美食博覽 2023 今日揭幕！一連五日可以嚟買多款特色美食餐飲，今年展場同樣分為公眾館同尊貴美食區，上次同大家詳細介紹有咩超值優惠、福袋同特色新品，而家睇埋有咩掃街必食同必買推介！
公眾館（Hall 1A-E，Hall 3C-D，Grand Hall）
掃街小食
粉紅芝士玉子燒（$50／份）
流心芝士玉子燒（$40／份）即叫即整，+$10 就可以升級做用紅龍果染色嘅粉紅芝士、或者明太子芝士。
攤位：Marvel Wine and Food Limited（1C-A27）
蘸醬麻糬（$40）
有抹茶、可可、紫薯三款口味，配海鹽芝士奶蓋同薄脆片。
攤位：Wendy Gourmet Company（1E-D12）
招牌三色芋圓芋泥桶（$40／桶）
一份有齊香濃芋泥、紫薯脆脆、黑糖珍珠、三色芋圓、蜜漬豆、新鮮豆花。
攤位：Worldwide Horizon Company（1B-E34）
微笑蛋蛋（$40／4隻）
有麻糬、Oreo、紅豆同朱古力四款口味選擇，麻糬偏 Q 彈口感。
攤位：Yuan Li Trading Co（1E-A17）
百寶撈（$35／碗），鱈魚燒賣拼陳皮魚蛋（$20／碗）
百寶撈可以揀麵底配四款丸，選用本地品牌許記魚旦嘅魚蛋、墨魚丸等等，再配自選醬汁，總有一款啱口味。唔想食咁飽亦可以試經典小食，鱈魚燒賣同陳皮魚蛋可以單拼或雙拼。
攤位：Bill's Food Factory Limited（1A-D15）
韓牛蒸餃拼韓國濟州豬蒸餃（$15／4粒），韓國手抓飯（$20／份）
韓牛蒸餃同州豬蒸餃都皮薄餡多，即場熱辣辣食肉汁特別豐富；韓國手抓飯就係細細份嘅飯球，上面有小銀魚、明太魚、櫻花蝦，一啖一件方便食。
攤位：King's (Hong Kong) Limited（1B-C26）
巨芝狗（$32／支）、吉拿棒（$28／客）
呢檔亦有韓式街頭小食，巨芝狗其實即係韓式炸熱狗，裡面嘅熱狗有芝士，食落特別惹味。
攤位：Kim Hyun Company Limited（1A-D16）
韓式 Macaron （$58／2件、$110／4件、$230／10件）
韓式 Macaron 比較厚身，加上顏色繽紛好啱打卡，有檸檬乳酪、伯爵奶茶、海鹽焦糖、OREO 曲奇、脆脆摩卡、香蕉牛奶、士多啤梨等唔同口味任揀。
攤位：Kim Hyun Company Limited（1A-D16）
芒果班戟（$35），鮮芒果雙色奶凍（$20），鮮芒果布甸（$20），芒果糯米糍（$20／個），芒果千層蛋糕（$25），呂宋芒果乾（$55），芒果糯米飯（$55），鮮芒果汁（$35），楊枝甘露（$35）
呢度有齊咁多款用菲律賓呂宋芒製作嘅甜品，芒果控必到！
攤位：Crown Mango Expert Limited（1A-E25）
日本酥皮鯛魚燒（$28／件、$45／2件），鹽燒西班牙牛舌串（$28／串、$40／2串）
日本直送嘅酥皮鯛魚燒有紅豆、吉士、朱古力、甜薯四款口味選擇，鹽燒西班牙牛舌串就勝在有車厘茄幫手解膩。
攤位：Gold China Development Limited（1A-B11）
大腸包小腸（$35）
台式嘅大腸包小腸，即係糯米腸包香腸，加上蒜片同青瓜，帶出香腸肉香同時解膩。
攤位：Wise Food Company Limited（1B-B25）
度小月肉燥飯（$18／碗、$30／2碗），黑橋牌現烤香腸（原味$12／條、$20／2條）
掃貨掃到肚餓，可以嚟食台式肉燥飯同香腸，試完啱心水仲可以買罐裝肉燥同冷凍香腸啊。
攤位：Wah Kee Wing Cheong Limited（1C-D10）
長洲大魚蛋（$26／3粒），蜜燒一口紫番薯（$20／10粒）
長洲大魚蛋用日式咖喱醬煮成，唔會太辣；蜜燒一口紫番薯細細粒、甜甜哋易入口。
攤位：Global Champion Food Co., Ltd（1A-E19）
芝士焗日式豆腐棒（$15／件）
用日式豆腐棒，加上芝士即叫即焗，再加上沙律醬，簡單好味。
攤位：Aji-No-Chinmi Company (Hong Kong) Ltd（1B-C02）
無酒精雞尾酒（$50／杯）
選用西班牙 0 酒精果味香檳調配而成，有藍檸、荔枝、熱情果、菠蘿、青蘋果、士多啤梨口味選擇。
攤位：Marvel Wine and Food Limited（1C-A27）
掃貨必買
Milk Top 布甸（$95／5樽）
奶茶、芝士為限定口味，另有曲奇、朱古力、香濃黑芝麻、草莓、宇治抹茶口味。
攤位：Hokkaido Marche Hong Kong Ltd（1D-C18）
生乳爆漿千層吐司（$50／份）
有朱古力、士多啤梨同檸檬三款口味，最方便係冷凍可以保存三個月，幾時想食先食。
攤位：Gooday Productions Limited（3C-E13）
韓國美人桃（$138／盒）
標榜由 K-Fruit Oppa 嚴選，有 12 度甜度保證。
攤位：Top Weal Limited（1E-B18）
岡山晴王青提子（$360／1束）
只有日本岡山縣種植嘅先可以叫晴王，特色係果肉大粒飽滿、清甜多汁。
攤位：Aji-No-Chinmi Company (Hong Kong) Ltd（1B-C02）
港茶酒系列（$65／支、 $180／3支）
最新推出嘅「加柚」用咗柚子同西柚，再加上西西里檸檬汁同青瓜，酸甜開胃好啱夏天飲。同系列亦有「魔檸」同「爆菊」兩款，香港製造。
攤位：LinkedVino Enterprises Limited（1C-A23）
腐乳鮮蝦水餃（$35／包）
本地腐乳品牌巨樹牌新出嘅手工餃子，用咗自家白腐乳配搭豬肉同鮮蝦、香港製造。
攤位：Foundation Agents Limited（1B-C07）
日式牛肉冷凍包（$30／包、$55／2包），日式炭火燒雞肉冷凍包（$46／包、$80／2包）
買返屋企，隨時隨地都可以輕鬆還原日本連鎖店 Sukiya 嘅風味！
攤位：Wah Kee Wing Cheong Limited（1C-D10）
尊貴美食區（Hall 3B）
梅光軒醬油拉麵（$60／碗）
嚟自北海道旭川市嘅拉麵店，本店曾奪得米芝蓮指南北海道特別版推介，今次特別推出生拉麵連湯包（不含叉燒及筍絲，$38／包、$50／2包），可以現場先試啱唔啱口味再入貨。
攤位：Aplex Capital Holdings Limited（3B-A02）
芋の唄淮生抹茶蕎麥麵（$25／碗）
日本品牌芋の唄出產嘅淮山泥即將登陸香港，今次美食博覽先畀大家試試，配搭抹茶蕎麥麵，口感滑溜易入口。
攤位：Aplex Capital Holdings Limited（3B-A02）
青森青肉蜜瓜（$20／件）
蜜瓜味清甜、咬落多汁而香味濃郁。
攤位：Aplex Capital Holdings Limited（3B-A02）
白桃氣泡蜂蜜酒（$328／支），芭樂氣泡蜂蜜酒（$50／杯）
香港城釀主打氣泡蜂蜜酒，樽裝最新嘅係同酒鬼@drunkard合作推出嘅白桃氣泡蜂蜜酒，用15%日本桃汁加入蜂蜜釀造，好易入口、甜而不膩。芭樂氣泡蜂蜜酒杯邊更會沾上一圈梅子粉，帶起芭樂嘅清新香氣。
攤位：City Brew (HK) Ltd（3B-A07）
《進擊的巨人》梅酒（$380／套、$700／2套）
日本人氣動漫《進擊的巨人》聯名梅酒係同大山町夢工房合作，一套兩支分別選用鶯宿梅同南高梅製作，各帶飽滿醇厚同輕盈酸甜嘅特質，買嚟收藏或者送禮都好啱。
攤位：Wine Spirit Limited（3B-B02）
男山本店蒼天伝大吟醸（$560／支），加藤酒造店金鶴大吟醸（$499／支）
呢度買日本清酒好抵，因為會場做緊買 2 支或以上低至半價優惠！蒼天伝大吟醸係金賞受賞酒，香氣華麗、口感圓潤，建議配搭壽司或刺身。金鶴大吟醸口感細膩、回味清澈，建議配搭白身魚刺身。
攤位：LY Drinks & Bites Limited（3B-B20）
手切西班牙黑毛豬後腿（$120／200g）
尊貴美食區有咁多靚酒，當然亦有送酒小食。呢度嘅手切西班牙黑毛豬後腿係橡果餵飼，58 個月風乾，油脂豐腴、味道甘香。
攤位：Diverxu Limited（3B-D07）
Fur Boss Coffee Drip Bag（$96／盒）
今年繼續有精品咖啡，呢間咖啡店就帶咗自家炒嘅咖啡豆，有一包包原豆、亦有掛耳包，加上柴犬包裝簡直人見人愛。
攤位：Black Sugar Limited（3B-E20）
冷泡咖啡（$60起），馬德蓮（$28／件、$60／3件）
亦有咖啡可以即飲即提神，好似呢間咖啡店就提供手沖咖啡、冷泡咖啡同咖啡湯力，更有自家烘焙嘅馬德蓮同司康餅畀大家配咖啡。
攤位：First Place Coffee Limited（3B-E22）
美食博覽詳情：
第 33 屆美食博覽
日期：2023 年 8 月 17 日（星期四）至 21 日（星期一）
地址：香港島灣仔博覽道 1 號香港會議展覽中心
購票指南及開放時間：https://bit.ly/3s0t29w
文：Cathy.H
相：Reol Wong
