成日聽到Gelato、意式雪糕，咁到底同普通雪糕有咩分別呢？XTC Gelato嘅雪糕專家話做得正宗嘅意式雪糕成份應該係多奶、少忌廉，著重食材原味。比起一般雪糕，意式雪糕質感更軟滑、味道更濃郁嘅同時，佢嘅脂肪比例其實係低過一般雪糕10%！
當日大家試咗四種口味：朱古力雪糕、奶茶雪糕、芒果同雪葩荔枝玫瑰花瓣雪葩，全部都係喺香港本地廠房新鮮製作，冇色素亦冇添加劑，食多多都唔怕！
除咗用威化脆筒裝住食，大家仲可以選擇用朱古力餅夾住做雪糕三文治食！綜合會員同開飯仔分享嘅心得，無論係襯色抑或味道，朱古力餅似乎同奶茶味雪糕最匹配！
邊種口味最受歡迎？答案係新推出嘅期間限定口味——荔枝玫瑰花瓣味，唔少女仔都話鐘意佢食落既清新又香甜，贏哂！
隨時接收最新資訊
讚好OpenRice專頁！