雞柳..首先講下個炒飯..我自己係個喜歡濃味既人...感覺佢個炒飯..冇咩味...鑊氣亦唔係好夠...不過串燒方面係幾好味...燒得一d都唔老..似質好嫩..而且個沙嗲醬汁好好味..我用左黎LO個菠蘿飯添!西梅雞係非常開胃!! 酸酸甜甜...個餐牌寫有少少辣..但其實一d都唔辣因為我都唔係食得辣既人..但係我都feel唔到辣..服務方面呢...我一路食一路見到d服務員走黎走去..好忙..個心覺得佢地好慘haha..不過佢地應該都係泰國人黎..中文讀得唔係好正..我地食晒d野...就有服務員走過黎問我地要唔要甜品..想趕我地走..咁就有d反感..

與朋友聚舊，她推介此店。由於已訂枱7:00pm，所以不用等位。七個人，叫了七款食物。柚子沙律：材料是柚子肉和肉鬆，用生菜托底。酸酸甜甜的柚子配合少少鹹的肉鬆，清新與野味的配合，很好味啊！金枕頭：麵包內釀有咖喱醬汁，十分特別。整個麵包非常大件，切開成多件。包身十分軟熟，索滿香濃而不辣的咖喱醬汁，非常好味！菠蘿飯：菠蘿體積不大，飯的份量不多。配料份量少，沒什麼海鮮。味道一般。馬沙文牛腩：橙紅色的咖喱，有香味而不算太辣，咖喱的辣味較金枕頭的重，味道ok，但不算特別。牛腩算焾，但份量很少。煎蠔餅：很大又很厚的蠔餅。蠔不多，反而芽菜很多。蛋煎得香而不油不燶。這是令人驚喜的一道餸菜。串燒（六串）：豬、牛及雞各兩串。色澤燒得均勻，肉質ok，沒什麼特別；反而醬汁野味而不太鹹。十分不錯。清炒雜菜：材料是芥蘭、荷蘭豆、椰菜花、雲耳及甘筍片。雖沒有中式炒菜那種鑊氣，但炒得不油膩。還算不錯。連加一及兩小碟花生，埋單$576，價錢還算合理。食物不錯，但份量較少。由於我們要留肚到別處吃甜品，所以才勉強夠食，否則可能要叫多兩三款食物才夠囉。　環境不錯，不嘈吵。枱椅大小適中，亦不會太逼，地方及餐具整潔。整體十分不俗。

成日都好難book到位..所以今次WALK IN...今次試左雞肉豬肉串燒, 蟹肉炒飯同金枕頭...整體都OK..但鹹左D..金枕頭入面D蜆肉食到有沙..不過環境都唔錯..服務都幾好

女友想食泰國菜，而且又得一個鐘頭食 lunch，所以揀咗銅鑼灣的"泰簡單"作這次的為食之旅～十二點上到去冇咩人，環境唔錯，有露天位同室內～我們被安排坐室內，我們點了皇帝蝦蛋網炒貴刁和串燒 首先來的是皇帝蝦蛋網炒貴刁，光是賣相已經值回票價，鳥巢般的外型，包裹著平凡的材料(蛋、芽菜、雞肉和貴刁)～我和女友已經急不及待將它解剖開，食之前還要加上少少花生碎、辣椒碎和砂糖....貴刁炒得乾身、不太油，再配上甜甜酸酸的醬汁炒埋一齊....好味～ 除咗貴刁好味之外，串燒又係另一傑作，我欣嘗它甜甜的沙爹醬，帶有少少的辣味～而且牛肉和雞肉很嫩滑....唔錯..唔錯～短短一個鐘頭內，食到咁好味的食物，好幸福呀！！有機會的話，一定要再來....夜晚來應該會較浪漫～