掃街係唔少香港人都好喜愛嘅動作。未夠鐘食飯又掃一掃，食飽飽又要掃一掃，總之，行喺條街度見到一間間嘅小食店就會忍唔住，乜都想食！講到經典掃街地點，點可以冇葵廣？由底層行到上頂層，層層都有唔同嘢食，仲周不時低調地加入唔少新血，今次就整合返個2019年版畀大家啦！
圖﹕火麻人FB專頁
呢間舖頭主打嘅冰粉，有啲似涼粉，係重慶四川嘅小食，食落超透心涼。最創新嘅係佢哋加入唔同口味，有阿華田、水蜜桃等十幾隻味，夠晒破格！舖頭兼賣其他麻辣嘢，食完食返碗冰粉可以解辣。
圖﹕閃電雞撈FB專頁
掃街都有雞煲食！？冇錯！呢間舖就可以滿足到你任性嘅要求啦！佢哋嘅雞煲醬撈麵，配埋雞髀肉、大量芫荽同蒜，味道香濃，爭啲以為自己食緊真·雞煲呀~ 想豐富啲嘅仲可以叫返個四寶撈，花膠、雲耳、芋絲、雞脾肉通通有齊。每日限量發售50碗咋。
圖：食得多鹽酥雞、台灣香腸，有時都想試下其他台灣小食？刈包啱唔啱？呢間舖頭嘅刈包夾住厚厚嘅豬腩肉，配上菜脯、酸蘿蔔等，食落唔會覺太膩~仲有白飯魚、杏鮑菇等唔同嘅口味揀呀！
圖﹕唔好以為葵廣港味濃，就只有港式小食食呀，其實都好international啦。呢間都開咗一段時間嘅墨西哥卷舖頭，可以自選配料同汁醬，想食得邪惡可以揀牛肉、煙肉片，想食得健康啲，就可以試下牛油果沙律素食卷~
圖﹕christinayupuiying、Kikivicki
想Keep住異國風情嘅，仲有呢間土耳其外賣店~大大份嘅「轉轉燒雞肉卷」，即叫即切，裡面包滿雞肉、蕃茄、生菜等，加埋甜甜地嘅沙律醬，咬落去嗰下真係要小心啲，一個唔小心好易會跌晒啲料出嚟啊！
圖﹕呢間舖頭主打泰式飲品，當中最受歡迎嘅泰式奶茶，使用泰國茶葉，加入泰國嘅香料，飲落特別甜。佢哋仲提供沙冰、椰奶等，仲有泰劇中常見嘅粉紅凍奶，回頭率極高~
圖﹕各位珍奶狗要注意啦，想試下唔同口味嘅珍奶，不妨嚟呢間舖頭睇下有冇心水啦！呢間飲品舖選擇多元化，無論係酸奶、珍珠、芋圓、芝士奶蓋定係鮮果茶都有，口味仲要包羅萬有，牛油果配波霸又得，榴槤配酸奶又得，好多新奇配搭啊。
文﹕Kiko