佐敦最近新開一間新派點心小廚，主打一系列新派創意點心，晚市更會提供小炒及海鮮等，應有盡有。 點心師傅具多年入廚經驗，每款點心都於傳統基礎下加入自己嘅小創意，如蝶豆花鮮蝦餃皇等，而且用料都唔馬虎，CP值好高！5月7日起仲推出期間限定優惠，抹茶同竹炭菠蘿包都只係$1就有，+$2可以嘆埋菠蘿油添呀～
抹茶菠蘿包（期間限定$1）、竹炭菠蘿油（期間限定$3）
只要於餐廳內堂食消費，就可以用$1價錢換購到抹茶菠蘿包及$3嘅竹炭菠蘿油，點心係每日即製，抹茶菠蘿包外層香脆麵包亦好鬆軟，帶淡淡嘅抹茶香。至於竹炭菠蘿油都一樣咁鬆軟，加埋牛油真係好吸引！ 每日限量100份，售完即止。
優惠供應時間：星期一至五 9am-12nn及星期六日9am-12nn、2-6pm
更多【新店直擊】： |
蝶豆花鮮蝦餃皇（$32）、金瑤翡翠燒賣皇（$26）
食點心又點少得蝦餃燒賣！呢度嘅蝦餃同燒賣都好真材實料，好似蝦餃嘅蝦大大隻又夠彈牙，仲加入蝶豆花令賣相更吸精。
黑金流沙包（$22）、茶果流心球（$22）
兩款點心都係即叫即蒸同炸，黑金流沙包一撕開係滿滿流心奶皇餡，而且甜度適中，有淡淡蛋皇香；而茶果流心球炸得好香脆，啱晒鍾意食香口嘢嘅朋友。
地址: 佐敦吳松街42-52號大觀樓地下A號舖
文、相: Yanica