最近第5波新冠肺炎疫情嚴重，加上氣溫急降，更加要增強免疫力，令病菌冇咁容易入侵身體。開飯仔當然問返營養師Eacy Nutrition嘅專業意見啦，佢建議大家攝取以下7種營養素，而且可以喺日常食物中天然吸收，重設計埋容易製作嘅一日三餐菜單，口味大眾化之餘，亦啱男女老少食用。

1. 優質蛋白質
可促進人體生長、修補身體組織同免疫細胞嘅主要營養素。
食物來源：新鮮肉類、海鮮、雞蛋、豆腐同奶類製品。

2. 維他命A
能維持上呼吸道黏膜組織健康，抵禦病菌入侵。留意加油烹調可以提升吸收率，但進食過多有機會令膚色變黃，唔建議過量進食。
食物來源：黃心番薯、紅蘿蔔、南瓜、菠菜同哈蜜瓜。

3. 維他命C
當中嘅抗氧化素幫助細胞抵抗自由基引致嘅損害，增加白血球產量，鞏固免疫系統。留意長時間、高溫烹調會令維他命C流失，建議以蒸、焗、少油快炒等方式烹調。
食物來源：奇異果、士多啤梨、西柚、番石榴、橙、西蘭花、紅色同黃色嘅燈籠椒。

4. 維他命D
有助身體製造抗體同白血球等免疫細胞，維持免疫系統正常運作。而飲食以外，可以每星期曬太陽2-3次，每次15-20分鐘，讓身體製造維他命D。
食物來源：菇類、三文魚、鯖魚、蛋黃同添加維他命D牛奶。

5. 鋅
保持免疫系統健康，構成蛋白質及DNA，協助某部分酵素正常運作。
食物來源：生蠔、蜆、蝦、豬潤同蛋黄。

6. 奥米加3脂肪酸
能製造其中一種白血球，亦有助鞏固細胞膜健康，阻擋外來細菌感染。
食物來源：三文魚、鯖魚、吞拿魚及沙甸魚。

7. 益生菌
增強免疫細胞，抑制腸道内嘅有害細菌。
食物來源：乳酪、泡菜及納豆。

抗疫小百科（在家飲食篇）營養師給輕微微症狀患者的餐飲建議 4個方向攝取營養+餐單：（按此）
抗疫小百科（儲糧篇）營養師分享4類食材儲糧秘訣 延長保鮮期：（按此）