素年 (三陂坊)

係深水埗開始佢地嘅第一間到而家唔同地方都有佢地分店素食cafe係香港應該五隻手指數得曬🤔可以話係一間高質素食cafe素食者可以選擇嘅cafe🔥同事都成日大讚素年係高質素食cafe🙌🏼🙌🏼一向唔會點食素嘅我都覺得不錯不錯越開越多間分店果然有佢嘅原因🙈性價比都算高 不過個量又真係多左啲🔖所以menu都寫到明「食物份量偏大，請通知我們減少份量」重點黎！佢地就算係素食都可以整得出真肉嘅外貌 塊漢堡仲要整到七成熟有肉汁嘅樣😂👍🏼*✨建議去之前訂位，lunch hour都有唔少打工仔去食 (🙈我就係其中之一)*❣️不可能肉醬意大利粉 $98❣️日式咖喱吉列豬扒意大利飯 $118❣️不可能漢堡包 $128❣️白汁黑松露雜菌意大利粉 $88❣️番薯條配黑松露純素蛋黃醬 $68❣️凍伯爵茶 (跟主食附送)❣️柚子青瓜梳打 $40(加配其他飲品可-$12)…查看更多

日式咖哩吉列豬扒意大利飯（$108）+ 熱薄荷朱古力（$24）日式咖哩是預期中的味道，微甜微辣；意大利飯煮得恰到好處，外層軟中間仲有丁丁硬，仲有雞脾菇粒、車厘茄、蘆筍；主角吉列豬扒真係有驚喜，先講炸衣，唔太厚又鬆脆，「豬扒」有質感有咬口，口感同真豬扒好似，而且醃味令到佢更似。兩片蘋果爽甜。薄荷朱古力，淡淡薄荷味。不可能漢堡包（$128）+ 凍朱古力咖啡（$28）賣相一流，絕對呃到人。「漢堡扒」質感比「豬扒」粗糙，但正因為咁令佢更似漢堡扒。配上純素芝士、牛油生菜、紫洋蔥漬，加埋燕麥麵包，好一個hamburger。炸蕃薯條亦都不錯，外層撲粉炸到外脆，裡面蕃薯帶甜軟淋。朱古力咖啡，咖啡味比朱古力味重。真心，如果唔係事頭婆話要去試，我係唔會主動去幫襯的。真心，如果唔係入咗去試，又唔會令我改觀。真心，如果唔同你講，你好大機會係食唔出分別嘅。PS：另收加一服務費PPS：只收現金/八達通…查看更多

.📍素年Friends of Years📍#饅頭去荃灣 #饅頭食西餐 #饅頭與cafe培養感情系列話說封面張相係我嘅友人映嘅，雖然小編唔太忿氣但都不得不承認佢係映得靚啲🥺。------------------------------1️⃣ 不可能漢堡包 ($128)小編非常推薦呢個set，如果我唔係事先知道佢係間素食餐廳，我絕對相信塊漢堡扒係真肉。Impossible burger size大大個，一定要用刀叉食先食到😂。🔹Impossible burger包體應該係甜餐包，鬆軟中帶些少入囗即溶嘅感覺，烘得夠乾，食到最後都冇比餡料整濕👍🏻。佢哋將impossible meat煎到外層有微微焦香，「肉」質鮮嫩，切開有5成熟嘅視覺效果，而且「肉」汁飽滿，每啖都富有脂香❤️，配埋香口熔岩芝士、蛋黃醬mix芥末醬，以及新鮮生菜同香甜紫洋蔥平衡返油膩感🍔，滿足感up!◾包體：3.5/5◾內在餡料：4.5/5◾評分：8.0/10🔹蕃薯條份量可以用海量嚟形容，咬落香甜軟腍，脆邊相比neighbor 就冇咁明顯，但整體唔會太油膩，總之都係好食😋，友人都有光明正大咁「搶食」。◾評分：8.5/10🔹熱玄米茶------------------------------2️⃣日式咖哩吉列豬扒意大利飯 ($108)呢個係友人嗌嘅，小編偷食咗佢哋一啖飯，日式咖哩嘅辛香料味道濃郁中帶甜，意大利飯半熟分明有咬口，感覺都值得一試😆。◾評分：冇食到肉，資料唔齊全，所以呢項就唔打分啦。------------------------------🔸整體評分：8.3/10🔸小編回頭率：7.5/10另外想講下，小編走嗰陣見到隔離枱有食客嗌咗impossible burger套餐，但剩係食包完全冇掂過啲蕃薯條咁款，小編都理解該名食客可能唔想食太飽，不過其實店家menu都有寫明可以減少份量/走蕃薯條。我唔係咩環保主義者，但係能力範圍內，我覺得出句聲減少浪費都唔係好難啫😕。…查看更多

差不多兩年前左右試過深水埗本店試過不可能漢堡之後 便明白為什麼客人不絕荃灣的分店位於三陂坊 需然與地鐵站有距離 但我覺得門口等位比起馬路邊舒服好多而這天很幸運 等了個五分鐘就有 =不可能漢堡包=和之前一樣 餡料非常豐富 烘過外脆內軟的包素漢堡扒厚身 肉質與牛肉相似只煮到 五成熟 可看到它變色相對真肉還是較乾身 但其實仍然有肉汁 加上芝士 涼洋蔥同火箭菜老實說和真肉漢堡幾乎無分別配番薯條 外脆內軟 =冬蔭意大利飯=西泰式Fusion料理 幾有性格西式煮法配東南亞香葉其實幾夾金不換 車厘茄 泰茄子 露筍 感覺豐富冬蔭功酸辣香口 飯粒質感也調至飽滿煙韌少少酸酸辣辣 味道上唔算濃 但吃得很過癮 配餐有伯爵茶一杯 挺解膩 …查看更多

每逢初一十五都緊係素食日啦🌱兩年前食過素年，佢仲係新開嘅一間位於深水埗嘅小店，兩年後嘅今日已經有兩間分店，今次就去荃灣嘅分店試下佢，留意番三間分店都有唔同嘅餐牌🌱-風格簡約舒服，同樣都係日系，夠晒光猛，位置喺三陂坊大排檔嘅中間，簡直就係漆黑中嘅螢火蟲🐞🌟言歸正傳講返嘢食先，今次叫咗四樣嘢食，-🍔不可能漢堡包 $𝟭𝟮𝟴 Impossible Meat 一啲都唔陌生㗎啦，食過幾次不可能漢堡肉完全不會膩口，最鍾意切開佢好似五成熟咁嘅樣👊-🍝葡式紫薯芋頭片意粉 $88 第一次食，葡汁強烈，配料有蟹爪菇、紫椰菜、甘荀絲、紫洋蔥絲，再加上炸芋頭片及炸紫薯片，係必須加埋兩塊脆片一齊食，如果就禁食意粉會比較單調，意粉亦煮得恰到好處，軟硬兼施，但敗北係芋頭片唔脆。-🍝泰式香辣不可能肉碎意粉 $88 其實我本身都幾怕食炒意粉，因為我怕太油膩，但以碟炒到幾乾身非常香口👍🏻但味道相對淡口少少，可能因為其他都屬於重口味。-冬陰意大利飯 $88 既然上次食左冬陰公闊條麵，今次見到有risotto，就試試佢🤤配料一啲都唔孤寒，食落超濃冬陰公味，而且夠晒辣食落去會一啖接一啖，夠曬泰式風情🇹🇭對我唔太食辣嘅人來講，都岩岩好。-整體來講新派素食真係唔錯，對素食人來講又想嘆吓日式風情，就不妨尼試試🌟…查看更多

素年有幾間分店，間間menu都各有不同，今日小編就去左荃灣個間幫個舊同事farewell😌 咁岩佢係食素就一於試下！🍝 泰式香辣不可能肉碎意粉 $88我地公認最好食既一味😎😎😎呢個肉碎食落真係好似食緊似咁🤣加上意粉好有口感😚 唔會過淋，正呀😜不過我就食唔出辣，同行一個唔食得辣既朋友試過就話都有辣味🤣日式咖哩吉烈豬排意大利飯 $108呢個意大利飯既口感就麻麻地了，煮得過淋🥲🥲🥲 冇左意大利飯個個口感～ 而呢個豬排就明顯食得出唔係豬肉黎啦🤣成個飯都好中規中舉！不可能漢堡包 $128幾juicy既一個包😋😋😋 但佢夾住既火箭菜就唔係人人都岩食🤣好彩佢個量唔多我都接受到～蕃薯條相對上好似健康啲🤣🤣🤣呢間餐廳既份量一啲都唔少，我地3個食完都覺得好飽呀🤩🤩…查看更多

回訪素年 食物依然好食🤩即使係第二次食都仲有驚喜💛不定期更新嘅主餐單可以引人係咁做回頭客🍔🍴.① 冬陰意大利飯（$88）//冬陰公煮得好夠濃好入味 而且帶有微辣🥘味道真係100%還原！唔會太淡太稀✨而且仲有啲菇粒🍄估唔到冬蔭公同risotto都可以咁襯💛意外地好食(๑•̀ㅂ•́)و✧//Food：🌕🌕🌕🌕🌕🌘② 不可能肉醬意粉🍝（$88）// 蕃茄醬好香而且不可能肉碎嘅口感真係好似真豬肉🐖完全無違和感~意粉仍都好彈牙☺️💛意粉相比一般更好食！//Food：🌕🌕🌕🌕🌕🌑③ 不可能漢堡包🍔🍟（$128）// 幾乎係必食item!!!依然係為咗食到蕃薯條而點的🍠不過蕃薯條送到嚟已經唔係好熱🥺但都係原條實在嘅口感🤏🏼同埋不乏香甜～如果可以熱辣辣脆卜卜就更好✨至於burger嘅不可能漢堡都係水準依舊(๑´ڡ`๑) //Food：🌕🌕🌕🌕🌖🌑④ 蕃薯芋泥波波🟣 （$68）// 估唔到份量一啲都係吝嗇🤩一份都有六粒✋🏻☝🏻而且粒粒都好多餡好足料食2粒都有啲飽🤰🏻仲要炸到卜卜脆🤏🏼已經諗好下次要encore💛//
Food：🌕🌕🌕🌕🌖🌑
.🎗素年 (深水埗)深水埗福華街191-199號福隆大廈1號地舖🍮#aiii_foodie 🍔#aiiifoodie_shamshuipo #aiiifoodie_黃店 #aiiifoodie_深水埗 …查看更多

近來出外吃飯不是煎煎炸炸、多油多鹽，就是聚餐放題、自助餐、火鍋，今晚決定要健康一點，於是上網找到這間在荃灣三陂坊的素年。餐廳以文青簡約的白色作為裝潢主題，座位闊落，平日晚餐時段亦全場滿座，記得要預早事先訂座。餐牌選擇眾多，有小食、沙律、Pizza、意粉、甜品等，全部都是素食，其中有不少創新Fusion菜式，十分有新意。不可能漢堡包用上Impossible Meat做的漢堡包，漢堡肉質爽朗厚實，百分百還原牛肉漢堡的口感，麵包一咬鬆軟綿密，富牛油香，配撘純素芝士醬汁及意大利黑醋，滋味非凡。番薯條份量慷慨，口味香甜，炸得香脆可口，讓人上癮一條接條，屬水準之作。日式咖哩吉列豬扒意大利飯另一款用上本地的新豬肉做成吉列豬扒，口感及味道同樣幾可亂真，外層鬆化香脆入口不油不膩，內裡肉質嫩滑，意大利飯用上真正的意大利米，故此飯粒較有嚼勁，乾濕合度，當中加入番茄、露筍、雜菌等材料，每一啖都滋味豐美，也有口感與味道變化不一的驚喜。熱玄米茶/凍伯爵茶隨主食奉送的茶飲亦同樣出色，玄米茶的獨特芳香及茶香相輔相成，而伯爵茶的柑橘香氣突出。抹茶雪糕梳打最後點了一客甜品作結，十分創新的將傳統的抹茶和清爽的梳打結合，加上抹茶雪糕，一匙入口，頓然遍體生涼，腴而不膩。…查看更多

第二次造訪素年🙈因為家父家母唔知點解近排好鍾意食素 拉著我食勻荃灣D素食餐廳咁濟🤣雖然我就麻麻 但係又唔會抗拒～而且佢整到都唔覺自己食緊素咁🤪🌮墨西哥脆片配秘制辣莎莎醬 💰68D脆片好特別 係黑色的！配上個醬其實會有小小辣🙈不過係可以接受的程度！會有D蕃茄碎丁點綴係上面～同平時D番茄味道好大分別 相信好多人應該接受到🙈🥗純素沙律碗 💰68好大一個bowl！入面有鷹嘴豆（蛋白）、羽衣甘藍、紫椰菜、蘿蔔（蔬菜）、香橙、奇異果、車厘茄（水果）、南瓜（碳水）好豐富🤪鷹嘴豆真係好好味！好鬼creamy🤣橙同奇異果真係幾時食都超好食😍個幾隻菜可能我食唔慣 嫌佢有D苦啦🤭店員會攞一碟西柚汁俾你倒落去 我就覺得好似倒完好快就消失咁 原來全部沉左底🤪🍛日式咖哩吉列豬扒意大利飯 💰108D肉就真係好似豬肉！而成碟份量其實會偏大的🙈咖喱汁唔係俾你自己淋而係同D飯撈埋左 會係一種全新體驗😍而又有雞髀菇同埋蘆筍 仲有幾片好薄嘅蘋果 真係好healthy😻不知不覺就食曬三分二啦🤣🍔不可能漢堡包 💰128呢個包其實會好軟熟的！而不可能肉扒其實都好juicy😭完全不輸專業burger店！D蕃薯條真係好甜🤣甜滋滋 同一般出面D薯條完全唔同呀😻☕️熱玄米茶（包餐）有D玄米係入面好有咬口的！☕️泡沫咖啡（💰+24）☕️焦糖燕麥奶咖啡（💰+36+4）係有焦糖拉花的好靚架❤️店員好nice呀～會行來行去睇下有冇人有需要～而且會好有耐心同我地解釋D菜品或者飲品😍跟住我地最後食唔曬要左個外賣盒 冇另外加錢🙈素年都係冇加一架❤️…查看更多

之前喺openrice睇到有呢間今日專誠嚟到呢度試下佢啲素食。睇到個餐牌都好得意，份量好大份，超抵食， 包埋一杯凍伯爵茶都係$88-$128員工質素好高，非常有禮貌環境清靜而簡潔下次再嚟過…查看更多

今日下午去完屯門行山後，朋友揸車來到荃灣晚飯，介紹我們來這間特色素食店，7：15pm來到，由於沒有book位，店員說8：15pm walk in才有位，所以去附近逛了一圈再回來。這裡的環境在外看像是一間很悠閒、很文青的咖啡店，完全想像不到是吃素食的呢。食物方面：1.不可能漢堡包 $128（評分：9／10）漢堡包份量很大，”牛肉”很厚，吃起來很juicy，很有肉味，味道有點像豬肉，如果不說這是素肉，味道與一般漢堡包沒分別，餡料有火箭菜加意大利黑醋，令漢堡包吃起不會太漏。蕃薯條也炸得很香很脆，甜甜地幾好味～2.日式咖喱豬扒意大利飯 $108（評分：7.5／10）吉列”豬扒”味道有點像午餐肉，肉質有點鬆散，意大利飯軟硬適中，飯很大粒應該用了珍珠米，飯中有點露筍幾爽口，有很多咖哩汁，咖喱味少少辣幾好味，但汁有點過多。3.紫薯芋頭片伴葡式意粉 $88（評分：7／10）雖然說是葡式，但味道像咖喱味，有很重咖喱粉味，咪道有點辣，與想像不同。紫薯芋頭片很簿很脆，但好像與意粉不太配搭。4.魚香茄子意粉 $88 （評分：6／10）魚香茄子內的免治”豬肉”不是肉碎，肉有點大塊，味道很重Tabasco辣椒仔味，有點過辣，味道麻麻。跟餐有凍伯爵茶，很大杯很濃茶味，不過夜晚喝之後會睡不著呢～整體體驗不錯，第一次來到這麽美的素食店，很適合打卡～ 味道也算幾好味～…查看更多

相約咗幾位素mates來試試這間新派素食，本來只有7:00時段，但都願意比7:30時段我地！第一下就有一種不錯嘅印象！讚👍得兩頁簡簡單的menu，但內裡的菜式都很令人滿意魚香茄子意粉🍝 這碟已是全晚最普通的一道菜式，係好味道架！只係其他嘅更好味。不可能漢堡包- 佢用素肉去做漢堡，都非常出色，薯條就用上蕃薯條去做，食完都唔覺得有邪惡感。日式咖喱吉列豬扒意大利飯 - 唔太吉列，但好厚身 幾好味！墨西哥脆片配秘製辣莎莎醬- 呢道菜好好味！如果送酒係一流，同酒吧果碟有得揮，但呢碟好似健康啲🤣純素沙律碗 - 呢道菜很新鮮的羽衣甘藍 色彩繽紛 好fresh香草青醬螺絲粉 - 呢道菜式好香好好味，令人一試難忘，青醬唔辣但非常香！讚👍仲有杯紫薯粟子燕麥奶 - 有粟子粒粒肉 由於真係紫薯黎架 所以都會飽肚是晚很滿足，不足的地方是今晚一行五人但限聚令四人 要用板隔開😒😒 …查看更多

好耐之前已經去過深水埗店，依加開多左兩間分店，方便左好多，又可以去多啲黎食高質嘅素食啦！•🥢 不可能漢堡包 $128之前都食過其他Impossible burger，但上次食嘅有啲乾，冇左肉嘅juicy，但素年呢個唔乾，咬落都有啲‘肉汁’，同真嘅好似！搭配埋洋蔥、火箭菜同芝士，雖然芝士唔係好濃，但整體配合得幾好～番薯條好長，番薯幾甜，炸得剛好，唔會好燶•🥢 日式咖喱吉列豬扒意大利飯 $108賣相好靚，呢款新豬肉豬扒睇落同普通嘅吉列豬扒冇分別，吉列豬扒個炸皮唔厚，炸得好脆，食落冇真豬扒嘅結實質感，而係似碎豬肉蓮藕餅咁，但都一樣好食！而意大利飯配料有番茄、蘆筍、同菇，幾豐富，咖哩甜甜地，唔辣～配意大利飯都幾夾•主食送熱玄米茶/凍伯爵茶～其他小食同甜品都好吸引，不過今次太飽，下次再黎食啦！…查看更多