TOSS 蘇媽.蘇媽

營業中

休息中

平時食開其他分店，原來沙田都新開咗，又試試新分店桔仔薄荷梳打（凍）青桔仔梳打水味道酸甜，開胃解渴，青桔仔加上薄荷嘅配搭更清爽！非常推薦鐘意酸酸甜甜口味嘅朋友仔美祿暴龍（凍）朋友揀咗超罪惡飲品「美祿暴龍」，再加一球雲呢拿雪糕，味道更香甜一字骨肉骨茶混合中藥，香料同肉排熬製而成嘅濃湯，湯底顏色比較濃比較深，而且藥材香味都好濃郁，味道甘甜有特色。一份已經足夠一人飲2-3碗，份量夠大，有一字骨外，仲有豆卜，枝竹同冬菇等配料。店員會另外附上醬油、碎紅椒和生蒜蓉，加入後增添辛辣香氣，別有風味👍🏼特製辣椒板麵板麵配料豐富，中間有一隻半熟蛋，另有肉碎、香脆小魚乾、蝦米同炸豬油渣，味道鹹香濃郁，將配料拌勻再加上特製嘅辣椒醬，超級惹味，辣椒醬尾韻勁強，香氣濃郁，加咗辣椒醬後更加畫龍點睛

蘇媽蘇媽喺沙田終於有分店啦😍沙田店好闊落，仲有卡位添🤩餐牌有好多選擇🤩一字骨 $178肉骨茶濃郁鮮甜, 有濃厚藥材同香料嘅味道，配料豐富，一字骨份量好多，鮮嫩多汁，咬落啖啖肉，仲有枝竹、豆腐卜、冬菇，啲枝竹同豆腐卜入哂肉骨茶味椰香咖喱叻沙$86非常足料，有豆角，豆卜，芽菜，魷魚圈，蝦仁，螄蚶，魚肉卷等等，叻沙味濃，唔會好辣，非常惹味馬來西亞拉茶 熱 $32茶味夠，好滑好香 ，上面有埋泡泡真係好出色怡保白咖啡 凍$35咖啡香濃，但係又唔會太甜👍海南鴛鴦燒麵包 $52麵包甜甜的，烘得香脆，咖央充滿椰子香味，加埋厚厚牛油，味道夾得嚟好好味😍TOSS 蘇媽.蘇媽⁡📍沙田沙田正街18號新城市廣場一期1樓107號舖

新城市廣場新開Toss 蘇媽蘇媽, 食過其他間分店 所以好期待食佢, 座位安排極差,當日店員只安排3-4人枱入座, 2人枱嗰啲好耐都唔叫一張, 所有號碼都清了也不安排2人枱, 最後等左1.5hrs 經典嘅肉骨茶(一字骨)$158, 但唔可以再添熱湯, 有少少失望 (店員話係因為分支, 所以同其他分店唔一樣)檳城白咖哩油麵 $79, 味道比較啖馬來西亞拉茶 $32 味道普通由於係蘇媽蘇媽的分支, Toss行高級路線, 所以份量細啲, 價錢都貴咗,味道都淡咗, 短期內都唔會再食了 如果係為咗肉骨茶嘅就更加唔好特登嚟沙田食