前嗰排咪同大家介紹咗幾間任食火鍋嘅，有海鮮又有中日韓泰式，啱啱開飯仔又收到風，有間新派嘅素菜餐廳都做任食火鍋呀！不過當然係「任食素火鍋」啦！

打邊爐，湯底係其中一個點，你成餐食到啲咩味就靠晒佢喇。呢度除咗一向都提供開嘅招牌四川麻辣湯底之外，仲為一眾唔食得辛辣嘅食客，預備多咗4個新湯底：純素芝士南瓜湯、蟲草花果香湯、蘿蔔粟米胡椒湯同泰式冬蔭湯。

蟲草花果香湯

四川麻辣湯

蘿蔔粟米胡椒湯

純素芝士南瓜湯

素食火鍋，當然就會有好多菜食啦。餐廳引入咗4款由本地農場供應嘅水耕菜：浪雪生菜、芥末水菜、紅葉生菜同埋近期大熱嘅Super food羽衣甘藍。打邊爐嘅菜本身已經好好食，因為可以吸收晒湯底嘅精華，索晒啲汁嘛！呢家仲要係咁fresh嘅水耕菜，就更加入味啦。

另外，仲有唔少特色菇菌，例如羊肚菌呀、榆耳呀、新鮮野生竹笙等等，全部都係鮮鮮甜甜嘅味道。

所以如果你仲係以為素食火鍋冇肉食就好似冇乜嘢食咁，少年你真係太年輕，呢度加加埋埋有超過50款配料揀㗎，而且晚巿仲不設限時，慢慢吹水慢慢打都得，唔使滾水淥腳咁趕住埋單呀。

心齋
地址：中環花園道51號科達中心3樓
費用：$228/位

文：Kar



其他最新飲食潮流：
行便利店有新發現 紫薯牛奶 X 新出抹茶雪糕（有片）
大包整多兩籠~ 食麥兜流沙包送麥兜杯緣子
台灣西門町燒麻糬 香港都有得食 雙重抹茶試唔試得過？
 

隨時接收最新資訊
讚好OpenRice專頁！