一休(居食屋)日本料理 (38廣場)

營業中

休息中

同朋友去麥花臣睇音樂會前來左呢到食野，我地叫左鮮茄海鮮珍寶鍋、三文魚刺身、火炙帶子壽司、火炙赤蝦壽司、蟹棒壽司，兩罐野飲，買單274$，每人大概137$，都幾抵。有機會會再來食。缺點係廁所比較暗，有點嚇人。

同朋友嚟咗呢間喺旺角嘅日本料理居食屋。位置非常就卻，正正旺角站一出行一兩分鐘就到！店舖環境寬敞，兩個人坐咗喺卡位，非常舒適，光線亦都足夠。叫咗一份三文魚刺身，一份鰻魚丼，海鮮鍋，仲有甜品，大約三百蚊左右，個人都覺得價錢合理。三文魚刺身10片三文魚刺身，魚肉都幾新鮮，唔會好大陣雪味，脂肪同肉亦都比例幾好。蒲燒鰻魚飯 $88鰻魚大約手掌咁大，燒汁偏鹹，但用嚟送飯就岩岩好！不過食晒鰻魚之後啲飯就有少少乾😖 用嘅係珍珠米，都有微微飯香。個人覺得呢個價錢來講都唔錯。蕃茄濃湯大海蝦鍋 $72有五隻大蝦，蝦肉新鮮，唔會有雪藏味亦唔梅。番茄湯濃郁，番茄控一定要試下！不過一個鍋絕對唔夠一人份量，要飽嘅話可以選擇海鮮烏冬！抹茶紅豆丸子糯米丸子包住抹茶雪糕同紅豆再配上忌廉真係冇得輸嘅組合！🥰🥰整體來講係價錢合理嘅日本料理，不過今次無使太多魚生，下次有機會再試下～

最近計劃去日本，所以睇左唔少日本美食，但仲有一段頗長既時間先到，唯有係香港搵間日式小食頂住個癮先啦。上網見到呢間旺角小店食評唔差，食物相都吸引，而且又有優惠，結果係幾個選擇中勝出。星期五晚上6點到達，當時只有一兩枱客人；即使到7點都只係得3-4成客人，係旺角呢個鬧市，晚餐時間只有呢個人流，已經說明左佢既吸引程度。晚上7:30前落單，都可以優惠價$9點黑松露珍寶赤蝦壽司同三文魚腩壽司前者只有黑松露味，沒有蝦既鮮味；後者即使係腩位，但食落欠缺鮮甜、肥美感覺，朋友果件更有少許變色(相中圈起位置)。消費滿$100，即可以優惠價$49.9試到三文魚刺身十切首先要澄清下，由於餐廳燈光所致，相片同實物存有色差，實物係比較淺既橙色。味道普通，但同肥美、鮮甜仲有一段距離。滑蛋豬扒飯 $52「BLACK LIST呢個飯」係我既飯後感。第一滑蛋已經係老蛋，一D都唔滑；第二吉列豬扒唔知炸完放左係保溫箱幾耐，炸粉完全濕哂，好難食。蜂蜜芥末炸雞 $56新鮮炸起，炸粉好薄好薄，但唔脆；雞肉無怪味，正正常常；不過我唔太中意呢度個芥未醬，味道好鹹唔甜，好奇怪。小店價錢唔貴，但食物質素認真麻麻，即使免費都唔會再黎。

要搵平民價既日式料理餐廳，緊係黎一休食啦，價錢便宜，份量大份飽肚，味道都有水準好味每次黎食都必點牛肉鍋、牛舌、炒飯、燒三文魚頭，仲有叫夠$100可優惠價+$49.9要份10片的三文魚刺身，真係好抵食今次食飯叫咗牛肉豆腐鍋，壽喜燒湯底甜甜地，牛肉同豆腐都入哂味；牛舌燒得岩岩好，唔會太乾，食落去咬口啖啖肉；蟹籽海膽炒飯都幾香，不過炒飯總係淡淡地無咩味，要自己加豉油食；海膽壽司都好好味，海膽份量都唔少呀；三文魚刺身算厚身，夠新鮮同夠凍；最後無燒三文魚頭，唯有試下燒鯖魚啦，燒鯖魚較偏乾身，肉質唔夠滑口，都係三文魚頭好味好多總結：一休好抵食，無論價錢、味道、份量都好抵食，保持到水準，每次都食到肚脹脹走如果出面食我諗埋單應該差不多貴一倍

今日小弟加班，放工嘅時候已經係午夜十二點正，一條友勁肚餓，想搵返間好嘢食吓，但心諗，應該大部分餐廳都收哂咁滯。於是就上網睇睇openrice先，見到附近有間叫一休嘅日本餐廳開到凌晨兩點，啱哂！即刻去試一試先。餐廳到十二點過後人客唔太多，我嚟到就被安排到卡位坐。因為實在太肚餓啦，所以用咗九秒九嘅時間睇餐牌，之後就即刻落咗order。先嚟係三文魚刺身，一個人食，份量算多，有成十切咁多，每片亦算厚身，滿足！之後試佢哋嘅特色壽司，三文魚卷，算係我依餐嘅主食，大大件，食哂嘅話，基本上都飽咗。不過話明要慰勞自己，當然想再食吓其他嘢啦，所以一開始都叫埋串燒。先上嘅係燒牛舌，估唔到咁有水準，牛燒得香口，食落有嘴勁，加上黑椒嘅調味，一絕！再嚟係鹽燒雞軟骨，燒到金黃色，但唔算太過油膩，同樣食佢嘅口感，鹽嘅味道亦恰到好處。以一個人嘅份量嚟講，今餐已經係超豐富啦！

相約咗三個朋友係旺角見面話想食日本野咁就去搵間日本魚生飯食而我之前食過一休感覺係唔錯而又好平價既魚生飯但上OPENRICE搵地址既時候發現唔同咗位但都去到呢間食 不過我都唔知係咪同一間上到去係唔駛等位既 我地大約七點去到人流唔算多 可以講係仲有好多吉位冇人坐咁我食咗個三文魚親子飯有三文魚刺生同埋三文魚子既飯既溫度可以接受魚生都唔算太薄切 都算入得下口以呢個價錢碗飯就一定唔大碗架喇如果大食就可能要再點下其他野食而我地係再點咗三文魚刺身食既呢個價錢有呢個數量既魚生我可以係可以既同埋都算幾好味 口感唔算 但唔可以話好新鮮 但可以接受性價比OK呢個價錢黎講呢個質素係可以的

通常想吃壽司、日本菜，大多數的人可能第一時間會考慮日式放題，貪可以嘗試很多款不同的食物而且可以無限下單。但最近幾年旺角放題質素參差，所以我寧願用差不多的價格吃散叫的日料，至少食物質素會比較有保障。這天我和很久沒見面的中學同學聚會，就選擇了這間位於朗豪坊附近的「一休日本料理」。這間餐廳絕對是滄海遺珠，客人並不是特別多，隨時Walk-in都有位置。來張食物全相，這麼多東西也不過$575，人均算還不到$200，超級划算。我花一點點時間逐一介紹一下，皆因每樣食物都好吃，無法捨棄其一。首先是三文魚刺身，這個刺身好像是要點滿150元才可以半價（$40）下單，一共十片三文魚。黃白相間，顏色鮮豔，肥美而且鮮甜。黑松露三文魚沙律，生菜清脆爽口，三文魚切成骰子大小，用沙律醬拌過，但撈著生菜吃不會膩，很開胃，唯一缺點是黑松露味不是很重。壽司拼盤（戀火），原價$198但是在7點半前下單就可以打八五折，一共14塊壽司。這盤壽司非常霸氣，分量很足，重點推介原隻鮑魚壽司、海膽壽司和超肥美吞拿魚腩壽司。鮑魚有半個拳頭大小，比起尋常的鮑片壽司，吃起來滿足得不得了；另外海膽壽司甘甜鮮美，伴著青瓜絲一起吃非常Fresh。而

旺角上完堂就近近地同班同學仔齊齊食晚飯.....剛好學校附近有間樓上日本料理.....由於時間尚早，晚市才剛開始，人流不算很多，兩個人霸左個四人位坐三文魚刺身肥美厚切....雖然係加錢39.9優惠享用，但完全真材實料，新鮮又甜既魚油味架!!成8大塊，感覺自己俾咁少錢但又似食放題的刺身咁.....鐵板帶子牛油燒帶子完全無雪藏的味道，係清甜的.....可能因為用左牛油燒既......五粒大大粒絕無欺場....上台時仲係鐵板熱騰騰的上....角切魚生飯雖則個珍珠飯無弄鬆成團咁....但飯量同材料都令人大叫超值.....三文魚、各種魚生、魚籽滿滿的鋪滿整個飯面.....因為魚生粒，所以味道不太出......所以都建議加錢食個三文魚會較滿足一點牛舌串燒牛舌的厚度適中加上用醬汁燒，令到個牛舌的質感較為嫩滑....鯖魚鹽燒魚油十分重的.......魚外皮香、內裡肉質嫩滑，又加上檸檬汁突出左不少的鮮味

呢度都算大, 最好既係地方枱面都夠闊落, 我同朋友今日坐咗卡位位置, 好舒適早收工仲可以趕得及7:30前落單, 食到好抵既壽司刺身!鰻魚卷 $42鰻魚多肉多汁，有幾條幼骨，入面嘅料似加州卷 有青瓜玉子蟹柳，啲飯握得啱啱好 唔會太實又唔易散左: 火炙黑松露帶子壽司 $20 (discount -3)帶子厚肉又甜 但可以燒得再香啲就好了 黑松露味唔係好重 所以普通帆立貝應該已經夠好味右: 醬皇燒皇帝蟹捧壽司 $15 (discount -2)朋友食火炙左口魚邊壽司 $9 一件魚肉夠滑，燒得亦香 啲汁多又甜三文魚刺身 $40 (優惠價)好多件 好抵食！三文魚夠肥美鮮甜 真係堅抵香芒乳酪松葉蟹卷 $52好特別既口味 感覺健康 我最鍾意酸酸地嘅芒果 配壽司食好開胃。不過乳酪味好淡，而入面食落似炸蟹棒厚燒玉子 $38真係好厚 好香蛋味 上菜時夠熱咬落夠軟熟炸芝士年糕 $28強烈推介！炸得唔會太燶太熱氣，外皮脆得剛剛好！年糕好煙韌，入面流心芝士超濃郁嘅芝士味 我食咗兩嚿仲想再食！今晚食得好滿足 樣樣好大份又好味，食飽傾飽埋單只係$277，超抵

朋友話呢度唔洗等位, 星期5 流流, 仲要約响旺角, 都知冇好野架喇... 點知一入大廈, 呢間野响一樓, 亦有指示可以行樓梯, 點知就賴野啦, 成條樓梯有半條都係痰, 係痰呀... D 人一路煲煙, 一路吐痰... 仲有一個坐响樓梯中間... 真係難頂! 几經辛苦先跨過晒D 痰入到餐廳.......特價三文魚刺身, $28/半磅, 雖然我覺得呢度冇半磅, 但几好味, 有魚味同埋夠凍, 好新鮮... 清酒煮蜆, 冇特別, 蜆肉過熟, 縮晒水, 同埋太靱.. 澳洲黑毛和牛西冷扒 - 先唔理佢係咪真係用澳洲黑毛和牛, 我地ORDER 7 成熟, 塊扒咁薄都仲有血水出, 咬落係淋, 但冇牛味, 更加唔好話係和牛啦... 用勁多D 燒汁想瞞天過海, NO WAY !牛舌, 好味, 又夠味, 又爽口... 大虾天婦羅, 有6隻都几抵食, 但調味不足, 醬汁亦偏淡... 和牛芝士紙火煱 - 首先, 果D 所謂既和牛唔知係咪真係和牛啦, 同本港手切肥牛差唔多味... 唔可以話佢唔好食既, 但唔值... 壽司類 - 差! 除左赤貝似新鮮用料, 其他果D 連賣相都唔吸引... 醋飯亦太硬 雙龍卷 - 餐