任食火鍋一向深受港人歡迎，呢間喺多區都有分店嘅台式任食火鍋，更係長期人氣爆登。佢哋有多款特色台灣湯底供應，另外亦有各種牛肉、台灣直送小食等，素來以食到飽見稱。最近餐廳更新咗menu，有幾款新品或冬日限定美食面世，粉絲們返去encore時又有新嘢可以試啦。
帝王食補薑母鴨
帝王食補薑母鴨又返嚟啦，最啱冬天食。餐廳選用台灣特產嘅土番鴨，搭配埋老薑、馬蹄、當歸等藥材熬煮湯底，再加入米酒、黑芝麻油等，盡力保留台灣傳統嘅味道。湯底滲出陣陣藥膳濃香，鴨肉味道亦濃郁。湯底滋補而不燥熱，係冬日養生之選。
牛胸爽
好多人見牛胸爽一片片白雪雪咁，就以為係牛牛嘅脂肪？誤會晒啦。牛胸係牛牛胸腔肋骨中間嘅軟骨部位，口感就好似佢個名一樣，非常爽脆。就咁食一片固然係爽，但亦可以試下夾一片牛胸爽，再夾多片牛肉一齊食，層次立時有所提升。
黑糖珍珠鮮奶
台式火鍋當然要襯返台式飲品，有冇見到黑糖珍珠鮮奶召喚緊你？黑糖濃厚香甜，搭配陣陣甘香嘅奶茶，入口香濃順滑，仲有粒粒Q彈煙韌嘅珍珠，咁先至滿足嘛。
牛大人台灣火鍋吃到飽 
分店地址：（按此）
心動不如行動！有興趣就快啲約埋三五知己去嘆下美食！快啲bookmark定啦！
*以上圖片只供參考，所有食品以實物為準. 食品供應因餐廳而異
