DEAN & DELUCA係1977年於紐約創立嘅食品雜貨店，現時於全球有60間分店，包括日本、韓國、泰國等地，今次首次踏足中國，今年秋天於澳門銀河設店，但就未有正式開業日期。即刻睇睇有咩咁勁先！

紐約總店

日本分店cafe

圖：Liang Qin

官方消息指會有3間Café，其中一間暫定有26個座位，設計將以紐約地下鐵路獨特瓦磚與大理石為基礎，再融入葡萄牙地道色彩。食物主要係麵包、蛋糕及輕食，招牌菜包括燒牛肉焦糖南瓜穀物三文治、辣蝦牛油果墨汁包、考博沙律和鹹蛋西瓜沙律，亦有藍莓雲石芝士蛋糕、柚子蛋白糖霜撻、紅絲絨蛋糕等甜品。咖啡吧除咗有美式咖啡，仲會有港式奶茶，以葡撻為靈感嘅烤吉士冰沙，係澳門店獨有架！

圖：Maiko Nakamura

一般Dean & Deluca雜貨店搜羅世界各地嘅食材，好似凍肉、芝士、麵包、零食、飲品、麵食意粉等乾貨，暫時未知澳門店會有咩賣。佢哋嘅自家品牌食品都好出名，好似果醬、調味料、沙律醬等。一系列家品亦係掃貨目標，設計簡約有型，但都幾貴吓。想當年好興嘅tote bag，你哋有冇買過呢？

圖：prinsky001

圖：kikimama0314

希望DEAN & DELUCA快啲公佈更多消息，有興趣就要密切留意住我哋嘅update喇！

文：Perrins