 | 環迴深圳 04年開始撰寫網上食評， 在不同飲食界網站發表近二千篇文章，亦曾為飲食雜誌介紹本地食肆及撰寫深圳飲食小冊子，足跡遍及深港澳。fb專頁：foodiephilip |
如果大家試過幫襯酒樓，一夠鐘就熄冷氣熄燈，服務員一窩蜂走去訓覺，又有人落場，自已一檯人要三扒兩撥趕住走，心裡總有點不是味兒吧？在國營酒家主宰的年代，「做又三十六，唔做又三十六」那愛理不理的態度，的確令人反感。
隨著改革及外地品牌的引入，逐漸出現新一代食肆，各具特色，帶來喚然一新的氣象。
從四川崛起的海底撈，1994年開始進駐北京，之後足跡遍及上海、廣州，到2011年更落戶深圳。
今次特意提起這間連鎖食肆，除了裝潢及價錢大眾化之外，食物亦有一定水準，但最為人欣賞的，一定是服務員的專業態度，足以顛覆整個行業。
店方在等候區設有座位，提供小食及飲品。若嫌太悶？又可以下棋、上網，就連免費修甲也有；如果有小朋友亦不用分神，因店內設有兒童遊戲室，更有專人負責照顧，大小通殺，真的有夠細心。
年前曾拉隊北上，四十人佔據了場中一角，八人一檯啱啱好，有點大鑊飯的氣勢，而絲毫不覺狹逼。當大家就座，先放上一份膠套給客人，原來是用作保護電話，再來是按各人有否配戴眼鏡發給眼鏡布，以免水蒸氣弄濕眼鏡。
此外，服務員主動清潔及細心的回應，環顧中港，確實少見。
整餐午膳不到兩小時，單是遞熱毛巾已超過三次，開餐前送上一人一圍巾，細心得令人滿意，換轉在香港 ? 也許五星級酒店亦未必有如此周到的服務。
順帶一提杭州外婆家，大概在前年年尾在KK Mall開業，首月每晚已有幾十人聚集等位，而餐廳只得兩間廂房，走的是型格路線。當中有一個怪現象，就算卡座只得兩位少女用餐，整檯依然會放滿食物，如閣下翻看一下餐牌，便會發覺每份十元八塊有交易，當日跟八位朋友包房，埋單才不到$800，很難相信吧？
既有平民食肆，當然也有浮誇的餐館；像俏江南偌大的廂房、極具豪氣的水晶吊燈，用來招呼朋友一點都不失禮，部份食物亦充滿玩味，偶爾試試亦無妨。
其實隨著外省人士在深圳定居，引致北水南移，地方食肆遍地開花、百家爭鳴，要服務有服務、要性價比有性價比，深圳的確是個有趣的地方。
※上述內容純屬作者個人意見，不代表本網立場。※