唔少平時去日本仲密過返鄉下嘅朋友仔，或者鐘情日本海鮮嘅朋友仔應該都知道築地市場即將搬遷嘅消息。雖然暫時仲未知幾時搬去新嘅豐洲市場，不過喺啱啱過去嘅19號，有間叫「築地魚河岸」嘅市場就率先開始試業，到底佢係咩來頭？
築地魚河岸位於築地場外市場嘅小田原橋棟同海幸橋棟，係一個總共佔地7500萬平方米嘅水產同水果市場，有55間供應商。本來係為咗振興築地市場搬遷後留喺原地嘅場外市場，而家就被視為係築地市場搬遷時間未定嘅一個緩衝。
一樓係市場，有齊唔同新鮮海鮮同蔬菜水果，築地市場見到嘅鮪魚即場解體呢度都會見得到！不過大家記得留意，雖然營業時間係由清晨五點到下晝三點，但其實早上九點前只開放畀飲食店賣手做批發，其他人就要等到九點後啦。
二樓係授權人士先可以進入嘅事務所同倉庫，所以對市民同遊客嚟講，另一重點應該係三樓由朝早七點開放到下晝兩點嘅魚美食市場，唔單止有新鮮海鮮，仲有中華料理、咖喱、炸物同咖啡店。
當然，嚟到築地當然主要係想食到最新鮮嘅海鮮，所以暫時嚟睇海鮮店都係最受歡迎嘅。
有記者行過之後覺得新嘅築地魚河岸始終係室內，特別喺冬天會比場外市場優勝，而且環境整潔，有望成為旅遊熱點！大家又點睇？
開飯編輯推介：
3. 10月份好評餐廳十強
熱門文章推介：
3. 5間新晉龍蝦包餐廳大比拼
隨時接收最新資訊
讚好OpenRice專頁！