樂天經典 (奧海城二期)

新加坡是多元文化、多元民族的移民國家，由於地處熱帶，南洋的植物香料異常豐富，主打正宗新加坡南洋中菜的樂天經典，以熟悉的中式食材，糅合娘惹咖哩、參巴醬、香茅、班蘭葉等典型東南亞香料，演變成獨樹一幟的異鄉風味。內裡面積寬敞，坐得舒適，裝潢散發東方韻味而不落俗套。茶錢每位 $10，前菜收費為$15一碟。餐牌選擇繁多，大部分菜式都有大中小的份量可選，就算只有兩個人也可點細碟頭，不怕會造成浪費。將傳統中菜結合南洋天然香料、食材和烹調手法，以嶄新手法將懷舊味道重新演繹，為港人平時吃慣的中菜注入新鮮感，酸甜生魚片 $112將酸甜醬汁與炸酥的魚塊相搭配，色澤艷麗，叫人食指大動 ，在熱辣辣的夏日時光裡誘發食慾。酸甜開胃的醬汁調較成濃稠得宜，即時令人胃口一醒。外層粉漿不會過厚，無骨魚片啖啖肉，魚塊雪白嫩滑，炸得外脆內嫩。古早魚香老鼠粉煲 $128老鼠粉煲的名字雖然獵奇，卻是店內的人氣招牌菜式，其實是因選用的銀針粉形狀細長且兩端收窄，恰似老鼠尾巴而得名。趁著熱鍋中的窩蛋還沒熟透時，倒下特製鹹魚酸柑醬再拌勻，鹹魚獨有的濃鬱鹹香氣息瞬間四溢瀰漫。蝦肉夠大隻厚肉，肉質新鮮爽彈，老鼠粉質感煙韌爽口，彈性十足，融合稠身鹹香的湯羹，入口滑溜溜。點了兩款口感清涼而又賣相精緻的南洋甜品，趕走炎夏的暑意。水中花 $38中央飄浮著千絲萬縷的豆腐花，展現師傅的精細刀工，宛如一朵水中綻放的白菊，姿態脫俗清雅。除了帶有豆腐花本身柔嫩的質地之外，亦帶有一絲絲的獨特口感，為這道經典甜品提升層次感。三色桂花班蘭糕 $48三色糕由椰奶、班蘭和桂花果凍組成，白黃綠三色相間交錯，顏色絢麗多彩。一口咬下，三層不同的口感和味道交織在一起，糕身口感Q嫩爽滑，沁人心脾，留下清甜甘香的餘韻，甜而不膩。…查看更多

成日見人出post食樂天小籠包，連胃妹都叫大胃食吓，但始終一次都冇食過大角咀呢間樂天，竟然係食星洲美食，又幾得意喎入去開壺香片，坐定定等食先唔知蝦棗係咩，以為係蝦仁鑲嵌喺紅棗入面原來係豬肉蓉同蝦蓉溝埋，再炸到金脆食落口感似炸牛肉球，回頭率極高一直唔太喜歡老鼠粉嗰種粉粉地嘅質感，不過見幾多好評，就試吓真係令大胃刮胃相看，老鼠粉超彈牙，撈勻湯底同生蛋，唔會好鹹，好溫和加少少柑桔汁，唔帶酸味，反而有種清香盪氣蒸魚係好平凡，但加上古法二字，就忍唔住一試。黄花魚肉質嫩滑，滑到夾唔起，要用匙羹幫手，簡單調味突顯魚嘅鮮香好耐冇食夾饃，仲要係包住扣肉，唔怕肥嘅大胃自然會嗌夾包蒸得好綿，自己將塊肉夾入去，夾埋塊生菜，肉香滿滿但又中和油膩三色桂花班蘭糕聞所未聞，但睇個樣就知，係好花功夫嘅甜品，賣相出眾，味道真係有三種層次，同時又溝得埋，神級…查看更多

相約好友聚餐，真係好難諗食乜嘢，又想試吓新野，上網睇吓啲乜嘢好食，見呢間餐廳又中菜又馬來西亞菜咁好似幾特別，而且仲幾多人讚👍就過嚟試吓啦！😝😝😝餐廳位在奧海城商場內，奧運站一出就係都算幾方便，而且裝潢都幾靚幾有氣派👍一坐低我哋就急不及待睇吓個餐牌有乜嘢好食，佢個餐牌算係好多選擇，樣樣都好正咁搞到我心大心細都唔知食乜嘢好！最後我哋問侍應有乜嘢推介，佢話老鼠粉同埋炸子雞唔錯，我哋就試吓啦，我見到有喇沙有忍唔住叫咗碗，最後叫多個金銀蛋菠菜同埋甜品。佢呢度上菜都幾快，抵讚👍佢前菜好冧好粉嘅栗子同埋花生🥜入曬味好正喎！第一道上嘅係古早味老鼠粉，原來即係銀針粉，雖然我哋係叫細份，但係發現佢上枱都好大，侍應會即場倒左一啲類似鹹魚油嘅物體落去，令成兜粉即時勁香, 佢嘅老鼠粉入面都幾多輔料，有雞蛋鮮蝦冬菇肉碎蔥粒，我仲食到有少少菜甫，真係古早味道，最緊要係嗰浸鹹鹹香香嘅味道，令人唔覺唔覺食了一碗接一碗。我地點左半隻金牌脆皮燒雞($168)，即叫即炸，雞皮非常香脆，肉質多汁嫩滑，不錯👍重點係中式嘅炸子雞竟然配上馬拉風味的酸辣醬（似食海南雞嗰隻醬），酸酸辣辣又幾夾幾開胃喎！👍碗喇沙湯海鮮米線（$78）真係冇叫錯，湯頭鮮甜且濃，而且椰香味十足，湯幾好飲！材料幾多，有半隻溏心蛋，蝦，魚肉和蟹棒，有星馬嘅風味！配上我哋香港人最鍾意食的米線，又同樣地夾和無違和！金銀蛋菠菜（$85）不過不失，鹹蛋皮蛋雞蛋再加肉碎，我係為咗健康點想吃多點菜點佢，想不到佢成為最搶手的，第一碟KO😂人人也愛吃菜😂最後想甜品也令我驚喜😍我地點左三色桂花班蘭糕($38)和一碗椰子西米露湯圓($38)佢嘅湯圓都幾煙韌，中間係黑芝麻椰絲，清清地唔錯👍而個三色桂花班蘭糕簡直就是代表這間餐廳，三層入面包含中式桂花糕，馬拉椰汁糕同埋班蘭糕，有桂花嘅清香又有椰汁嘅香甜，甜而不膩，好特別又好好食，呢個必食！推薦！😍👍👍👍整體來講佢嘅fusion菜都幾特別和高質，經理和侍應服務態度都很好，令整頓晚餐很愉快，會有下次👍———————————————————店名：樂天經典 環境🏝：8.3/10服務💁🏼‍♀️：8.5/10 價錢💰：7/10食物質素🍝：8/10 整體🙆🏻‍♂️：8.3/10 地址:大角咀海庭道18號奧海城二期UG樓UG09號…查看更多

旺角鬧市地帶，一直都知道逢中午或晚上繁忙時間，要搵位泊車真的難過登天。原本約了朋友晚上去吃餐好的，而且幸運地今天不用遲收工，但偏偏就在最繁忙的晚餐時段，大概7點至7點半左右的時間在旺角真的很難幸運地泊到車。所以轉戰去了奧海城覓食。逛逛商場，看到了一間中式菜餚的餐廳「樂天經典」，心想是不是就是「樂天皇朝」的分支呢？在門口望多兩望餐牌，朋友又網上查查，原來真係樂天王朝集團旗下的一間南洋風味中菜。那...一定有保證吧！而我倆對南洋菜同食材產生好奇所以就決定一試侍應先安排我們坐卡位，闊落又舒服，圓枱方枱齊備,眼望人流都挺多的，裝潢跟「樂天皇朝」有所出入，因為「樂天經典」感覺氣派一點，沒有「樂天皇朝」那種時尚風。餐廳面積亦比想像中大，為什麼是想像中呢？因為相對性門口其實挺細的！侍應先給我們端來愛喝的普洱，用了閃亮亮的懷舊銅壼，非常耀眼！而且同時送上糖漬栗子及憫煮過既花生作為開胃小吃...喜歡栗子那種少甜的味道👀前菜$15而茶芥每位是$7餐牌款式真的非常豐富，正如「樂天經典」的名字一樣，樣樣夠經典，平時好少見到！菜品烹飪方式就包含了一些泰國、印尼、馬來西亞和新加坡的特色再演變做中式菜。可見每一道菜都吸引，心大又心細...最終點了幾款！🍴南洋美食之旅開始啦...最快來到的是蒜香紅海蜇頭＄75這道爽脆帶點少香辣又再帶點蒜香的紅海蜇頭，可更是配飯前小吃的絕佳『良伴』！蜇頭非常大件食落又爽口，肉質較海蜇厚我們再加上酸甜的汁，好易亦都好快就食完了，前菜一流！呢度菜式可以自由選擇大中小份量非常欣賞，啱晒不同人的需要。好像我不吃招牌扣肉包的，但朋友非常想吃就點了一個...招牌扣肉包$22/個上枱時已經好邪惡，不過眼見扣肉就不算太肥膩，入面有紅燒扣肉、少量芫荽少量生菜再外面用麵包夾實。五花腩即扣肉未至入口溶化，但真係濃味既，五花腩在的心中是非常難烹調的，要做到鬆化又入味絕對係考廚師的功架！呢度相當不錯的，朋友更說扣肉好多肉汁而麵包又夠鬆軟暖笠笠，叫我都試一試。試過後確實比想像中沒有太多的油膩感。不錯！苦瓜炒蛋 $63其實識我的都知道我不吃苦瓜的，因為因為因為.....太苦了我朋友想食之餘連侍應都推介，那我只好試試這樣家常菜的味道吧賣相上還好，沒有太多的苦瓜的甘味...只帶點點甘味溶入蛋香次中...十分出色，可能蛋香味更濃，與苦瓜甘香甜味相輔相成。仲有兩個主菜一個甜品！雲耳蒸鱸魚片 $108呢一道菜！持住中菜嘅傳統,但驚喜十足，用舌頭輕輕一推，鱸魚片滑到一片一片咁分離！因為海水生態養殖的鱸魚白玉般的魚肉細緻滑順，而雲耳有很高的營養價值， 含人體所需8種重要胺基酸、維他命和膠質，經過蒸煮後仍然爽脆香甜。主要都係簡單用咗冬菇、雲耳、金針、同埋紅棗去蒸，加咗少少豉油汁，鱸魚嘅鮮味出晒嚟。最後一個主菜係........古早魚香老鼠粉煲-小($108)老鼠粉即係平時食到既銀針粉因為個樣一模一樣的，質感亦都好似，長長少彎彎，老鼠粉熱辣辣到左，侍應將隔離既醬汁倒入再攪...出現蛋絲, 而銀針粉慢慢掛左在較杰既湯旁邊，其實好甜，同埋落中左雞蛋、鮮蝦、青蔥 同 椰菜花再搞搞搞...老鼠粉入面有菜脯粒、蝦、菜花、肉碎、 菜花、 冬菇粒、好食之餘，吃到尾仲夠熱。呢度個湯底都好鮮甜，最重要份量多！！！最後個個招牌甜品甜品必食吧！三色桂花班蘭糕 $38新嘅元素進現，三色桂花班蘭糕入面三層係..桂花糕、班蘭糕同椰汁糕而成！共有三層！食落同望落都好清新，一口咬，三層不同的口感和味道交織在一起－桂花糕入面有杞子、桂花跟啫喱有點像樣－班蘭糕晶瑩剔透聞到陣陣椰漿和班蘭葉混合的清香－椰汁糕既椰奶味重口感是一個果凍...分開咬就每樣味道都有不同感覺，好睇又好食絕對可以是招牌推介之一。我們是打包了少量東西，因為結終不想浪費食物啊！留起明天帶飯也好...試了「樂天經典」的南洋風味菜餚...其實每樣都是非常特別，但感覺又像家常味道，可能每一道菜品也帶著平民、用心去令這種風味變得更加讓各個家庭或顧客感受到港式家庭中菜一樣...【易接受・合心意・又好味・】…查看更多

黎自新加坡既樂天系列既餐廳，而我地今次黎呢間係主打南洋菜，睇佢地餐牌先知原來佢地既南洋菜係結合左南洋既食材，香料 同埋 煮食既方法~!咁姐係食咩?唔講咁多，去相喇:)黎到會先上一客小食係有憫過既花生 同埋 栗子，咸咸地+上栗子既甜味，幾好食嫁<3 而且一客小食份量都唔小好爽口既半透明海蜇 同埋 青瓜，由酸酸甜甜既醬汁+上小小辣椒 同 蒜粒，特別香口呢個招牌扣肉包對於我地黎講都好邪惡... ...呢個菜式係黎自客家，有包、紅燒扣肉、芫荽 同 生菜，唔會好厚實既包加上入口即融既五花腩，真係...好惹味呀!!!由特製既醬汁煮呢個五花腩，經唔知幾多重功夫，時間 同 心機。先會食到呢個一D都唔膩但口感好豐富既扣肉包但我地都係一件起兩件止...要留肚食其他手工豆腐外層好香，入面好滑溜，加上香口美味既菜圃、肉碎 同 係底既滑溜煎蛋，十分美味！滑溜既豆腐+上爽口既菜脯，軟硬口感一齊黎。仲可以選手微辣 / 唔辣。微辣已經好惹味，杰身既醬汁，叫埋個飯黎食就岩岩好~!呢個喇沙又香又濃又厚身，我地真係好中意，配上有嚼勁既米線同椰香十足既喇沙，仲有足料既海鮮，正呀!又鮮又嫩既銀鱈魚，肉質幾滑溜，出面煎得幾香口，夾埋個魚醬油，鮮味更突出~!如果可以再厚身D就更好喇呢個炒飯，WOR氣十足，飯粒粒粒分明，一D都唔油膩，而且唔好以為細份，就會好細份，冇3-4個人真係好難食得哂...叫呢個黎送岩岩個豆腐食，正<3用牛油炒香鹹蛋黃+埋麥皮令蝦球本身好爽口既口感更豐富。甜甜地，食下食下連D麥皮都食埋...真係好香口，同埋佢又係唔油，所以不自覺咁愈食愈多....以瓦鍋上菜，所以小心辣手呀!!! 面有生雞蛋、鮮蝦、青蔥 同 椰菜花等等。湯底好甜、香氣十足。豐富既配料令佢變得好香濃好惹味呢個檸檬鹹魚醬汁一定要記得+埋落去食呀!!!，用左D桔仔汁 同 鹹魚肉，酸鹹既鹹魚醬汁令呢個煲既味道更加升華<3撈埋一齊之後，見唔見到D老鼠粉 同 蛋絲呀!!?而且成煲會變得更加杰身更加鮮甜最後緊係黎個賣相精美既甜品喇，有齊三種味道: 桂花，椰香 同 斑蘭，三種味道都唔會COM左大家既風頭，亦唔會死甜，十分之清新<3…查看更多

食肆主打南洋菜式，裝潢簡約整潔，座位寛敝舒適，服務也很好，而且部分菜式還有大中小份量可供選擇，真的很細心。茶芥每位$8，小食一碟$15，滷水花生和粟子都很腍很好味，收費合理。藥材燉走地雞湯 藥材燉湯很足料，雞湯很鮮味，藥材味也很濃郁，份量也不少，共有六至七碗湯，燉湯後的雞肉仍然很嫩滑。招牌扣肉包 肥瘦相間的扣肉炆得很鬆化和入味，吃時不會覺得很肥膩；帶少少甜的包熱辣辣又很軟身。這道菜色雖然有點邪惡，但都值得一試。花雕雞油蒸蟹 蟹比想像中大，蟹箝很大隻，蟹肉很鮮甜而且有蟹膏。花雕味剛剛好，只需$348就能吃到一隻高質素的蟹，真的很划算，極力推薦。黃金焗蟹 端上桌時已聞到濃郁的黃金香味，蟹表面都沾滿鹹蛋黃，蟹肉很鮮甜又吃到鹹蛋黃的咸香。只需$348就能吃到一隻超大隻的黃金焗蟹，真的很划算。金銀蛋浸莧菜(小) 雖然賣相普通，但味道不錯，有很多皮蛋、鹹蛋、雞蛋和肉碎，非常足料。酸柑香茅凍 賣相很漂亮，很濃香茅味，還有蘭香子、薄荷葉和柑桔仔，甜度也剛剛好，感覺很清新涼快。三色桂花班蘭糕 甜度適中，一次過吃到三種不同味道的甜品，很是特別。…查看更多

男友最愛食廣東粵菜，但我賺佢大大碟二人食一至二碟就飽。想食不同款式除非多人一齊食否則我不會同男友食中菜。今次去這間款式又多，細細碟又坐得舒服。我們坐低叫了個茶和小食。我最愛喇沙海鮮米線，佢做到湯底同馬來西亞一樣甘好食，重椰汁味。海鮮方面有蝦、魚、蟹柳。豆腐吸收曬入面湯底，好出色，值得一試。冰鎭芥蘭我食過但冰鎮苦瓜都是第一次食啊！無想象中甘苦，非常爽脆，再點上桂花蜜糖。好清新!件鹹魚不太鹹仲有些魚香美味。馬蹄肉餅真的冇得輸！再加碗白飯，是送飯必吃！講到必食一定數到招牌扣肉包！肥魯肉加上生菜，令佢降低油膩感覺，包同肉非常熱，包在一起一齊食，非常有風味。這個菜混合好多蒜蓉、紅蔥蓉、辣醬等材料，非常美味啊！這個小食入面混合大量蝦粒、豬肉炸出来，又香吃。適合愛吃炸野的我。一粒糕滿足我三個願望,有班蘭味、桂花及椰汁味道。非常出色及甜度剛好，是一個很好完結甜品。…查看更多

好耐都未試過係星期二晚去睇戲，為左我地心愛的Minions，今日同老婆約埋同樣喜愛Minions的老友兩夫婦收工係奧運集合，食個Early Dinner再睇八點場。😁 由於節目緊湊，我地預早上Openrice搵定奧海城的食店，最後揀左呢間近來屢獲好評的'樂天經典'。好彩大家今日都唔駛加班，我地4個未到7點已經集齊係奧運站，由於仍未到晚市繁忙時間，所以不需等位已經可以安排入座。我地入座時天仍未黑，餐廳裝修好有新式中菜店的風格，枱與枱之間空間十足坐得好舒服。👍餐牌好厚，菜式種類好多，而且於餐牌內亦有對南洋風格中菜的描述，所以我地先知呢度係食南洋中菜。😆餐牌設計精美。菜式種類好多，但由於兩位女士都好揀飲擇食，所以我地係點菜時用左好多時間，點好餐時發覺天已黑了。🙈好多款菜式都有分(大)、(中)、(小)三個價錢，原先我地4個人打算點(中)的份量，但店員解釋俾我地知，原來(小)已經足夠3至4人享用，所以我地全部菜式都點了(小)，結果原來(小)都好大份。有我超喜愛的黃金蝦球，雖然兩個女士都唔食，但我都決定點。🙈餐牌內面我地發現其中一樣有特別推介: 古早魚香老鼠粉煲，我地即時上Openrice睇睇，見其他食客都有讚冇彈，所以都點左一煲。餐前小食我老婆從來都唔喜愛品嚐，但今日呢個栗子花生佢竟然讚不絕口，最後兩位女士仲清哂! 好遺憾我係唔知呢碟餐前小食係咩味道。😆我地點的燉湯上之前店員先擺放給湯煲加熱的工具，令我地全餐飯都可以品嚐到熱湯，好貼心。個燉湯好足料，我地每人先飲一碗後繼續煲住保溫。燉湯入口好滋潤，竹笙爽口富有彈性，菜膽燉得非常腍軟，味道唔太咸，好好飲。呢個店員推介的四季豆好有水準，由於櫻花蝦份量相當多，蝦味好濃配埋同樣濃味的香蒜，果然值得店員推介。脆醬美人魚好香脆，雖然我唔太喜歡吃煮過的魚，不過睇到佢地清的咁快就知味道應該唔差。西蘭花都唔錯，加上蒜頭炒香，西蘭花都炒得乾身唔油，入口爽脆。我最愛的黃金蝦球雖然用咸蛋黃整，極其邪惡，但外層又咸蛋黃咸香味十足而且有少少脆口加上蝦球的清爽，我一個人都食左4隻。呢個招牌扣肉包好彩只點了兩件，雖然非常入味亦熟得好腍軟，配上刈包油而不膩，但真係好大件，如果我地一人食一件就好難食到其他野。菜香鐵版豆腐好有特色，豆腐外層香脆，豆腐豆味香濃而且非常嫩滑配上香蔥冬菇等等的配料，清淡之餘亦好美味。酥炸豬肉蝦棗外層炸漿非常香脆，豬肉涵料豐富，豬肉鬆軟多汁混合其他配料，口感富有彈性。呢個餐牌推介的古早魚香老鼠粉煲果然好味，首先只係睇蝦的份量已知佢足料啦，老鼠粉好彈牙唔會煮得過腍口感順滑，富有鹹魚香味，配料都好多，味道好豐富，下次黎我會再點呢個老鼠粉。油浸銀鱈魚交左俾佢地三個食。雖然餐廳有熱茶提供，不過我地男士們食野都係鍾意飲杯凍飲，呢個檸檬薏米水好清新。最後食埋呢個特色甜品三色桂花班蘭糕後，我地就趕去睇戲。三色桂花班蘭糕三層有唔同口感唔同味道，呢個食法好特別。埋單每人唔駛$300，價錢合理，不過我地以為(小)的原來份量都好多，所以今餐其實係點多左要捧住個肚去睇戲，下次黎點少兩個菜都應該好夠食。…查看更多

賀一賀表姨甥女考完晒試，專登約佢食番餐，仲記得佢好似未試過南洋菜，所以，約佢嚟「樂天客棧」試試，因為食過有信心。但原來靜悄悄咁改咗名，新店叫「樂天經典」，不過，走入店內，印象中個環境跟上次嚟嘅一樣，咁其實唔知點解好哋哋佢哋會改名！言歸正傳，7:00pm嚟到客人唔到，但到8:00pm就差唔多坐滿，今晚都只喺閒日，相信周五、假日更喺絡繹不絕。咪睇佢哋門面細細，入面其實好大，枱與枱之間無一般中菜館嘅弊病排得過密，空間感足，讓人感覺舒服:)。而裝潢樸實而摩登，光猛整潔，少少古色古香嘅木架櫃用作襯托，帶出少少南洋風。打開餐牌，有餐廳嘅自我介紹，而餐牌印刷相當精美，圖文並茂，別類分得清晰，有湯品、冷盤、豆腐、肉類、海鮮、菜類、飯粉麵、星洲米線、飲品及甜品，概略計一計有近90款食物，不愁無嘢唔啱食。最貼心喺大部份菜式都設有大、中、小份量供選擇，可按人數選取適合份量，又或多心想試多啲嘢，可以揀晒細份。後頁仲介紹吓南洋中菜嘅起源，而菜式揉合南洋風味及東南亞香料，例如醬料上加入娘惹咖喱醬、參巴醬、冬蔭功醬、南洋咖啡漿……等等，有不少頗有心思嘅菜式！醬油花生、栗子 $15等表姨甥女期間，除睇睇餐牌，就吓咬吓小食，醬油花生煮得腍又有醬油香，原粒栗子唔喺好大粒，但就粉糯清甜。順帶一提，錢茶$7位之外，另收加一服務費。脆醬美人魚 $52冷盤小食貪得意揀咗個南洋小食「脆醬美人魚」，啲魚仔炸到好脆口，咬落咯咯聲，醬汁味道帶甜帶辣，辣度極微。一客有好多件，唔覺唔覺成餐飯由頭到尾都好似食唔完咁。咖啡脆雞 $92因為專登帶表姨甥女試南洋風味菜，所以，點番上次試過好食嘅「咖啡脆雞」及「青芥末蝦球」俾佢試試。個咖啡脆雞感覺上比上次做得香濃，帶甘苦味，喜歡咖啡嘅朋友應該幾啱口味，要趁快食，雞件外層有脆口感，而且肉嫩滑溜，伴點杏仁片，增添口感！青芥末蝦球 $135蝦球選用較大呎碼嘅大鮮蝦，大大粒入口基本上爽彈鮮甜，除掛滿青青綠綠嘅青芥末醬之外，仲加咗蟹籽、蘭香子及芒果粒，色彩繽紛鮮艷，而青芥末醬食起嚟都有少少攻鼻，但都喺點到即止，表姨甥女都讚好有特色。同樣，可以嘅話盡快食，因為啲大蝦喺上咗粉漿炸過，有層脆漿層，耐咗就被啲醬汁浸腍就打咗少少折扣。古早魚香老鼠粉煲 $98主食我就想試試新嘢「古早魚香老鼠粉煲」，見餐牌特別成版介紹，仲記得幾年前晌吉隆坡嘅阿羅街（大牌檔美食街）食過一道炒老鼠粉，有啲似港式乾牛河，但配海鮮料，而今次樂天經典嘅老鼠粉就濕底並以鍋上。成鍋咁上熱氣騰騰，由於打下嘅生蛋需要攪勻做成蛋花，所以，都唔可以影相影得太耐。除打蛋花，仲另備有一小碟酸柑汁及鹹魚蓉，一齊打入鍋老鼠粉（即銀針粉），撈勻就食得。內裡仲有啲蝦仁、冬菇粒、椰菜花……等等，材料豐富，鹹鹹酸酸，頗醒胃，而且份量唔講得笑，足4、5人享用。三色桂花班蘭糕 $38雖然話飽話飽，但女生嘅胃真喺異於常人，再嚟兩客甜品都話無問題，真厲害。先試一款糕點類，分別喺由桂花、班蘭及椰汁做成嘅三色糕，一客6件，只賣$38，好抵食。3款味道，個人覺得桂花味比較突出，入口冰涼，有份清爽怡人嘅感覺。招牌酸柑香茅凍 $28另一款喺果凍類，香茅凍真喺好少有，口感爽爽滑滑，滲出幽幽香茅清香，唧埋啲酸柑汁，酸爽甘甜，又有種好潤喉嚨嘅感覺。總而言之，環境舒適，服務到位，菜式既有風味，又夠特別，否則，都唔帶佢嚟試啦！…查看更多

早前係奧海城睇戲前，先和男人去食個晚餐，首選樂天客棧 (現已改名為樂天經典)，所以今餐食記係以當晚用餐環境和食物為準，現在餐牌好像也轉了。這間分店的用餐環境和樂天皇朝的極俱中式裝潢截然不同，走簡潔明亮的設計，感覺舒適。餐牌上款式眾多，沒有了小籠包系統，多了多款特色中菜、冷盤小食，連一壺壺熱花茶都有。茶介 $7/位，另需加一服務費。手工蝦棗 $68外層炸漿夠薄和脆，裡頭填滿蝦棗(蝦膠)，也加入了馬蹄增加口感，味道豐富又香口。椒鹽香酥鮮淮山 $52炸得香酥的鮮淮山，淮山咬落爽脆，簡單加上椒鹽，喜歡香脆食物既小妹食唔停。菜香鐵板豆腐 $82不得不說呢個鐵板豆腐真係好好食！熱辣辣既鐵板上放了一大件玉子豆腐，上面淋上蛋汁，食落豆腐好滑溜，加埋超惹味既榨菜肉碎，撈飯一流。麥片蝦球 （細）$132一碟有六隻蝦球 ，面頭鋪上滿滿的麥片，食落蝦肉夠爽彈，外皮沾上麥片的蝦球食落多左份脆口感，仲帶有甜甜的味道，好特別，味道唔錯添，而且就咁食個堆麥片都幾好食！三色桂花班蘭糕 $32三色糕分別係班蘭、桂花和椰子的組合，三色糕咬落煙煙韌韌，食落有椰子的香甜，桂花的清香，係一個不錯的配搭。…查看更多

都有一段時間冇外出用膳，今次同朋友聚舊，相約係大角咀。餐廳地方甚廣，裝潢設計感覺舒適，難怪座無虛席。聚寶海鮮豆腐大部份主菜有分大、中、小，3個份量，等大家唔會做大嘥鬼。呢個聚寶海鮮豆腐有4件，豆腐面佈滿有肉鬆碎，吃一口豆腐，嘩一聲，完全冇諗過口感咁嫩滑，配埋濃調既湯汁同埋海鮮粒，好食到大家搶住食最後一件。家鄉海鮮炒麵線賣相真係差左少少，但食落又真係有陣家鄉味。雖然好簡單咁用鮮蝦、魷魚、雞蛋、紅蘿蔔、芽菜和椰菜炒，但炒得夠乾爽香而且唔油膩，家既味道大概就係咁。 三色桂花班蘭糕呢個甜品賣相靚到未食已經覺得吸引，最頂係晶瑩剔透既桂花糕，味道清甜，中間係班蘭糕，不過唔太食得出，最底既椰汁糕味道最濃。整體感覺清涼，不失為一個好食既飯後甜品。 …查看更多

當晚，我們一行 4人的靚女 4人幫，約出來一個月一次的聚餐，今次飯局，選址位於奧海城的 <樂天經典> (原名為 <樂天客棧>)！ 由奧運站行入奧海城，落半層見到莎莎，直行幾個舖位，門面好細！隔離是女裝店 Mastina！:) 我們兩個先到先入座，原來這裡比預期大！ 舖位卻是三尖八角！侍應安排我們一張可容納 6人的圓枱，大家坐得鬆動舒適！ 這裡裝潢優雅而闊落，桌與桌之間有充裕空間感！讓食客在如此舒適的環境下享用美食，實在一樂也！餐牌好像一本書，大大本都幾重！圖文並茂，印刷精美，見到美食的相片，很多美食都想試！供應：南洋風格的中菜經典佳餚為主，口味多元化！包括：湯、冷盤小吃、豆腐與蛋、肉類、海鮮、菜類、素菜類、粉麵飯類、星洲米線、甜品、花茶...等；亦有多款推介的招牌菜，令大家大飽口福！另外，店方有部份菜式可供應：大、中、小份量，以適合三五知己或一大班人享用！香片 味清香而帶甘，雖然茶色淺色，入口味道都幾突出！栗子花生 起初以為是凍食，入口暖暖地，栗子甜美粉腍，花生微爽！:)比一向食到的餐前小食更有新鮮感！天麻藥膳豬肚湯 $155好幾款湯，價錢由 $155~$168 不等，我們卻是心大心細，一於由唯一已婚的姊妹選擇吧！:) 她建議點天麻藥膳豬肚湯，我們一致贊成！一盅可以夠 3至5人享用，那盅燉湯擺放在熱爐上，可以慢慢飲湯水時，煲內的湯水都仍然夠熱辣辣，燉湯中加入了天麻、豬肚、玉竹、胡椒粒、排骨、赤肉、老雞及雞腳，具有價值的保健作用，可以提神補氣、活血強身更可以抗風濕。十分足料，湯料成碟滿，胡椒的辣味霸道， 對我來說簡直是辣得要命！ 有惜食的姊妹喜歡這款湯，最終把湯渣也打包走！冰鎮苦瓜 $42新鮮苦瓜刨成薄片，彎曲薄透！ 冰鎮保持口感涼浸浸、清爽微苦，:)  甜美的桂花蜜有助中和苦瓜甘味，食起來更容易入口！蒜香紅海蜇頭 $72送上桌只是一小兜，海蜇頭件數不多！:( 有姊妹強調海蜇頭本身都幾貴！晶瑩剔透的海蜇頭，爽口帶嚼勁，可能加入蒜頭的關係，入口酸辣帶麻！ 挺開胃又好辣！不食辣的話，可以一嚐黃瓜，只有表面微辣，沒有好似海蜇頭那麼入味！招牌扣肉包 $88 ($22/件)我嚷著要點的！ 很多謝她們三位陪我食如此邪惡的扣肉！扣肉先蒸後炸，以特製的柱侯醬炒香後蒸煮；脂肪與瘦肉相間，肉質軟腍鬆化，脂肪入口即溶，豬皮也同樣入味兼有彈性！以薄身饅頭夾包連生菜夾住來品嚐，口感豐富！ 令我想起上海菜的美饌蜜汁火方！咖啡脆雞 (小) $92雞肉吸收咖啡精華，甘而甜美的口味，表面深啡色，外脆內軟，雞肉嫩滑多汁，略嫌大件！ 食起來有點論盡，與杏仁片同食，增添香脆口感！雙菇扒西蘭花 (中) $147秀珍菇微爽入味，冬菇軟滑入味，西蘭花清爽，中 size 的份量真是很充足， 我們都食剩，其實，四人可點小份量就足夠！:)三色桂花班蘭糕 $38三色糕由椰汁、斑蘭葉汁及杞子桂花糕組成，層次分明！ 口味多元化！當中，椰汁糕最為濃郁突出！加入大量桂花及杞子，滲出陣陣清香！杞子籽的粒粒口感！令整體口感更豐富起來！…查看更多