日本菜一向都係港人嘅Comfort food，但平時食就食得多，知唔知原來食魚生都可以催旺運勢呢？日本一直有個民間傳說，喺新年食指定魚生的話就可以增強來年運勢，包括長壽、升職同一帆風順。以下三款水產喺日本全部寓意好運，春節又就快到，今年新年一於食下魚生攞個好意頭啦！

寓意長壽 鯛魚

日本豐收之神惠比壽曾經手執鯛魚現身，所以鯛魚喺日本地位好高，節慶日子食鯛魚一直都係日本傳統。因為有啲鯛魚可以喺海洋存活達40年以上，所以呢種水產被視為長壽象徵。鯛魚除咗可帶嚟好運同長壽外，因為低卡路里同蛋白質含量高而成為唔少人健康飲食之選！

升職之選 油甘魚

日本油甘魚又名「出世魚」，個名會因應成長階段而有變化，就好似人喺社會上步步晉升一樣，所以油甘魚有升職同成功嘅寓意。另外，油甘魚嘅魚油對身體有唔少好處，包括防止患上心血管疾病的同增強嬰幼兒腦部發育。而且呢個季節食油甘魚會特別肥美。

一帆風順 帆立貝

因為形狀同帆船相似同埋游水姿態有如乘風啟航一樣。帆立貝有一帆風順之意。冬天帆立貝嘅牛磺酸含量較高，可以紓緩疲勞同強化肝臟。因為冬季帆立貝當造，所以食落特別鮮味。

資料由客戶提供