【飲食潮流】黃色熱潮香港初夏芒果祭

踏入初夏，除咗幫衣櫃換季之外，食嘢亦可以Make a Change。香港city’super兩間甜品店sweets house Cha Cha同Patisserie Yamakawa就一齊搞咗個芒果祭，用清甜多汁嘅芒果一新味蕾享受！

芒果芝士撻

見到面頭咁多新鮮芒果果肉粒同紅莓就已經流口水！下面係香滑嘅馬斯卡普軟芝士撻，有靚樣又有內涵，Package贏哂。

供應點：全線Patisserie Yamakawa

芒果慕絲海綿蛋糕

有成28厘米長，成班人開心Share都得，鋪滿芒果粒同紅莓嘅原味蛋糕下面仲有芒果同朱古力慕斯，層次分明得嚟仲有入口即溶嘅口感。

供應點：全線Patisserie Yamakawa

芒果慕絲米布甸蛋糕

芒果同布甸係Perfect Match，如果加埋米又會點？甜品店首次選用意大利米嚟做夾心，再搭芒果慕斯、芒果果醬同香茅味慕斯，配搭獨特而味道清新。

供應點：全線Patisserie Yamakawa

（照片由左至右）
芒果撻、芒果班戟蛋糕

想自私食嘅選擇，芒果撻有加咗開心果圍邊嘅吉士撻底，上面再加香甜芒果粒同清新橙皮絲，果香迷人。而芒果班戟蛋糕就係班戟皮包住芒果粒、輕盈忌廉同杏仁蛋糕，口感豐富。

供應點：全線Patisserie Yamakawa

北海道牛奶芒果軟雪糕

天氣熱要食軟雪糕是常識吧？sweets house Cha Cha就將招牌北海道牛奶軟雪糕加上新鮮芒果粒、清甜芒果醬、白玉丸子裝落香脆威化碗當中，啖啖香甜。

供應點：全線sweets house Cha Cha

北海道牛奶芒果芭菲杯

另一軟雪糕之選，今次依然係北海道牛奶軟雪糕同新鮮芒果，Partner換成香脆栗米片同透明啫喱，見到都覺得透心涼。

供應點：全線sweets house Cha Cha

（照片由左至右）
吉士芒果泡芙、芒果布丁泡芙

原味曲奇皮泡芙本身已經好難抗拒，一款搭幼滑吉士忌廉同芒果，另一款配香滑芒果布丁同芒果，兩種口感點揀好？一手一個就唔洗煩！

供應點：海港城Patisserie Yamakawa

city’super芒果祭
活動日期：即日起至2016年6月12日

隨時接收最新資訊
讚好OpenRice專頁！