香港有幾多日式拉麵Fans，剩係睇香港有幾多拉麵店就知一二。如果自問香港拉麵都已經食得七七八八，想去日本潮聖嘅話可以考慮去東京拉麵展！分第1同2幕，每幕都有18間唔同地區嘅拉麵店參加，而且仲係免費入場！

第1同第2幕分別係10月27號至11月1號，同11月2號至11月6號。入場費全免，但要食拉麵就要畀850円買飛，一張飛換一碗拉麵。

最爽歪歪嘅地方當然係方便，因為去一個場地就試到嚟自唔同地區嘅特色拉麵，包括旭川嘅醬油味拉麵、宮崎嘅濃厚豚骨拉麵、札幌嘅味噌拉麵，甚至係久留米元祖豚骨拉麵！

而且供應嘅拉麵會比正常分量細少少，場地又提供帳篷畀大家慢慢食，搵多幾個朋友一齊開心Share就可以試多幾款啦。

東京ラーメンショー2016
活動日期：
第一幕：2016年10月27日至10月31日 10:00 - 21:00 (11月1日為10:00 - 18:00)
第一幕：2016年11月2日至11月6日 10:00 - 21:00 (11月6日為10:00 - 18:00)
地址：東京世田谷區駒澤公園1-1駒澤奧林匹克公園中央廣場

資料來源：東京ラーメンショー2016