黑糖珍珠奶茶呢股台風，由上年開始吹襲香港都吹咗年幾兩年喇，其中呢間台飲店，喺香港亦都開咗超過15間分店，最近仲踩過界，開多間甜品專賣！

舖頭主打芋頭、綠豆、紅豆及薏仁系列，全部都係一兜兜嘅糖水嚟，碗碗都有好多好有咬口嘅豆豆或丸子喺入面，不過就完全冇品牌嘅招牌黑糖。食晒一兜都有啲飽意。

 招牌綠豆湯 $35

招牌綠豆湯係經典台式甜品嚟，熬煮綠豆24個鐘後，再加蔗糖以慢火熬多兩個鐘製成湯汁。內有綠豆之外，仲有口感軟滑、Q彈，由蕃薯粉製作嘅粉角。

 綠豆薏仁 $35

至於綠豆薏仁，則係綠豆同粉角外，再加入埋薏仁。

 紅豆小湯圓 $40

紅豆小湯圓嘅紅豆湯微甜，嗶起除咗有紅豆之外，仲有兩款唔同顏色但味道一樣嘅白色、粉紅色小丸子。

 芋頭厚奶霜 $38

秋天好多人都鍾意食芋頭，舖頭亦有款招牌芋頭厚奶霜，芋頭由台灣直送，壓成芋泥，再加埋奶霜同小芋圓製成，芋頭味係幾濃郁嘅，粒粒芋圓亦煙韌有嚼勁。舖頭喺11月7號正式開業，頭3日每日頭100名嘅食客都有芋頭厚奶霜買一送一嘅優惠呢。

老虎堂甜品專売
地址：大角咀海庭道18號奧海城二期地下G53號舖

文：Kar
相：Tom Li