嚟到大閘蟹季節，師傅梗係要推主題菜式啦。單隻大閘蟹就咁食係原汁原味，若以蟹粉入饋，只要配搭得宜，既可品嚐蟹嘅鮮味，口感同味道層次又更加多變化。今次介紹嘅京川滬菜館，旗下3個品牌推出多款加入⾜2両蟹粉嘅菜式，如果試晒，足足有16両蟹粉㗎～

⾜2両蟹粉精選菜式

蟹粉用時令⼤閘蟹⽣拆製成，師傅⼿⼯將⼤閘蟹嘅蟹⿈、蟹膏、蟹⾁同蟹腿⾁取下，炒製油封後保留⼤閘蟹嘅精華，融入各種菜餚。

蟹粉蝦球鍋巴

可作開胃菜之選嘅蟹粉蝦球鍋巴，一碟四件，以香脆嘅即炸鍋巴作為底座，再放上彈牙嘅原隻⼤海蝦球，以及調配好嘅足2両蟹粉，入口鮮上加鮮。

僅翡翠拉麵⼩籠包、翡翠江南供應

蟹粉炒粉⽪

如果你愛好粉⽪嘅煙韌口感，呢道菜就啱你喇。廚師將粉⽪同足2両蟹粉以明火快炒拌勻，⽕候控制得啱啱好，令粉⽪掛滿蟹粉但仍條條分明，亦有蟹油嘅油香，濕潤度好適中𠻹。

3個品牌均有供應

蟹粉豆腐

3個品牌均有供應

作為江南地區家傳⼾曉嘅名菜，對蟹⾁同⾖腐嘅新鮮度有一定要求。調味⽅⾯著重保留蟹粉嘅鮮濃味道，同時要突出鹹滑鮮⾹嘅滋味；加上控火同炒製要恰到好處，先可以保持⾖腐滑嫩嘅口感，又唔會變得太細碎，好考師傅經驗。

蟹粉芙蓉海鮮

清香嘅蟹粉芙蓉海鮮，加入⾜2両量嘅蟹粉配⾹滑嘅蒸蛋⽩，面層再鋪滿蝦仁、⽩蜆等海鮮，簡單調味已經鮮甜無比；軟嫩爽滑嘅口感，大人小朋友都啱食。

僅江南．翡翠供應

蟹粉拌⽑細麵/蟹粉河蝦仁鴛鴦⽑細麵

⼿功拉麵好考師傅功架，而在場即製嘅蘭州拉麵為最幼細嘅⽑細麵，柔韌爽滑之餘，好容易沾上⾦⿈油潤嘅足2両蟹粉。

圖左：翡翠拉麵⼩籠包、翡翠江南供應；圖右：江南．翡翠供應

蟹粉撈飯/燴飯

⾹脆嘅炒飯粒粒分明，有鑊氣又唔會太乾身，加入⾜⾜2両嘅⿈⾦蟹粉後增添一份海鮮風味，炮製出昇華版嘅黃金撈飯/燴飯。

3個品牌均有供應

另外仲有蟹粉鍋貼、蟹粉⾖苗、蟹粉娃娃菜都升級至⾜2両蟹粉。

$28嘆蟹粉小籠包

即日起至10月31日期間逢星期一至五（節日、公眾假期及10月2至4日除外），於翡翠餐飲集團旗下餐飲品牌惠顧任何⼀款蟹粉菜式，即可以優惠價$28加購翡翠招牌「蟹粉⼩籠包」⼀籠。新鮮豬⾁餡混合蟹粉，加上品牌經典嘅「⼗八摺⼩籠包」，蒸製時鎖住豐富嘅湯汁，係經典嘅大閘蟹菜式。

心動不如行動！有興趣就快啲約埋三五知己去嘆下美食！快啲bookmark定啦！    

翡翠拉麵小籠包：全線供應，訂座按此

翡翠江南：位處紅磡，訂座按此

江南. 翡翠：位處尖沙咀，訂座按此

*以上圖片只供參考，所有食品以實物為準，食品供應因餐廳而異