3月份外賣自取繼$28優惠之外，仲有$38同$48飯餐，全部都大件夾抵食～

3月份外賣自取繼續有優惠，今期有$38同$48飯餐，全部都大件夾抵食～

四季常餐（中環 ）

中環一間人氣港式茶餐廳，主打懷舊風味嘅地道小炒飯麵，雖然喺商業區，但價錢親民，加上出品穩定，深受打工仔喜愛。幾推介滑牛炒蛋飯，炒蛋滑嫩，牛肉醃得入味又夠嫩滑，炒香白飯吸晒蛋香同肉汁，配埋秘製豉油每啖都香濃惹味，簡單又滿足；蝦仁蛋白飯就走清爽路線，蛋白炒得嫩滑冇腥味，蝦仁爽口彈牙，口感清新，適合鐘意輕盈口味嘅朋友。另有黑松露蝦仁滑蛋飯同南洋咖喱豬扒飯都唔錯㗎～

小巷弄（北角）

走台灣家常風味嘅小店，價錢實惠，口味地道，係唔少人心中嘅comfort food熱選。香酥炸豬排同鹽酥大雞排都可以自由配搭三款主食選擇，包括牛骨湯麵、牛骨湯米粉或肉燥飯。炸豬排外層香脆、肉質厚實又唔乾，鹽酥雞排則係台式鹽酥風味，香料味濃，炸得金黃酥脆，超級惹味。配牛骨湯底既麵或者米粉，湯底夠晒濃郁，飲落有牛骨嘅甘香；想食得飽肚啲可以配肉燥飯，鹹香肉碎鋪滿白飯，正宗台味。餐牌上仲有其他選擇，例如臺式麵線系列同臺式小食如蚵仔酥、酥炸花枝丸及麻辣豬耳等，好多元化。

皓廚（大角咀）

新開嘅多國菜小店，主打西式家庭料理，佢哋嘅BBQ豬肋骨肉質厚身軟腍，一咬即骨肉分離，配上甜甜哋嘅燒烤醬汁真係好惹味；意式番茄肉醬意粉就屬於經典款，番茄肉醬酸甜適中，麵條掛汁力高，每啖都食到香濃肉味。除咗以上菜式仲有幾款人氣推介，包括外脆內嫩嘅招牌德國鹹豬手、濃郁奶香嘅卡邦尼意大利麵伴溫泉蛋，以及入味又多汁嘅低溫慢煮燒春雞，鍾意西式料理嘅朋友記得bookmark！

銀杏館（灣仔）

灣仔一間主打日式家庭料理嘅餐廳，有社企背景，聘請長者工作，食得開心又有意義。人氣咖喱系列如咖喱唐揚炸雞蛋包飯好受歡迎，炸雞外脆內嫩，咖喱香而不辣；咖喱油揚露筍蛋包飯就啱唔食肉嘅朋友。而豚腩叉燒湯拉麵嘅湯底清甜，叉燒肥瘦適中，入口即化，以上套餐仲包埋日式沙律，清新解膩，配搭得啱啱好。

大三圓茶記（佐敦）

位於佐敦逸東美食廣場，主打懷舊港式茶記風味，無論係飽肚飯餐定係特色小食都一應俱全，最啱打工仔放lunch醫肚。招牌之選「爆棚巨滑豬扒配雙蛋飯」件豬扒煎到金黃香脆，厚切多汁，鋪滿飯面真係夠晒震撼，仲配埋兩隻煎蛋，蛋汁撈飯一流，邪惡得嚟又超滿足！鍾意韓風嘅朋友仔，推介你試粉麵套餐，麵款選用彈牙嘅韓國不倒翁芝士麵，配搭酸辣爽脆泡菜，香新惹味，愈食愈開胃～

OpenRice繼續為你帶嚟超抵優惠！只需$38/$48就可歎到豐富一餐，價錢超抵份量十足，輕鬆滿足你嘅味蕾需求！即日到5月1日，輸入優惠碼「YUMMY」，消費滿$50再減$10！

仲等？按此立即落單

YUMMY：https://www.openrice.com/info/takeaway/tc-YUMMY.html

天龍燒鵝（全線分店）　指定食品低至51折

以傳統廣式燒味聞名嘅燒味專門店，主打燒鵝、蜜汁叉燒、燒肉等廣式經典燒味，每日新鮮出爐，食落真係又香又入味，係附近上班族同街坊嘅熱門之選，尖峰時段仲要排隊㖭！燒鵝皮脆肉鮮，但其他燒味同樣出色，如蜜汁叉燒飯肥瘦均勻，燒到外層微焦帶脆，內裡依然軟腍 juicy。蜜糖焦香氣撲鼻，鹹甜味夾到啱啱好；想冇咁膩可以叫埋涼拌青瓜拼雲耳，青瓜爽脆多汁，雲耳彈牙，拌埋蒜蓉、麻油、鎮江醋同少少辣椒，酸酸辣辣超開胃。

泡泡麵館小廚（觀塘） 指定食品74折/全單75折

如果你鍾意食北方麵食同點心，呢間餐廳就啱晒你！餐廳主打京川滬風味，由手工小籠包、鍋貼、湯麵到滬式客飯，款款都做到地道正宗。店內手工製作嘅招牌小籠包外皮薄而不易破，輕輕夾起已經見到透光感，入面湯汁豐富，每粒小籠包都充滿肉香；香煎鍋貼底部煎到金黃香脆，內餡保持鮮嫩多汁。另外麵食同客飯推介酸辣雲吞湯麵同薑蔥油雞飯，前者酸味鮮明，辣度適中，加埋手工雲吞，皮薄餡靚；後者雞肉嫩滑，油香四溢，每塊雞件都淋上特製薑蔥醬，味道鹹香適中。除咗指定優惠仲有全單75折，好抵～

碧士文（上環） 指定食品低至58折

想搵間有特色又充滿玩味嘅小餐館？上環呢間餐館係一間特務主題餐廳，食物以創意歐陸料理為主，特別係豬扒同手工漢堡，賣相有驚喜，味道更充滿誠意！雙重特務H&M即係自家製薯蓉拼肉丸配燒汁，肉丸外層微微焦香，內裡超Juicy，肉汁鎖得緊緊，入口仲有陣陣香草同香料味。單層豬柳芝士漢堡啖啖肉，搭配香濃芝士，將芝士嘅鹹香與豬肉嘅鮮味相互襯托，特製醬汁則帶來微酸微甜嘅平衡感。

龍點心（全線分店） 指定食品73折

主打傳統同創新融合嘅港式點心專門店，點心全部新鮮製作，出品熱辣辣，唔少款式都係其他茶樓少見嘅，食落有驚喜。松露野菌晶瑩餃外皮晶瑩剔透，咬落去啖啖野菌香，加埋松露嘅獨特氣味，味道層次豐富。古法牛肉球上枱就已經聞到陣陣肉香，牛肉經過傳統方法打發，口感彈牙得嚟又唔會實晒，蘸埋喼汁更醒胃。另有鹹蛋黃墨魚燒賣、肉鬆馬拉糕、大澳蝦醬鮮魷卷等都值得一試。

泰聚（太子） 指定食品低至41折

主打正宗泰式風味，價錢親民之餘，食物選擇又多，啱晒附近嘅上班族。幾推介咖喱雞飯，咖喱醬香濃又帶少少微辣，椰奶味同香料味平衡得好好，每啖都充滿濃郁嘅泰國風味。雞肉燜得入晒味，肉質滑嫩，唔會乾柴，一啖雞一啖咖喱汁配飯，真係食到停唔到口～食完飯有甜品食先圓滿，西米糕口感煙韌帶少少Q彈，仲有淡淡嘅椰奶香，甜而不膩。餐廳選擇仲好多元化，仲有原個椰青海鮮焗飯、泰式海鮮濕炒河、冬蔭功炒飯，以及原隻泰式紅燒豬手等特色泰菜供應。

OpenRice 為你搜羅各區外賣自取驚喜優惠，只需 $28 就能享受各式美食！各區餐廳於不同日子推出 $28 超抵美食，即日到3月20日，輸入優惠碼「EAT28」，消費滿$50再減$10！

仲等？按此立即落單

EAT28: https://www.openrice.com/info/takeaway/tc-EAT28.html